الاهتمام مش ليطلب على فكره هااا😐و شكرا اوووي للبنانيت اللي كلمتني و اطمنت عليا♥️🌺 و عايزة اشوف غلاوتي عندكم بالفوت بقي💋💕...
______
قريبة وطيبة يا سبحان اللي جابها في وقتها وعوضني بيها
دي فرحتي وصحبتي معنديش حيلة من غيرها
وماليش خير الا فيها
دي بالنسبالي جنة اتفتح بابها
نعمة القدر جابها ورزقني اسبابها
هذه كانت كلمات الأغنية التي كان يستمع لها بطلنا (الادهم)♥️....فكان يفكر فيها و في لمسة كفها وطعم كرزتيها بين شفتيه .... لقد اتخذ القرار دون تراجع ... المشكلة القديمة بين العائلات لن تتحمل الا هكذا فقد مرت السنوات و ظن أن الذكريات ماتت بما تحمله في طياتها ....
حمل هاتفه سريعا ليتصل بابيه📱
ادهم: الو يا بابا انت فين
سالم: انت متخيل أن بقالي اسبوع معرفش عنك حاجه و اول متكلمني متفكرش حتي تطمن عليا
ادهم: انا بسال انت فين عشان اجيلك و اشوفك
سالم: بجد طب كويس.... على العموم انا مروح البيت في الطريق يعني
ادهم: تمام انا جي على طول
ليغلق معه و من ثم يقف ليرتدي ملابسه و فور انتهائه كان بسيارته (منزلش على السلم لا في العربية على طول😹😹نحن في عصر السرعة سيدي الرئيس😹😹😹)
________________
ببيت بسنت:-
والدتها: بسنت يا بوسي
بسنت: ايوه يا ماما
: تعالي يا حبيبتي عايزاكي
: أنا جيت اهو خير
: هو شهاب متكلمش في اي حاجه
: زي اي مش فاهمه
: الشبكة و كده يعني
: لا متكلمش يا ماما
: طب الخطوبه
: المفروض أنها على العروسة
: طب مهو لازم نحدد معاد معاه عشان نشتري الشبكة عشان نعمل النيلة الخطوبة
: هيبقي اتكلم معاه حاضر حاجه تانية
: لا بس ابقي كلمني سيلين عشان وحشاني هي و ملك
: ملك وحشتك ....أي يا ماما انا اللي قعدت معاها مرتين قبل كده مش وحشااااني انتي بقى وحشتك
: البت تتحب على فكره
: ماما انا داخله انام احسن
: و صلاة الجمعه
: هصليها و بعدين اتخمد
: دك سل ياختي
لتنظر لها بسنت من ثم تذهب إلى غرفتها
_____________
ببيت سيلين:-
محمد: اه يا رحمة مش قادر
رحمة : انت اللي بتتعب نفسك طول الاسبوع يا محمد
:هانت يا رحمة قريب كل حاجه هترجع لاصلها
: تقصد اي
: مفيش .... هو سيلا فين
: في البلكونة بتتكلم فالفون
: طيب انا هقوم اشوفها
ليقف متجها الي البلكونه وعند اقترابه منها سمع ما جعل إقدامه مثبته في الارض ....فكانت ابنته تتكلم مع ذاك المجهول...
