#ﻋﺸﮓ_ﺑﺼﺮﺍﻭﻱ
بارت٢٧
ﺭﻳﻢ
ﻗﺒﻞ ﻣﺎﺍﺳﺎﻓﺮ ﻟﺮﻛﺮﻛﻮﻙ ﺷﻴﺦ ﺟﻼﻝ ﻃﻠﺐ ﻣﻦ ﺧﺎﻟﻲ ﻃﻠﺐ ﺍﺧﻴﺮ ﻭﻫﻮﻩ ﺗﻠﺒﻴﺔ ﻟﻄﻠﺐ ﻋﺎﻣﺮ ﺑﺄﻥ ﻳﺸﻮﻓﻨﻲ ﻗﺒﻞ ﻣﻴﺴﺎﻓﺮﻭﻥ
ﮔﻨﺖ ﻗﺎﻓﻠﺔ ﻣﺎﺍﺷﻮﻓﺔ ﻟﻜﻦ ﮔﺎﻟﻮ ﺣﺎﻟﺘﺔ ﺧﻄﺮﺓ ﻭﺍﺣﺘﻤﺎﻝ ﻳﻤﻮﺕ
ﻋﻤﺘﻲ ﺯﻫﺮﺓ ﺍﺟﺘﻨﻲ ﻟﻠﺒﻴﺖ ﻻﻭﻝ ﻣﺮﺍ ﺍﺷﻮﻓﻬﺎ ﻣﻜﺴﻮﺭﺓ ﺑﻬﻞ ﺷﻜﻞ ﺗﺘﺮﭼﺎﻧﻲ ﺍﺟﻲ ﺍﺷﻮﻓﻪ
ﺧﺎﻟﻲ ﺍﻭﻝ ﺷﻲ ﻣﻘﺒﻞ ﻟﻜﻦ
ﺷﻴﺦ ﺟﻼﻝ ﻛﺎﻝ ﻟﺨﺎﻟﻲ ﺍﻃﻴﻨﻪ ﺗﻌﻬﺪ ﻟﻠﺰﻟﻢ ﻣﺤﺪ ﻳﮕﺮﺏ ﺻﻮﺑﮕﻢ ﻣﻮ ﻧﺴﻮﺍﻥ
ﻭﺍﻓﻘﺖ ﺍﺷﻮﻓﻪ ﺑﺸﺮﻁ ﺍﺗﻄﻠﻖ ﻣﻨﻪ ﻳﺮﻣﻲ ﻋﻠﻴﻪ ﺍﻟﻴﻤﻴﻦ ﻭﻳﻨﺘﻬﻲ ﻣﻦ ﺣﻴﺎﺗﻲ ﻳﺨﻠﻲ ﺳﺒﻴﻠﻲ
ﻓﻲ ﺣﺎﻝ ﺭﺟﻊ ﻣﻦ ﻋﻤﻠﻴﺔ ﻭﻋﺎﻳﺶ ﺍﻛﻮﻥ ﻣﻨﺘﻬﻴﺔ ﻣﻦ ﺣﻴﺎﺗﻪ ﻟﻼﺑﺪ ﻭﺍﻛﺪﺭ ﺍﺑﺪﻱ ﺣﻴﺎﺓ ﺟﺪﻳﺪﺓ
ﻭﺍﻓﻘﻮﺍ ﻋﻠﻰ ﻃﻠﺒﻲ
ﺍﺟﻪ ﺍﻟﻴﻮﻡ ﺍﻻﺯﻡ ﺍﺭﻭﺡ ﻟﻠﻤﺴﺘﺸﻔﻰ ﻭﻱ ﺧﺎﻟﻲ ﻃﻠﻌﺖ ﻣﻦ ﺑﺎﻗﻲ ﻣﻼﺑﺴﻲ ﻟﻬﻨﺎ ﻣﻦ ﺷﺮﺩﻧﻪ ﻣﻮ ﻛﻞ ﺷﻲﺀ ﺍﺧﺬﻧﺔ
ﻟﺒﺴﺘﻬﺎ ﺑﻨﻄﺮﻭﻥ ﻭﺷﻲ ﺷﻮﻱ ﻃﻮﻳﻞ ﻭﻟﻔﻴﺖ ﺣﺠﺎﺏ ﺷﻤﺮﺗﻪ ﻋﺎﺩﻱ ﻣﺎﻣﺘﻌﻮﺩﺓ ﺍﻟﺒﺴﺔ
ﺍﺧﺬﻧﻲ ﺧﺎﻟﻲ ﺑﺴﻴﺎﺭﺓ ﺭﻳﺎﺽ
ﻧﺰﻟﺖ ﺍﻧﻲ ﻭﻳﺎ
ﺍﺧﺬﻧﻲ ﻟﻼﻧﻌﺎﺵ ﻫﻨﺎﻙ
ﻭﺍﻛﻔﺔ ﻋﻤﺘﻲ ﺯﻫﺮﺍ ﻭﺷﻴﺦ ﺟﻼﻝ ﻭﻣﺼﻄﻔﻰ ﻭﻋﻠﻲ
ﻭﮔﻔﺖ ﮔﺪﺍﻣﻬﻢ ﻣﻨﺰﻟﺖ ﺭﺍﺳﻲ
ﻣﻤﺮﺿﺔ ﻃﻠﻌﺖ ﮔﺎﻟﺖ
ﻣﻨﻮ ﺭﻳﻢ ؟ ! ﻟﻴﺶ ﻣﺄﺟﺘﻲ ﻟﺤﺪ ﻫﻞ ﻭﻗﺖ ﺍﻟﻤﺮﻳﺾ ﻳﻬﺬﻱ ﺑﺄﺳﻤﻬﺎ ﻣﻦ ﺍﻳﺎﻡ
ﺻﺤﺖ ﻫﺎﻱ ﺍﻧﻲ
ﺭﻳﻢ ﺯﻭﺟﺘﻪ
ﻻﻭﻝ ﻣﺮﺍ ﺍﻛﻮﻟﻬﺔ ﻭﺍﺗﻤﻨﻰ ﺍﺧﺮ ﻣﺮﺍ
ﺩﺧﻠﺖ ﺑﻌﺪ ﻣﻜﻤﻤﺔ ﻭﭼﻬﻲ ﻓﻘﻂ ﻋﻴﻮﻧﻲ
ﻭﮔﻔﺖ ﮔﺒﺎﻟﺔ ﻭﭼﺴﻤﻲ ﻛﻠﻪ ﻳﺮﺟﻒ ﺳﻌﻔﺔ
ﮔﺎﻥ ﺩﻧﻴﺎ ﺭﺍﺡ ﺗﻮﻛﻒ
ﺍﺳﻤﻊ ﻫﻤﺴﺔ ﺑﺄﺳﻤﻲ
ﺑﻘﻴﺖ ﺍﺑﺎﻭﻉ ﻋﻠﻴﻪ ﺑﺄﻧﻜﺴﺎﺭ
ﻣﻌﻘﻮﻟﺔ ﻋﺎﻣﺮ ﺻﻴﺤﻪ ﻣﻨﻪ ﺗﻬﺪ ﻋﺮﻭﺵ ﻣﻤﻠﻜﺘﻲ
ﻭﺍﺻﺒﺢ ﺍﺳﻴﺮﺓ ﻣﻮﺕ ﺍﻟﻴﻮﻡ ﺍﺷﻮﻓﺔ ﻓﺎﻗﺪ ﮔﻞ ﺷﻲ ﺳﻮﺍ ﻧﻔﺲ ﻭﻛﻠﻤﺔ ﻭﺣﺪﺓ ﺭﻳﻤﺔ
ﻛﺄﻥ ﻳﻌﺮﻑ ﺍﻗﺘﺮﺑﺖ ﻣﻨﻪ ﻓﺘﺢ ﻋﻴﻨﻪ ﻭﻧﺰﻉ ﮔﻤﺎﻣﺔ
ﻫﻤﺲ
ﺭﻳﻤﺔ ﺭﺍﺡ ﺍﻣﻮﺕ ﺧﻠﻲ ﺑﺎﻟﭻ ﻋﺎﻣﺮ ﻋﺸﻜﭻ ﻟﻠﻤﻮﺕ
ﮔﻠﻲ ﮔﺮﺑﻲ ﻣﻨﻲ ﺍﺭﻳﺪ ﺍﺷﻢ ﺍﻳﺪﭺ ﻣﺸﺘﺎﻗﻠﭻ ﻫﻮﺍﺍﻱ ﻣﺸﺘﺎﻕ ﻟﻌﻴﻮﻧﭻ ﺍﻏﺮﮒ ﺑﻴﻬﺎ
ﻛﺎﻟﻬﺎ ﻭﺧﺘﻨﻚ ﺧﻠﻴﺖ ﻛﻤﺎﻣﺔ ﻋﻠﻲ ﺧﺸﻤﺔ ﻭ ﺣﻠﻜﻤﺔ
ﻭ ﻛﻤﺸﺖ ﺍﻳﺪﻩ ﺑﻠﻜﺖ ﻳﺤﻦ ﻋﻠﻴﻪ ﻭ ﻳﻌﻮﻓﻨﻲ ﮔﺘﻠﻪ
ﻋﺎﻣﺮ ﺍﺫﺍ ﺻﺪﻙ ﺣﺒﻴﺘﻨﻲ ﺍﺭﻳﺪ ﺍﻃﻠﻚ ﺍﻃﻴﻨﻲ ﺣﺮﻳﺘﻲ
ﻧﺰﻝ ﻛﻤﺎﻣﺔ ﻭﻛﻠﻲ
ﻣﺎﺍﻃﻠﮕﺞ ﺍﻧﺖ ﺍﻟﻲ ﻭﺣﺪﻱ ﻣﻠﻜﻲ ﻭﮔﻠﺒﻲ
ﻟﻠﻤﻮﺕ ﻣﺎﺍﺗﻨﺎﺯﻝ ﻋﻨﭻ
ﺩﻣﻮﻋﻲ ﻧﺰﻟﺖ ﺭﺟﻌﺖ ﻛﻤﺎﻣﺔ ﻋﻠﻴﻪ
ﻭﻛﺘﻠﺔ ﺍﻧﻲ ﺭﺍﻳﺤﺔ ﻭﺍﺣﻤﺎﻝ ﺍﺧﺮ ﻣﺮﺍ ﺍﺷﻮﻓﻚ
ﻭﺣﺘﻰ ﻟﻮ ﻃﻠﮕﺘﻨﻲ ﻣﺎﺍﺯﻭﺝ ﻻﻥ ﻛﺮﻫﺖ ﻛﻞ ﺭﻳﺎﺟﻴﻞ
ﻫﺪﻳﺖ ﺍﻳﺪﻩ ﻭ
ﺿﻞ ﻳﺼﻴﺤﻨﻲ ﺑﺼﻮﺕ ﻣﺨﻨﻮﻙ ﻋﻔﺘﻪ ﻭﻃﻠﻌﺖ ﻣﻦ ﻣﺴﺘﺸﻔﻰ
ﺩﻣﻮﻋﻲ ﺗﺠﺮﻱ ﻣﻜﺪﺭﺕ ﺍﺗﺨﻠﺺ ﻣﻨﻪ ﻭﻻ ﺍﻛﺪﺭ ﺍﻗﺘﻞ ﻫﻞ ﻃﻔﻞ ﻟﺒﺪﺍﺧﻠﻲ ﻣﺎﺍﻛﺪﺭ ﺍﺻﻴﺮ ﺑﻼ ﺿﻤﻴﺮ
ﻣﺤﺒﻴﺖ ﺍﺑﻮ ﻟﻜﻦ ﺭﺍﺡ ﺍﺣﺒﺔ ﻭﺍﻋﻮﺿﺔ ﻋﻦ ﺣﻨﺎﻥ ﻟﻔﻘﺪﺗﺔ
ﻛﻤﺸﺖ ﺑﻄﻨﻲ ﻭﻛﺘﻠﻪ
ﺍﻧﻲ ﺍﻣﻚ ﻭﺍﺑﻮﻙ
ﻣﺎﺍﻋﻮﻓﮓ
ﺭﺟﻌﺖ ﻟﻠﺒﻴﺖ ﻭﻟﻤﻴﻨﺔ ﻛﻞ ﻏﺮﺍﺿﻲ ﻫﻞ ﻣﺮﺍ ﺑﻼ ﺭﺟﻌﺔ ﻟﻬﻞ ﺑﻴﺖ ﻻﻥ ﻳﺨﻨﮕﻨﻲ ﺍﻧﻔﺎﺱ ﺍﻫﻠﻲ ﺑﺤﻴﻄﺎﻧﺔ
