Let Go

Chapter Six

Flashback continuation...

Kinabukasan ay tamad akong bumangon sa higaan at kumilos para pumasok sa klase.

Tahimik akong kumain ng agahan at matapos noon ay umalis na sa bahay.

Mabilis ang naging byahe ko. Pagbaba ko sa tricycle ay mabagal lang akong naglalakad. Lalampasan ko na sana yung grocery store kung saan kami naghihintayan ni Braze nang may biglang humablit sa braso ko.

Napaangat ako ng tingin at sumalubong sakin ang seryosong titig ni Braze.

"Bakit hindi mo sinasagot ang tawag ko nung nakaraan? Ni hindi ka rin nagtext tapos pinatay mo pa ang phone mo? Do you know how worried I am? Nagpaaalam kang pupunta lang sa CR tapos hindi ka na bumalik, may problema ba Reese?" Dire-diretsong tanong niya.

Hindi ako nagsalita at tumitig lang sa mga mata niya.

Seeing how worried he was of me hurt a bit.

'I know that I have fallen for this guy. Bakit kasi siya pa ang ginusto ni Pam?'

"Reese, please tell me. May problema ba?" Sabi niya at humawak sa braso ko.

Bumuntong hininga muna ko at nag-iwas ng tingin sa kanya bago nagsalita.

"Wala Braze." Sabi ko lang at tinanggal na ang pagkakahawak niya sakin.

"Are you sure?" Sabi niya.

Tumango na lang ako at hindi na nagsalita.

Naglakad na ko paalis kaya naman sinabayan na niya ko. I know that gusto pa niyang mangulit para magsabi ako ng totoo pero pinipigilan niya ang sarili niya.

Tahimik lang kami sa byaheng dalawa hanggang sa makarating na kami sa school.

Pagpasok sa gate ay tanaw ko na sila Elisse na naghihintay na samin sa pathway.

Dali-dali akong dumiretso sa kanila at lumapit agad kay Elisse.

"San ka pumunta nung nakaraang araw?" Bungad na tanong ni Elisse sakin.

"Umuwi na. Sumama kasi ang pakiramdam ko." Pagsisinungaling ko.

Napatango naman sila dahil doon.

Nagtungo na kami sa aming first subject at di kagaya nung nakaraan kay Elisse ako sumabay maglakad at hindi kay Braze.

Ramdam kong nasa likod ko lang siya kasabay si Pam.

Napangiti ako nang marinig kong nag-uusap sila. Dahil iyon naman ang gusto ko.

Pero hindi ko pa rin maiwasang makaramdam ng kirot sa puso ko. Dahil hindi ko man aminin alam ko sa sarili kong nahulog na ko.

Pagpasok sa room ay dun ako naupo sa pagitan nila Erin at Elisse na lagi dating pwesto ni Pam.

"Reese ako diyan. Dun ka sa tabi ni Braze." Sabi ni Pam nang makalapit sakin.

"Ikaw na lang don, dito na lang ako." Sabi ko.

"Sira. Ganun na ang ayos natin noon pa bakit ayaw mo nang tumabi sa kanya? May problema kayo?" Sabi ni Pam.

"Palit na muna tayo ngayon. Please." Sabi ko na nagpapaungay pa ng mata.

"Okay." Sabi naman niya at naupo na doon sa dating pwesto ko.

Ramdam ko ang titig sakin ni Braze na alam kong naguguluhan na sa ikinikilos ko pero hindi ako nag-abalang tingnan pa siya.

Matapos ang klase ay mabilis kong ianyos ang nga gamit ko.

"Bakit nagmamadali ka?" Tanong ni Elisse.