عوضي من الله انتَِ♥️

الحلقة 15

الحلـقة 15

السـاعة 12 في الليـل كان عمر مع صحابـه في السيارة ع البحر
وكـان فيه مطر خفيف
عمـار كانت عيونـه ع التليفون يكلم في جهينة ومُبتسم
ومُعاد كـان باله مشغول عند نـور
أما عُمر فكان يراقب حبات المطـر الي ع الروشـن
فجئة قطع تفكيره خبطة  مُعاد على كتفـه
عمر : حاااارة ي كلب خيرك
معاد : انتَ الي خيـركك شن في ؟
أنتبـه ليهم عمار وصكر تاليفونـه : خيركم ؟
عمر شبحلهم : خال ياسمين قـال لا
معاد  : الموضوع عندي توا نمشي ناخد جماعتي ونشـدوه ونخليه يزوجهالك غدوا
عمار : اي ولا نخطفوها خطيفة
عمر ضحك : تعرفو مش خاطري نضحك لكن ضحكت
عمار : به شن رايك
عمر : انتو هبلتو ولا كيف ؟ اني حناخدها يعني ح ناخدها لكن مش بالطريقة هادي
معاد : شن الطريقة الي عندك به
عمر : بنمشيله بنحاول معـاه لو عارف روحي بنديو حرب ع خاطرها ❤️
عمار : ياما يدير الحب 😂
عمر شبحله وقرن حواجبه : ماتخلينيش نفسخ خطبتكم توا
عمار : لعب صغار هوا خلاص اهو سكتت
معاد : خيركم انتـو بنات إيديرو فيكم هكِ ؟
عمر : اسكت انتَ ي متع نـور
معاد : استر علينا الله يستر عليك
عمار : شنو منو ؟ 😂شن صاير
عمر : هدا ي صاحبي عارفها نور الي معانا ف المستشفى ولا
عمار : دكتورة التخدير ؟
عمر : ايووواه
عمار غمز لمعاد : مبروك البنيـة حلوة 😂
معاد : لم روحك احسن
عمار : بدينا نغيرو قصدك 😂
مر الـوقت وهما يهدرزو

بعد مـرور شهـرين وكان عرس جُهينة ، وياسمين وعمر أنخطبو ونورس وقيس ، ومُعاد ونور
أما مراد ورقيـة ف تعرفو على بعض وحبو بعض لكن مزال ماخطبهاش
سند قاعد من بنت لبنت ورغـد تراقب فيه من بعيد
في العـرس :
أنا كنت في المزين مع جهينة : تبـارك الله محلاك 🌸🕊
جهينة عيونها دمعو ، : عقبـال نشوفك احلى عروسة
انا : اميـن هي عمر جي قاعد برا

مانحكيلكمش ع كميـة الفـرحة الي ف عيون جهينة
عندهـا حق تزوجت الـي تحبـه "محلاه الحب والنصيب لما يجتمعوا💛

نزل عُمـر من السـيارة يساعد ف جهينة  ماباش يشبحلي لأن كان يبكي !
عمـر حضنها : بتمشي وتخلينا !💔
جهينة بدت تبكي وحضنت خوها : ربي مايحرمنيش منك ي سنـدي
انا : عمر حبيبي بكيتها خلااص هي مش هاربـة
عمر : كل يوم بنجيلكم
جهينة ضحكت : لا عاد انتَ ستانست 😂
عمر : ريتيها الفـرخة 😂
ركبنـا ف السيـارة وفتـح اغنية "أختي حبيبتي" 💛

