روايه الفهد

الفصل الرابع

رهف-طب كنت في جامعه ايه؟
فهد بغموض-مش عارف نسيت اصلي جاهل ...يلا ياروحي عشان الماذون تحت وربع ساعه بالظبط وهتكوني مشرفه علي ذمتي.

رهف بضيق-بلاش يافهد انا مبحبكش عايز تتجوزني ليه انا بحب فادي خطيبي.
فهد بحده-حوش انا اللي هموت وبعدين انسي زفت خطيبك ده متجبيش سيرته علي لسانك متخلنيش اقطم رقبتك.

رهف-يعني هتجوزك بي العافيه.؟
فهد بغموض-انتي من جواكي الفرحه هتموتك...انتي تطولي !

رهف-اه اطول طبعا انا صحفيه مشهوره ....طب نتفق اتفاق هعملك اللي عايزه وبلاش جواز.

فهد بغضب-تقصدي ايه بتعملي اللي انا عايزه؟
رهف ببراءه-اقصد يعني هعيش اخدمك هنا وبلاش جواز...

فهد اتنهد بغموض-ماشي يارهف زي ما تحبي ...بس اختري بقي هتعيش هنا وهتسلميني نفسك من غير جواز...لا اما هتكوني علي ذمتي ومش هقرب ليكي.

رهف بصدمه-حرام عليك اللي بتعمله فيا ده.
فهد بحده-ومش حرام عليكم انتو تعبتو اعصابي هاتي بطاقتك بدل ما افقد اعصابي دلوقتي وهيبقي يومك منيل.

رهف بدموع-خد اهي بس اعرف اني بكرهك وانك متجوزني بي الغصب وهفضل طول عمري بحب فادي.

فهد ابتسم بغموض-ما لازم تحبي فادي يابنت الاكابر يامشهوره ما هو فادي من بقيت سلسله ابوكي وسلسلتك ...ايش جابكم ليا انا..
سابها فهد ونزل لي الماذون ...سابها تكلم نفسها.

قعدت رهف علي السرير تعيط ...طب هتقول لابوها ايه ولا لي فادي ايه ...طب هيا مبتحبش فهد ...فجأه الدموع وقفت .
رهف لنفسها-هو معقول انا فرحانه اني هتجوزه زي ما بيقول وانا مبحبوش ...ماشي انا هعمل بقي اللي مقدرش يعمله ودلوقتي...
_
فهد نزل تحت وكتب الكتاب مع المأذون والشهود كامل وفتحي كانو موجودين ...شويه وخلصه كتب الكتاب .والماذون مشي وفهد دخل يتكلم في التلفون.
                ****
لين -يلا امشي يا زينه نروح بقي.
زينه-لسه محاضره يابنتي انتي عندك زهايمير.

لين -مش عايزه ادخل محاضره الدكتور فادي يلا نروح وندخلها يوم تاني بس بلاش النهارده.
زينه-هتبينيلو انك خايفه منوا؟

لين -لاء طبعا انا مش خايفه بس مش عايزه اشوفه.
زينه -بت انتي اووعي تكوني معجبه بيه.
لين ببراءه-لاء يازينه بس انا بس بخاف حد يقرب مني بخاف قلبي يصدق وانا ساعتها اتوجع وبعدين انا مليش تجارب مع حد فمش عايزه حد يضحك عليا

زينه بتنهيده-طب يلا نمشي يالين مش مهم ندخل.
زينه اخدتها ولسه هتمشي..

فادي لمحها بصوت عالي وهيا ماشيه-لين..
لين بتوتر-الحقيني يازينه بينادي.
زينه-امشي واخرجي واكنك مش سامعه متبصيش وراكي..
خرجت من باب الجامعه.

فادي طلع يجري وراهم.
فادي-لين استني عندك انا مش بنادي عليكي..
لين بتوتر-سوري يادكتور بس انا مسمعتش
فادي-والله؟طب راحه فين! مش في محاضره.