روايه .. الفهد
الحلقه الاولي...
روايتنا الجديده اتمني تعجبكم...
------------.
في مكتب رئيس التحرير...
خبطت رهف الباب ودخلت.
رهف-نعم يا خليفه بيه حضرتك طلبتني؟
خليفه -ايوه يارهف اقعدي...بصي يارهف انتي طبعا من ااشطر الصحافين اللي عندي ...في شخص خطير جدا اسمه فهد ...فهد السيوفي ده بيشتغل في الممنوعات وبيخطف اطفال وكبار بصي خطر كبيره علي االدوله ...يعني لو روحتي حققتي معاه من غير ما يحس واخدتي منوا معلومات اللي انا عايزها هيبقي عملنا انجاز كبير جدا وممكن تتنقلي نقله تانيه...ناس كتير معرفتش تروح عنده بس انا واثق انك هتعرفي تدخلي عنده وهتتكلمي معاه.
رهف -ههه حضرتك من كلامك عليه خوفتني هروح ازاي يعني ...وبعدين ممنوعات وخطف ده لازم يموت مش يتحكم عليه...
خليفه بغموض-قولت ايه يارهف انتي لازم تسافري الواحات.
*****
محسن بغموض-حضرتك البضاعه هتوصل ليك النهارده او بكره بي الكتير...بس انت عارف الجمارك
مجهول -وهو فيه جمارك بتفتش عربيه وزير
محسن -ياريت انا اللي اجبهالك واتعرف عليك ياباشا انا هموت وانول الرضي بس انت مش بتتعامل معايا غير في التلفون ورجالتك اللي بتاخد البضاعه .
مجهول قريب اوي...بقولك ؟؟
محسن-أومرني.
مجهول-البضاعه انا عايز تبعتها مع رهف بنتك .
محسن بصدمه-ايه رهف بنتي انااا ازاي ...وانت عرفت منين اني عندي بنت اسمها رهف...
مجهول-زي ما قولتلك... ومش مهم عرفت ازاي...
محسن بصدمه-ازاي يعني رهف بنتي اللي توصل البضاعه دي ...انت اتجننت افرض اتمسكت بيها...
مجهول بحده-مش هحسبك علي كلامك دلوقتي...تتمسك بي ايه دي عربيه الوزيررر يعني مين هيفتشها ومسمعش ولا كلمه زياده...
محسن-لاء لاء مستحيل ...
مجهول-لاء انا اخدت القرار بنتك اللي هتوصل البضاعه لا اما اتشهد علي روحك وروحها وانت عارف احنا مبيهمناش خالص وزير ولا غيرو...انت لسه مش عارف مين السيوفي.
قفل مجهول التلفون...
محسن فسره -يانهار اسود...
_
دخلت رهف فيلتهم...
شافت ابوها واقف مشيت عنده ببتسأمه رقيقه...
رهف -بخ مساء الخير يابابا
محسن ببتسأمه-صباح الخير يارهف.
رهف-ههههه صباح ايه بقولك مساء الخير...
محسن بتنهيده-معلش دماغي مش فيا الشغل واكل دماغي....
رهف-والله وانا عندي شغل كتير النهارده ...
محسن-ما انتي صحفيه بقي لازم يبقي الشغل مضاف عليكي.
رهف-واللهي يابابا فعلا ...في واحد عايزه اروح عنده ...اعمل معاه حوار بس خايفه يكشفني..
محسن-مين ده!؟
رهف-معرفوش شكلاً بس بسمع علي البلاوي السوده بتاعته اسمه فهد ...
محسن بستغراب-فهد ايه ده...سيبك المهم عمل ايه ده؟
رهف-معرفش كتير غيرر انه بيشتغل في ممنوعات كتير وبيخطف اطفال ...خليفه بيه قالي اروح اعمل معاه حوار بس وبعدين هعلنه لي الناس ...متتخيلش يابابا انا بكره الناس اللي بتشتغل في الممنوعات ازاي.
