كملنه ريوووك ونضفت البيت اني وجوري... وصعدت لشهاااب... هم رتبت غرفتي وراها اجتي عمتي نزلت تلكيتها باوستها وضلت تسألني شكو ماكو شلوني والكل طلع من جحورهم هههه وسلمو عليها....
سويت غدا جابو سمج شوي بس سويت التمن احمر والزلاطه ومر اليوم بشكل عادي....
بالليل خابرت بابا وماما مشتاقتلهم....
وراها اجه شهاب....ونمنه...
وجوري بعدهي تواصل ويه عبد الله.... كاللها بعد اياام يدز امه....
مرت الايام بشكل عادي وطبعا متخلة من حنية شهاب وحبه الي يوم عن يوم يكبر بداخلي...
صح جنت اعاند واجاسر بالكلام بس حيه وحنيته محت كلشي ماعرف انام الا بحضنه واغمر راسي بصدره مثل الطفل.....
اجة يوم الجمعه وكمنه تنضيف وشغل بس اشوووف جوري مو طبيعيه بيها شي متلبكه...
ولج جوووري شبيج شو تحوصين....
جوووري :- ولج ازل اليوم العصر عبد الله يدز امه....
هههههه اكول شبيج مو عله بعضج اي وشكو بيها عادي.... لديرين بال ان شاء الله خير.....
جوري :- هسه اجه دوري اعرفكم عله نفسي اني اخت شهاب مواليدي 1998 ازغر من ازل بسنتين خويفه كلش وفاهيه هههه ومواصفاتي عاديه مثل اي بنيه
حبني ابن خالي وانعجبت بيه وحبيته
لمن خطبنا لشهاب وخوالي كلهم اجوي....
عبد الله ابن خالي جان مسافر يعني بأربع سنوات هو بروسيا يدرس مشايفني.....
اجة قبل خطبة شهاب بأسبوع واجة وياهم الخطوبة.....
شافني وضل يتغزل هاي شنووو وصايرة تفاحة
وفدوة الخدود مادري بعمتي عدها بنية هيج وكبرانة.....
زعجني بنظراتة جدا جري.....
فمن رحنا للخطوبة واجينا احنا بسيارة
أمه كالتلة يوم الي اخطبلك بي ومثل هالجمعة تكون الك شنو رايك.....
كالها يوم الله وايدج بس انتظري انتظري اتأكد من شغلة ان شاء الله
تكون الفرحة مو بعيدة
يحجي ويباوع عليه....
غلست عنة اجانة ورة للخطوبة هم مرتين...
بس ابد ما حتكيت بي لحد يوم الحنة.....
جانوا الولد كلها تدك وتركص بليل محتفلين بشهاب.....
وقسم منهم مخبوصين وي امي بالخطار
هو جان كال البنات طفن ضوء الإستقبال
وباوعن منه.....
اني كلشي ما شوف عفت يحجي وتسحبت من ورة.....
ورحت للدرج بدون محد يشوفني
عدنا فتحة بالستارة مال السطح يعني اكدر اشوف كلشي براحتي وبدون إزعاج
وفعلا صعدت فوك كعدت اباوع مندمجة
اشوف.....
الولد شون يركصون يالله شون حلوين....
والرادود يقرأ قصائد جنن انوب كام يجر موال
مخصوص لشهاب.....
صافنة ونجريت من كصيبتي
شهكت واني اشوف عبد الله واكف ورأي...
عبدالله :- شعندج فوك اني مو كلت باوعن من الاستقبال.....
YOU ARE READING
رحل همي حين عرفتك
Romanceقصه حقيقيه..... اتعبت قلبي.... وياقلب بك ابتلى.... رضيت بنصيبي.... ولم يرضى النصيب بي... تعذبت تألمت والاهم من كل شيء صبرت فبعد الصبر بشرني ربي بك..... انت لي وانا لك انت ملكي وكل انش املكه لك..... اعشقك يامن خلقني الله من اضلعك.....
part 37
Start from the beginning