ﻏﺮﻓﺖ ﺍﺳﻤﺎ ﻣﺸﺒﻮﺣﺔ ﺗﺨﻮﻑ ﻣﺎﺍﻛﺪﺭ ﺣﺘﻰ ﺍﺩﺧﻠﻠﻬﺎ
ﻭﻻ ﺍﻛﺪﺭ ﺍﺑﻘﻰ ﻳﻮﻡ ﻟﺦ ﺑﻬﻞ ﺑﻴﺖ
ﻣﻨﺬﺭ ﺻﻌﺪ ﻏﺮﺍﺿﻲ
ﻭﻛﻞ ﺷﻲ ﻳﺨﺼﻨﺔ
ﺭﻳﺎﺽ ﺍﺟﻪ
ﻭﮔﺎﻝ ﺳﻠﻤﻬﻢ ﻟﻔﻠﻮﺱ
ﻭﺍﺗﺤﺮﺭﺕ ﻣﻨﻬﻢ ﺳﻌﺎﺩﺓ ﻣﻦ ﻫﻮﺍﻱ ﻣﺤﺎﺳﺘﻬﺎ
بيج قصص عراقيه حقيقيه من واقعنا.روعه الطائي
ﻭﻣﺮﺕ ﺍﻳﺎﻡ ﺳﻌﺎﺩﺓ ﻣﺤﺎﺳﺘﻬﺎ ﻣﻦ ﺯﻣﺎﻥ
ﺧﺎﻟﻮ ﺧﺬﻧﻲ ﻟﻜﻼﺭ ﻭ ﺳﻠﻴﻤﺎﻧﻴﺔ ﺍﻓﺘﺮﻳﻨﺔ ﻓﺎﻣﻠﻲ ﻣﻮﻝ
ﻭ ﻻﺭﺑﻴﻞ ﻭﺍﻟﻘﻠﻌﺔ
ﺣﺎﻭﻝ ﻳﻐﻴﺮﻟﻲ ﺟﻮ ﺑﻘﺪﺭ ﻣﻤﻜﻦ ﻳﺤﺎﻭﻝ ﻳﺸﻴﻞ ﻫﻤﻲ
ﻫﻮﺍ ﻭﺭﻳﺎﺽ ﺻﺢ ﻣﺮﺍﺕ ﺍﺣﺲ ﺳﺎﺭﺓ ﺗﻐﺎﺭ ﻣﻨﻲ ﺭﻳﺎﺽ ﻫﻮﺍﻱ ﻣﻬﺘﻢ ﺑﻴﻪ ﻭﺗﺎﺭﻛﻬﺎ ﺣﺘﻰ ﮔﻤﺖ ﺍﺿﻮﺝ ﻣﻦ ﻫﻞ ﺷﻲ ﻣﺎﺍﺭﻳﺪ ﻳﺘﻘﺮﺏ ﻣﻨﻲ ﺑﺄﻱ ﺷﮕﻞ
ﺍﺭﻳﺪ ﺍﻋﻴﺶ ﻻﺑﻨﻲ ﻭﻧﻔﺴﻲ ﻭﺑﺲ
ﺣﻀﺮﺕ ﻋﺮﺳﻬﻢ ﻗﺒﻞ ﺷﻬﺮﻳﻦ ﻛﻠﺶ ﻻﻳﻜﻴﻦ ﻟﺒﻌﺾ
ﻭﻫﻮﺍﻱ ﺑﺎﻟﻌﺮﺱ ﺧﻄﺒﻮﻧﻲ ﺍﻗﺎﺭﺑﻬﺎ ﻟﮕﻦ ﺍﻧﻜﻠﻠﻬﻢ ﻣﺎﺍﺯﻭﺝ ﺑﻌﺪﻧﻲ ﺻﻐﻴﺮﺓ ﻣﺎﻛﻠﻨﻪ ﻻﺣﺪ ﻣﺘﺰﻭﺟﺔ ﻻﻥ ﻣﻴﺴﻤﻰ ﺯﻭﺍﺝ ﺣﻠﻘﺔ ﺑﻴﺪﻱ ﻣﺎﻛﻮ ﻣﻨﻪ ﻭﻫﻞ ﺷﻲ ﻓﺮﺣﻨﻲ ﺍﺑﺘﻌﺪ ﻋﻨﻲ
ﻫﻞ ﻓﺘﺮﺓ ﻋﺸﺖ ﺣﻴﺎﺓ ﺣﻠﻮﺓ ﻭﺑﻌﻴﺪﺓ ﻋﻦ ﻣﺸﺎﻛﻞ
ﻟﻜﻦ ﻻ ﺍﻧﺴﻰ ﻛﻞ ﻧﻔﺲ ﻭﻳﺎﻱ ﺍﻫﻠﻲ
ﺍﺷﻮﻑ ﺍﺩﻡ ﺑﻮﺟﻪ ﺍﻱ ﻃﻔﻞ ﺍﺷﻮﻓﻪ ﻳﻠﻌﺐ ﺍﻟﻌﺎﺏ
ﻣﺮﺍﺕ ﺍﻧﺴﻰ ﺭﻭﺣﻲ ﻭﺍﺻﻴﺤﻪ ﻭﺍﺭﺟﻊ ﻟﻮﺍﻗﻌﻲ ﺍﻟﻤﺮ ﻭﺍﺑﺠﻲ ﺍﺧﺘﻨﻚ ﻭﺍﻋﻜﺮ ﺻﻔﻮ ﻃﻠﻌﺘﻨﻪ ﻻﻥ ﺍﻟﻤﺜﻠﻲ ﺣﺮﺍﻡ ﻋﻠﻴﻬﺎ ﻓﺮﺡ
ﻭﻻ ﺍﻧﺴﻰ ﻛﻢ ﺗﺤﻤﻠﻮﻧﻲ ﺧﺎﻟﻲ ﻭﺑﻴﺒﻲ ﻭﺭﻳﺎﺽ
ﺭﻏﻢ ﮔﺮﻫﺘﻬﻢ ﻋﻴﺸﺘﻬﻢ ﻛﻞ ﻃﻠﻌﺔ ﺍﺑﻘﻰ ﺍﺗﻘﻲﺀ
ﻭﺍﻟﻌﺐ ﻧﻔﺴﻬﻢ
ﻭﻧﺮﭼﻊ ﻣﺘﻘﺰﺯﻳﻦ ﻣﻨﻲ
ﺧﺎﻟﻲ ﮔﻌﺪ ﻭﻱ ﺭﻳﺎﺽ ﺑﺸﻘﺔ ﺍﺷﺘﺮﻭ ﺍﻃﻮ ١٥ﻣﻠﻴﻮﻥ ﻟﺸﻴﺦ ﺟﻼﻝ ﻣﻘﺒﻞ ﻳﺎﺧﺬ ﺑﺎﻗﻲ
ﺧﺎﻟﻲ ﺍﺷﺘﺮﻯ ﺷﻘﺔ ﻟﺮﻳﺎﺽ ﻭﮔﻌﺪ ﻭﻳﺎ ﮔﺎﻝ ﻣﺎﻟﻲ ﺣﻖ ﺍﮔﻌﺪ ﺑﻴﺖ ﺟﺪﻛﻢ ﺍﺑﻮ ﺍﺑﻮﮔﻢ ﻻﻥ ﻭﺭﺙ ﻣﻨﻪ
ﻟﮕﻦ ﺑﻘﻴﺖ ﻣﻤﺘﻨﺎﺯﻟﺔ ﻋﻦ ﺑﻴﺒﻲ
ﺍﺭﻳﺪﻫﺎ ﺗﻌﻴﺶ ﻭﻳﺎﻱ ﻭﺧﺎﻟﻲ ﻭﺍﻓﻖ ﺑﻌﺪ ﺍﺻﺮﺍﺭﻱ ﻭﻣﻠﺤﺘﻲ
ﺩﺍﺋﻤﺎ ﻳﺘﺮﺩﺩ ﻋﻠﻴﻨﻪ ﺷﻘﺘﻬﻢ ﺍﻭﻝ ﻓﺮﻉ ﻣﻮﺑﻌﻴﺪﻳﻦ ﻛﻠﺶ ﻗﺮﺍﺏ
ﺣﺘﻰ ﺭﻳﺎﺽ ﺩﻭﺭﺍﺕ ﻳﺠﻲ ﺭﻏﻢ ﺧﻄﻴﺒﺘﻪ ﻗﺒﻞ ﺍﻟﻌﺮﺱ ﺳﻮﺗﻠﻪ ﻣﺸﻜﻠﺔ ﻭﺭﺍﺩﻭﺍ ﻳﻔﺼﺨﻮﻥ ﻻﻥ ﻛﺜﺮﺍﻧﺔ ﺗﺮﺩﺩﻩ ﻋﻠﻴﻨﻪ ﻟﻜﻦ
ﺣﺎﻭﻟﺖ ﺍﺑﺘﻌﺪ ﻋﻨﻬﻢ ﻗﺪﺭ ﺍﻻﻣﻜﺎﻥ
ﺣﺘﻰ ﺑﻌﺪ ﺍﻟﻌﺮﺱ
ﻭﻗﻠﻴﻞ ﺯﻳﺎﺭﺍﺗﻪ ﺍﻟﻨﻪ ﺗﻌﻮﺩﺕ ﻣﺎﺍﺷﻮﻓﻪ ﺑﺲ ﺧﺎﻟﻲ ﻳﺠﻴﻨﻪ
ﻭ ﻧﻘﻠﻨﻲ ﻣﺪﺍﺭﺱ ﻫﻨﺎ ﺑﻜﺮﻛﻮﻙ
ﻟﮕﻦ ﺑﻘﻴﺖ ﺧﺎﻳﻔﺔ ﻳﻨﻜﺸﻒ ﺣﻤﻠﻲ
ﻳﻮﻡ ﺑﻌﺪ ﻳﻮﻡ ﺍﺣﺲ ﺷﻲ ﻳﮕﺒﺮ ﺑﺪﺍﺧﻠﻲ
ﻭﺧﺎﻳﻔﺔ ﺗﺒﻴﻦ ﺑﻄﻨﻲ ﮔﺪﺍﻡ ﺑﻨﺎﺕ ﺍﻭﻝ ﺷﻬﺮ ﺩﺍﻭﻣﺖ ﻛﺎﻥ ﻛﻠﺶ ﺗﻤﺎﻡ ﺭﻏﻢ ﺗﻘﻲﺀ ﻣﺴﺘﻤﺮ ﻭﺷﻜﻮﻙ ﺣﻮﺍﻟﻴﺔ ﻟﻜﻦ ﺍﺟﺎﻫﻠﺘﻬﻢ ﻭﺑﻘﻴﺖ ﻣﺜﺎﺑﺮﺓ ﺍﺩﺭﺱ ﺛﺎﻟﺚ ﻣﺘﻮﺳﻂ
ﺑﻜﻠﻮﺭﻳﺎ ﺧﻠﻴﺖ ﻛﻼﻡ ﺑﻨﺎﺕ ﺟﻮﺍ ﺭﺟﻠﻲ
ﻭﺗﻌﺎﺭﻛﺖ ﺍﻛﺜﺮ ﻣﻦ ﻣﺮﺍ ﻭﻱ ﻣﺪﺭﺳﺎﺕ ﻻﻥ ﻣﻦ ﻳﺸﻮﻓﻮﻧﻲ ﺗﻌﺒﺎﻧﻪ ﻳﻜﻠﻮﻟﻲ ﺍﻧﺘﻲ ﻣﻮ ﻭﺟﻪ ﺩﺭﺍﺳﺔ
ﻭﻣﺎﺍﺣﺠﻲ ﺷﻲ ﻋﻨﻲ
ﺑﻘﻴﺖ ﻏﺎﻣﻀﺔ ﺑﻨﻈﺮﻫﻢ
