روايه الفهد
الحلقه الرابعه ..
------------
شريف بستغراب -مش فاهم برضه وفيها اي لما زينه تنام مع لين.
مها -مفيهاش بس يعني العيب فيك انت هاه لانك ماشاء الله بتهزر مع اي حد هزار تقيل وانا ساعتها مش هستحمل.
شريف -هههه ياعبيطه غيرانه انا بحكيلك اهو هو انا من امته بخبي عليكي حاجه وبعدين انا اعاكس اي حد هزار بس انتي عارفه انا روحي فيكي انتي .
مها -كل بي عقلي حلاوه كل...
شريف-طب قربي وانا هاكل حاضر.
مها بتكشيره خبطته فأيدو-بحبك يامجنون.
شريف -وانا بموت فيكي قومي يلا علي المحاضره .
مها بصدمه-انت مش جاي!
شريف-هجي يابت هشرب سجاره واجي...في ايه .
مها-حرام عليك مضره بي الصحه...
شريف بضحك-ومش مضره بي حاجه تانيه.
مها -لاء طبعا.
شريف-هههه غبيه ياناس وربنا روحي...
مشيت مها...
وشريف طلع سجاره يشربها .
علاء -والله ماعندك دم انت بتشرب في الجامعه انت مش خايف حد يشوفك.
شريف-وهو في حد دي جامعه خربانه علي اللي فيها.
علاء -ربنا يكون في عون مها بتحبك علي ايه معرفش.
شريف-بتحبني ياصاحبي علي قد محبتي ليها.
علاء -سبحان مغير الاحوال لما انت بتحبها بتروح تسهر ليه مع شله الفساد بتاعتك...ساعات بحس انها ولا حاجه عندك حرام واللهي
شريف -بالعكس ياعلاء انا بحبها اوي بس مينفعش اظهر ليها ده .
علاء بستغراب-اشمعنا.
شريف-لان البنات بي حالات ساعتها هتتملعن علياا حتي لو روحي فيها لازم تفضل ديما حاسه اني هروح من ايدها عشان تمسك اكتر.
علاء-دماغك صعبه
شريف-هههه بس كيوت واللهي والبنات بتحبني..
علاء-هههه قلب الماما ياناس.
شريف-هههه مسمعكش فهد كان علقنا سوا ...
*****
فبيت الواحات .
فتحي -فهد بيه المأذون جه.
فهد بضيق-ماشي يافتحي دخله وانا شويه وهجي.
فتحي -عنيا حاضر...كنت عايزك في موضوع بعد كتب الكتاب.
فهد-قول يافتحي.
فتحي-لاء بعد كتب الكتاب هبقي اقول لحضرتك.
فهد بتنهيده-اخلص يافهد مفيش فيا نفس اخد وادي.
فتحي-اصلي مراتي بتولد وكنت عايز اروح اشوفها انا عارف اننا في مهمه بس مقدرش مشوفش ابني.
فهد ابتسم-مبروك يافتحي يتربي فعزك انا هجبلك اذن تروح لامراتك متخافش.
فتحي بفرحه-ربنا يخليك لينا يافهد بيه...عقبال ما تشوف عوضك.
فهد -هههه عوض ايه ياعبيط انت انا هتجوزها عشان المهمه...يلا روح انت دلوقتي.
طلع فهد علي فوق.
فتح الباب ودخل.
رهف بتكشيره-انت ازاي تدخل علي طول كده هقولك كام مره ان دي اوضه بنت ياجاهل.
فهد بتنهيده-جاهل طب ازاي يابنتي بلاش جاهل دي انا كنت بزاكر اكتر من اللي خلفوكي متستفزنيش.