سيلين: المهم يعني الورق دا هنجيبه ازاي
£££: سالم بيه محتفظ بالورق دا في مكان سري جدا
: طب عرفت فين مكانه
: لا بسبب أن مراته نفسها متعرفش المكان يعني حتى لو اتكلم معاها و انا وحولت اسمع مش هعرف
: الورق دا اللي بيدين سالم و انا لازم تدفعه تمن حرقة قلب جدي و شقي ابويا انا مش هسكت انت فاهم
: سيلا اهدي هنلاقيه بس مش كده اهدي شويه
: انا عايزة حد ثقة يمشي وراه و يراقبه و ياسلام لو يشتغل معاه و يخليه يثق فيه يبقي كده سالم خلاص راح للابد و علي ايدي
ليقاطعها صوت من خلفها:بس انا بنتي مش مجرمة عشان تاذي ابو الراجل اللي بتحبه
لتلتف له و هي تقول :هو اللي خلاني كده يا بابا....من و انا صغيرة بسمعكم و انتم بتتكلموا و فكرني مش فاهمه بس لا ....كنت فاهمة و عارفه كل حاجه....بس كنت صغيره و ضعيفة معنديش القوة اللي تخليني اجيب حقكم بس دلوقتي كل حاجه اتغيرت
محمد:و كده هتجبيها....لما تدمري ادهم و تخليه مش قادر يبص في وش حد ولا قادر يبص لنفسه في المرايا حتي ....سيبك من كل دا ....هتقدري تبصي في وشه تاني طب هيبقي ليكي عين تتكلمي معاه
لتنظر له بدموع
محمد: ردي عليا ....هتعرفي و هيجيلك الجرأه انك تبصي في وشه و تتكلمي معاه
سيلين: لا مش هقدر يا بابا
: يبقي متعمليش حاجه هتدمرك قبل ما تدمر اللي حواليكي
: طب و حقنا
:ربنا موجود يرده لينا بس كله بالصبر
لتومئ براسها و تجري لحضن ابيها ولاكن بداخلها مصرة على إكمال ما بدأته ...فماذا نفعل فالحديث لا يأتي بايجاب مع متمردة حكايتنا
------------
بفيلا المحمدي:-
وصل ادهم و دخل الي داخل البيت ليجد أبيه يجلس بانتظاره
سالم: انا مش مرتحلك
ادهم بمكر: ههههههههه لي كده بس
: مش من طباعك انك تكلمني و تقولي انك عايز تشوفني
: مش ابويا ولا اي ... شكلك كده لقتني علي بابا جامع و انا صغير
: بقولك أي ادخل في الموضوع علطول
: تمام....انا عايز اتجوز حلو كده
:نعم
:أي في اي ...كلامي مش واضح
: انا اللي المفروض اسالك يعني عايز تتجوز
: كل دا عشان بقولك عايز اتجوز
: اصل امك كانت بتتحايل عليك يعني اي اللي اتغير
: لقيت اللي غيرتني و خلتني احبها
: مين متعوسة الحظ دي
: سيلين
: مين يعني
: السكرتيرة بتاعتي
: نعم ي اخويا
: انت كل شوية هتستغرب كده
: اصل كلامك ميدخلش العقل...بس ماشي ممكن تبقي بنت ناس معروفين هااا أهلها مين؟!
: هما كانوا معروفين
: دي فزورة ولا اي م تخلص
: اصلها سيلين ....بنت محمد حامد المهدي
لينظر لابنه بذهول و اضطراب
ادهم: مالك يا بابا في حاجه
:انت عرفتها ازاي
: بقولك سكرتيرتي الخاصة
: انا مش موافق يا ادهم
: لي يا بابا دا حتي باباها راجل محترم و قالي أنه يعرف حضرتك جدا و بيعزك اووي
: هو قالك اي بالظبط
: امممم كل حاجه يمكن
: مش فاهم
: قالي على أملاكهم اللي اتسرقت منهم.....و على حامد بيه المهدي اللي مات بحسرته على شقي عمره و ثروته اللي سكرتيره الخاص اللي كان بيعامله زي ابنه و يمكن احسن من ابنه سرقهم منه بكل بساطه.... الناس معندهاش ضمير يا والدي
:انت عاوزه أي بالظبط يا ادهم
: عاوز اتجوز يا والدي
يتبع:-
ESTÁS LEYENDO
المشاكسة و المغرور
Novela Juvenilهي مشاكسه ذو لسان سليط بسبب لسانها تدخل في حرب هي لا تقدر عليها.. هو المغرور زير نساء يتعامل مع من حوله ببغرور و كبرياء الا مع من يعرفه جيدا .... فكيف التقيا و ماذا سيحدث و كيف سيوقعنا مشاكستها فالمشاكل و كيف سيجن المغرور
