انتقام زوجه

#إنتقام زوجة17 الأخيرة
جهاد والله لازم نكلمه واخيرآ قربت نهاية بشرى
ازهار شن بدير
جهاد نكلم الولد وع اساسه نقرر المهم نهاية بشرى قربت
اصيل خشي إنتي وتوا نجي
بشرى تمام حبي ردبالك ع روحك
اصيل حاضر من عيوني
انا قاعدة ف الصالة ونتفرج
بشرى خشت وهيا تغني وقربت جيهتي نوضي حولي من هنا الصالة صالتي ومعاش نبي نشوفك هنا انتي مكانك المطبخ والمخزن
انا حوش بوك وانا مانندري
بشرى لاحوشي انا وورتني الورق من بعيد لكن
انا فعلآ إنك جيعانه
بشرى ايه وتوا شبعت ونحب نقولك ردبالك تفتحي فمك قدام اصيل وتقولي اني خبرتك لانك حاتلقى روحك ف الشارع هو لو انك جبتي بيبي كان كتبه بأسمك لكن للأسف انتي عقيمة
أنا مسكينة انتي كلامك هدا كله مايهز فيا لانه طالع من وحدة مريضة بس حايجي يوم وطيحي طيحه كلاب صدقيني وقعدت نتبسملها
زي مايقولو الإبتسامه تفقد العدو لدة الإنتصار وخشيت لداري
بشرى واطية
انا بديت نبكي معقولة يااصيل طلعت غبي لهدرجة معقولة بس تمام حسابك عندي انت وياها
بشرى اااه قداش ماتعبانه خلي ندوش ونرقد
انا زعما عندي ممري احتياط ف الدولاب خلي ندور هنا زعما اوووه لقيته الحمد لله
بشرى بنخش ندوش لما نطلع نبي نلقى الغداء واتي
أنا حاضر من عيوني وخليتها لين خشت وجري لدارها غبية لو منها كنت سكرتها بالمفتاح يارب نلقى التلفون يارب ولقيته ف الشحن خديت الممري متاعها وحطيت الممري متاعي وطلعت
جهاد السلام عليكم
صابر وعليكم السلام
جهاد انا جهاد ولد خالت ميساء
صابر بالجودة بيك
جهاد ازهار حكتلي ع الموضوع الى صار بينكم
صابر اها لو تبي تسأل اي شي تفضل
جهاد نبي لو عندك رسايل صور اي شي نفضحوها بيه
صابر عندي رسايل وتس بس اما صور مسحتهم الحق
جهاد مش مشكلة حتى الرسايل حل ديرلهم سكرينات وابعتهملي
صابر تم
أصيل ميساء حبي
انا ياعيون حبك
اصيل شوفي شن جبتلك
انا شن هذا
اصيل افتحي وتو تعرفي بروحك
انا الله تلفون جديد شكرآ حبيبي هدية حلوة
اصيل اسف لاني عصبت عليك وكسرت هاتفك
أنا عادي حبي ولايهمك وف خاطري جاء ف وقته
فات اليوم عادي
انا هيا العشاء
اصيل وين ماشية
انا ماخاطري كولو إنتو صحتين وخشيت لداري قعدت نضم ف دبشي ودسيت الشنطه ف الدولاب وبعتت مسج لجهاد
جهاد يانعليااااا ياآلبي ستاحشتك يافرخه
انا حتى انا هلبة ياحانط وحكيتله كل شي
جهاد يعني الصبح نجيك
انا ايه لأن هذا اخر يوم ليا ف الحوش هذا
جهاد بنبعتلك سكرينات ع الوتس لبشرى
انا تمام كل شي نمسكوه ع الحقيرة بشرى مهم عندي
جهاد ردبالك ع روحك يابنت انا خايف عليكي
انا متخاف جهاد كله حاينحل وبنرد كرامتي
جهاد امتى بيجي غدوة مستاحش لشوفت عيونك
انا مازال ماعقلت عن الحركات هدي
جهاد لاعقلت وواجد
انا خلاص توا بنسكر باش ندير الى قتلك عليه
جهاد طمنيني عليك تصبحي ع خير
انا تصبح ع خير
غسلت الماعين وقعدت ف الصالة مع اصيل وبشرى ف دارها
اصيل نحس ف روحي ناعس ومسخسخ
انا اكيد من التعب خش ارقد حبي وارتاح
اصيل إنتي مش راقدة
انا مازال بنتفرج ع المسلسل
اصيل ماتعطلي تصبحي ع خير
انا تصبح ع خير