ﻛﻢ ﺷﻬﺮ ﻭﻳﺎﻫﻢ ﻳﻤﻜﻦ ﺷﻬﺮﻳﻦ ﻟﻮ ﺷﻬﺮﻳﻦ ﻭﻧﺺ
ﻭﺭﺍﻳﺤﺔ ﻭﺟﺎﻳﺔ ﻣﻦ ﺑﻨﺎﺕ ﺗﮕﻠﻲ ﺍﻧﺖ ﻣﻮ ﺧﺎﻟﻴﺔ ﺍﻛﻮ ﻣﺼﻴﺒﺔ ﻭﺭﺍﭺ
ﻣﻴﺨﻠﻮﻥ ﻭﺍﺣﺪ ﻳﻌﻴﺶ ﺧﺼﻮﺻﻴﺘﻪ
ﺭﻏﻢ ﻣﺪﺍﺭﺱ ﻛﻠﺶ ﺯﻳﻨﺔ ﻭﻣﺪﺭﺳﺎﺕ ﻳﺘﻌﺒﻦ ﻭﻳﺎﻧﻪ ﻫﻮﺍﻱ ﺑﻨﺎﺕ ﻧﺎﺯﺣﺎﺕ ﻣﻦ ﻣﻮﺻﻞ ﻋﺒﺎﻟﻬﻢ ﺍﻧﻲ ﻫﻢ ﻧﺎﺯﺣﺔ
ﻓﺘﻜﺮﺭ ﺍﻻﺳﻢ ﻋﻠﻴﺔ ﻭﺍﻧﻌﺮﻓﺖ ﺑﺎﻟﻤﺪﺭﺳﺔ ﻧﺎﺯﺣﺔ
ﻣﻬﺎﻣﻨﻲ ﺷﻴﻨﺤﺠﻲ ﻋﻨﻲ ﺍﺫﻛﺮ ﻛﻼﻡ ﺭﻳﻬﺎﻡ
ﺍﻃﺎﻧﻲ ﻗﻮﺓ ﺍﻛﺪﺭ ﺍﻭﺍﺟﻪ ﺣﻴﺎﺗﻲ ﺻﻌﺒﺔ ﺑﺪﻭﻥ ﺍﻡ ﻭﻻ ﺍﺏ
ﻓﻘﻂ ﻣﻨﺬﺭ ﻳﺸﺘﻐﻞ ﻓﺘﺤﻠﺔ ﺩﻛﺎﻥ ﺻﻐﻴﺮ ﺍﭼﺒﺎﺱ ﻭﻏﺬﺍﺋﻴﺎﺕ ﺑﻤﺴﺎﻋﺪﺕ ﺧﺎﻟﻲ ﮔﺎﻣﻮ ﻳﺘﻨﺎﻭﺑﻮﻥ ﻋﻠﻴﺔ
ﻳﻮﻡ ﮔﻬﺎﻭﻱ ﻭﻳﻮﻡ ﻳﺸﺘﻐﻞ ﻭﺧﻮﻓﻲ ﺗﺤﻜﺔ ﺍﻳﺪﺓ ﻳﺮﺟﻊ ﻟﻠﻘﻤﺎﺭ
ﻟﻜﻦ ﻛﻞ ﻣﺮﺍ ﺍﺳﺌﻠﺔ ﻳﮕﻠﻲ ﻓﻠﻮﺳﻲ ﺣﻼﻝ ﻭﺟﺎﻳﺒﻬﺎ ﺑﺘﻌﺒﻲ ﺩﺍﺍﺷﻴﻞ ﺣﺘﻰ ﺑﻀﺎﻳﻊ ﻣﻦ ﺣﺪﻭﺩ ﻭﻛﺎﺳﺮ ﻇﻬﺮﻱ ﻋﻤﻮﺩ ﺍﻭﻓﺮﻟﺞ ﺍﺣﺘﻴﺎﺟﺎﺗﺞ ﻭﻣﻴﻨﻘﺼﭻ ﺷﻲ ﺍﻧﺘﻲ ﻭﺍﺑﻨﭻ
ﻣﺮﺕ ﺍﻻﺭﺑﻊ ﺍﺷﻬﺮ ﻳﻌﻴﺸﻨﻲ ﻭﻳﻠﺒﻲ ﻛﻞ ﺍﺣﺘﻴﺎﺟﺎﺗﻲ
ﻭﻳﭽﻴﺒﻠﻲ ﻛﻞ ﺍﻻﺷﺘﻬﻲ
ﺑﻴﺒﻲ ﺑﻌﺪ ﻣﺴﺘﻌﺎﺩﺕ ﺻﺤﺘﻬﺎ ﻋﺮﻓﺖ ﺑﺎﻟﺼﺪﻓﺔ ﻭﻓﺎﺓ ﻣﺎﻣﺎ ﻭﺍﻧﻬﺎﺭﺕ ﻭﺑﻘﻴﻨﻪ ﻭﻳﺎﻫﺎ ﻛﺬﺍ ﺷﻬﺮ ﻣﺮﺍﺟﻌﺔ ﻣﺴﺘﺸﻔﻰ ﻻﻥ ﻛﻠﺶ ﻣﺘﻌﻠﻘﺔ ﺑﻤﺎﻣﺎ ﻭﺧﺒﺮﻫﺎ ﺻﺪﻣﺔ ﺍﻟﻬﺎ
ﻗﺒﻞ ﺣﻮﺍﻟﻲ ﺷﻬﺮ ﺷﻬﺮ ﻭﻧﺺ ﺑﺪﺕ ﺗﺎﻛﻞ ﻭﻓﺮﺣﺘﻬﺎ ﺑﺄﺑﻨﻲ ﺟﺎﻱ ﻟﺪﻧﻴﺎ ﻭﺩﺍﺋﻤﺎ ﺗﺴﺌﻠﻨﻲ ﻟﻴﺶ ﻣﻨﻔﺼﻠﺔ ﻋﻦ ﺍﺑﻮ ﻭﺗﻨﺪﻋﻲ ﻋﻠﻴﻪ ﻛﺘﻠﻬﺎ ﺧﺎﻧﻲ ﻭﺗﺮﻛﺘﻪ
ﮔﻞ ﻣﺸﻮﻓﻨﻲ ﻣﻀﺎﻳﻘﺔ ﺗﺤﻀﻨﻲ ﻭﺗﺒﺠﻲ
ﻋﺸﺖ ﻭﻳﺎﻫﺎ ﺗﺸﻴﻞ ﻫﻤﻲ
ﻣﺮﺍﺕ ﺗﺴﻮﻟﻔﻠﻲ ﻋﻠﻰ ﺣﻤﻞ ﻣﺎﻣﺎ ﻭﺷﻜﺪ ﻛﺎﻧﺖ ﺗﺘﻌﺬﺏ ﺑﺎﻟﻮﺣﺎﻡ ﺗﺬﻛﺮﻫﺎ ﻭﺗﺒﻘﻰ ﺻﺎﻓﻨﺔ ﻭﺩﻣﻮﻋﻬﺎ ﺗﻨﺰﻝ
ﺑﻘﻴﻨﺔ ﻛﻞ ﻫﻞ ﺍﺷﻬﺮ ﻭﺍﺣﺪ ﻳﻄﻴﺐ ﺟﺮﺡ ﻻﺥ
ﻟﻜﻦ ﻳﺠﻲ ﻟﻴﻞ ﻭﻣﺎﻳﺒﻘﻰ ﺟﺮﺡ ﻣﺎﻳﻨﺰﻑ
ﺍﺫﻛﺮ ﺍﺻﺎﺭ ﺑﻴﻪ ﻗﺒﻞ ﻫﻞ ﺍﺭﺑﻊ ﺍﺷﻬﺮ ﻭﺷﮕﺪ ﺗﺄﺫﻳﺖ
ﺍﻛﺮﻩ ﮔﻠﺸﻲ
ﻫﺎﻱ ﺍﻻﺷﻬﺮ ﮔﻠﻬﺎ ﻣﺎﺍﻋﺮﻑ ﻋﺎﻣﺮ ﺷﺼﺎﺭ ﺑﻲ ﻭﭼﺎﻥ ﺍﺧﺮ ﻫﻤﻲ ﻋﺎﻳﺶ ﻟﻮ ﻣﺎﺕ ﻫﻮﺍ ﺍﻧﺘﻬﻰ ﻣﻦ ﺣﻴﺎﺗﻲ ﻣﻦ ﺍﻭﻝ ﻣﺮﺍ ﺍﺧﺬﻧﻲ ﻏﺼﺐ ﻋﻨﻲ ﻭﺣﺮﻣﻨﻲ ﻣﻦ ﺑﺮﺍﺀﺗﻲ ﻭﻃﻔﻮﻟﺘﻲ
ﻭﺍﻫﻠﻪ ﻣﻘﺼﺮﻭﺍ ﻛﻞ ﻫﻞ ﻓﺘﺮﺓ ﺳﺆﺍﻝ ﻣﺴﺌﻠﻮ ﻛﺄﻥ ﻫﻢ ﻭﻧﺰﺍﻝ ﻋﻨﻬﻢ ﺑﺎﻟﻜﺬﺏ ﻋﻤﺘﻲ ﺯﻫﺮﺓ ﻣﻜﺎﻟﺖ ﻫﻞ ﺑﻨﻴﺔ ﻋﺎﺷﺖ ﻣﺎﺗﺖ ﺷﻮﻧﻬﺎ
ﻫﻤﻪ ﻧﺴﻮﻧﻲ ﻭﺍﻧﻲ ﻧﺴﻴﺘﻬﻢ ﻟﻜﻦ ﺍﻟﻢ ﻗﻠﺒﻲ ﻣﻮ ﺑﺴﻬﻮﻟﺔ ﺍﻧﺴﻰ
ﻛﻞ ﻛﻠﻤﺔ ﻣﻨﻬﻢ ﺗﺮﻥ ﺑﺄﺫﻧﻲ ﻣﺜﻞ ﺟﺮﺱ ﻳﻨﺒﻬﻨﻲ ﻻ ﺗﻨﺴﻴﻦ ﻣﺎﺿﻴﭻ ﻣﻴﻌﻮﻓﭻ
ﻟﻜﻦ ﺍﺣﺎﻭﻝ ﺍﺗﻨﺎﺳﻰ ﻭﺍﻋﻴﺶ ﺣﻴﺎﺗﻲ
ﻗﺎﻃﻊ ﺷﺮﻭﺩﻱ
ﺭﻓﺴﺔ ﺑﻄﻨﻲ ﻣﺎﺍﻋﺮﻑ ﺿﺮﺑﺔ ﻟﻮﻻ
ﺩﺍﺋﻤﺎ ﻣﺜﻞ ﻏﺎﺯﺍﺕ ﻟﻜﻦ ﻫﻞ ﻣﺮﺓ ﺍﺣﺲ ﺭﻓﺴﺔ ﺍﻧﻀﺮﺑﺖ
ﻣﻦ ﺣﺴﻴﺘﻬﺎ ﺻﺤﺖ
ﺑﻴﺒﻲ ﺗﻌﺎﻟﻲ ﻣﺎﺍﻋﺮﻑ ﺍﺣﺲ ﺭﻓﺴﺔ ﺑﻄﻨﻲ
ﺍﺟﺘﻨﻲ ﺗﺘﭽﺎ ﺑﻌﺼﺎﻳﺘﻬﺎ ﺩﻓﻌﺖ ﺑﺎﺏ ﻭﻓﺎﺗﺖ ﮔﻌﺪﺕ ﻳﻤﻲ
ﻫﺎﺍ ﻳﻤﺎﺍ ﺭﻓﺲ ﻣﻮﮔﺘﻠﺞ ﻳﺮﻓﺲ ﻟﻴﺶ ﺧﺎﻳﻔﺔ ﻣﻴﺘﺤﺮﻙ
ﻫﺎﻱ ﺑﻌﺪ ﺩﺧﻠﺘﻲ ﺑﺎﻟﺨﺎﻣﺲ ﺑﻴﺒﻲ ﺗﺤﺴﺒﻠﻲ ﺣﺴﺎﺏ ﻋﺮﺏ ﺷﻜﺪ ﺣﻤﻠﻲ
ﻛﺎﻟﺘﻠﻲ
ﻋﺎﺩﻱ ﺗﺤﺴﻴﻦ ﺭﻓﺴﺎﺗﻪ ﻭﺑﻌﺪ ﻛﻢ ﻳﻮﻡ ﻻﺯﻡ ﺍﺣﺴﺐ ﺣﺮﻛﺎﺗﺔ ﻻﻥ ﺍﻋﺮﻑ ﻭﺿﻌﻪ ﻣﻦ ﺧﻼﻟﻬﺎ
