عوضي من الله انتَِ♥️

الحلقة 21

الحلقة 21 ماقبل الأخيّـرة

وصل خبر مرض رغـد الي كسـرني !
هي مش بس صاحبتي ، هي وخيتي 😭💛
مشيت وشفتها ف المستشفـى كانت مش رغـد !
كانت وحـدة تانيـة رغد الي كانت تههبل وجوهـا حلو وديما الإبتسامة في وجهها ولسانها الطويل 💛 توا ملامحها باهتـة وعيونها دابـلات ماتحملتش نشوفها طلعت لقيت جهينـة عيونها معبيات دمـوع حضنتها وبديت نبكي انا ويـاها كان عمر يشبحلي ونـادم انـه دعي عليهم بس كان دعاه ع أمها مش عليها بس ربي يبيها تحس بالنفس الوجع الي حسو بيـه " بالنسبة لـ سالمة ف أطلقت وشروق بدت تطلع مـع ولاد سمعتها توسخت بمعنى ! "
كنـا قـدام الغرفـة ونشبح لـ خولة كيف مهدود حيلها وشادة في رجل عمر : سامحني ي عمر سامحني ادعي عليا انا وخلي بنتِ تعيش !💔
سمعنا صوت حد يعيط ويجري
سنـد ! اي سنـد كان يبكي بكل قـوة ويعيط : ويننها ويننها فتح الغرفة بس مش رغد الي حبها ملامحها البريئة اختفت
قعد جنبها ومسكلها يدها : سامحيني باللهِ عليك ماتمشيش وتخليني
رغد حولت يدها : تعرف الي قتلني ي سند مش مرضي الي قتلني انتَ !
اي انتَ ، الإنسان يقدر يتجاوز المـرض مع الناس الي يحبها بس مايقدرش يتجاوز كسرة قلبه من اقرب النّاس ليه
سند كان مكسور وحيله مهدود بس محبش يظغط اعليها اكتر ف باس يدها وسحب روحه وطلع
عمر حضنه : بأذن الله ح ترجعلنا ي خوي
سنـد خش لـ دكتور : دكتور نبي تقولي ع حالة رغد
الدكتور : انتَ خوها ؟
سند : انا خطيبها
الدكتور : اوكِ ي سنـد شوف بعد التحاليل الي درناها اكتشفنا أن المرض ليه يومين فقط ! ف الشيء هدا حـ يسهل اعلينا العـلاج وحتى الجُرعات مش ح تحتاج واجـد تقريباً تلاتة أو اربعة ونديرو تحاليل تـاني ! اهم شي حالتها النفسية لان الحالة النفسية ح تساعد ع العِلاج
سند : شكراً دكتور
الدكتور : واجبي هدا بشفاء ان شاءالله
سند طلع فـرحان ومشي للمحل جابلها دب كبيير وبوكي ورد وجابلها بيتـزا لان يعرف تحبها
ومشالهـا
سنـد : شنو حبيبتي راقـدة ؟
رغـد : سند مش ناقصة اطلع
سند : اعلاش ياروحي شوفي شن جبتلك وحطلها الدب والبوكي ع الطـاولة وحط معاهم البيتزا

تعالي نتغدو مع بعض
رغـد : ماتحاولش تكون لطيف معاي في ايامي الأخيرة لو تحبني حق ماسيبتنيش
سند : اسس ماتقوليش ايامي الأخيرة ، بس لو حبيتي تمشي خوديني معاك ونزل عيونـه
مفروض تكوني عارفة شعوري ي رغد أمك قتلت امي بدم بـارد
رغد : بس انا شن دخلي
سند قرب منها وباسها : خلاص صكريه الموضوع ومسكله يدهـا : نبي نبـدا معـاك من جديد لو تكرمتي حتى لو ماتكرمتيش غصباً عنك 😌
رغد ضحكت : سنـد انسـاني مانبيش تتعلق فيا وبعدها نخليك
سند : انا قلت صكري امه الموضوع
وطق بابا وكان عمر
عمر : ممكن نخش ؟
رغد : اي تعال
عمر : اسف ي رغد كله مني
رغد : لا ماتقولش هكِ هدا قضاء ربي والحمدلله على كل شي
وطق الباب مرة تانـية وخش الدكتور
الدكتور : اهلا دكتور عمـر وينك مغيب
عمر : والله مشاغل
الدكتور : المريضة قريبتك ؟
عمر : بنت خالتي اي
الدكتور : اها اوكِ جاهزة للجرعة الأولـى ؟
سند شبحلها ومسكلها يدها
رغد : اي
الدكتور : توكلنا على الله

