عوضي من الله انتَِ♥️

الحلقة11

الحلقة 11

سامحوني ع التأخيـر كنت مسافـرة 🥺💔

~~~~~~~~~

بعد مرور شهـر
انا وعمـر علاقتنا تحسنت أكثـر وحبينا بعض أكثر بس مافيش حد اعترف
أما عمار ف تصالح مع عُمر وحددو موعد الخطبة والي هو بعد غدوا
وبالنسبـة لبوهم ف قاعد معاهم وكل يوم مشاكل مع نهلـة
وماما طلقت وقاعدين مع خالتي الي قررت تستقل اهني بعد ما يتزوج ولدها
نورس وقيس الي كانو بيموتو علي بعض بس ماحدش أعترف لتاني ويهدرزو على اساس صداقة
🧡

~~~~~~~~~~~~~~~

السـاعة 7:00 🕖 
عندي أنا نضت درت دوش وبدلت ودرت مكياج خفيف وطلعت بنمشي للجامعة نشوف النتيجة وخطمت ع جهينة بناخدها مععاي

أنا : جهينة اني قدام الباب اطلعي
جهينة : انزلي اني كيف نايضة ف بنعطل شويا تعالي
انا : واااك منك ونزلت
طقيت وفتحلي سند وعيونه مغمضات
سند : انتي ديما إزعاج هككي
انا : حول ي بارد
سند حول من الباب : خشي ي إزعاج حق ليش جيتينا توا ؟ يعني مافيش أدب الزيارة ؟
انا ضحكت : لاا مافيش هدا حوشي التاني أصلاً 😂
سند أبتسم : اكيدد انتي زي أختي جهينة بالزبط
على خشة عمر الي كان لابس شورط بسس
عمر : انتَ مش حتبطل برادة يعني صحابك يجونا من لفجاري
سند : مش صاحبي هادي ياسمين
عمر اشبحلي : ااا ياسمين كيف حالك
انا دوروني معاش تلقوني من الحشمة 😬 : بخير الحمدلله خلي نمشي انشوف جوجو
وخشيت بسررعة
سند : خلي نمشي انكمل نومي تعبببان بكلل
عمر : محسسني وراك شركات مش سهران ع البنات
سند : حتى هدا عمل يستحق المجهود 😉
عمر شبحله 😏
سند : خيرك تشبحلي هكي خلي نهرب خير ومشا
عمر ضحك ومشي لغرفتـه
عندي انا وجهينة : جهينة هي وراسك
جهينة : اسكتي متوترة راه
انا : اكتر منك بس نبي نشوف النتيجة
جهينة : هي اطلعي بس لازم ناكل حاجة جيعانة
انا : بطنك ديما فاضحاتك
جهينة : الأكل قبل الوطن حبيبتي هدا الي بينفعني
انا ضحكت : احسبيني معاك
جهينة ضحكت : تم 😂