ﻣﺎﺍﻋﺮﻑ ﻣﻦ ﺣﺴﻴﺖ ﻫﻞ ﺷﻌﻮﺭ ﺍﻭﻝ ﻣﺮﺍ ﻳﺮﻓﺴﻨﻲ ﻛﺄﻥ ﻳﮕﻠﻲ ﻣﺎﻣﺎ ﺍﻧﻲ ﻭﻳﺎﭺ ﻣﺎﺍﻋﻮﻓﭻ
ﺷﺒﮕﺖ ﺑﻄﻨﻲ ﻭﺩﻣﻮﻋﻲ ﺗﻨﺰﻝ ﺑﻴﺒﻲ ﺣﻀﻨﺘﻨﻲ
ﻭﺗﺒﺠﻲ ﻭﻳﺎﻱ .. ﺣﺒﻴﺒﺘﻲ ﺳﻮﺩﺓ ﻋﻠﻴﻪ ﺍﻣﭻ ﻣﺎﻛﻮ ﺗﻔﺮﺣﻠﭻ ﻭﺭﭼﻠﭻ ﻏﻀﺐ ﺍﻟﻠﻪ ﻋﻠﻰ ﺭﺍﺳﺔ ﻋﺎﻓﭻ ﺑﻬﻞ ﻭﺿﻊ
ﺷﻬﻜﺖ ﺑﭽﻲ ﻭﺗﻤﺴﺢ ﺩﻣﻮﻋﻲ ﻭﺗﻜﻠﻲ
ﺑﻴﺒﻲ ﻻ ﺗﺒﺠﻴﻦ ﺑﻴﺒﻴﺘﺞ ﻣﺎﻣﺎﺗﺖ ﺩﺗﻌﻮﻓﭻ
ﺩﻙ ﻣﻨﺒﻪ ﻭﺍﻧﻲ ﮔﺎﻋﺪﺓ ﻗﺒﻠﺔ ﻻﻥ ﺍﺿﻞ ﺍﻟﻠﻴﻞ ﻛﻠﺔ ﺳﻬﺮﺍﻧﺔ ﺍﺑﺠﻲ ﻛﻞ ﺍﺣﻼﻣﻲ ﺑﻌﺎﻣﺮ ﻳﺼﻴﺤﻨﻲ ﺷﻲ ﻳﺮﻋﺪﻧﻲ ﻣﺤﺮﻣﺔ ﻧﻮﻡ ﻋﻠﻴﻪ ﻣﻦ ﺧﻮﻑ
ﻭﺑﻴﺒﻲ ﻣﻦ ﺑﻌﺪ ﺻﻼﺓ ﺻﺒﺢ ﺗﺒﻘﻰ ﮔﺎﻋﺪﺓ ﺗﺴﻤﻊ ﺑﺎﻟﺮﺍﺩﻳﻮ ﻗﺮﺍٓﻥ ﻭﺗﺴﻘﻲ ﺯﺭﻉ ﺳﻨﺎﺩﻳﻦ ﺻﻐﺎﺭ ﻋﻠﻰ ﻣﺪﺍﺭ ﺍﺳﻔﻞ ﺷﺒﺎﻙ ﻣﻄﺒﺦ ﺗﺘﻌﺐ ﻭﻣﺎﺍﻗﺒﻞ ﺗﺴﻘﻴﻬﻦ ﻟﻜﻦ ﺗﻜﻠﻲ ﻭﻧﺴﺘﻲ ﺑﻴﻬﻦ
ﺍﻧﺪﺍﺭﻳﺖ ﻋﻠﻰ ﺑﻴﺒﻲ ﺗﺬﻛﺮﺕ ﺍﻟﻴﻮﻡ ﻣﺴﺎﻗﻴﺘﻬﻦ
ﺍﺗﻜﺄﺕ ﻋﻠﻰ ﻋﺼﺎﻳﺔ ﻭﮔﺎﻣﺖ ﺗﺮﺩﺩ
ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ ﻋﻠﻴﻪ ﺗﻮﻛﻠﺖ ﻭﻫﻮﻩ ﺭﺏ ﺍﻟﻌﺮﺵ ﻋﻈﻴﻢ
ﻛﻠﻤﺎﺗﻬﺎ ﺑﻠﺴﻢ ﻳﺴﻜﻦ ﺭﻭﺣﻲ
ﮔﻤﺖ ﺑﺤﺮﻛﺔ ﺑﻄﻴﺌﺔ ﻣﺎﺳﮕﺔ ﺑﻄﻨﻲ
ﺯﺍﺩ ﺣﻤﻠﻲ ﻭﮔﺒﺮﺕ ﺍﻛﺜﺮ ﻣﻦ ﻗﺒﻞ ﻭﺻﻌﺐ ﺗﻨﺨﻔﻲ
ﺩﺍﺍﺷﺪﻫﺎ ﺑﺮﺑﻄﻪ ﺑﺲ ﺧﺎﻳﻔﺔ ﻳﺨﺘﻨﻚ ﻃﻔﻞ
ﻭﺑﻴﺒﻲ ﻣﺘﻘﺒﻞ
ﻏﺴﻠﺖ ﻭﺑﺪﻟﺖ ﻣﻼﺑﺲ ﺩﻭﺍﻡ ﺩﺗﻘﺼﻒ ﻋﻠﻴﺔ
ﻋﻨﺪﻱ ﻳﻠﻚ ﺣﻴﺎﮔﺔ ﺷﻐﻞ ﺍﻳﺪ ﺑﻴﺒﻲ ﻭﺍﻧﻲ ﮔﻤﻠﺘﻪ ﻋﻠﻤﺘﻨﻲ ﻋﻠﻴﻪ ﻛﻤﺖ ﺍﻟﺒﺴﻪ ﻓﻮﻙ ﻣﻼﺑﺴﻲ ﻫﻢ ﻳﺪﻓﻲ ﺷﺘﺎ ﻫﻨﺎ ﺑﺎﺭﺩ ﻛﻠﺶ ﮔﺎﻋﺪﻳﻦ ﻗﻀﺎﺀ ﺍﻟﺤﻮﻳﺠﺔ
ﻛﻤﻠﺖ ﻟﺒﺲ ﻣﺜﻞ ﻛﻞ ﻳﻮﻡ ﺍﻭﮔﻒ ﮔﺪﺍﻡ ﻟﻤﺮﺍﻳﺔ ﺍﺷﻮﻑ ﺑﻄﻨﻲ ﻣﺒﻴﻨﺔ ﻟﻮﻻ
ﻭﺍﺗﻠﻤﺴﻬﺎ ﻭﺍﻃﻲ ﻭﻋﺪ ﻛﻞ ﻳﻮﻡ ﻻﺑﻨﻲ ﻣﺎﺍﻋﻮﻓﺔ
ﻭﺍﺗﻤﻨﻰ ﺍﻳﻜﻮﻥ ﻟﺒﺪﺍﺧﻠﻲ ﺑﻨﺖ ﻭﺍﺗﺨﻴﻠﻬﺎ ﻛﻞ ﻳﻮﻡ ﺗﺸﺒﻬﻨﻲ
ﺟﻨﺖ ﻟﻌﺎﺑﺔ ﺑﺎﻟﺼﻐﺮ
ﻣﺎﺍﺭﻳﺪ ﻃﻔﻞ ﻳﺎﺧﺬ ﺷﻲ ﻣﻦ ﺍﺑﻮ
ﻟﺤﺪ ﻫﺴﺎ ﻣﺮﺓ ﻭﺣﺪﻩ ﺭﺣﺖ ﺩﻛﺘﻮﺭﺓ ﻫﻨﺎ ﻭﻛﺘﺒﺘﻠﻲ ﻣﻘﻮﻳﺎﺕ ﻻﻥ ﻛﻠﺶ ﺟﻨﺖ ﺍﺗﺨﺮﺑﻂ ﺑﻌﺪ ﻣﺮﺣﺖ ﻣﺎﺍﺣﺐ ﺍﻛﻠﻔﻬﻢ
ﺑﻴﺒﻲ ﻛﻞ ﻣﺸﻮﻑ ﺑﻄﻨﻲ ﺭﻏﻢ ﺻﻐﺮﺓ ﺑﻌﺪﻫﺎ ﺗﮕﻠﻲ ﺩﻭﺭﺗﻬﺎ ﻣﺎﻝ ﻭﻟﺪ ﻣﺎﺍﻋﺮﻑ ﺷﻮﻥ ﺗﻌﺮﻑ
ﻟﻜﻦ ﺩﺍﺋﻤﺎ ﺍﺩﻋﻲ ﺑﻨﻮﺗﻪ ﺍﺣﺴﻬﺎ ﻧﺎﻳﻤﺔ ﺑﺼﻔﻲ
ﻭﺍﺗﺨﺎﻳﻞ ﺍﻣﺸﻄﻠﻬﺎ
ﻗﻄﻊ ﺳﻠﺴﻠﺔ ﺍﻓﮕﺎﺭﻱ ﺍﻟﺪﺍﺋﻤﺎ ﺍﺑﻘﻰ ﺻﻔﻨﺎﺕ
ﺻﻮﺕ ﺑﻴﺒﻲ ﺍﭼﻲ ﺍﻛﻞ
ﺧﻄﻴﺔ ﻣﺎﻟﻬﺎ ﺧﻠﻚ ﺷﻲ ﺗﺴﻠﻚ ﺑﻴﺾ ﺭﻏﻢ ﻣﺎﺍﻃﻴﻘﺔ ﺍﺑﺪ ﻭﺍﺳﺘﻔﺮﻍ
ﻭﺍﻧﻲ ﺍﺟﻴﺖ ﺳﺎﻋﺪﺗﻬﺎ ﺍﻛﻞ ﺍﺷﻴﺎﺀ ﺧﻔﺎﻑ ﻟﺼﺒﺢ ﺑﺎﻟﺰﺍﻳﺪ ﻧﺼﻒ ﻟﻔﺔ ﺟﺒﻦ ﻭﻛﻼﺹ ﺣﻠﻴﺐ ﺑﻌﺪ ﺟﺒﺮﻫﺎ ﺍﻛﻞ
ﻃﻠﻌﺖ ﻟﻠﻤﺪﺭﺳﺔ ﻭﻳﺎﻱ ﻣﻨﺬﺭ ﻻﻥ ﻭﺿﻊ ﻣﻮ ﻛﻠﺶ ﺗﻤﺎﻡ ﺑﻜﺮﻛﻮﻙ
ﻫﻢ ﺑﻌﺪﻫﺎ ﺩﺍﻋﺶ ﺑﺲ ﺍﻻﻭﺿﺎﻉ ﺍﺣﺴﻦ ﺑﻬﻮﺍﻱ ﻣﻦ ﻗﺒﻞ ﺍﻭﻝ ﻣﺎﭼﻴﻨﻪ ﻣﻬﺠﻮﺭﺓ ﻣﻨﻄﻘﺔ ﻭﻟﺒﻴﻮﺕ ﻣﻔﺘﺤﺔ
ﺷﻲ ﻣﺮﻋﻴﺐ
ﺣﺎﻟﻴﺎ ﻛﻠﻬﺎ ﻣﻠﺖ ﻭﻣﺪﺍﺭﺱ ﺍﻧﻔﺘﺤﺖ ﻭﺣﻴﺎﺓ ﺭﺟﻌﺖ ﻟﻜﻦ ﻧﺎﺱ ﺑﻘﺖ ﻣﺘﺨﻮﻓﺔ ﺑﻴﻦ ﺩﻭﺭﺓ ﻭﻟﺦ ﻳﺼﻴﺮ ﻗﺼﻒ
