"Hambogero kaayo nga lalaki lami kaayo laparohon! Na na na!" Gapangurog nga pagyawyaw ni Alicia mintras galakaw ug paspas kaayo padulong sa iyang balay. " Kalami ba gyud kaayo itulod sa tulay oi aron mahulog sa ubos. Aguy na, wala pa ra ba gyud ko naulian sa akong kalagot!" Ug padayon nga nagyaw-yaw si Alicia unya wala niya nabantayan iyang inahan nga naglingkod sa bangko kilid sa punuan sa mangga.
"Naunsa ka Alicia? Nganong nag sige ka ug yawyaw diha? Asa na man sad ka gikan kagabie ha? Naa na sad kay customer?" Ingon pa sa iyang inahan nga nagpa-aso sa iyang giyupyup nga sigarilyo.
"Mama oi unsay customer gud tawon dili man tawon ko call girl ma, nagtrabaho ko sa call center mao nga gabie akong duty ug dili buntag. Naunsa man ka ma oi. Dinhi sa ko sa sulod kay matulog ko." Ug misulod na si Alicia sa ilang balay nga nisamot ka kasubo kay pati ang iyang inahan naalaan na nga usa siya ka call girl. Kahilakon kini kaayo unya nihigda na kini sa iyang katri aron itulog na lang niya ang tanan niyang kasakit nga naagian.
--------------------------------------------------------------------
"Ka-feelingon baya nga babaye murag ka gwapa. Ako pay gihapak nga imbes maayo atong tumong nga mutabang unta niya. Haysus gayud mga babaye karon murag langit na lang gyud ang tan-aw sa kaugalingon. Maypag gitulod na lang to nako siya sa tulay aron mahulog sa ubos dayon lamuyon sa suba unya dal-on sa dagat aron kauonon sa mga shark. Hahaha. Ahm sorry Lord nakasala ko ug huna-huna ug dautan ngadto sa akong isig kaingon. Pasayloa ko Ginoo. Amen." Ingon pa ni Sebastian nga nagpadayon ug sunod-sunod sa kang Alicia nga mipadulong sa tumoy sa tulay ug nanaug kini sa ubos nga bahin sa tulay. Iya kining gilantaw hangtud nga nawala na sa iyang panan-aw ang babaye ug mipadayon na ngadto sa iyang gitrabahuan nga opisina.
----------------------------------------------------------------------
"Inday Alicia bangon na kay murag tibuok adlaw na man ka nga natulog diha. bangon na iha ug pangaon na. Aduna na koy giluto didto sa lamesa nako gibutang ug giandaman ta na ka daan ug balon nimo para karong gabie."
"Ma, dili lang sa ko magsulod sa trabaho Ma kay sakit akong lawas. Lain akong paminaw mura man ko ug maghilanat Ma."
"Na ikaw gyud bataa ka. Naunsa man ka karon oi nga nag sige na man ka ug kasakit. Na sige magpalit sa ko ug tambal aron makainom ka. Pagkaon na dayon ha kay aron masudlan na imong tiyan sa dili pa ka mag-inom ug tambal. Diha ka una ha kay muadto sa ko sa tindahan."
"Sige Ma salamat. Aduna may sulod akong tiyan Ma. Pero ambot kung unsa ni?"
"Unsa iha?"
"Aw wala Ma. Sige na Ma mubangon na ko karon taud-taud." Matud pa ni Alicia nga nagpamati sa iyang lawas. Nangutana kini sa iyang kaugalingon kung mabdos ba kini? "Buros kaha ko? Ug kinsa ang amahan aning bataa kung ugaling mabdos man ko? Oh my God kalisod sa akong kahimtang. Tabangi ko Lord ug spelling sa akong kinabuhi please.Huhuhu." Ug mitulo ang luha ni Alicia nga wala na nakasabot sa dagan sa iyang kinabuhi. Sukad niadtong gihilabtan siya ni Fidel pipila na ka semana ang nilabay nagsige na kini ug kaluya ug suka. Wala pud siya nag pregnancy test kay mahadlok kini kung mu-positive unya unsa iyang buhaton. Naglingkod kini sa iyang kama ug nagdungo nga naghilak sa kasubo ug kapait sa iyang gidangatan.
-----------------------------------------------------------------
"Abe nimo besh kinahanglan na gyud ka magpa-check up kay murag naa na gyud koy namatikdan sa imong lawas besh ai. Pregnant gyud siguro ka. Unsa man mag-adto ta sa doctor ugma magpatan-aw ta, apil dayon ko magpa-check up ug apil kung pwede ba ko ma-buros pud."
"Ambot nimo besh bisan unsaon ka ug bali-bali dili jud ka maburos kay wala man kay matres intawaon oi. Pero salamat besh ha sa imong concern. Beshie ta gyud ka ai sukad pa sa atong pagsulod dinhi. Besh kung pregnant ko mahadlok ko kung unsa akong buhaton besh. Ako kaha ipakuha ang bata? Maadto ba dayon ko sa impiyerno ana besh?"
"Paghilom diha oi unsa gud tawon nang magpa-abort ka? Sala gyud na besh. Usa ka dakong sala. Ako na lang dayon alaga sa bata besh aron ako na lang iyang nanay tatay. Ihatag na lang na sa akoa imong anak besh kung dili ka ganahan sa iya. Pero ayaw gyud anang magpakuha besh kay impiyerno gyud ka paingon. Na mark may word. Lain pud ato besh. Kinsa bay amahan ana ha? Katong murag foreigner looking ba or katong murag chinito. Kalami ba sad sa imong mga laki besh oi dili man unta ka gwapa. Mas gwapa pa gud ko nimo."
"Hilom oi. Dagway nimo murag dragon. Saba diha. Ambot lage besh kinsay amahan ani wala gyud koy idea."
"Performer man gyud ka kaayo besh oi maong daghan kaayo kag laki. Hay ako na lang unta ikaw besh. Hahaha"
"Saba oi paka-ulawan gyud ko nimo dah. Tan-awa o nagsige na pud nag tan-aw ng murag latino nga newbie sa ako ai. Ganina ra gyud na siya sige siplat siplat nako."
"Aguy-aguy. Inahan. Why not me? Why? Pahawa na diri be basin sa ako na siya nagtan-aw.Hahaha." Ug nag sige na lang ug katawa ang duha ka mga managhigala. Bisan sa kapait nga gidangatan ni Alicia makagahom gihapon kini ug katawa aron dili kini mawad-an sa kadasig sa kinabuhi dinhi sa kalibutan. Ug tuod man pagka-ugma niadto ang duha sa clinic aron makigkita sa doctor.
"Positive besh."
ESTÁS LEYENDO
Usa ka Bugkos nga Gugma
Ficción Generalkung nabugto ang panaghigugmaay sa duha ka mga nilalang, padayonon ba kini sa mga bunga sa ilang mga namugna tungod sa gugma?
