انتقام زوجه

#إنتقام زوجة15
صابر لازم نتشجع ونحكيله ع بشرى وعلاقتي بيها
انا نوضي ياماما طيبي العشاء وورينا إبداعتك وكان تبي مساعدة انا حاضرة
بشرى اه ياواطيه طلعتي من تحت لتحت وانا الى نحسابك ع نياتك
أنا تعرفي من اليوم إنتي بديري الى انا بنقول عليه تسمعي
بشرى ههههه مازال ماجت ع الدنيا الى بتخليني نسمع كلامها
أنا أنور يابيبي شن رايك ف صورتي بالمايوه من غير ال..........
بشرى مصدومه
أنا خيرك سكتي ولاالقطوسة كلت لسانك ومازااال عندي هلبة أسماء وسكرينات بس نبي نفجرهم ف عيد ميلاد أصيل شن رأيك
بشرى ولاكلمه
أنا دافعي ع روحك نبي نسمع هيا مش توا كنتي تهددي
بشرى اسمعي انا مش ناوية شر مافيش داعي للحركات هدي وهدا ماضي وفات
انا ماضي وليه ثلاته ايام ماضي وانتي توري فيه ف حنه العرس يلا ياحلوة ع المطبخ توا ونبي السفرة ماتنقصها حاجه حتى سفر النايلو الى من عرس امي حطيهم
بشرى ف خاطرها هدي بتلعب لعبتها وبتفضحني لازم نخلي اصيل يكتبلي الحوش بأسمي ف اقرب وقت
أنا محلاه هالشعور يجنن وقعدت ف الصالة وحطيت رجل ع رجل وقعدت نتفرج ع التلفزيون بشرى تعالي يابنت
بشرى نعم
انا ايوا هكي نبيك شطورة جيبيلي طاسة مية وتكون مثلجه
بشرى ندير ف العشاء
أنا شن كنت نقول
بشرى باهي
أنا لا كان قعدت ع هالحالة لازمني قفطان حريم السلطان وتاج محلاه هالشعور
بشرى هاك
انا ماسمعتش
بشرى تفضلي
انا ارفعيها معاش نبي
أذن المغرب
بشرى وووك عليا تعبت وخشت للدوش
انا جبت الملين ودرته ف شربة العدس لأن اصيل يموت فيها بس بشرى ماتأكل فيها وعبيت الاكل ملح وطلعت
توا نوريك خدمتك وفمي ساكت تحملت الإهانات والتجريح عشان اللحظة هدي إنتو الى بديتو وانا الى بننهي
جهاد الواطي كان نمسكه نكسرله عظامه بكرا نعدي للمحل ونشريلها أحلاتلفون
أزهار ياعيني ع الدلع محلاكم كان تتزوجو اصلآ انت غبي ليش ماعترفتلها من زمان
جهاد كنت طايش وماعندي عمل لابيت
ازهار وتوا ع اساس عقلت
بشرى طلعت من الدوش
انا هيااااااااا هياااااا
بشرى بدت تعيط عيوني ياماما نعميت
انا خيرك شن فيه ولقيتها تفطفط انا نشوفلها ونضحك انحرقي زي ماحرقتي قلبي وخديتي راجلي
بشرى اتصلي بأصيل وووه عليا بنموت اااااااه
انا جبدتها من ايدها ورفعتها للحمام وقعدت نغسلها ف وجها من اليوم انا الى بنبردك وانا الى بنعذبك حانخليك تتمني الموت
بشرى والله حسابك عند اصيل
أنا مسكتها من شعرها اسس ولاكلمه شن بتقوليله أصيل ترا قولي وطلعتها لدار ودرتلها كمدات مية مثلجه وجري غيرت المكحله
أصيل السلام عليكم
انا حبي باهي الى جيت بشرى عيونها تحسسو وقعدت تعيط وانا من بكري خايفة وماعندي تلفون باش نكلمك
بشرى تكذب عليك هيا اشبح شن حطتلي ف المكحلة
اصيل ترا نشوف عيونك ولقاهم حمر كيف الطماطه كيف صار هكي
انا كنت ف داري وسمعتها تعيط جيتها نجري لقيتها تنقز رفعتها للحمام غسلتلها وجها ودرتلها كمدات
بشرى بدت تبكي كدابة هيا بدت تهدد فيا وقاتلي مازال ماريتي شي وهيا اشبح شن دارتلي ف المكحله
انا جبت المكحله حبي شوف بعينك بنكحل قدامك لو مش مصدقني وكحلت شوف ليش انا عيوني ماوجعوني ليش ومشيت نجري لداري ع اساس مثأترة
بشرى كذابه والله كذابة
أصيل أس ولاكلمه تلقيه من الزواق الى ديما ديري فيه اهي كحلت قدامك ليش عيونها ماوجعوها اخر مرة تتبلي ع ميساء تي هيا قريب تحطك فوق راسها بارك الله فيها وانتي هكي تجازي فيها
بشرى بس انا مانكذب
أصيل ولاكلمه اسس
انا ع اساس نبكي
أصيل حبي ياعيوني ماتبكي
أنا حبي مش عارفه ليش هيا تعامل فيا هكي انا شن ذنبي اني حبيتها ونعامل فيها زي اختي وفرحانه بالبيبي وخايفة عليها بس هيا تتبلا عليا ترضاها انت
أصيل حضني ياروحي إنتي خلاص ماتبكيش انا عيطت عليها وهيا توا تتأسف منك وحتى هدي أمسحيها ف وجهي
انا عشان خاطرك حانسامحها ومش زعلانه منها
اصيل انتي عسل وقلبك أبيض وانا نعرفك كويس
انا اهم شي إنت مصدقني
أصيل أكيد حبي
أنا مسكين حتى انت قداش تسخف
أصيل هيا نوضي نتعشو
بشرى الليلة لازم ندير اي لقطه تخليه يكتب الحوش بأسمي
أصيل بشرى نوضي حطي العشاء
انا خليها توا أنا نحطه
اصيل خليكي إنتي هيا تنوض تحطه خليك جنبي عندي ليك هديه حلوة
انا بجد شن هيا
أصيل هاتي وذنك نقولك شن هيا
أنا هااا قول
أصيل عضني
انا غشاش
اصيل بعدين نقولك
بشرى هيا العشاء
أصيل الله شربة عدس وهيا الوحيدة ماعبيتها ملح باش يكثر منها
انا على اساس نأكل
اصيل تي هذا شن الدنيا كلها لاعبه فيها ومعبيتها ملح
بشرى عارفني مانعرف نطيب
أصيل معاش نبي نسمعها تعلمي
أنا الحمد لله يسلمو إيديك بداية موفقه
بشرى تفنص فيا
أم أصيل زعما شن صاير ف ميساء اكيد بشرى موريتها نجوم الظهر
نجاة مرات العكس
ام اصيل لا أكيدا واخده حقنا من ميساء كل منها الناس قعدت تعزر ف ولدي
أصيل هيا ياحبي اليوم ماعندك وين تهربي مني
أنا وووه عليا منك قاعدتلك أنا ثواني ندوش ونجي ندلعلك الجو
أصيل هيا جري ماتعطليش عليا مستاحشك هلبة
انا تمام
بشرى الليلة ليلتها خلي ندير لقطه قبل مايرقدو ويفوتني
بشرى ااااه يابطني اااااه يتبع