ماريا

الفصل الرابع والعشرون

وقفنا البارت اللي فات لما شلبي كان هيعترف
الظابط:قول يالا
شلبي:واحده اسمها نجيه ياباشا جت وقالتلي انا عايزاك تهجم علي واحده وتصورها كام صوره وتبين انها بتحبك وتبعتهم لجوزها عشان يعرف انها خاينه ويطلقها وادتني العنوان ياباشا بس في واحد جه لحقها وانا جريت بس كده
محمد:اه ياولاد ال... عملت فيكو ايه عشان تعملو فيها كده
الظابط: خلاص ياحج احنا هناخد الاجرائات الازمه بس نجيه دي هتعملو فيها ايه
محمد:نجيه دي سبهالي انا عن اذنك
الظابط:اتفضل وانت بقي هتنورنا هنا تعالي خده من هنا ياعسكري
محمد:يا لا يابسام 
بسام: عرفت مين اللي عمل كده
محمد:اه عرفت روح انت يا لا
بسام: وانت هتروح فين
محمد:مشوار صغير وراجع يالا روح انت
بسام:ماشي سلام 
محمد وهو ماشي عمال يفكر هيعمل ايه مع نجيه لحد اما وصل قدام بيتها
ونرجع لماريا
وصل هاشم تحت البيت ومستنيهم ينزلو اول مانزلو ماريا راحت تقعد في الكنبه ورا عشان تبقي مع عائشه
فاديه:تعالي يابنتي قعدي جمب جوزك يالا
ماريا بخجل:لا ياطنط انا عايزه قعد جمب عائشه
فاديه بصت لعائشه
عائشه:بس انا عايزه ماما معلش روحي انت قعدي قدام
ماريا:بس
عائشه:مبسش اخلصي بقي
وكل ده وهاشم قاعد يتفرج عليهم وكان نفسو يقوم يشدها ويقعدها جمبو
ماريا:ماشي ركبت اهو يا لا نمشي بقي كده هنتأخر
هاشم:بصلها وسكت
ماريا حست من نظرتو ليها انه زعلان منها  استغربت هي زعلتو في ايه دي كانت لسه بتكلمو الفجر ومفيش اي حاجه بس سكتت
عائشه:خلاص نزلنا هنا مش هتعرف تدخل بالعربية الشارع ده
هاشم:ماشي اتفضلو
ماريا:انت مش طالع معانا
هاشم:هركن واجي اطلعي انت مع صحبتك لتزعل ولا حاجه
ماريا بضحك: انت طفل كبير وجريت
هاشم بتسليه:هي بقت كده ماشي
وطلعو الاوضه
ماريا:دكتور هو احنا مش هندخلها بقي
الدكتور:هي بدات تفوق شويه بس الكلام غلط عليها
ماريا بعياط:بس هي وحشاني اوي ونفسي اشوفها
الدكتور:طيب خمس دقايق بس ومتحوليش تزعليها
ماريا:حاضر حاضر
ماريا: اول مادخلت وشافت كميه الاجهزه اللي متعلقه في ماممتها قعد تعيط جامد
ماريا بعياط:ماما حببتي انت سمعاني
سميه:ماريا وحشتيني اوي يا بنتي
ماريا:وانت كمان وحشتيني اوي انت هتقومي بالسلامه وانا مش هسيبك خالص والله وهغضل معاكي علي طول
سميه:لا يابنتي انا مش هخرج من هنا خلاص
ماريا:لا عشان خاطري متقوليش كده انت هتبقي كويسه انا مليش غيرك ياماما اوعي تسبيني بالله عليكي
سميه:مش بأرادتي يابنتي بس وصيتي ليكي ياماريا ان مهمها حصل متطلقيش من جوزك يابنتي وخليكي معاه جوزك ده راجل
ماريا:حاضر ياماما
سميه:واختك يابنتي دوري عليها متسبيهاش وعرفيها اني مسمحاها
ماريا:طب هي فين
سميه:اتجوزت ابراهيم  من قبل ما انت تتجوزي ومحدش كان يعرف ولما انا عرفت وواجهتها هربت مني دوري عليها متسبيهاش وسامحيها انتو ملكوش غير بعض
