الفهد
الحلقه الخامسه ...
صلوا ع النبي💜♥️...
------------
فهد-طب متزعليش تعالي يلا عشان تاكلي.
رهف بدموع-لاء انا هطلع انام.
فهد ابتسم-ازعل هتسبيني اكل لوحدي؟
رهف بصتله وشافت ابتسامته-طب انت بتعملني ليه كده انا عملت فيك ايه؟
فهد بتنهيده-ولا اي حاجه معملتيش حاجه يارهف ...
رهف بدموع-انت مخليني هنا ليه يافهد غيتك مني إيه.
فهد-ما قولتلك حمايه ليا.
رهف-لاء انت مش بتهتم اصلا لحد فمتضحكش عليا.
فهد-اضحك عليكي ليه اصلا هخاف منك مثلا انا اي حاجه بتجي فدماغي بعملها علي طول...
رهف بدموع-انا مش هقبل يكون عندك حبيبه وانا علي ذمتك انا عندي كرامه...بلاش تجرحني لو ليك اخت ترضي حد يعمل فيها كده.
فهد اتنهد بضيق واخد ايدها قعدها علي الكنب-طب قوليلي انا عملت فيكي ايه؟ ضربتك! قربت لجسمك حتي وانتي مراتي انا بالعكس محافظ عليكي لاخر لحظه...متعيطيش بقي.
رهف بدموع-ممكن سؤال.
فهد -اسالي؟
رهف-انت بتحبني؟
فهد -ههه احبك!؟ جديده بس حلوه.
رهف-ايه يضحك في كده مستهلش الحب انا؟
فهد-احبك من يومين !وبعدين اصلا انتي مش شبهي عشان احبك...
رهف بصتله بدموع ومسحت وشها -مالها اللي زيي يافهد انا فيا إيه يعني ميعجبكش مش فاهمه...انت المفروض .
قطعها فهد-المفروض لما صحفيه تسال مجرم زيي وجاهل رغم اني مش جاهل سؤال زي ده يطير من الفرحه صح ده اللي كنتي هتقوله؟
رهف بصدمه-عرفت منين.؟
فهد بغموض-حفظتك ثم انا اذكي مما تتخيلي بعرف اللي قصادي بيفكر في ايه...
رهف -طب انا بقي مقدرش ابقي فوضع زي ده افرض انا عشت هنا كتير واتعلقت بيك قلبي اللي هيتكسر انت مش بتفكر في ده خالص ولا معندكش دم.
فهد بتنهيده طويله-لسانك ميطولش وبعدين عندي دم او لاء ....انتي مش بتحبي اللي كان خطيبك ومكنتيش طايقاني ايه اللي اتغير ...
رهف بندفإع-بقيت جوزي ما تحس.
فهد-حتي لو بقيت جوزك ايه حبيتني في ثانيه...ثم تعالي هنا انتي ابوكي مبيسالش عنك كده خالص وانتي لسه بنت بنوت ما يتحرق الشغل طب سيبك من ابوكي ولا حتي امك إيه العيله دي صحيح وزير ايه واللي بنشوفه في التلفزيون يقول عليكم عائلات مفيش منها...
رهف بلعت ريقها...ودموعها نزلت بحرقه...
رهف بدموع-ايوه مليش ام تسال عليا هتسال عليا ازاي وهيا مايته...ولا يمكن مش مايته معرفش سيبني فحالي ومتجيش ورايا....
فهد بضيق-اسف ...
رهف بعياط-كفاايه تجريح فيا ممكن..بعد اذنك تصبح علي خير...طلعت تجري علي فوق وهيا بتعيط.
فهد حس هنا بتأنيب الضمير ...فهد لنفسه-مهما كان مش يمكن مكنش لازم اقولها كده مش يمكن هيا اللي خلاها تكون مع ابوها انها محرومه من امها مهاش لاقيه حد يوجهها لي الصبح حتي لو كان ابوها ندل...
*****
فبيت مها ...
دياب-قولت ايه يامها؟
مها بصدمه-باابا بتقول ايه حضرتك عايزني اتجوز ازاي يعني وواحد معرفوش بقول لحضرتك شريف اخر الترم هيجي ويخطبني.
