Let Go

Chapter Six

"May kailangan kasi kong puntahan." Sabi ko.

"Puntahan? Hindi ka papasok ng hapon?" Tanong ni Erin.

"Papasok ako. Ngayong lunchbreak lang ako aalis babalik din ako before magstart yung next class." Sabi ko.

"Do you want me to go with you Reese? Para di ka mag-isa." Sabi ni Braze.

"Hindi na Braze. Kita na lang tayo mamaya!" Sabi ko sa kanila at tumakbo na ko paalis sa building.

Nagtungo ako doon sa tagong parte ng campus na malapit sa mga education students.

Naupo lang ako sa ilalim ng malaking puno doon at tumanaw lang sa malawak na field na nasa harapan ko.

Hindi ko akalaing sobrang laki pala talaga ng eskwelahang ito.

Kinuha ko ang sandwich at juice ko sa bag at iyon ang kinain ko.

"Para kang tanga Reese." Bulong ko sa sarili ko.

Dahil nagdahilan pa ko ng kung ano-ano para lang makalayo sa kanila.

Bakit kasi ang hirap ng sitwasyon?

Bakit kasi isang lalaki lang ang nakakuha ng pareho naming atensiyon?

Napahawak ako sa dibdib ko nangbahagyang kumirot ito.

"Kalma heart mawawala din to. Makakasurvive tayo pareho." Sabi ko habang marahang tinatapik ang dibdib ko.

Inubos ko lang ang oras na nakaupo sa ilalim ng puno habang nakikinig lang ng music sa phone.

Nang tumuntong ang ala-una ay nagtungo na ko sa pathway papuntang I.T Building. Malayo pa lang ako ay tanaw ko na silang masayang nag-uusap habang nakaupo sa isang shed.

"Kumusta lakad?" Tanong ni Elisse nang makalapit ako sa kanila.

"It's fine." Sabi ko lang.

"Kuya palit tayo ng upuan, gusto ko diyan sa gitna ni Elisse at Erin." Sabi ko kay Marcus nang mapansin kong sa tabi ni Braze yung bakanteng upuan.

"Ayoko nga! Diyan ka sa tabi ng Braze mo! Kanina pa nagmamaktol yan." Sabi ni Marcus.

Napatingin naman ako kay Braze na busngot na ang mukha.

"Kung ayaw mo kong katabi aalis na lang ako." Sabi ni Braze at naglakad palayo.

"Sundan mo Reese. Kanina pa niya hindi alam ang gagawin dahil pakiramdam niya iniiwasan mo siya." Sabi ni Pam.

Napatitig naman ako sa kaniya. Napabuntong hininga na lang ako at patakbong sinundan si Braze.

Sakto namang papasok pa lang siya sa building nang mahawakan ko ang braso niya.

Hinila ko agad siya. Dire-diretso akong lumabas ng campus. At huminto lang nang nasa tapat na kami ng nagtitinda ng streetfoods.

"Bakit hinila mo ko dito?" Nagtatakhang tanong ni Braze.

"Nagugutom ako eh." Sabi ko.

"Eh bakit kailangang ako pa ang hilahin mo? Bakit hindi sila Elisse ang isinama mo tutal ay sila lang naman ang gusto mong makasama at hindi ako." Sabi niya na may himig pagtatampo.

"Hindi naman sa ganoon Braze. Gusto ko lang naman na makipagbond ka din sa iba hindi yung puro tayong dalawa ang magkadikit. Hindi lang naman ako ang kaibigan mo. Nandiyan sila Marcus, si Pam gusto ko lang na ibalik yung closeness niyong dalawa noon. Bago pa naging tayo ang malapit Braze." Sabi ko.

"Pero malapit pa rin naman kami Reese. At tsaka close naman ako sa kanilang lahat. Hindi ko naman pinababayaan yung ibang kaibigan natin kahit pa ikaw talaga ang Focus ko." Sabi niya.