خش اصيل وبعد نص ساعه خشيت عليه وكان راقد وخشيت عند بشرى وكانت ميتة قعدت نفتش ف ورق الحوش ومالقيته انا وين حطاته خلي نشوف بين دبشها وقعدت نفتش ولقيتهم وأخيرآ
ف الصبح
ماما نايض بكري اليوم
جهاد اليوم بنبدا حياتي من جديد ادعيلي ياغالية
ماما ربي يعطيك الى ف بالك
أصيل صبح يافتاح هذا شن
أنا صباح الورد يابيبي
اصيل الى نشوف فيه شن هوا
انا الى تشوف فيه نهاية حبنا ونهايه علاقتنا انت رخيت بيا ونحنا ف بداية مشوارنا تزوجت عليا وبدلتني تحسابها ساهلة صح وفرحت هلبة انت لأني ماحاولت نعارضلك ومادرت مشاكل لو جيت وقتلي ياميساء انا بنتزوج وقتها كنت انا مشيت وخطبتهالك بس انت شن درت كنت ترقد معايا وتكلم فيها ع النت كنت تقولي نحبك وتقوللها فيهاحتى هيا تحملت هلبة حاجات عشانك قاطعت اهلي وناسي سيبت خدمتي نقطعت ع الناس كلها وشن جازيتني انت بالخيانه انا الفترة الى فاتت كلها متقززة منك وكارهاتك بس درت كل هالشي عشان اللحظة هدي اللحظة الى نبرد فيها ع روحي ونرد فيها كرامتي هذا ورق الحوش الى كتبته لبشرى لكن قبل مانعطيهولك اسمع التسجيلات وشوف الصور
كانت مدايرة برنامج تسجيل والأصوات لقيتهم صدفه ف الممري
اصيل يسمع ومصدوم ويشوفلي
انا كانت حبيبة صاحبك صابر خاناته وكلماتك عشان فلوسك وهوا قعدت حرقه ف قلبه وشوف رسايلها معاه
اصيل ليش ماخبرتيني من الأول
انا ماكانش عندي دليل ولو تكلمت مش حاتصدقني
اصيل اسف ماتسيبيني نحبك انا
انا معاش ينفع يااصيل الى تكسر مستحيل يتصلح خود ورق الحوش هذي اخر هدية مني ليك
اصيل وراسك حبي ماتسيبني انا نحبك واسف لو غلطت معاك حانطلقها ولو تبي حانقتلها
انا لا يااصيل ماتحاول لاني مستحيل نتراجع عن قراري ورقتي توصلني ف اقرب وقت
جهاد رن عليا
انا بالسلامه يااصيل نشوفك بخير
أصيل يلحق فيا ميساء اسمعيني ماتمشيش ميساء نحبك انا ماتخليني
بشرى ناضت ياربي شن فيه وليش العياط هذا كله
انا فتحت الباب
جهاد نزل من السيارة وخدا مني الشنطه
اصيل ميساء بالله عليك ماتمشي شوفيني كيف نتغوطلك
جهاد اركبي هيا ومشينا
اصيل خش لبشرى ياكلبة ياحقيرة ياواطيه كله منك يافرخة الحرام ونزل فيها ضرب ونتشلها شعرها وحدفها ف الشارع
بشرى تبكي وتحاول تستر ف روحها
جهاد ابكي عيطي معاش دسي شي ف خاطرك
انا ماترفعني للحوش مانبيش نمشي غادي
جهاد نمشو للمزرعه
انا اي مكان المهم الحوش لا
مواهب لاحول الله وخلاص وجابت لبشرى عباية ووشاح ودخلتها لحوشها وتصلت بأهلها وجو رفعوها للمستشفى لانها قعدت تنزف ومع الاسف جهضت
اصيل طلع من الحوش وهو معصب
جهاد معاش تخبي انتي مش حيط راه تكلمي ابكي عيطي
أنا حضنته ليش صار معايا هذا كله ليش حبيته من قلبي كنت محافظة ع بيتي وكل شي يبيه نديره ليه ماقصرت معاه ف شي ليش صار معايا هكي ليش
جهاد إبكي ياألبي وطلعي الى ف خاطرك
انا بعدت من عنه ومسحت دموعي معاش نبي نبكي ع حد
جهاد خيرنا الزح توا كنا حلوين مسرع تمو الدموع تعالي ف حضني وابكي
انا معاش نبي نبكي عليه خلاص مايستاهل
جهاد باهي ابكي عشان صاحبتك الى طاحت ع راسها ف صف رابع.
