غادر خالد الفندق باكرا ليتوجه الى المنزل بعدما اخبره صديقه على موعد ملاقاه المستأجره امام منزله ..
طوال الطريق لم تغادر تلك الفتاه مخيلته خاصه عينيها السوداويتين .. ونظراتها المتعجبه تاره والغاضبه تاره اخرى .. والمتحديه كثيرا..
ابتسم لتذكره ردود افعالها الطفوليه وغضبها المصطحب بتقطيبه امتعاض لحاجبيها وشفتيها المزموتين طوال الوقت مما زادها جمالا وجاذبيه ..
اثناء اقترابه من محل سكنه تخيل بسيدتان واقفتان امام منزله .. اقترب أكثر ليراها .. عرفها فور رؤيه شعرها الاسود المتطاير على وجهها .. تمنى من كل قلبه ان تكون هى وبالفعل حدث ماتمناه .
ترجل من سيارته بهدوء وهو يراها قد ارتبكت وتبعثر حالها فور رؤيته .. اقترب منها اكثر واكثر حتى وقف امامها ..
اجاب خالد على سؤال صديقتها ونظراته لاتفارق سوما : ايوه انا خالد .. مين المستأجره ..
كريستين بنبره تملؤها الاعجاب : اهلا مستر خالد ..اقدملك سوما حتكون مستأجرة معاك فى الشقه
ضحك خالد ضحكه ذات مغزى موجها كلماته الى سوما بعد ان زاد ارتباكها وتوترها : اهلا يامسز سوما اتفضلوا
تقدمهم خالد الى الداخل بينما لكزت سوما ذراع كريستينا هامسه لصديقتها : انا مش حسكن هنا يلا نمشى
ارتفع صوت خالد بعدما سمع همسها : ماتتفضلى يامسز سوما ولا خايفه اطمنى انا مش بعض
سوما محاوله التملص من تلك الورطة : لا طبعا وحخاف من ايه بس بس .. انا .. انا مش حينفع ادفع النص حيبقى كتير
خالد متهكما وقد فهم محاولتها للفرار : اه مانا عارف مرتبك يادوب متخافيش انتى حتدفعى التلت بس واعتقد جون مفهمكوا الوضع الكويس ...
لم تجد سوما مفرا .. حاولت العثور على اى عذر لكنها فشلت مع نظراته الثاقبه تلك بالاضافه الى تلك الابتساه السخيفه التى لم تغادر شفتيه منذ وصوله ..
خالد مغادرا الى احدى الغرف : اتفضلى خدى راحتك اتفرجى زى ماانتى عاوزة وفى انتظار قرارك انا حكون موجود فى الاوضه بتاعتى وقدامك اوضتين فاضيين تقدرى تختارى منهم وهنا المطبخ وهنا الحمام ..
لكزت سوما كريستين فى ذراعها قائله بصوت منخفض بعد مغادره خالد الى غرفته : انا مش حعد مع الراجل ده هنا
كريستين وهى تنظر فى اثره باعجاب : ياشيخه يارتنى انا ده باين عليه جنتل مان اوى ... ده كفايه عيونه ياحظك ياسوما تعالى نبدل
حاولت سوما التعلق بأى امل للمغادره فقالت بجديه : انا بتكلم بجد وتعالى اه نبدل
كريستين بصوت خفيض : سوما اعقلى مش حينفع تباتى عندى تانى تيد جايلى النهارده طب خليها اقامه مؤقته لحد مانلاقى مكان تانى .. انما قوليلى شكلكوا تعرفوا بعض تعرفيه منين بقى انتى لحقتى ..
سوما : ماهو ده اللى كنت ححكيلك عليه بس ملحقتش .. الاستاذ ده داس على فستانى وبوظهولى الصبح وانا داخله الفندق .. وكمان من حظى طلع المدير فى الفندق يعنى رئيسى المباشر ..
كريستين بذهول : اوبااا مديرك وساكن معاكى فى نفس البيت ..طب ده كويس اوى على الاقل حتروحوا مع بعض الشغل كل يوم هنا التاكسيات صعبه اوى ..
سوما نافيه : اروح مع مين الشغل انتى اتجننتى .. بقولك ده قمه فى قله الذوق تقوليلى اروح معاه ..
كريستين بأسف : ياخساره مع انه شكله جنتل مان اوى معقول يكون سخيف كده ..طب خلاص حاولى تتجنبيه خالص وخلى بالك .. كلمينى لو حصل حاجه ..يلا ادخلى بقى انا لازم امشى اتاخرت سلام ..
ودعتها كريستين مغادره بينما ظلت سوما وحيده بعد ان فقدت الامل فى مغادره ذلك المنزل ..
جلست على احدى الارائك تفكر فى وضعها الحالى مع مديرها ذلك الذى نعتته بالغبى فهى ستصبح امام عينيه فى العمل وفى المنزل ايضا ..
تأففت بصوت عالى وهى تُرجع راسها للخلف بخيبه امل على ماسيحدث لها فى تلك البلاد ..
KAMU SEDANG MEMBACA
ذات العيون السوداء
Romansaتصل سوما الى النمسا تحديدا فيينا قبل موعد الكريسماس لتبدأ حياه جديده .. عمل جديد منزل جديد ومن الممكن ان تعثر على حبها الذى لم تجده من قبل .. بالفعل حصلت على عملها الجديد ويالحظها لعثورها فى نفس اليوم على منزل جديد لتقطن به .. لكن شريكها فى السكن هو...