بعـد مرور أسبـوع انا خشيت في شهـري وتعبانة بكل كنت عند جهينة لان عمر في المستشفى ومايبيش يخليني بروحي
جهينة : تعالي ي ماما البسي
انا : يا حبيبتي سلمها تههبل بنتك
جهينة : لاني امها 😌♥️
انا : عليك ثققة
وحسيت بمغص قوووي في بطني : جهينة الحقيني وبديت نعيط
جهينة : خييرك موعدك اليوم ؟
انا : مش عارفة مش عارفة كلمي عمرر بسسرعة
جهينة وهي متوترة : حاضر تحملي شويا
رنت على عمر
جهينة : اعمر الحق مرتتك
عمر : خيرها شن في
جهينة : بتولد ي همي تعال
عمر : شنووو جاي جاي وسكر عليها
دقايـق وصل عمـر : ويينها ويينها
جهينة : في الغرفة داخل فيسع
عمر جاني يجري : تحملي حبيبتي شويا عشان خاطري
انا بعياط : كلللللله منننك انتَ كللله منك انتَ السبب
عمر : حاضر ي روحي انا السبب سامحيني غير اتحملي معاي شويا وسندها عليه وركبها في السيارة : خودي نفس ياروحي هكِ شهيق وزفير وبدي يدير في الحركـة انا من وسط وجعي ضحكت
جهينة : حي ي عمر الولادة ركبت لراسها البنية انهبلت

ووووصلنا للمستشفى وخش معاي عمر
عمر. : وينها الدكتور
الممرضة : مافيش الا دكتور واحد لنساء توا
عمر : لو تنطبق السماء ع الوطا مايولدهاش دكتور
انا : نعيييط ي حماااااااار بنممموت " مش عارفة كيف طلعت مني 😂😂😂 لكن من وجعي "
عمر : بنولدها انا
الممرضة : بس انتَ دكتور جراحة مش ولادة
عمر : نقدر انديرها ولبس لبس المستشفى ودار الكمامة وعقم يـديه : تحملي معاي شويا وساعديني
انا : عمررر بنموتتت والله
عمر : حبيبتي توا بنخدروك ي روحي تمام ؟ لان ح تولدي بعملية توأم مافيش كيف طبيعي
انا : اي شي ي عمر المهم نفتك من الوجع
عمر خدرني وبدي في العملية
شوي وفتحت عيوني وكنت تعبانة بكـل لقيت عمر فوق راسي : الحمدلله ع سلامتـكك ي روحي
وباسنـي 💛💋
انا : الله يسلمك يارب ، وينهم ؟
عمر : شوي ونجيبهم في الحضانة قاعدين
انا : حالتهم كويسة ؟
عمر : اي الحمدلله وقرب مني من هو الحمار ؟
انا : سامحني والله ماكنت بوعيي وانتَ قهرتني يعني انا بنولد وانت تقول جيبولي دكتورة
عمر :  ـ كل شعـور نقدر نتغلبه ؛ الا الغـيره تهزمني 🥺🔥.
انا مسكلته خدوده : كيف مايقولو الشراقة نعليا منك 🔥
وخشت اعلينا الممرضة وكانت ماسكـة التوأم كانو كيووت
انا : ي عمرري محلاهم 😍
وخشت اعلينا جهينة وماما ونورس وخالتي
وقعمزو معااي شويا وطلعو خلوني نرتاح وغيرت دبش المستشفى ورقددت

_____________
عند سنـد كانت رغد تعبانة

سند شد الدكتور من سوريته : تعرف لو تصيرلها حاجة ندفنك وانتَ حيي
قيس ومراد شدوه : امسك روحك ي راجل
سند : مش قاددر خايف علييها بنموت لو تصيرلها حاجة
مراد : بأدن الله خير
سند قعمز وراسه سانده ع الحيط ويفكر وقيس ومراد بحداه
ليين طلع الدكتور : حالتها كويسة حالياً ودرنا التحاليل وبنشوفو النتيجة
مراد خبطه على ضهره ؛ نوض شوفها
سند : مش قادر نشوفها تعبانة ومش بيدي شي
قيس : امشي ي راجـل
سنذ طق وخش كانت راقد وشعرها كان طايح منه شويا ومرر يده ع خدها : ملاكي الجميل 💛 ح تولي أحسن • قـاومتـك بـس معـاش قـدرت أنتِ خـارج حـدود المقـاومـه وبنحاول نبعد والله ماني قادر 💔🖇
رغد فتحت عيونهـا
سند : عيونـكك تاخدني لمكان تـاني ونضيع معاهم
رغـد ابتسمت : حبـك مايتقارنش بأي حب ، حتى الوجع منك غير💔
سند غمض عيونه : نوعـدكك نكـونن معـاكك في كـل مَـرة ومُـرة ♥️♥️. وعد مني مش حنزعلك ومدلها صبعه الصغير
رغد ابتسمت ودارت نفس حركته
وطق الدكتور
الدكتور : كيف حالك رغد ؟
رغد : الحمدلله احسن
الدكتور : طلعت نتايج التحاليل وكانـت .....

غدوا حـ تكون اخر حلقة 🔥❤️
شن متوقعين نتيجة التحاليـل ؟