ﻭﺻﻠﻨﻲ ﻟﻠﻤﺪﺭﺳﺔ ﻭﺭﺟﻊ ﻭﺑﻘﻴﺖ ﻣﺜﻞ ﻛﻞ ﻳﻮﻡ ﻣﺎﻋﻨﺪﻱ ﺻﺪﻳﻘﺎﺕ ﻭﮔﺎﻋﺪﺓ ﻭﺣﺪﻱ ﺍﻗﺮﺓ ﻭﺍﻃﻠﻊ ﺍﺟﺒﺎﺳﻲ ﻭﻛﻴﻚ ﻣﻦ ﻣﺤﻞ ﻣﻨﺬﺭ ﻭﻣﺤﺪ ﺗﻮﺻﻠﻨﻲ ﻻﻥ ﻣﺮﺍ ﻭﺣﺪﻩ ﻧﺪﻛﺖ ﺑﻴﻪ ﻭﮔﺘﻠﺘﻬﺎ ﻧﺺ ﺳﺎﺣﺔ ﻭﻧﻔﺼﻠﺖ ﻛﻢ ﻳﻮﻡ ﻭﺭﺟﻌﻨﻲ ﺧﺎﻟﻲ ﺑﺘﻌﻬﺪ ﺭﻏﻢ ﺍﺳﺎﺋﺖ ﺍﻟﻴﺔ ﻫﻮﺍﻱ ﻭﻣﺮﺍﺕ ﺗﮕﻠﻲ ﺷﻜﻠﭻ ﻭﻣﺸﻴﭻ ﻣﺎﻝ ﺣﻮﺍﻣﻞ ﺗﻀﻤﻴﻦ ﻋﻠﻴﻨﻪ ﺍﻣﻴﻦ ﺟﺎﻳﺒﺘﻪ ﺧﺎﻑ ﻣﻦ ﻭﻟﺪ ﺩﻭﺍﻋﺶ ﻭﻣﺘﺤﻤﻠﺖ ﻓﻘﺪﺕ ﺿﺮﺑﺘﻬﺎ ﻭﻳﻮﻣﻬﺎ ﺭﺟﻌﺖ ﻓﺪﻧﻮﺏ ﻣﺘﻮﺟﻌﺔ ﻭﺗﻬﺪﺩﺕ ﺍﺳﻘﻂ
ﻫﺴﺎ ﻣﻦ ﺑﻌﻴﺪ ﺑﺨﺰﺭﻧﻲ ﻭﺑﺲ
ﺳﺎﻋﻪ ﻧﺎﺯﺣﺔ ﻭﺳﺎﻋﺔ ﻣﻦ ﺩﻭﺍﻋﺶ ﺣﻤﻠﺖ ﺍﺷﻜﺎﻝ ﻗﺼﺺ ﺍﺳﻤﻌﻬﺎ ﻋﻦ ﻧﻔﺴﻲ ﻭﺍﺭﺟﻊ ﺍﺑﺠﻲ ﻭﻟﻠﻪ ﺍﻟﻤﺸﺘﻜﻰ ﻣﻨﻬﻢ
ﻭﺩﺍﺋﻤﺎ ﺍﻛﺬﺑﻬﻢ ﻭﺍﻛﻠﻠﻬﻢ ﻣﻮ ﺣﺎﻣﻞ ﻭﺍﻧﻲ ﺑﺄﺻﻠﻲ ﺑﻴﻪ ﺳﻤﻦ ﺑﺲ ﻧﺎﺱ ﺗﺤﺸﻚ ﺭﻭﺣﻬﺎ ﺑﮕﻠﺸﻲ
بيج قصص عراقيه حقيقيه من واقعنا.روعه الطائي
ﺭﻳﻬﺎﺍﺍﺍﻡ
ﻣﺮﺕ ﺍﺭﺑﻊ ﺍﺷﻬﺮ ﻣﻦ ﺳﻔﺮ ﻋﺎﻣﺮ ﻻﺭﺑﻴﻞ
ﻭﻋﻠﻲ ﺳﺎﻓﺮ ﻟﻼﺭﺩﻥ ﺭﺟﻊ ﻟﺪﻭﺭﺍ ﺧﻠﺼﺖ ﻗﺒﻞ ﻛﻢ ﻳﻮﻡ ﻟﻜﻦ ﻣﺮﺟﻊ ﻟﻠﺒﺼﺮﺓ ﺭﺍﺡ ﻻﺭﺑﻴﻞ ﻋﻨﺪ ﻋﺎﻣﺮ ﺭﺍﻳﺪﺓ ﻳﺮﻳﺪ ﻳﺮﻭﺡ ﻭﻳﺎ ﻟﻜﺮﻛﻮﻙ ﺗﻌﺎﻓﻰ ﻭﺻﺎﺭ ﺍﺣﺴﻦ ﺑﻬﻮﺍﻱ ﻣﻦ ﻗﺒﻞ ﺧﺎﻟﺘﻲ ﺯﻫﺮﺓ ﻭﺭﻭﻯ ﻳﻤﺔ ﺍﺟﺮﻭ ﺑﻴﺖ ﻣﺆﺛﺚ ﺑﺄﺭﺑﻴﻞ
ﻟﻜﻦ ﺍﻭﻝ ﻣﺘﻌﺎﻓﻰ ﺿﻞ ﻳﺴﺌﻞ ﻋﻠﻴﻬﺎ ﻣﻴﻘﺘﻨﻊ ﻣﺘﺮﺟﻌﻠﺔ
ﻛﻞ ﻣﺮﺍ ﻳﺮﻳﺪ ﻳﺮﻭﺡ ﻳﺮﺟﻌﻬﺎ ﻋﻤﻲ ﻳﻤﻨﻌﺔ ﻭﺍﻟﻴﻘﻬﺮﻧﻲ ﺍﻛﺜﺮ ﺧﺎﻟﺘﻲ ﺯﻫﺮﺓ ﺭﺍﻓﻀﺘﻬﺎ ﻧﻬﺎﺋﻲ ﺍﺫﺏ ﺍﻟﺼﻮﭺ ﺑﻴﻬﺎ ﺑﻮﺿﻊ ﻋﺎﻣﺮ ﻟﻜﻦ ﻣﻦ ﮔﺎﻡ ﻳﻤﺸﻲ ﻭﺭﺟﻌﺘﻠﻪ ﺻﺤﺘﻪ ﻣﺤﺪ ﻛﺪﺭ ﻳﻮﻛﻔﺔ ﺍﻧﺘﻈﺮ ﺭﺟﻌﺔ ﻋﻠﻲ ﻳﺎﺧﺬﻩ ﺍﻟﻬﺎ ﻻﻥ ﻳﻨﺪﻝ ﺑﻴﺖ ﻋﻤﺘﻬﺎ ﻫﻤﻪ ﮔﺎﻟﻮ ﻗﺒﻞ ﻣﻴﺮﺣﻮﻥ ﺭﺍﺟﻌﻴﻦ ﻟﻬﻨﺎﻙ
ﺑﻘﻴﺖ ﻛﻞ ﻫﻞ ﺍﻳﺎﻡ ﺍﺣﺴﺐ ﻳﻮﻡ ﻳﻮﻡ ﻳﺮﺟﻌﻠﻲ ﻋﻠﻲ
ﺍﺣﺲ ﺭﻭﺣﻲ ﺑﺪﻭﻧﻪ ﻻ ﺷﻲﺀ
ﺍﺣﺒﻪ ﺑﺸﻜﻞ ﻣﺼﺎﻳﺮ
ﻭﻫﻨﺎ ﺑﻠﺸﺖ ﺍﻟﻌﺮﺍﻗﻴﻞ
ﺍﺑﺘﻌﺪﻧﺔ ﻋﻦ ﺑﻌﺾ
ﻭﻫﺬﺍ ﺍﻟﺸﻲ ﻛﺎﻥ ﻛﻠﺶ ﺻﻌﺐ ﻋﻠﻴﺔ
ﻻﻥ ﺍﻧﻲ ﻣﺘﻌﻠﻘﺔ ﺑﻲ
ﺑﻞ ﻋﻄﻠﺔ ﻣﻦ ﺳﺎﻓﺮ ﻣﻨﻌﻮﺍ ﻋﻨﻪ ﻣﺒﺎﻳﻼﺕ ﻫﻨﺎﻙ
ﺍﻧﻲ ﻫﻨﺎ ﻛﻠﺶ ﺗﻌﺬﺑﺖ ﻻﻥ ﻛﻠﺶ ﺍﺣﺒﺔ
ﺍﻭﻝ ﻣﺮﺓ ﻧﻔﺘﺮﻕ ﻛﻞ ﻫﻞ ﻓﺘﺮﺓ
ﻭﻣﺎﺍﺳﻤﻊ ﺻﻮﺗﺔ
ﻋﺎﺩ ﺍﻧﻲ ﺻﺮﺕ ﺍﻛﺘﺒﻠﺔ ﻳﻮﻣﻴﺎﺗﻲ
ﻭﺍﺩﺯﻫﻢ ﻋﻠﻰ ﺣﺴﺎﺑﺔ
ﻛﻠﺖ ﻋﻠﻤﻮﺩ ﻣﻦ ﻳﺮﺟﻊ ﻳﺸﻮﻑ ﺷﺴﻮﻳﺖ ﺑﻐﻴﺎﺑﺔ
ﻻﻥ ﻫﻮ ﻛﻠﺶ ﻳﻐﺎﺭ
ﻭﻳﺪﻗﻖ ﺑﻞ ﺗﻔﺎﺻﻴﻞ
ﺍﻟﻤﻬﻢ ﺭﺟﻊ ﻟﻠﻌﺮﺍﻕ ﻭﺍﺗﺼﻞ ﻋﻠﻴﻪ ﻃﻤﺌﻨﻲ ﻋﻠﻴﻪ ﻭﻛﻨﺖ ﻣﺘﻮﻗﻌﺔ ﻳﺮﺟﻊ ﻭﻱ ﺑﻴﺖ ﻋﻤﻲ ﻟﻠﺒﺼﺮﺓ
ﻟﮕﻦ ﺍﻧﺼﺪﻣﺖ
ﺍﻧﻮ ﺑﻠﺸﺖ ﻋﻤﻠﻴﺎﺕ ﺗﺤﺮﻳﺮ ﺍﻻﻧﺒﺎﺭ ﻣﻦ ﺩﺍﻋﺶ
ﻭﻧﺰﻝ ﻛﺘﺎﺏ ﺑﻴﻬﻢ ﺍﻧﻮ ﻳﻠﺘﺤﻘﻮﻥ ﺑﻌﻤﻠﻴﺎﺕ ﺍﻟﺘﺤﺮﻳﺮ
ﻫﻨﺎ ﻛﺎﻥ ﺑﻜﺮﻛﻮﻙ ﻣﻦ ﻧﺰﻝ ﻛﺘﺎﺏ
ﻭﺧﻮﻓﻲ ﻋﻠﻴﻪ ﺍﺯﺩﺍﺩ
ﺍﻟﺘﻬﻴﺖ ﺑﺪﺭﺍﺳﺘﻲ ﻋﺪﺕ ﺍﻟﺴﺎﺩﺱ ﻭﺑﻠﺸﺖ ﺍﻗﺮﺍ
ﺍﺭﻳﺪ ﺍﻃﻠﻊ ﻣﻌﺪﻝ ﻭﻣﺮﺍﺕ ﻣﻦ ﺍﺿﻮﭺ ﻭﺍﺗﻌﺐ ﻣﻦ ﺩﺭﺍﺳﺔ ﺍﺣﺎﺟﻲ ﺻﺪﻳﻘﺘﻲ ﺑﻨﻴﺔ ﺗﻌﺮﻓﺖ ﻋﻠﻴﻬﺎ ﺑﺎﻟﻔﻴﺲ
ﻭﺻﺎﺭﺕ ﻣﺜﻞ ﺍﺧﺘﻲ
ﺭﻏﻢ ﺩﺍﺋﻤﺎ ﻣﺘﻔﺸﻠﺔ ﻋﻬﺪ ﻳﺮﮔﺾ ﻭﺭﺍﻳﺔ ﻳﺴﺌﻞ ﻋﻠﻴﻬﺎ
