" رجعت البيت ولقيت الخبر وصل قدامي لي ابوي واستقبلني من الباب "
ابوي: أخر ما اتوصلتي ليو تصاحبي اولاد ؟
انا: والله الحدث ما بتنقل الاخبار سريع كدا وبعدين تفكيرك انت برضو زيو يا سبحان الله 😔💔
ابوي: طيب يا سمر بوريك ليو
" رفع تلفونو اتصل على هاشم "
ابوي: اها يا هاشم صاح انت قلت العرس اتعطل طيب اقول ليك تعال بكرة نازل وتم عرسك وشيل مرتك وامشي الجامعة زاتها خلتها لانو البت مكانها بيت راجلها بس يلا سلام😇
" عاين لي وطلع فات اتخيلو بس 😖😖 انا مصدومة وواقفة ما عرفت ابكي ولا عرفت اعمل شنو؛ ابكي علي شنو زاتو ! على انو ابوي اللي هو مفروض يكون أكبر سند في حياتي خذلني 💔😔 ولا ابكي على امي المفروض تكون معاي في الحلوة والمرة ماشة ورا ابوي 😔💔 ولا ابكي على انو أسرتي بقتني سلعة وباعتني💔😔 ولا ابكي على المأساة الفي حياتي 😔💔 ولا ابكي على الزواج المدبر 💔 ابكي على شنو 😭💔 اتمنيت اعرس زيي وزي اي بنت لكن للاسف طلعت انا الخسرانة من كل النواحي 💔 ؛ بقيت واقفة وبفكر وفي عز الوقفة دي جا داخل مؤيد لقاني واقعة وباين علي ملامح الصدمة والخذلان "
مؤيد: سمر مالك الحاصل شنو ؟؟؟
" ما قدرت ارد ليو اصلا كان خانقاني عبرة واتفقعت بالبكاء ووقعت من طولي رفعني وحضني عليو بقى بهدي فيني صراحة اول مرة اشوفو بالحالة دي اول مرة اشوفو خايف علي وشايل همي بعد هديت شوية فهمتو الحاصل غضب وملامحو اتغيرت بقى بمشي ويجي ما قادر يستقر "
مؤيد : لالا الموضوع دا لازم يتحسم 😠
" ابوي وامي جو داخلين "
مؤيد: دا شنو يا ابوي عرس شنو البعد بكرة ؟؟؟ العرس دا مستحيل يتم 😠
ابوي : العرس دا حيتم ولو هاشم قال هسا نتمو بنتمو ✋
مؤيد : خليكم عارفين انت وامي العرس دا كان تم انا ما قاعد في البيت دا ولا ثانية
امي: دا كلام شنو يا ولدي
مؤيد : انتي بالذات طول عمرك كنتي ماشة ورا راجلك في الصاح والغلط ولا يوم ما كان عندك راي نفسك ولا اقول ليكم انا ولا ثانية ما قاعد في البيت دا بقيت بتخنق من الناس الفيو وانتي يا سمر انا الموضوع دا ما بخليو اصبري بس 😇
" مؤيد طلع خلى البيت امي ملامحها اتغيرت و ابوي بعاين لي "
ابوي: خليك عارفة انو ماف شي اتغير العرس حيتم
انا : اتاكدوا انو العرس دا لو تم حتطلع جنازتي تاني يوم
" طلعت اوضتي وسامعة صوت امي تبكي ساي وانا زاتي بقيت ببكي بكيت لمن نمت وما عارفة نفسي نمت متين 😔💔"
يتبع .........
عب~~ااا~رهه
هل سينتهي الأمر إذا بكيت ؟😔💔