ماريا بصدمه : حاضر ياامي ارتاحي انت وانا هجيلك بكره
سميه:هتوحشيني يابنتي
ماريا:وانت كمان هتوحشيني اوي
وخرجت ماريا وكان في الوقت ده هاشم بيتكلم في التلفون وعائشه ومامتها راحو يصلو
نزلت فضلت تمشي في الشارع وهي عماله تعيط ومش عارفه تروح فين ومصدومه وحاسه انها مكسوره
هاشم بعد اما خلص المكالمه مع نرمين وطبعا كانت بتتسهوك عشان يرجع زعقلها وقفل
عائشه: معقول كل ده لسه جوا
فاديه:ممكن يابنتي اصبري
هاشم:هي ماريا لسه مخرجتش
عائشه:انا هروح اشوفها
وراحت عائشه تشوفها
الممرضة:حضرتك رايحه فين
عائشه:انا قربتي دخلت تزور ماممتها ولسه مخرحتش
الممرضه:لا خرجت من شويه وكانت عماله تعيط
عائشه:ماشي شكرا
هاشم:ايه لسه جوا
عائشه بحزن علي حال صديقتها:الممرضة شافتها وهي خارجه بتعيط
هاشم:ايه روحت
عائشه:انا عارفه هي راحت فين
هاشم:فين
عائشه:اكيد روحت البيت بتاعها
هاشم:طب تعالو اوصلكو وانا هروحلها
فاديه :ماشي يابني
بعد اما وصلو
فاديه:طمنا عليها يابني
هاشم:حاضر ياامي عن اذنك
ومشي هاشم ووصل بيت ماريا وشاف الباب مفتوح وكان سامع صوت وفعلا طلعت ماريا
وكانت ماسكه هدوم ماممتها حضناها وماسكه صورها هي واختها وهما صغيرين وعماله تعيط جامد وتكلمهم
ماريا بعياط جامد:  انت وحشتيني اوي ياجودي ليه عملتي كده قوليلي ليه وانت ياماما ازاي عايزه تسبيني وتمشي انا مليش غيرك بابا مشي وجودي مشيت وانت كمان عايزه تسبيني وتمشي كلكم مش عايزين تقعدوا معايا طب خليكي ياماما وانا مش حسسك اني موجوده عشان خاطري طب لما عيط هترمي في حضن مين قوليلي ومين هيقعد يطبطب عليا ويحسسني ان كل حاجه كويسه طب لو مشيتي خديني معاكي  يااااارب انا تعبانه اووي خدني عندك بقي يارب
هاشم وهو واقف يعيط عليها : جري اخدها في حضنه
هاشم:انت مش لوحدك انا معاكي ومش هسيبك ابدا
ماريا بعياط: كلكم بتسبوني انا وحشه انا وحشه حتي انت سبتني واتجوزت انا عايزه اموت سبني اموت وفضلت ماسكه في حضنه جامد  انا عايزه ماما قولها متسبنيش انا محتجاها اووي ماشي وفضلت تعيط لحد اما نامت في حضنه
هاشم : كان عمال يعيط عليها اول مره يحس ان ماريا ضعيفه اوي كده وفضل واخدها في حضنه وعمال يقرألها قرأن لحد اما نام هو كمان
عند عائشه
عائشه:ماما تفتكري لاقها
فاديه:اكيد ان شاء الله
عائشه:طب انا هتصل اتأكد
فاديه :تتصلي بمين بطلي جنان الساعه ١بليل انا هقوم انام وروحي نامي انت كمان وبكره الصبح نروحلها
وفجأه الباب خبط
فاديه :ايه ده مين اللي هيخبط دلوقتي
عائشه:يمكن بابا
فاديه:ابوكي لسه قدامه اسبوع
عائشه:طب احنا هنفضل نحكي انا هروح اشوف مين
عائشه:مين
عمار:افتحي ياعائشه انا عمار
عائشه:فتحت ايه في ايه عمتو جرالها حاجه
عمار:لا بس بصراحه في خبر مش حلو
فاديه:قول يابني في ايه
عمار بحزن:والده ماريا اتوفت المستشفي لسه مبلغاني
ونكمل البارت الجاي باذن الله هستني رايكم في التعليقات 😍