ﻋﻠﻲ ﻫﻨﺎ ﻣﺎﻛﻮ ﻣﻨﺘﻈﺮ ﺭﺟﻌﺘﻪ ﻭﻳﻨﻐﺒﺸﻮﻥ ﻋﻨﻬﺎ ﻭﻳﻄﻲ ﺗﻘﺮﻳﺮ ﻣﻔﺼﻞ ﻋﻨﻬﺎ
ﻭﻣﺮﺍﺕ ﺍﺣﺎﺟﻴﻬﺎ ﺑﺼﻮﺕ ﻋﻤﻮﺩ ﻳﺘﺄﻛﺪ ﻫﻲ ﺑﻨﺖ ﻣﻮ ﻭﻟﺪ ﺗﻀﺤﻚ ﻋﻠﻴﺔ
ﻫﺎﻱ ٢٠١٧ﺑﺪﺍﻳﺔ ﺷﻬﺮ ﻭﺍﺣﺪ ﻗﺒﻞ ﻧﺼﻒ ﺳﻨﺔ ﺑﺤﺪﻭﺩ ﺷﻬﺮ ﺍﻛﺜﺮ ﺑﻘﻴﻨﻪ ﺗﻮﺍﺻﻞ
ﻭﺍﺣﺠﻴﻠﻬﺎ ﻫﻤﻮﻣﻲ ﻭﺗﻨﺼﺤﻨﻲ
ﻣﺤﺘﺎﺟﺘﻬﺎ ﻣﻦ ﺯﻣﺎﻥ
ﻣﺎﻋﻨﺪﻱ ﺧﻮﺍﺕ ﺻﺎﺭﺕ ﺍﺧﺘﻲ
ﻟﻜﻦ ﻋﻬﺪ ﻳﺤﺴﺐ ﻛﻞ ﺑﻨﺎﺕ ﻋﻤﻲ ﺧﻮﺍﺗﻪ
ﻭﺳﻌﺎﺩ ﺻﺢ ﻃﻠﻜﻮﻫﺎ ﺭﺟﻌﺖ ﻻﺧﻮﻫﺎ ﺑﻌﺪ ﻣﺸﺎﻛﻠﻬﺎ ﻟﻜﻦ ﺑﻨﺎﺗﻬﺎ ﺑﻘﻦ ﺑﻴﺖ ﺟﺪﻱ
ﻋﺎﻓﻨﻬﺎ ﻣﺎﺭﺿﻦ ﻳﺒﻘﻦ ﻭﻳﺎﻫﺎ ﻣﺎﻋﺪﻫﺎ ﺗﻌﻴﺸﻬﻢ
ﺣﺘﻰ ﻣﺤﻤﺪ ﺍﺑﻨﻬﺎ ﺍﻋﻼﻡ ﻛﻠﻴﺔ ﻫﻨﺎ
ﻣﺼﺎﺭﻳﻔﺔ ﻣﻦ ﻋﻤﻲ ﻭﺍﻃﻴﺎﻑ ﺑﻘﺖ ﺍﺑﻴﺖ ﺧﺎﻟﺘﻲ ﺯﻫﺮﺓ ﺍﺧﺬﻫﺎ ﻋﻤﻲ
ﻭﺑﻘﺖ ﻣﺮﻳﻢ ﻭﻣﺤﻤﺪ ﻭﻱ ﻋﻤﺘﻲ ﻭﺟﻬﺎﻟﻬﺎ ﮔﻌﺪﻭﺍ
ﻭﻧﺪﻯ ﻗﺒﻞ ﺣﺪﻭﺩ ﺷﻬﺮ ﻋﺮﺳﻬﺎ ﻭﺍﺣﺪ ﺭﺍﺩﻫﺎ ﻣﺪﺭﻱ ﻭﻳﻦ ﻣﺘﻌﺮﻓﺔ ﻋﻠﻴﻪ ﻭﺣﺎﻟﺘﻪ ﺯﻳﻨﻪ ﻛﻠﺶ ﺍﻟﻠﻪ ﺍﻋﻠﻢ ﺷﻠﻮﻥ ﺟﺮﺗﻪ ﻭﺧﻄﺒﻬﺎ ﻧﺎﺱ ﺗﻮﺏ ﻋﻤﻲ ﺯﻭﺟﻬﺎ ﻫﻲ ﭼﺎﻧﺖ ﺭﺍﻳﺪﻩ ﻋﺎﻣﺮ ﺑﺲ ﺍﺧﺮ ﻭﻛﻌﺔ ﻭﮔﻌﻬﺎ ﻋﺎﻓﺘﻪ ﻭﻣﺘﻌﺮﻓﺔ ﻋﻠﻰ ﻫﺬﺍ
ﻋﻤﻲ ﻭﻛﺘﻠﻬﺎ ﻛﺘﻠﻬﺎ ﻣﻦ ﺳﻤﻊ ﺑﻴﻬﺎ ﻣﺼﺎﺩﻗﺔ ﻭﺍﻟﻮﻟﺪ ﺍﺟﻪ ﺧﻄﺒﻬﺎ ﻭﺧﻠﻪ ﻣﺪﺭﻱ ﻛﻢ ﺗﺨﻢ ﺫﻫﺐ ﮔﺪﺍﻡ ﻋﻤﻲ ﻭﺗﻮﺳﻞ ﺑﻴﻬﻢ
ﻣﺪﺭﻱ ﺍﺷﺎﻑ ﺑﻴﻬﺎ
ﻭﺍﻓﻖ ﻋﻤﻲ ﻟﻜﻦ ﻛﻠﻪ ﻋﺮﺱ ﻋﻠﻰ ﺳﻜﺘﺎﻭﻱ ﺑﻴﻨﺎﺗﻨﻪ ﻻﻥ ﺍﺣﺰﺍﻧﺔ ﺑﻌﺪﻧﻪ
ﻫﻨﺎ ﮔﺎﻋﺪﻳﻦ ﺑﺎﻟﺤﻴﺎﻧﻴﺔ
ﺳﻮﻳﻨﺎﻟﻬﺎ ﻋﺮﺱ ﺑﻘﺎﻋﺔ ﻭﻣﻴﺖ ﻋﻠﻴﻬﺎ ﺭﺟﻠﻬﺎ
ﻋﻘﻠﻦ ﺑﻌﺪ ﻛﻞ ﻛﺘﻞ ﺍﻻﻛﻠﻨﻪ ﺑﺎﻟﺠﻤﻠﺔ
ﻣﺼﻄﻔﻰ ﻭﻣﺮﺗﻪ ﺻﺎﺭ ٨ﺍﺷﻬﺮ ﻣﺰﻭﺟﻴﻦ ﻣﺼﺎﻳﺮ ﻋﺪﻫﻢ ﻃﻔﻞ
ﻭﻫﻞ ﺷﻲ ﻗﺎﻫﺮﻫﺎ ﻛﻠﺶ ﻻﻥ ﻧﺪﻯ ﺍﻭﻝ ﻣﺰﻭﺟﺖ ﺣﺒﻠﺖ ﻣﻦ ﻳﻮﻣﻬﺎ ﻭ ﺗﻐﻮﺭ ﺑﻴﻬﺎ
ﻣﻮﺗﺘﻬﺎ ﻗﻬﺮ ﻭﺻﺎﺭﺕ ﻣﺸﻜﻠﺔ
ﻻﻥ ﺍﻛﺘﺸﻔﻮ ﻣﺼﻄﻔﻰ ﻧﺴﻴﺘﻪ ٤٠٪
ﻭﻛﻠﻮﻟﻬﻢ ﺻﻌﻮﺑﺔ ﺗﺤﻤﻞ ﻭﻣﺸﺎﮔﻞ ﻛﻮﻣﺔ ﺻﺎﺭﺕ
بيج قصص عراقيه حقيقيه من واقعنا.روعه الطائي
ﺑﻘﺖ ﺷﻬﺮ ﺯﻋﻼﻧﺔ ﺑﻴﺖ ﺍﻫﻠﻬﺎ ﻻﻥ ﻛﻞ ﺷﻬﺮ ﺗﺎﺧﺬ ﻋﻼﺟﺎﺕ ﻛﻮﻣﺔ ﻭﻫﻮﻩ ﻣﻴﻘﺒﻞ ﻳﺘﻌﺎﻟﺞ ﻳﻜﻮﻝ ﺍﺫﺍ ﺍﻟﻠﻪ ﻣﺮﺍﺯﻗﻨﻲ ﻭﺗﺤﻤﻞ ﻃﺒﻴﻌﻲ ﻛﻠﺸﻲ ﻣﺎﺍﺧﺬ
ﻭﻣﺼﺎﺭ ﻋﺪﻫﺎ ﺍﻧﻘﻬﺮ ﻭﺭﺍﺩ ﻳﻄﻠﮕﻬﺎ ﻻﻥ ﻫﻮﺍﻱ ﻟﺤﺖ ﻋﻠﻰ ﺍﻃﻔﺎﻝ ﻭﻛﻞ ﻣﺘﺴﻤﻊ ﻭﺣﺪﻩ ﺣﺎﻣﻞ ﺗﺴﻮﻱ ﻣﺸﻜﻠﺔ
ﻭﮔﻌﺪﻫﻢ ﻋﻤﻲ ﻗﺒﻞ ﻛﻢ ﻳﻮﻡ ﻭﻫﻲ ﭼﺎﻧﺖ ﺑﺎﻗﻴﺔ ﺷﻬﺮ ﻣﻴﺤﺠﻲ ﻭﻳﺎﻫﺎ ﺷﺮﻁ ﻣﺼﻄﻔﻰ ﻳﺮﺟﻌﻬﺎ ﺑﺲ ﻣﺠﻴﺐ ﻃﺎﺭﻱ ﺍﻃﻔﺎﻝ ﻭﺍﺫﺍ ﻛﻠﺶ ﻣﺴﺘﻌﺠﻠﺔ ﻳﻄﻠﮕﻬﺎ ﻭﺗﺮﻭﺡ ﺗﻌﻴﺶ ﺣﻴﺎﺗﻬﺎ ﻻﻥ ﻋﺪﻧﻪ ﻋﻤﺘﻲ ﻣﺠﺎﺑﺖ ﺟﻬﺎﻝ ﺍﺑﺪ ﻭﺧﺎﻟﻬﻢ ﻋﻢ ﺭﻳﻤﺔ ﺍﻟﺘﻮﻓﻰ ﻣﺼﺎﺭ ﻋﺪﻩ ﺟﻬﺎﻝ
ﻓﺨﺎﻑ ﻫﻮﻩ ﻫﻢ ﻫﻴﺞ
ﻟﺬﺍ ﺭﺟﻌﻬﺎ ﻻﻫﻠﻬﺎ
ﻭﺑﻘﺖ ﺍﻟﻒ ﻃﺮﻳﻘﺔ ﻋﻤﻮﺩ ﺗﺮﺟﻊ
ﻭﺍﻫﻠﻬﺎ ﺭﺍﺩﻭﺍ ﻳﻄﻠﮕﻮﻫﺎ ﻭﻳﺰﻭﺟﻮﻫﺎ ﺍﺑﻦ ﻋﻤﻬﺎ
ﻫﺮﺑﺖ ﻟﺒﻴﺖ ﻋﻤﻲ ﻭﻋﻤﻲ ﺗﻌﺎﺭﻙ ﻭﻳﺎﻫﺎ
ﻛﻠﻠﻬﺎ ﻋﻴﺐ ﺗﻄﻠﻊ ﻣﻦ ﺑﻴﺖ ﺍﻫﻠﻬﺎ ﻭﺗﺠﻲ ﺍﻻ ﺑﻮﺍﻓﻘﺔ ﺍﺑﻮﻫﺎ
ﻻﻥ ﺷﻲ ﻛﺒﻴﺮ ﺗﻄﻠﻊ ﻣﻦ ﻇﻬﺮﺓ ﻭﺑﺪﻭﻥ ﻋﻠﻤﺔ
ﺗﺮﺟﻊ
ﻋﺒﺎﻟﻬﺎ ﺷﻲ ﺳﻬﻞ ﻛﻞ ﻳﻮﻡ ﺗﺘﻌﺎﺭﻙ ﻭﺗﺮﺟﻊ
ﺭﺟﻌﻬﺎ ﺑﻴﺪﻩ ﻻﺑﻮﻫﺎ ﻭﻛﻠﻪ ﮔﻌﺪﻩ ﺑﺎﺟﺮ