فطرنا وطلعنا وكل الطريق كنا خايفين
وصلنا ونزلنا
جهينة : حسني جاني مغص
انا : اسكتيي كان تشوفي اناا
جهينة : هي بسم الله نخشو
خشينا وكانت فيه قائمة لنجاحيـن
جهينة عيطت : نجحتيييي سوسو
انا : شنووووو وحضنتها 😍
كانت الفرحة مش سايعتنيي واخيراً تخرجت وحققت حلمي ، الحمدلله ماضاعش التعب والسهر 🤲🏻
انا : به وانتي ؟
جهينة : استني قاعدة نشوف بعدها عيطت : حتى انا نجحت 😍😍
فرحنا جدداً
بس جهينة كانت فرحتها ناقصـة
كانت تبي تروح وتحضن أمها وتفرحها بنجاحها
الأم هي السنـد والأمـان 🧡 وجهينة كانت فاقدة سندها حتى لو كانوا خوتها في ظهرها مش زي أمها
لما يكون الإنسان عايش بلا أم ح تكون حياته فاضية
" ربي يرحم كل أم ماتت ويحفظ كل ام عايشة "✨
كانت جهينة تحاول تبلع دموعها وتبان أقوى
ركبنا لسيارة وانا حسيت بالجهينة ف ماكلمتش ماما باش جهينة ماتزعلش أكثر وحبيت نغيرلها جوها
انا : وين نمشو
جهينة : اي مكان عادي
انا فتحت المسجل ع أغنيـة باي باي ي كُليـة
درنا شويا بالسيـارة وشرينا شوية حاجات من السوبر ماركت وقررنا نديرو حفلة بسيطة 😍
وصلت جهينة وروحت
كانت ماما ف الصالون تستنا فيا تبي تشوف النتجية
انا فتحت الباب ودخلت
ماما : شن صار سوسو طمنيني
انا حضنتها : الحمدلله ي ماما نجحت 😭
ماما بدت تبكي : ربي ماضيعلكش تعبك ي بنتي الحمدلله 🤲🏻

~~~~~~~~~~
عند جهينـة كان الحوش هـادي كلهم راقديـن تعبو عيونها دموع بدلت وخشت لغرفتها
عمر كان نعسسسان بس ماقدرش يرقد لين تجي ولما حس بيها جت ناض ونوض سند
عمر : نووض جهينة جت
سند كان يخترف ويقول ف كلام مش مفهوم
عمر : مش وقت الشعوذة توا نووض
سند : تي حول ي راجل
عمر عطاه ضربـة خلاته ينسى النووم اصلاً
سند : خييييييرك انهبلت ولا شن
عمر : نوووض احسن مانسعمل القوة
سند : قصدك انت مزال مش مستعملها
عمر : تي نوض اختك جت
سنذ : اوووووف هيا امشي
عمر : بنشوف رقية لو مش راقدة تمشي معانا
سند كان يمشي شويا ويلصق ف الحيط ويرقد 😂
وعمر كان ميت من الضحك عليه
مشي طق الباب وفتحتله
رقية : صباح الخير عمر
عمر : صباح النور بنقولك تعالي نشوفو جهينة شن صار فيها
رقية : تمام اني اصلاً من البداية درت منبه
مشو كلهم طقو الباب وخشو
جهينة : بسم الله خيركم شن في
رقية : شن صار نجحتي
جهينة فرحت وأبتسمت : اي الحمدلله
رقية مشت تجري وحضنتها
وعمر قعد يكبر 😂
سند كان راقد ع الحيط وانخلع : شن فيه من مات ؟
قعدو يضحكو عليه
عمر : خلاص نجحت كمل نومك
سند فرح : مبروك جهينة ومشي حضنها ورقد طول في سريرها
😂😂😂
حضن عمر جهينة ورقية خشت اضم ف الحوش بعدها رقدت
عمر : جهينة البسي بنطلعو
جهينة : وين ؟
عمر : توا نقولك
لبست جهينة وطلعو

شوي وصلو للمقبرة
جهينة : عمر اعلاش جينا هني
عمر أبتسم : باش تقولي لي امي نجحت
اني عارف انك حزينة توا وفرحتك مش كاملة  لانك متعودة ديما تبشريها اول وحدة وحس روحه انخنق من الدموع الي شاد فيهم : هيا انزلي
جهينة حضنت عمر وخشو
مشت لقبر امها وقعمزت : ماما اني نجحت وتخرجت اليوم كنت نتمنى تكوني معاي ونحضنك كنت نتمنى تردي عليا وتقوليلي مبروك ي بنتي قداش استحشت كلمة ي بنتي منك وقداش مستاحشة انادي ي ماما 💔
عمر كان واقف بعيد يسمع فيها ويبكي
قعدت خمس دقايق هكي وناضت مسحت دموعها
جهينة : اعلاش مامشيتش ؟
عمر كان عارف لو مشا مش حيمسك روحه قدام اخته وح ينهار
: توا انجي مرة تانيـة هي اركبي
روحو وعمر خش رقد وجهينة نفس الشي

~~~~~~~~
الساعة 11:30 🕦 

عندي انا نضت وخشيت للحمام " أكرمكم الله " 
ونزلت لقيت خالتي باركتلي ونورس نفس الشي
فطرنا " اني فطرت مرتين 😂"

نورس : نبو حفللة
انا : اكيدد بنديرو حفلة اني وجوجو مع بعض وكل وحدة تعزم أقاربها
نورس : وين بديروها
انا : مش عارفة لكن قالت تبي في حوشهم
نورس : اهاا به مليح 😍

~~~~~~~~
عند جهينة كلمت عمار : صباحو
عمار : صباح الخيـر ي كل الخير في سنيني 💗 وينك من بكري نحاول معاك ماتبيش تردي شن صار
جهينة : اي حبيبي بعد ما روحت من الكلية رقدت
ونجحتتت
عمار زغرت 😂: مبروك مبروووك
جهينة : ياريتك مازغرتت ي عمار وداني 😂😂😂😂
عمار : شن رايك ف الزغروتـة بأمانة 😂
جهينة : مليحة لدرجة وداني تصكرو
عمار : توا تشوفي لما تكونيي عنددي واخيراً بنخطبك غدوا
جهينة : ايي 😍 ربي يتمملنا على خير
عمار : يارب 🤲🏻
وقعدو يهدرزو
عند عمر فتح عيونه ودكر ياسمين وبعتلها مسج
" صبـاح الخيـر  💗 شن صار فيـكك ؟
عندي انا شفت المسج وأبتسمت ورديت عليه
" صباح النـور ✨ نجحت الحمدلله "
عمر
" مبروك عارف من البدايـة ، فاضية نكلمك ولا قدامك حد  ؟ "
انا
" لا فاضية رن عادي "
عمر رن طوول
أنا : اهلاا
عمر : مبرووك
انا : الله يبارك فيكك يارب
عمر : شن جوك ؟
انا : حلوو
عمر : به مدام حلو نبي نقول شي 😬
انا توثرت : امم شن بتقول ؟
عمر : هئحم بنقول اني نحبكك 🤤