انا ههههه قاعد تتفكر فيها
جهاد ومستحيل ننساها يوم جيتي تبكي وتقولي قتلتلها
انا وانت قعدت تضحك عليا
جهاد قرب مني ديما خليك تضحكي ضحكتك تهبل فيا ومعاش تزعلي باهي
انا باهي
جهاد حي
انا شن فيه
جهاد عيونك ينزلو ف النافطة
انا نافطة شن
جهاد تعالي شوفي وجهك ف المراية غولة
انا هدي المسكرا
جهاد قعد يمسحلي ويشوفلي
انا خيرك تشوفلي
جهاد نحبك
انا هههه حناطه
جهاد والله نحبك ونموت فيك ليا هلبة نراجي ف اللحظة هدي تأخرت باش قلتها وندمت لاني ماقلتها بس توا نقولهالك نحبك ونموت فيك
أنا بس ياجهاد
جهاد بدون بس انا مش طالب منك شي ونقدر نستناك طول العمر وباسني من فمي بوسة طويلة
انا جهاد لا انت شن درت
جهاد الى ماقدرت نديره من سنين ينعليااااا منك وخلاص
انا روح بيا تووا
جهاد حاضر
وصلتني ورقتي من اصيل وقررت نبدا حياة جديدة جهاد ماما طلعاته من الحوش عشان انا ف فترة العدة
ازهار بنكلم حبي صابر ستاحشته
انا حي قصدك طيحتيه
ازهار عيب يفوت عليا طرف وما نطيحه
انا باه افتحي الباب
ازهار افتحي انتي
انا منو
الى يخبط افتحي وكان صوت بنت
انا فتحت 😱جهاد شن دير هنا ودسيت خلف الباب
جهاد مرايف عليكي يابنت لامتى بنصبر
انا جهاد حرام عليك قعدو عشرة ايام خليهم يفوتو على خير
جهاد باهي خليني نشوفك حولي ايديك
انا لا
جهاد عشان خاطري باش نمشي
انا كيف بنحول ايديا
ازهار ماما تعالي لجهاد
جهاد هرب وانا سكرت الباب
ازهار انتي ياغبية خلي العدة تكمل بعدها ديري حركات المراهقة الى ديري فيهم
بعد مرور 5سنوات
بشرى ماتت ف حادث سيارة
اصيل عايش ومش عايش وقريب يموت من الحسرة والندم
ازهار خطبها صابر وعرسها قريب
جهاد يابنت اوقفي ع الميزان
انا حبي والله ماكليت شي
جهاد اوقفي
انا وووه عليا منك وقفت
جهاد بحثي فيا وقولي شن واكله
انا كليت بيتزا وشاورمابس
جهاد اناشن قتلك تمارين الضغط يلا 100مرة
انا حرام عليك وسمعت صوت بنتي تعيط
جهاد ينعليااااااا بنتي الحلوة ناضت
ايه زي ماسمعتو جبت بنوته وعمرها سته شهور سميتها سحر وعايشة حياتي مبسوطه مع الحانط جهاد ربي عوضني بيه
الصبر دواء لكل داء ف هلبة ناس فقدت الامل من رحمه ربي بس نحب نقوللكم خلو ثقتكم بربي كبيرة لانه هو ارحم منا ع انفسنا ربي يجبر بخاطر كل قلب مكسور ويرزق كل محروم ويسعد كل محزون
جهاد ينعليااااا منكم كلكم ماتيأسو من الحياة وكل ماضاقت وصعبت تأكدو بأن الفرج قرب ان شاء الله تكون قصتنا عجبتكم نحبوكم هلبة وواجد وكثير وااوي وبرشا
النهاية