ﻛﻌﺪ ﺍﺑﻮﻫﺎ ﺷﻴﺦ ﻋﺸﻴﺮﺗﻬﻢ ﻭﺑﺎﻗﻲ ﻋﻤﺎﻣﻬﺎ ﻭﻋﻤﺎﻣﻲ
ﻭﻛﻠﻠﻬﻢ ﺷﺮﻃﻪ ﺗﺮﺟﻊ ﻭﺍﻃﻔﺎﻝ ﻣﺎﻛﻮ ﻣﺠﻴﺐ ﻃﺎﺭﻱ
ﻟﻮ ﺗﻄﻠﻖ ﻭﻛﻞ ﻭﺍﺣﺪ ﺣﺮ ﺑﻨﻔﺴﺔ
ﺻﺎﺣﻮﻫﺎ ﻃﻠﻌﺖ ﮔﺪﺍﻣﻬﻢ ﻭﻋﻤﻲ ﺣﺠﻪ ﻭﻳﺎﻫﺎ ﮔﺪﺍﻣﻬﻢ
ﺗﺮﺩﻳﻦ ﻣﺼﻄﻔﻰ ﻭﺗﺤﺒﻲ ﻟﺪﺭﺟﺔ ﺷﺮﺩﺗﻲ ﻣﻦ ﺍﻫﻠﺞ ﻭﺭﺟﻌﺘﻴﻠﻪ ﺗﺘﺤﻤﻠﻴﻦ ﺍﻃﻔﺎﻝ ﻣﺎﻛﻮ
ﻟﻮ ﻳﺒﻮﻱ ﻫﺬﺍ ﺍﺑﻮﺝ ﻭﻋﻤﺎﻣﭻ ﺭﺩﻱ ﺍﻟﻬﻢ
ﻻﻥ ﺍﺫﺍ ﺑﻘﻴﺘﻲ ﺑﻬﻞ ﺑﻴﺖ ﻣﺎﻣﻨﻪ ﺭﭼﻌﺔ
ﻋﻤﻬﺎ ﮔﺎﻝ ﺍﻧﺘﻮ ﻋﻠﺘﻮ ﻋﻠﻴﻨﻪ ﻭﺷﻤﺮﺗﻮ ﻟﺒﻨﻴﺔ ﻣﻮ ﺍﺻﻮﻝ ﻟﺴﻮﻳﺘﻮ
ﻭﻛﺎﻝ ﺣﺘﻰ ﻟﻮ ﺭﺍﺩﺕ ﺗﺮﺟﻊ ﻣﺎﻧﺮﺟﻌﻬﺎ
ﻟﻜﻦ ﺍﺑﻮﻫﺎ ﺳﻜﺘﻪ ﻭﻛﻠﻪ ﺍﺳﻤﻊ ﻗﺮﺍﺭﻫﺎ
ﻭﺍﻓﻘﺖ ﺗﺮﺟﻊ ﻭﺍﻃﻔﺎﻝ ﻣﺎﻛﻮ
ﻭﺭﺟﻌﻬﺎ
ﻫﻮﺍ ﺧﻼﻝ ﻫﻞ ﺷﻬﺮ ﭼﺎﻥ ﻣﺴﻄﻮﺭ ﺍﺧﺬﻧﺎ ﻟﻠﺴﻴﺪ ﻫﻨﺎ ﻳﻔﻚ ﺍﻋﻤﺎﻝ ﻛﺎﻝ ﻋﻤﺘﻲ ﺯﻫﺮﺓ ﻣﺴﻮﻳﻦ ﻟﻮﻟﺪﭺ ﻋﻤﻞ
ﻭﻣﺎﺧﺬﻱ ﻗﺎﺭﻳﻦ ﻋﻠﻴﻪ
ﺷﻮﻳﻪ ﺷﻮﻱ ﺭﺟﻊ ﺗﺤﺴﻦ ﻭﺭﺟﻊ ﻣﺮﺗﻪ
ﭼﺎﻧﺖ ﻣﺮﻳﻢ ﺗﺮﺍﺳﻠﺔ ﺗﻜﻠﻪ ﻃﻠﮕﻬﺎ ﻟﻮ ﺗﺤﺒﻚ ﺗﺼﺒﺮ ﻋﻠﻴﻚ ﻭﺗﻘﺮﺍ ﺑﺮﺍﺳﺔ
ﻭﻣﺮﺗﻪ ﻣﻦ ﻋﺮﻓﺖ ﻛﺎﻟﺖ ﻟﻌﻤﻲ ﺟﻼﻝ ﻭﺭﺍﺡ ﺳﺤﻠﻬﺎ ﻟﻤﺮﻳﻢ ﻛﺘﻠﻪ ﻏﺴﻞ ﻭﻟﺒﺲ ﻭﻛﺴﺮ ﺟﻬﺎﺯﻫﺎ ﻣﺘﺤﺠﻲ ﻭﻳﺎ ﺑﻌﺪ ﻣﻜﻔﺎﻫﻢ ﻋﺎﻣﺮ ﺩﻣﺮﻧﻪ ﺑﺴﺤﺮﻫﻦ ﻭﺳﻮﺍﻟﻔﻬﻦ ﺍﻧﺪﺍﺭﻥ ﻋﻠﻰ ﻣﺼﻄﻔﻰ ﻭﺍﻧﻲ ﺍﺧﺎﻑ ﻣﻨﻬﻦ ﺩﺍﺋﻤﺎ ﻣﺎﺍﺧﻠﻲ ﻋﻠﻲ ﻳﺎﻛﻞ ﻣﻨﻬﻦ ﻟﻮ ﻳﺮﻭﺣﻠﻬﻦ ﺣﺘﻰ ﻋﻬﺪ ﻣﺎﺳﻠﻢ ﻣﻨﻬﻦ
ﻣﻌﺘﺒﺮﻫﻦ ﻣﺜﻞ ﺧﻮﺍﺗﻪ ﻳﺸﻮﻓﻬﻦ ﻭﻣﻦ ﺳﻮﺍﻟﻔﻬﻦ ﻣﻴﺮﻳﺪﻫﻦ ﻫﻢ ﺟﺘﻬﺎ ﻓﺘﺮﺓ ﺗﺮﻛﺾ ﻭﺭﺍ
ﺑﺪﻭﻥ ﻛﺮﺍﻣﺔ ﻛﺮﻫﻦ ﺷﺒﺎﺑﻨﻪ ﺑﻴﻬﻦ ﻋﻠﻲ ﻟﻴﺶ ﺣﺒﻨﻲ ﻻﻥ ﻣﻄﻴﻨﻪ ﻣﺠﺎﻝ ﺍﺑﺪ ﻭﻣﻮﺕ ﺭﻭﺣﻪ ﻋﻠﻴﻪ
ﺍﻟﺮﺟﺎﻝ ﻛﻞ ﻣﺎﺗﺜﻜﻞ ﻣﺮﺍ ﻳﺤﺒﻬﺎ ﻭﻳﺤﺘﺮﻣﻬﺎ
ﻳﺼﻮﻧﻬﺎ ﺍﻟﺘﺬﺏ ﺭﻭﺣﻬﺎ ﺍﺻﻴﺮ ﺫﺑﺖ ﻟﻜﻼﺏ ﻣﺤﺪ ﻳﺒﺎﻭﻋﻠﻬﺎ
ﻭﺗﺮﺧﺺ ﺑﻌﻴﻮﻥ ﺯﻟﻢ ﺗﻨﺪﺍﺱ
ﺭﻳﻢ
ﺧﻠﺼﺖ ﺍﻟﻴﻮﻡ ﺩﺭﺍﺳﺔ ﻭﺗﻌﺐ ﻟﻜﻦ ﻣﻦ ﺍﺗﺤﺴﺲ ﺑﻨﻮﺗﻲ ﺑﻄﻨﻲ ﺍﻧﺴﻰ ﺗﻌﺐ ﻟﻔﻴﺖ ﺍﻟﻴﻠﻚ ﻋﻠﻰ ﺭﻭﺣﻲ ﻭﻣﺸﻴﺖ ﺭﺟﻌﺖ ﻣﻦ ﻣﺪﺭﺳﺔ ﻭﺣﺪﻱ ﻣﻨﺬﺭ ﺑﺎﻟﻨﺺ ﺳﺎﻋﻪ ﻭﺍﻛﻔﺔ ﻣﻜﺎﻝ ﺍﺧﺘﻲ ﺣﺎﻣﻞ ﺍﺟﻴﻬﺎ ﺗﻌﻮﺩﺕ ﻳﻨﺴﺎﻧﻲ
ﺍﻣﺸﻲ
ﻭﺍﺷﻮﻑ ﺿﻞ ﺳﻴﺎﺭﺓ ﺗﻘﺘﺮﺏ ﻣﻨﻲ
ﻣﺸﻴﺖ ﺑﺴﺮﻋﻪ ﻭﮔﺎﻣﺸﺔ ﺑﻄﻨﻲ
ﺧﺎﻳﻔﺔ
ﺍﻟﺴﻴﺎﺭﺓ ﻣﺸﺖ ﺳﺮﻳﻊ ﻣﻦ ﮔﺪﺍﻣﻲ ﻭﺳﺪﺕ ﻋﻠﻴﻪ ﻃﺮﻳﻖ ﻟﻴﻜﺪﺍﻡ
ﺳﻴﺎﺭﺓ ﺳﻮﺩﺓ
ﻧﺰﻝ ﭼﺎﻣﺘﻬﺎ ﻭﺷﻔﺖ ﻋﻠﻲ ﺷﻬﻜﺖ
ﻣﻨﻮ ﺑﺼﻔﻰ ﺩﺍﺭ ﺭﺍﺳﻪ
ﺻﺤﺖ ﻋﺎﺍﺍﺍﺍﻣﺮ
ﺍﻧﺪﺍﺭﻳﺖ ﻭﻣﺸﻴﺖ ﺑﺴﺮﻋﻪ
ﮔﻠﺒﻲ ﻳﺪﻙ ﺑﺴﺮﻋﺔ ﻋﺒﺎﻟﻚ ﺭﺍﺡ ﻳﻮﮔﻒ ﻣﻦ ﺧﻮﻑ ﻣﺘﺖ ﻣﺒﻤﻜﺎﻧﻲ
ﺍﻣﺸﻲ ﻭﻣﺎﺍﺣﺲ ﺍﻻ ﻭﺍﺣﺪ ﺟﺮﻧﻲ ﻣﻦ ﺍﻳﺪﻱ ﻭﺳﻴﺎﺭﺓ ﺿﻠﻬﺎ ﻳﻤﻲ
ﺻﺎﺡ ﺑﻴﻪ ﻳﺤﻠﻮﺓ ﻭﻳﻦ ﺷﺎﺭﺩﺓ ﺷﻨﻮ ﻣﻤﺸﺘﺎﻗﺔ ﻟﺰﻭﺟﺞ
ﺻﺤﺖ ﺑﻲ ﻋﺎﻣﺮ ﺍﻧﺖ ﻣﻮ ﺯﻭﺟﻲ ﻋﻮﻓﻨﻲ ﺍﻧﻲ ﻛﻤﻠﺖ ﺣﻴﺎﺗﻲ ﻣﻦ ﺩﻭﻧﻚ ﻣﺎﺍﺭﻳﺪﻙ ﺭﻭﺡ
ﺻﺎﺡ ﺑﻴﻪ
ﺣﻠﻮ ﻭﺍﻟﻠﻪ ﻫﺎﻱ ﺷﻮﻥ ﻣﺮﺓ ﺑﺪﻝ ﻣﺎﺗﺴﺘﻘﺒﻞ ﺭﺟﺎﻟﻬﺎ ﺗﺘﺤﻤﺪ ﻋﻠﻰ ﺳﻼﻣﺘﻪ ﺗﺼﻴﺢ ﺑﻮﺟﻬﻪ
بيج قصص عراقيه حقيقيه من واقعنا.روعه الطائي
