ماريا

الفصل التاسع عشر

وقفنا البارت اللي فات لما ماريا اغم عليها وحد دخل عليها
بسام:ماريا ياماريا انا جيت انزلي ايه اللي طفي النور كده
وفجأه بسام اتكعبل في حد
بسام:ماريا انت كويسه ماريا ردي عليا ماريا
اعمل ايه يارب اعمل
وشلها بسام بسرعه وخدها علي المستشفي
بسام:حد يساعدنا هاتولي دكتور
الممرضه:هاتها الاوضه دي بسرعه وانا هنادي الدكتور
بسام:بسرع ابوس ايدك
الممرضه:دكتور سعيد تعالي بسرعه في مريضه تحت حالتها صعبه اووي
الدكتور:جاي حالا
الممرضه:انا كلمت الدكتور وهو نازل حالا
بسام:ماشي
الدكتور:السلام عليكم
بسام:وعليكم السلام
الدكتور سعيد :هو ايه اللي عمل فيها كده
بسام:انا دخلت عليها لقتها مغم عليها
سعيد:طيب ابعد عشان اكشف عليها
بسام:اتفضل
سعيد بعد الكشف بص لبسام بصه غريبه
بسام:في ايه يادكتور بتبصلي كده ليه
سعيد:انت متأكد متعرفش مالها
بسام:وربنا لا انا عايز اعرف
سعيد:حد حاول يعتدي بس ملحقش
بسام بصدمه:انت بتقول ايه ازاي
سعيد:متقلقش عليها هي مفهاش حاجه جسميا لكن اكيد نفسيا لما تصحي مش هتبقي كويسه ولازم تبقي جمبها مش انت جوزها
بسام باحراج: لا انا ابن عمها واخو جوزها
الدكتور:وفين جوزها
بسام:فرحو النهارده
الدكتور:كيب انا لازم اعمل محضر باللي حصل ده بس لما تفوق وياريت تروح تملي البيانات
بسام:حاضر شكرا يادكتور بس هي هتقدر تروح امتي
الدكتور:مش تقدر احدد وقت غير لما تفوق واشوف رد فعلها الاول
بسام:ماشي  معلش يادكتور ابويا بيرن لازم ارد
الدكتور: اتفضل رد انا خارج
بسام:ايوه يابابا
محمد:ايه يابني انتو فين كل ده
بسام: بابا تعالي بسرعه علي المستشفي دي
محمد:ليه يابني في ايه
بسام:تعالي بس وانا هفهمك كل حاجه
محمد:طيب يابني انا جاي بسرعه
هاشم حاسس ان في حاجه وخصوصا لما شاف ابوه بيخرج من الفرح 
هاشم:معلش هقوم ثانيه وارجعلك
نرمين:يوه رايح فين خليك جنبي
هاشم:انا مبحبش المياصه دي قولتك ثانيه وراجع خلصنا
نرمين:طيب اللي يريحك
هاشم:بابا يابابا ياحج
محمد:ايه يابني اللي سيبك الفرح
هاشم:هو في ايه ومالك قلقان ليه كده
محمد:مفيش يابني واحد صحبي تعبان ولازم اروح اشوفه
هاشم:طب وبسام فين
محمد:معرفش يابني سبني بقي خليني اشوف اللي ورايا يالا ادخل فرحك وخلي عينك علي امك واختك
هاشم:حاضر
الممرضه:يااستاذ المريضه فاقت وعماله تعيط
بسام:طيب عن اذنك انا هدخلها
بسام:حمدلله علي سلامتك
ماريا :الله يسلمك
بسام:انت كويسه
ماريا:هو انا فين و ايه اللي حصل ومين جابني هنا
بسام:هو انت مش فاكره اللي حصل
ماريا:ايه اللي حصل في ايه
بسام:مفيش شويه تعب بس مش اكتر ريحي انت وانا هخرج بسرعه واجي
ماريا:ماشي
بسام:لو سمحتي فين الدكتور
الممرضه: في المكتب اللي هناك ده
بسام:شكرا
محمد:بسام يابسام
بسام:بابا كويس انك جيت انا عايز اسأل الدكتور عل حاجه
محمد:ايه ماريا حصلها حاجه
بسام:المصيبة انها مش فاكره حاجه خالص
محمد:طب الدكتور فين
بسام:في المكتب
محمد بيخبط
الدكتور:اتفضل
محمد:السلام عليكم يادكتور انا عم ماريا
الدكتور: اهلا وسهلا اتفضل
بسام:يادكتور ماريا صحيت مش فاكره اي حاجه خالص ولا فاكره حصلها ايه
الدكتور:ده اللي كنت خايف منه. هي من خوفها مش قادره تفتكر بس اول ما تشوف المكان اللي حصل فيه كده احتمال تفقد السيطره علي نفسها فا انا هديكم حقنه مهدئه عشان لو تعبت اوي منكم تدوهلها علي طول ولو الموضوع زاد كلموني
محمد:ماشي يابني متشكرين
الدكتور:طيب في ظابط بره لازم يدخل ياخد اقولها
محمد:ماشي
بسام:بس دي مش فاكره حاجه
الدكتور:احنا هنحاول والله اتكلمت ماشي متكلمتش هنصبر لما تتكلم وبعدين ناخد اقولها
بسام:ماشي
الدكتور:اتفضل يافندم الاوضه اللي هناك دي
الظابط:طيب انا مش عايز حد غير الدكتور
محمد:خليني معاكو يافندم عشان عايز اطمن عليها
الدكتور:تعالي ياحج
الظابط:مادام  ماريا ممكن اعرف ايه اللي حصل
ماريا :انا كمان عايزه اعرف ايه اللي حصل
