انتقام زوجه

#إنتقام زوجه13
أنا الخطه هدي فشلت بس الخطه التانية مش حاتفشل
وصلنا للبيت وكانو بشرى وأصيل فرحانين أما أنا فاكنت ف عالم تاني
جهاد زعما شن صار مع ميساء ودارلي رنه
أنا خشيت لدار وتصلت بيه
جهاد هلا شن صار معاك
أنا جت الحزينة بتفرح مالقتلها مطرح تغدت بيا قبل مانتعشاء بيها
جهاد تكلمي يافرخة شن الى صار
أنا طلعت حامل ياجهاد حامل
جهاد كيف صار
انا مش عارفه كنت نسمع بالمعجزات لعند شفت وحدة بعيني
جهاد ماتزعلي عندك السكرينات تقدري تفنشيها بيهم
أنا هذو أملي الوحيد ياجهاد
جهاد نجي نجيبك عندنا
أنا لاياجهاد خليها غدوة
أصيل خش عليا فجأة
انا سكرت الهاتف
أصيل ف من كنتي تكلمي
أنا كنت نكلم ف ازهار
أصيل علاش سكرتي أول ماخشيت
أنا مممماااااا كملنا خلاص
أصيل هاتي التلفون وافتحي الرمز
أنا مانبيش ابعد من عليا
أصيل يعيط افتحي الرمز قتلك
أنا فتحته ليه
أصيل ياعيني صار قلتي أزهار شن قتلك ع الفرخ جهاد انا مش قتلك معاش تكلميه ويحدف التلفون ع الحيط
أنا عيوني ع التلفون الى فيه السكرينات ومش مركزة هوا شن قاعد يقول
اصيل حسابي معاه جهاد الكلب وطلع
أنا قعدت جنب التلفون وقعدت نركب فيه ونولع فيه بس بدون فايدة مباش يولع حطيت إيديا ع وجهي وقعدت نبكي
بشرى ولعت بدون ماندير أي مجهود ومازال لما يكتب الحوش بإسمي حادوقي الويل ياميساء
أصيل يدق ع الباب جهاد اطلع ياواطي
ماما ان شاء الله خير شن فيه
جهاد مايطلع حد توا نرجع وفتح الباب
أصيل مسك جهاد من تشيرته شن تبي من ميساء ياحقير يا.......
جهاد حول يدك وكلمني كيف الرجالة لاني حركات العويل مانحبهنش
أصيل انا عيل وضربه بوكس ع وجهه
جهاد انا تمد ايدك عليا وشد اصيل وطيحه ع الارض ونزل فيه بوكسات وجت الناس وقعدت تحز فيهم
أصيل وربي الما نقتلك
جهاد يباعد ف الناس عشان يمسك اصيل ويفش الغل الى داسه سنين ف قلبه
أصيل ركب سيارته ومشى
جهاد خش وكان خشمه ينزف
أزهار الله حيو يابطل عطيته طريحة مستحيل ينساها
ماما اسكتي إنتي وفهمني ياولدي شن فيه وليش تعاركتو
جهاد شوفت عينك ياخالتي بروحه جاء وتهجم عليا
أصيل رجع للبيت وخشلي ف الدار من اليوم العمل تنسي أمه وطلوع من الحوش لا وكان وجهه متورم
أنا ساكته ولاكلمه وفى خاطري يستاهل اكيد جهاد خدا حقي بس كيف بنطمن عليه خشيت دوشت ولبست بدي وسروال ودرت مكياج وظفيرة ع جنب وخشيت للمطبخ درت الغداء ودرته رشدة كسكاس
أصيل نشم ف ريحة حد يطيب
بشرى إيه صح حتى انا شميتها الريحه
أصيل خلي نوض نشوف من وين جاية
أنا حاطه السماعات ونتمايل يمين ويسار ممكن من قهرتي ولامن غبائي بس المهم مستحيل نخليه يشوفني منهارة ممكن زودتها صح بس هذا أحسن من إنه يحس روحه كسرني
أصيل قعد واقف ويشوفلي تي هدي مش توا كانت ف دارها وحاطه إيدها ع خدها تي من شن مصنوعه حاس روحي كيف بديت نتعرف عليها تي مش هيا ميساء الأولى
جهاد مقفل مقفل مقفل ووواك
أزهار العاشق الولهان زعلان
جهاد أطلعي البرا
أزهار ستاحشتها ولاخايف عليها
جهاد من تقصدي
أزهار ميساء من نقصد لو هيا غبية وع نياتها فاأنا مش زيها ونراقب فيك ديما وواضح عليك إنك تحبها
جهاد وشن ينفع وهيا متزوجه
أزهار لازم تردها ياجهاد عيشتها مع أصيل وهو متزوج أكبر غلط وأنا سمعت كلامكم ع بشرى
جهاد مش قتلك بطليها الحركة الحقيرة هدي
أزهار لو بطلتها ماكنت سمعت حاجة زي هدي
جهاد كيف الراي
أزهار لازم نخلوها تطلب الطلاق وتفوت اللعبة الفاشلة الى تلعب فيها مع أصيل لأنها هيا الى بتخسر وبعد تطلق نكشفو بشرى قدام أصيل وهكي هو الى حايخسر وانت تتزوج ميساء وتطلع من البيت ونفتك منك
جهاد ينعليااااا من أفكارك فكرة حلوة
أصيل قرب مني وحول السماعة
انا شفتله وقعدت نتبسم خلعتني
أصيل شن ديري
أنا رشدة كسكاس لبشرى برا أقعد جنبها شوية ويجهز
أصيل لو الحركات هدو ديري فيهم باش نغير راي فانقولك بطليهم أحسن
أنا أكيد مش ع خاطر هكي وانا مش من النوع هذا وإنت عارف كويس
اصيل توا نشوفو معناها
أزهار ارفعني عند ميساء نطمن عليها ونشوف الوضع كيف
جهاد يلا ألبسي
بشرى حبي قول لميساء تجيبلي الغداء هنا
أصيل ليش نوضي كولي معانا
بشرى مش قادرة حاسة بدوخه
أصيل توا نقولها وجاني ف المطبخ ميساء
أنا عيونها
أصيل حطي لبشرى بروحها ماتقدرش تطلع
أنا حاضر ولو تبي نوكلها بإيديا
أصيل لامافيش داعي انا وياك نتغدو بروحنا
انا تمام خود ارفع انت للصالة وانا توا نرفعلها
اصيل تمام
أنا خشيت لبشرى وحطيتلها السفرة
أصيل هذا شن وجانا يجري
أنا حاطة إيديا ع وجهي ونبكي
أصيل خيركم وليش السفرة ع الأرض
يتبع