ماريا

الفصل الثاني والعشرون

وقفنا البارت اللي فات لما ماريا وصلت المستشفي وشافت عائشه
عائشه بصدمه:ماريا وحشتيني اووي اووي وحضنتها جامد
ماريا:عائشه ماما مالها قوليلي متخبيش عليا عشان خاطري
عائشه:متخفيش الدكتور طمنا غيبوبه سكر وهتفوق منها باذن الله
ماريا:بجد يعني هي كويسة
عائشه:اه والله متقلقيش الدكتور قال كام يوم وهتفوق
ماريا:طب انا عايزه ادخلها
عائشه:ممنوع حد يدخلها انا وماما وعمار بنيجي نزورها كل يوم عشان لو فاقت نبقي جنبها متقلقيش
فاديه:ماريا عامله ايه يابنتي وحشنتيني ووحشني هزارك معايا
ماريا بعياط:طنط و انت كمان وحشتيني اوي والله
عمار:اخبارك ايه ياماريا
ماريا بخجل:انا بخير الحمدلله
فاديه:مين ده يابنتي
ماريا:اعرفكم هاشم جوزي
فاديه:نورت يابني حمد لله علي سلامتكم
هاشم: الله يسلمك
فاديه:طيب بما ان وقت الزياره خلص تعالو قضو معانا اليوم النهارده
ماريا:لا ياطنط مش هينفع انا هروح بيت ماما
عائشه: بس ده مترب اووي تعالي قعدي معايا النهارده انت وحشاني وعايزه اسمعك وتحكيلي كل حاجه وبكره نروح نروق البيت سوا
ماريا:هاشم انت ايه رايك
هاشم باحراج:اللي يريحك
فاديه:طيب يالا بينا اتفضلو اتفضلو
وهما في العربيه بتاعه هاشم
ماريا:طنط هي فين جوري وازاي سايبه ماما كده
عائشه وفاديه قعدو يبصو لبعض بتوتر
ماريا:هو السؤال صعب اووي كده
فاديه: لا يابنتي مش صعب ولا حاجه نروح بس وترتاحي وهتعرفي كل حاجه
ماريا بقلق:ماشي بس واضح ان الموضوع كبير
وبعد اما وصلو
فاديه:اتفضلو قعدو بقي وربع الساعه والاكل يكون جاهز
عائشه:تعالي ياماريا انا عايزاكي عن اذن حضرتك
عمار:وانا كمان هستأذن لازم اروح
هاشم: بصوت واطي احسن برده
عمار:بتقول حاجه
هاشم:بقول في رعايه الله
عمار:اه بحسب
عائشه:مش هتاكل معانا
عمار:لا لازم اروح عشان ماما تعبانه شويه هبقي اكلمك
عائشه:ماشي وانا هبقي اتصل بعمتو اطمن عليها سلام
عمار:سلام
هاشم:معلش ممكن اكلم ماريا شويه وبعدين هتجيلك
عائشه:اكيد طبعا عن اذنكم.
هاشم:ماريا انت كويسه
ماريا بعياط :بحاول اقنع نفسي اني كل حاجه هترجع زي مكانت وهبقي كويسه
هاشم:انا مش عايزك تخافي مرات عمي هتقوم بالسلامه
ماريا:يارب واضح انك ماشي صح
هاشم:انا ورايا شغل هروح اخلصه وارجعلك علي طول والله مش هسيبك
ماريا:عادي يعني مش فارقه عن اذنك
هاشم:لافارقه انا مش هسييبك انا ماشي دلوقتي وبكره بليل هتلاقيني عندك انت مش عارفه انت ايه بالنسبالي وهرجع بس نقعد في بيت ماممتك وهكلمك انا حطيت تليفون في شنطتك وسجلت علي ارقمنا لو عوزتي اي حاجه كلميني علي طول انا مش هنام ماشي
ماريا:ماشي
هاشم باس راسها  وحضنها ومشي
ماريا:كانت فرحانه اوي بس علي طول فكرت نفسها انها شويه وهتطلق منه مينفعش تعلق نفسها بيه
عائشه:هو مشي ولا ايه
ماريا:اه هيبقي يجي بكره
فاديه:يالا الاكل خلص ايه ده هما راحو فين
ماريا:هاشم مشي
فاديه :وعمار
عائشه:مشي
فاديه: يافرحتي لا انتو الواحد لازم يقعد معاكو يفهمكو ده انتو ابيض ياورد في التعامل معاهم
ماريا:هو انت وعمار بقي في بنكو حاجه
عائشه بحزن :اه كتبنا الكتاب
ماريا بفرح: مبروك
عائشه:انت بتباركي علي ايه انت مش فاهمه حاجه
ماريا:انت كمان مش مبسوطه
فاديه:لا والله انا مش ناقصه  نكد احنا نقعد ناكل وبعدين ننكد براحتنا حتي ابوها مش موجود عشان ناخد راحتنا يا لا يابنات
وبعد الا كل