الظابط:يعني انت مش عارفه انت جيتي هنا ازاي
ماريا:انا اخر حاجه فاكرها اني كنت قاعده في البيت لوحدي ومستنيه بسام يجي عشان هسافر مع هو وعمي بس كده
الظابط:طيب اتمني لو افتكرتي اي حاجه تيجي تبلغيني
ماريا باستغراب:ماشي
محمد:يادكتور ينفع اخدها وامشي بقي
الدكتور:اكيد طبعا بس لو حصل اي مضاعفات كلمني علي طول ومعاكو الحقنه المهدئه
محمد:شكرا يادكتور يالا ياماريا ياحببتي عشان نروح
ماريا:ماشي
محمد:بسام انزل جهز العربيه بسرعه
بسام:حاضر
محمد:اسندي عليا يالا
ماريا:حاضر
واول ماوصلو
محمد:تعالي يابنتي اسندي تاني
ماريا:انا تعبت حضرتك اوي
محمد:لا تعب ولا حاجه
ماريا:اه ياعمي اه
محمد:بسام تعالي بسرعه يابني
بسام:مالها في ايه
ماريا بعياط:مش قادره اقف بطني وجعاني اه
بسام:طب  انا هشيلك امسكي فيا عشان متقعيش
ماريا كانت محرجه جدا وفجأه نامت
بسام:ماريا سمعاني
محمد:خلاص يابني شكلها نامت من الدوا عايز الحق اطلعها قبل مااهلك يجو من الفرح ومهنخلصش من الاسئله
بسام حاضر
واول مادخلو
هاشم:ايه كنتو فين كل ده ايه ده ماريا مالها ونايمه ليه كده حصلها ايه
بسام:طب اصبر نطلعها طيب
هاشم بغيره:هاتها انا هطلعها
بسام:بابا واضح انا هاشم بيحبها اووي
محمد:فعلا يابني
بسام:طب لو بيحبها كده ايه اللي خلي يتجوز عليها
محمد:سيبك من الكلام ده يابني واطلع طمن اخواتك وانا هطمن امك عشان اتصلو كتير اوي
بسام:حاضر
نرمين بغيظ:ايه ياحبيبي هو انت ناوي تنام عندها ولا ايه انا العروسه علي فكره
هاشم وكان نايم حنب ماريا ووخدها في حضنه
هاشم:امشي دلوقتي يانرمين
نرمين:لا مش همشي هي مالها يعني دي نايمه سبها وتعالي معايا انا عارفه الحركات دي  دي واحده بستهبل
هاشم بعصبيه:اقسم بالله لو مامشيتي من وشي دلوقتي لهكون رامي عليكي يمين الطلاق وانت مش ناقصه الناس تتكلم عليكي اصلا
نرمين بخوف:طيب ماشي
محمد:مالك يابني نرمين خارجه من عندك بتعيط ليه
هاشم:مفيش ياحج بس انا هبات هنا مع ماريا
فاطمه:لا يابني مينفعش دي عروسه متكسرش بنفسها احنا كلنا هنا مع ماريا ادخل انت لعروستك
هاشم:بس انا عايز قعد معاها
محمد:اسمع الكلام يابني قوم لعروستك وطايب خاطرها بكلمتين
هاشم قام باس راس ماريا : حاضر ياحج بس هي حصلها ايه
محمد:منعرفش يابني لما تصحي هي هتقلنا كل حاجه يا لا انت بقي
هاشم:حاضر
سهير: بابا انا هبات معاها ينفع
محمد:ماشي يابنتي بس لو حصل اي حاجه تيجي تناديني علي طول
سهير:حاضر
فاطمه:يالا يابسام روح نام يابني يالا ياحج
محمد:فين مي
فاطمه :نامت اول ماجت علي طول
محمد:ماشي
ومشيو كلهم وسابو سهير مع ماريا
فاطمه : مالك ياحج واضح ان الموضوع مش بسيط
محمد:طول عمرك فهماني يافاطمه
فاطمه:مش جوزي وابو عيالي
محمد:بس
فاطمه بكسوف:و حبيبي كمان
محمد:لسه بتكسفي يافطوم اهو كسوفك ده اللي حببني فيكن
فاطمه:طب قولي في ايه
محمد:في حد حاول يعتدي علي ماريا
فاطمه:يانصبتي مين ده اللي عمل كده
محمد:مش عارفين لما هي تفوق الظابط هياخد اقولها عشان نعرف مين اللي عمل كده
فاطمه:ياحببتي يابنتي
محمد:بس اعرف مين عمل كده وانا هكله بسناني مش هسيب في حته سليمه
فاطمة: ان شاء الله تلاقوه 
محمد:متجبيش سيره لحد وخصوصا هاشم لحد اما نعرف ايه اللي حصل
فاطمه:حاضر
محمد:يا لا تصبحي علي خير
فاطمه:وانت من اهل الخير
نروح غرفه هاشم ونرمين
نرمين:هاشم يا حبيبي تعالي نتعشي طيب
هاشم:ابعدي عني يانرمين
نرمين:ياهاشم دي ليله فرحنا هتقضيها سرحان فيها وبعدين كلهم معاها بره خلاص بقي
هاشم:انت عايزه ايه ها
نرمين بعياط:مش عايزه حاجه انا داخله انام تصبح علي خير
هاشم قعد يفكر مع نفسه صعبت علي نرمين
هاشم:نرمين انت نمتي
نرمين بفرحه انه جه وراها :لا منمتش
هاشم:طب يالا
نرمين:يالا ايه
وتسكت شهرزاد عن الكلام غير المباح
ونكمل البارت الجاي باذن الله ونشوف ايه اللي حصل
هستني رايكم في التعليقات 😍