ﻫﺎﻱ ﻣﻦ ﻳﻜﻮﻥ ﻣﻦ ﺻﺪﻙ ﺭﺟﻠﻬﺎ ﻣﻮ ﻭﺍﺣﺪ ﻣﺜﻠﻚ ﻭﺷﻐﻠﺔ ﻟﺦ ﻋﻠﻲ ﻭﺷﻴﺦ ﺟﻼﻝ ﺍﻃﻮ ﺗﻌﻬﺪ ﻣﺘﻮﺻﻠﻲ
ﺍﻧﺪﺍﺭﻳﺖ ﻋﻠﻰ ﻋﻠﻲ
ﺍﻧﺖ ﺍﻃﻴﺘﻨﻲ ﻛﻠﻤﺔ ﻭﻋﺪ ﺭﺟﺎﻝ ﻫﻴﺞ ﺧﻨﺖ ﺛﻘﺘﻲ
ﻋﻠﻲ ﺻﺎﺡ
ﺭﻳﻤﺔ ﻣﺎﻧﺎﺯﻝ ﻋﻦ ﺍﻟﻮﻋﺪ ﻟﮕﻦ ﻋﺎﻣﺮ ﻳﻌﺸﮕﺞ ﮔﻞ ﻫﻞ ﺍﻻﻳﺎﻡ ﻣﺎ ﻋﺎﻑ ﻃﺎﺭﻳﭻ
ﺣﺘﻰ ﺍﻭﻝ ﻣﺎﺻﺤﻰ ﺭﺍﺩﭺ
ﻭﻣﺠﺎﻳﻴﻦ ﻧﺮﺟﻌﺞ
ﻻ ﺟﺒﺘﻪ ﻳﺸﻮﻓﭻ ﻋﺰ ﻋﻠﻰ ﮔﻠﺒﻲ ﺍﺷﻮﻑ ﺍﺧﻮﻱ ﻣﺘﻔﺮﻓﺢ ﻋﻠﻰ ﺷﻮﻓﺘﺞ
ﺍﺳﻤﻊ ﻛﻼﻣﺔ ﻭﮔﻠﺒﻲ ﻳﻘﺒﻀﻨﻲ ﻣﻨﻪ
ﻳﺎﺭﺑﻲ ﻟﻴﺶ ﺣﺒﻨﻲ ﻫﻞ ﺷﺨﺺ
ﺻﺤﺖ ﺑﻴﻬﻢ ﻫﺬﺍ ﻣﻮ ﺣﺐ ﻟﻌﻨﺔ ﺍﻧﺬﺑﺖ ﻋﻠﻴﻪ ﻣﺎﺍﺭﻳﺪ ﺣﺒﻪ ﺣﺐ ﻳﺨﻨﻜﻨﻲ ﻟﻮ ﻳﺤﺒﻨﻲ ﻳﻄﻴﻨﻲ ﺣﺮﻳﺘﻲ
ﺻﺎﺡ ﺑﻲ
ﻋﺎﻣﺮ ﺗﻌﺎﻝ ﮔﺘﻠﻲ ﺷﻮﻓﻬﺎ ﻭﺗﺮﭼﻊ
ﻧﺰﻝ ﻣﻦ ﺳﻴﺎﺭﺓ ﻭﺟﺮﻩ ﻭﻳﺪﻓﻊ ﺑﻲ
ﻋﻠﻲ ﻛﺘﻠﻚ ﻋﻮﻓﻨﻲ ﺍﺧﺬﻫﺎ ﻫﺎﻱ ﻣﺮﻳﺘﻲ ﻭﺍﻧﻪ ﺍﻭﻟﻰ ﺑﻴﻬﺎ ﺍﺭﺟﻌﻬﺎ ﻟﺪﺍﺭﻫﺎ
ﻛﻠﻪ ﮔﺪﺍﻣﻲ ﺗﻌﺠﺒﺖ ﻣﻦ ﻛﻼﻡ ﻋﻠﻲ ﺟﺎﻥ ﺍﻛﺜﺮ ﻭﺍﺣﺪ ﺭﺍﻳﺪﻩ ﻳﺰﻭﺟﻨﻲ ﻫﺴﺎ ﻳﻜﻠﻪ
ﻻ ﻳﺨﻮﻱ ﻣﻮ ﻣﺮﺗﻚ ﻋﻮﻓﻬﺎ
ﺻﻌﺪﻩ ﺑﺎﻟﺴﻴﺎﺭﺓ ﻭﺭﺍﺣﻮ
ﺑﻘﻴﺖ ﺍﻗﺮﺍ ﺍﻳﺎﺕ ﻣﻴﺘﻪ ﺧﻮﻑ
ﮔﻠﺒﻲ ﻭﺍﻛﻊ ﺑﻴﻦ ﺭﺟﻠﻴﻪ
ﻣﺸﻴﺖ ﺑﺴﺮﻋﻪ ﺑﺎﻟﺸﺎﺭﻉ ﻣﻌﻮﺩﺕ ﺍﻭﺻﻞ
ﻟﻠﺒﻴﺖ ﺩﺍﺍﺭﺯﻝ ﻣﻨﺬﺭ ﺑﺎﻟﻤﺤﻞ ﺷﻔﺘﻪ ﻣﺎﻛﻮ ﻭﻋﺎﻳﻔﺔ ﻣﻔﺘﻮﺡ ﻣﺤﻞ ﺷﻜﺪ ﺑﻼ ﻣﺴﺆﻭﻟﻴﺔ
ﺍﻣﺸﻲ ﻟﻠﺒﻴﺖ ﻭﺷﻔﺖ ﻛﺄﻥ ﺳﻴﺎﺭﺓ ﻋﻠﻲ ﻭﺍﮔﻔﺔ ﺭﺍﺱ ﺷﺎﺭﻉ ﻳﻤﻪ ﻣﺘﺖ ﺑﻤﻜﺎﻧﻲ
ﺍﺣﺲ ﺑﻄﻨﻲ ﺗﮕﺮﻓﻨﻲ ﺗﻨﻬﺪﺕ ﻭﻓﺘﺤﺖ ﻟﺒﺎﺏ
ﻭﺩﺧﻠﺖ ﺍﺭﻛﺾ ﻟﻠﺒﻴﺖ
ﺩﺧﻠﺖ ﻭﺍﺻﻴﺢ ﺑﻴﺒﻲ ﻣﺎﻛﻮ
ﻫﻲ ﺗﺮﻭﺡ ﺍﻟﺼﺒﺢ ﺗﮕﻌﺪ ﻳﻢ ﺳﺎﺭﺓ ﺑﺸﻘﺘﻬﺎ ﻻﻥ ﺍﺗﻀﻮﺝ ﻭﺣﺪﻫﺎ ﻣﻦ ﺍﺭﻭﺡ ﺑﻠﻤﺪﺭﺳﺔ
ﺗﺒﻘﻰ ﻟﻠﻈﻬﺮ ﻭﺗﺮﺟﻊ
ﻗﻔﻠﺖ ﺑﻴﺒﺎﻥ ﺯﻳﻦ ﻭﺩﺧﻠﺖ ﻟﻔﺮﻓﺘﻲ ﺍﺑﺪﻝ
ﺫﺑﻴﺖ ﺍﻟﻴﻠﻚ ﻭﻧﺰﻋﺖ ﺻﺪﺭﻳﺔ ﺍﺳﻤﻌﺖ ﺍﻟﺒﺎﺏ ﻧﻔﺘﺤﺖ ﻣﺎﻝ ﻣﻄﺒﺦ ﻻﻥ ﻫﻲ ﺗﻄﻞ ﻋﻠﻰ ﺍﻟﺤﻮﺵ ﻭﻣﻨﻬﺎ ﻧﺪﺧﻞ ﻭﻧﻄﻠﻊ
ﺻﺤﺖ ﺑﻴﺒﻲ ﺍﻧﻲ ﺭﺟﻌﺖ ﻣﻦ ﻣﺪﺭﺳﺔ ﺍﺷﻮ ﺗﺄﺧﺮﺗﻲ
ﻣﺠﺎﻭﺑﺘﻨﻲ ﻳﻤﻜﻦ ﻣﺴﻤﻌﺖ ﻫﻲ ﺷﻮﻱ ﺳﻤﻌﻬﺎ ﺛﻜﻴﻞ
ﻓﺘﺤﺖ ﺩﻛﻢ ﻗﻤﻴﺺ ﻣﺨﺘﻨﮕﻪ ﺭﻛﻀﺖ ﻛﻮﻣﺔ ﻭﺑﻄﻨﻲ ﻣﻮﺗﺘﻨﻲ
ﻧﺰﻋﺘﻪ ﭼﻨﺖ ﻣﻨﺪﺍﺭﺓ ﺍﻃﻠﻊ ﻣﻼﺑﺲ ﻣﻦ ﻛﻨﺘﻮﺭ
ﻣﺎﺍﺣﺲ ﺍﻻﺑﺎﺏ ﻏﺮﻓﺘﻲ ﻧﻔﺘﺤﺖ ﺍﺧﺬﺕ ﺗﺮﺍﻙ ﺍﻟﺒﺴﻪ
ﺻﺤﺖ ﺑﻴﺒﻲ
ﺑﻌﺪﻧﻲ ﻣﻤﺒﺪﻟﺔ ﻫﺴﺎ ﺍﻃﻠﻊ
ﻣﺎﺍﺷﻮﻑ ﻣﻨﻮ ﮔﺪﺍﻣﻲ ﻣﻮﺗﻲ ﻭﺭﻋﺒﻲ ﻭﺧﻮﻓﻲ ﺷﻬﻜﺖ ﻭﺧﺎﻟﻪ ﻟﺘﺮﺍﮒ ﻋﻠﻰ ﺟﺴﻤﻲ
ﻋﺎﺍﺍﺍﺍﺍﺍﺍﻣﺮ
ﺳﺪ ﻟﺒﺎﺏ ﺑﺮﺟﻠﻪ ﺩﻓﻌﻬﺎ ﻭﻣﺎﻛﻠﻨﻲ ﺑﻌﻴﻮﻧﻪ
ﮔﻠﺶ ﻣﺘﻐﻴﺮ ﺿﻌﻔﺎﻥ ﻭﺷﻌﺮﻩ ﻃﻮﻻﻥ ﻭﻟﺤﻴﺘﻪ ﻋﺒﺎﻟﻚ ﺩﺍﻋﺸﻲ ﻣﺎﺍﻋﺘﺐ ﻋﻠﻰ ﺑﻨﺎﺕ ﻣﻦ ﻳﻜﻠﻠﻲ ﺣﺒﻼﻧﻪ ﻣﻦ ﺩﺍﻋﺶ
ﺍﻗﺘﺮﺏ ﻣﻨﻲ
ﻭﻳﺒﺎﻭﻋﻠﻲ ﻧﻀﺮﺍﺕ ﻣﻦ ﻓﻮﮒ ﻟﻴﺠﻮﺍ ﻭﺍﺻﺮﺥ ﺧﻠﻪ ﺍﻳﺪﻩ ﻋﻠﻰ ﺷﻔﺎﻳﻔﻲ
ﺍﺷﺸﺸﺸﺶ
ﻫﺎﻱ ﺷﺼﺎﻳﺮﺓ ﺑﻄﺔ ﺗﻤﻮﺕ
ﺷﻨﻬﻞ ﭼﻤﺎﻝ ﮔﻠﻪ ﻣﺎﺗﻌﺮﻓﻴﻦ ﻋﺎﻣﺮ ﮔﻠﺒﺔ ﺧﻠﺼﺎﻥ
ﻳﺘﺒﻊ…
#حيدور❤
أنت تقرأ
عشك بصراوي
General Fictionقصه حقيقيه 100%100 +اني اريدگ وارفضگ بأن واحد ...خشيتا من خذلان ؛؛من كسر قلوب ؛؛من خداع المشاعر ...❤