عائشه:تعالي بقي احكيلي كل حاجه واختفيتي روحتي فين وعامله ايه مع جوزك واهله
ماريا:حيلك عليا شويه وعموما ياستي انا هطلق
فاديه:يانصبتي انت لحقتي تتجوزي يابنتي
ماريا: اعمل ايه ياطنط هو مش عايزني خلاص وانا مش هفرض نفسي عليه ده اتجوز عليا
فاديه وعائشه:نعم
ماريا:والله اتجوز عليا بنت خالتو وبصراحه انا مش عايزه اكمل معاه انا زهقت انا حاسه اني في سجن
فاديه:بس واضح انه بيحبك وبيخاف عليكي كمان
ماريا: بجد مش معقول
فاديه:هو اتجوزها غصب عنك
ماريا:بصراحه لا  عمي خد راي وانا وافقت عشان هي صعبت عليا وكان في ناس بيتكلمو عليها وحش وعايزين يستروها بس هو قالي لو انت مش موافقه قولي والموضوع ده مش هيحصل. وطلبت الطلاق بس هو قالي احاول قدي للعلاقه فرصه تانيه يمكن نستمر وهو قالي انا بحبك ومش هطلق بس لو لاقتي نفسك مش عايزه تكملي خلاص انا هسمع كلامك
فاديه:ياعني يابنتي الواد شاريكي لاخر الوقت وانت عماله تبهدلي فيه عامله زي الهبله اللي انا مخلفاها الواد بيحاول يرضيها وهي مفيش مصدرا الوش الخشب
ماريا: ليه انت مش بتحبيه
عائشه:لا بحبو ولا بكرهو مفيش مشاعر من ناحيته  مش عارفه احبه
فاديه:يابنات انتو لازم تكسبوهم مش كل حاجه طلاق الطلاق مش سهل والله حاولوا تتعبو شويه ايه ياعني لما كل واحده فيكو تفرد وشها في وش جوزها وتقولو كلمه حلو وتحاول تطمن عليه وهو الشغل وتدلعوا كده هيحصل ايه بدل ما كل واحده فيكو قالبه  وشها كده حرام عليكو وانت ياماريا خليكي مع جوزك هو شويه وهيطلق الثانيه اصلا صح
ماريا:معرفش ياطنط بس ان شاء الله خير انا هصلي استخاره واشوف اللي ربنا مقدره ليا
عائشه:وانا كمان هحاول احب عمار هو طيب والله بس جالي في وقت غلط خالص بس ان شاء الله خير
فاديه:ربنا يهديكم يابناتي
ماريا:انتو مجوبتونيش جوري فين
فاديه: منعرفش يابنتي هي اختفت فجأه لما انك تفوق باذن الله هتحكي كل حاجه احنا فجاه لقنها اتصلت بينا وبتقول الحقوني انا بموت روحنلها جري ونقلناها المستشفي علي طول بس كده
ماريا:ربنا يخليكي ليا ياطنط مش عارفه قولك ايه والله
فاديه:متقوليش حاجه يابنتي امك دي في مقام اختي يالا قومي نامي وريحي جسمك وبكره باذن الله هنروحلها ومش هيحصل حاجه لو قبل ما تنامي انت وهي اطمنتو علي اجوازتكو
ماريا:هو هيبقي يتصل
فاديه :وهيحصل ايه ياعني لو اتصلتي انت
ماريا:هيفتكر بقي اني مهتمه بيه وبحبو والشغل ده
فاديه:طب مايفتكر كده ماهو ده اللي احنا عايزينو ده جوزك يابنتي يعني اللي انت بتعمليه ده بتاخدي عليه حسنات
ماريا:حاضر
فاديه:الخايبه الثانيه قومي انت كمان اتصلي بجوزك واطمني عليه يالا
عائشه:حاضر
ماريا:طب انا هدخل البلكونه شويه
عائشه:وانا هدخل الاوضه
فاديه:ربنا يعنكم محسسني انكم هتعملو معجزه ياخايبه انت وهي

ماريا بتوتر  : السلام عليكم
هاشم:ايوه ياماريا انت كويسه مرات عمي حصلها حاجه في حاجه
ماريا بخجل:لا مفيش حاجه انا كنت بتصل اطمن عليك انت وصلت ولا لسه
هاشم بتعجب: ايه بجد والله انت بتطمني عليا انا
ماريا:اه
هاشم:انا مش مصدق نفسي
ماريا:
هاشم:طب متتكسفيش خلاص عموما ياست البنات انا في الطريق اهو قربت اوصل
ماريا:توصل بالسلامه خلي بالك من نفسك
هاشم:وانت كمان ياحببتي
وفجاه. ماريا سمعت صوت
ماريا:هاشم هاشم الو هاشم رد عليا
ونكمل البارت الجاي باذن الله ونشوف ايه اللي حصل
هستني رايكم في التعليقات😍