كـان طول الـوقت ماسكلها يـدها وكان يشوفلي ف المـرايـة 💛 وكان مرة مرة ينزلو دموعـه ويمسحهم ع السّـريـع !
ليـن وصلنا
نزلها بالشـويا وكيف بتخش وجي سنـد من بعيد
سند حضنها : وخيتي كبـرت وبتتزوج ! من بيدريلي مكرونة محروقة توا 🥺
جهينة من وسط حزنها ضحكت : خزي مبردك هدا فاش فالح
سند : قاعدة شينة راه حتى بالمكياج زي عزوزة القايلة ماتغيرتيش بككل !
كان هدا الكـلام مش من قلبـه لان كان يقـول في خـاطره " محلاها وخيتي " 💛
دخلـوها الـزوز وخشت ع أسماء الله الحُسنـى 💛
أنا بكييت طـوول الزفـة تبكي فيا مش عارفة علااش خطر في بـالي أيامات الأعدادي والثانوي 💔 خطرو عليا أيامات الكليـة والتعـبْ ، خطرو عليا هدرزتنا بعد السـاعة 12 ، خطرو عليا مصايبنـا وعركاتنـا ، خطرو عليا أيامتنا الحلـوة !💔
كنت نبكي بهستيريـة كأنها بتمشي لمكان بعيد ومش حنشوفها تـاني !
لأني عـارفة ح يتغير الوضع ح نقعدو صحبات أي بس مش حنقدر نكلمها أمتا مانبي مش ح نقدر نقوللها تعاليلي مضايقة مش ح تقدر تبات عندي ولا نبات عندها !💔
لكـن نتنمالها كُل خيـر ونتمنى ربي يعطيها قبل مايعطيني 💛
وجت المصـورة صورنا مـع بعض وكنت طول الوقت بحـداها مافارقتهاش بككل
وأخيـراً جي عمـار خش هو وعُمر كنت نشوف فيهم من بعيد كان عمر يكلم ف عمـار ويوصي على جهينة ! 💔
خش عمار ورفعلها الطرحة وباسها ع جبهتها 💛
وقعمز شويا
شفت عمر طالع لحقتـه
عمر : سوسو خشي داخل مرات يجي واحد من لولاد ولا حاجة
انا : عمـر انتَ كويس ؟
عمر تنهد : اي حبيبي كويس بنستاحشها الفرخة بس
أنا مسكتله ايـده : نعرف ي روحي كنت تتمنى بوك ولا أمـك قاعدين معاك ومشاركينك فرحتك بي أختك 💔 بس هادي الدنيـا لازم الإنسـان يصبر مهما كانت مُرة
عمر أبتسملي : نحببك 💛 "أنتي عوضي من ربي "
هي خشي مانبيش حد يشوفكك
انا : تمام حبيبي
عمر غمزلي : عقبالنا 😜
انا ضحكت : ان شاءالله 💛🤲🏻
عمر طلع لقي سنـد مقعمز بروحه قعمز معاه : شن جوك
سند : جوي تماممم
عمر : لكن في حاجة شاغلة بالك نعرفك
سند شبحله : الي شاغلة بالك هي نفسها الي شاغلة بالي
عمر : ربي يرحمها ي وخـي وربي يهني جهينـة وعقبالك حتى انتَ بعدي طبعاً
سند ضحك : لا بنديروه مع بعض يعني بتخلوني بروحي
عمر : خلاص تم مع بعض
سند شبحله شويا وناض حضن عمر
جاهم قيس وبدي يصفق : شن العشق الممنوع هدا من امتا الحنية هادي وانتـو 24 ساعة تتعاركو
سند : من توا

تسريع الأحداث "♥️ روحت جهينة لشقـة بعد بكاء طوويل وعمار كان أسعد واحد فيهم ♥️ كان فرحان ب جهينة
كانو في السيارة وشاد يدها وقاللها  " نـވعـدكك انـكك و୪ مـرّة ح تكـونن بـروحكك ، ولـވ ماقدرتـش نـوقف معـاكك ح نطيـح معـاكك ♥️♥️. "

ونسيت انقوللكم شروق روحت هي وأمها وفيه سر بينفضح وشروق سمعت بخطبه عمر وياسمين ومش حتخليهم يتهنو !

علقو تحت وأعطوني رايكـم لأن بسبب التفاعل الي ضعيف معاش بديت نتشجع نكتب !💛