" بعد الحصل داك كلو بقيت ما بتكلم مع زول قافلة على نفسي وهاشم سافر وابيت افتح التلفون الجابو لي وحتى حقي قفلتو وحالتي اتدهورت ولسة مهيد وراشيناز ما رجعوا من السفر وما عارفين اي شي عن الحصل ومؤيد لسة في حالو بجي زول نوم بس ولا يوم ما فكر يجيني ويسأل مني💔 ولا يوم ما حن على حالتي والعجب امي عشان ابوي طلب منها ما تشوفني نهائي سمعت كلامو ووقفت مني💔 بعد اسبوع من العقد هاشم اتصل علي ابوي وشكى ليو مني وابوي غضب وجاني في الأوضة زهجان "
ابوي: يعني انتي قصدك شنو في البتعملي ليو دا هسا دي افتحي التلفون دا قدامي واتكلمي مع هاشم 😠
انا: شكى ليك مني يعني بدينا خلاص انا مستحيل اتكلم معاو✋
ابوي : حتتكلمي معاو وغصبا عنك كمان 😠
انا : غصبتوني اعرسو بس مستحيل تغصبوني اتكلم معاهو مستحيل 😖
ابوي: وبتجادليني كمان 😠
" ضربني كف 💔"
ابوي : انتي سلفا عارفة انو غير كلمتي ما بتمشي في البيت دا
انا : بتضربني انا يا ابوي عشانو😭💔
" بقيت ببكي 😭😭😭💔 وهو بجوط فيني وعلى البكى والجوطة ديك جو داخلين امي و خالتو نادية ومن دون اي مقدمات شاكلت ابوي وطردتو من الأوضة وجات حضنتني وانا زدت البكى قالت لي امي تطلع تخلينا برانا بقت بتهدي فيني لحدي ما نمت في حضنها للحظة حسيت همومي كلها راحت وملكت الدنيا؛ احساس تلقى الراحة في حضن غير حضن امك💔 احساس ابوك يرميك في الشوك عشان مصالحو💔 احساس امك تخليك في حالة ميؤوس منها وما تلقاها وانت في أشد الحاجة ليها 💔 وفي النهايه تلقى الحب والحنان والراحة في حضن غير حضن امك 💔 في حضن واحدة غريبة وما عندك صلة بيها بالجد شي مؤسف 💔 بعد ساعة صحيت ولقيتها لسة جمبي وحاضناني عاينت ليها وابتسمت وقمت من حضنها قعدت في نص السرير"
انا : ما عارفة اقول ليك شنو يا خالتو نادية بالجد شكرا ليك تصدقي انا ما نمت زي النومة دي لي اكتر من اسبوعين وما حسيت بالحنان والراحة الا عندك😊❤
نادية: دا الواجب يا بتي 😊 انتي جاهلة وصغيرة وما تستاهلي البحصل في حياتك دا لكن دا القدر هو الوقعك في المصيبة دي وهو البحلك منها بس خلي ايمانك قوي واوع تضعفي مهما حصل وما تعاندي البقولو ليك بس اعملي بيو عشان كل ما تزيدي عناد كل ما عقدت الحكاية دا امتحان من ربنا واكيد حتتجاوزيو بس اصبري واتحسبني دايما يلا انا ماشة واعملي القلتو ليك
" فاتت خلتني براي حسيت انو كلامها صاح لازم اتغير وابطل في الشي البعمل فيو قمت استحميت وصليت لي ركعتين واستغفرت نضفت اوضتي وفتحت التلفون وطلعت برا المطبخ أكلت شوية وشربت لي عصير وفتحت التلفزيون قعدت احضر امي جات لقتني واستغربت مني حاولت تفتح معاي الموضوع قلت ليها القلتو لي حاعمل بيو بس تاني ما تفتحو لي الموضوع دا وبالذات انتي لأنك ما فكرتي ولا يوم انو عندك بنت محتاجة ليك 😔 بس خليك بعيدة مني كل البعد يكون احسن ورجعت اوضتي لقيت مكالمة من هاشم ما اشتغلت بيها تاني اتصل رديت "
يتبع ......
اق~ت~با~س~~هه
والنفس تميل لمن يستمسك بها حين يتركها الجميع... لمن يقاتل من. أجلها✨..لمن يعانقها عند كل صعوبه...لمن يقويها ويثق بقدرتها✨...النفس تميل لمن يميل إليها...لمن يشاركها تفاصيلها✨..لمن تلجأ إليه✨..لمن لا يتركها رغم سؤءها..النفس تميل لمن يقاسمها ..التعب💔..الفرح.. الحزن💔... و الألم 💔...النفس تميل له فيسندها✨... وتميل عنه فيقومها💪✨
