#عشگ_بصراوي
#بارت٢٦
انه ذيچ العاشـت تضمضم زعلها !
الماگدر واحـد "يذلـها"
ريهااام
عمتي زهرة
باليل رجعها عمي للبيت تخربطت هنا من شافت عامر وضعة تعبان متحملت
بقيت وي علي وحدي خايفة كل شوي احس احد يراقبني
واطلع اشوف منو هم الگي ذاك رجال يمشي ليكدام
ياربي هاي شديصير اذا منذر شيريد مني حتى قضية خسرتها شعنده بعد ويانه ريمة ورجعت ليش محومي عليه
رجعت كعدت يم علي گامشة ايده احس الامان مااكدر اهدها مااحس الا واحد همس وراي
ريهاام ممكن احاچيج
نشف دم بجسمي انداريت شهكت من شفته
منذر اشتدسوي هنا عوفني الله عليك روح لا علي يگعد ويشوفك والله يشرب من دمك
؛؛يرهام ميگعد اذا جيتي وياي شوي اگلمچ واروح ما شوفين وجهي بعد
يمه چسمي كله يرجف وخايفة موت بس اكول مستشفى مايكدر يسويلي شي
وخفت لايكعد علي على حسه
طلعت ويا گلي
رهاام لا شيلين بگلبچ عليه واطيج وعد اتوب
وماانجر ورا فلوس انه طيت وعد لنفسي اذا صار وخلصت من حبس اتغير واصير انسان ثاني واعيش عمود اختي راح اخذها واروح وابدي وياها حياة جديدة
صديت نظري عنه
وكتله انت والله تجازا ماكو شي بيدي
بالارض ماكو عداله وطلعت بس انتظر عدالة سماء وهي تاخذ حقي
لذا اذا طلبت المغفرة من احد لا طلبة مني اطلبة من ربك يغفرلك واتعهد گدام سجادتك اتغير حياتك عمود هي تكون شاهد عليك لان رهام ماعدها شهود ولا عدها شي تلزمة عليك صديته ودخلت للغرفة دموعي مااكدر الزمها شهكت بجي واختنك
جاي ياخذ سماح مني واني طاح حظي من ورا
كعدت يم علي واسمع يون ويصيحني
رهااام راسي ..
يگعد ويرد يغفى اكعد بي ميكعد
مسحت عرگة وكعدت يمه
رجعلي عمي اعصابه منهارة عامر
محتاج عملية
من عرفنه قسطرة محتاج عمي خله ايده على قلبه
وكال مستحيل يسويها هنا
ابوي الاطباء قتلوا بأيدهم
غلطت عملية ابوي متتكرر وي عامر گال حتى لو يحتاج الامر يطلعة من عراق ويسويها برا
حاليا باقية
يم علي لوجه الصبح گاعدة جنطتي لابستها بركبتي وايدي صفح اخاف من ممرضات خاف يبوكني
عمي خطية نام على كرسي
وعلي دورات يفتح عينه ويرجع يغفى وبس اسمع ونينه
اتمنى وجعه بيه ولا بي مااعرف شلون اخلي يرتاح من المه ويرجعلي مثل اول
اجه دكتور كتبله علاج من برا كعدت عمي
سودة عليه تعب فدنوب اخذ ورقة وطلع يجيبة
الدكتور اقترب من علي
ضل يصحي
ضربة بخده
ابو شباب افتح عينك ترا جرحك مو ذاك جرح
شنو هذا نوم
كتله يصحى ويرجع يغفى
گالي هسا يصحى طلع سرنجه
ورفع غطا من رجليه ضربه اول شي بيده مگعد
نغه بالسرنجه راسا اتألم
گال تمام
شويه يدلل ويگعد
كتله دكتور متأذي كلش بس يتوجع
مو خالين امبولات مسكن
هي تهدئة
رجع يون
فتح عينه ويصيح
اخ راسي ويفر براسة يمين ويديرة يسار
دكتور كله
شنو اسمك
كله راح اموت من وجع راسي
كله اسمك شنو همس ويون
ااااخ علي
تمام علي يعني ديسمع
صاح
اريد ماي
دكتور كلي اطي مي واشياء خفيفة
وطلع ويم باب وصل
كافي علي اگعد لا تخوف هل حلوة عليك
يمه عزا شصار بيه ردت اوكع من طولي
خجلني هوه شويه دكتور مرح ويجاوب وي كل مرضى وذبلي حجاية اوف منك يلساني
قطع شرودي ايدي نكمشت
انداريت على علي
ريهااام عامر شصار بي
وينه عامر
دنكت راسي مااعرف شكله اول ماصحى اذكر عامر
علي ..عامر زين
لا يرهاام لا تكذبين علي
انه شفته شلون چان ينتهي گدام عيني
دموعي نزلت بصوت مخنوك
عامر جوا بالانعاش وضعه
انخرست زمخ بيه
وضعه شبي
درت نظري عنه
وضعه موزين كلش موزين
حاول يكوم ويرجع يدوخ
رجع گام وكمش راسه دفع غطى عنه
ويحاول يشيل الكانولة واتوسى بي لا يتهور ويتأذة جرها قوي ونزف دم وكام ويدوخ كمشته اتوسل بي لا يروح دفعني ومشى ركضت ورا
كمشته اتوسل بي ماكو فايدة صاح بيه
لا تلزميني رهاام
اريد اشوف عامر مايهدالي بال اذا ماشفته
صحت بي ايدك تنزف مدشوف
اول مافتح مصعد دخل دخلت ويا كمشت مكان جرح بكلينسه بيدي قوي لا ينزف اكثر
نافخ وگلي
رهااام اذا يصير شي على عامر قسما بالله رياض اكل لحمة
كتله ميحتاج تاكل لحمة عامر ضاربة طلقة من ضربك
انصدم عامر قتله ؟!
لا ممات ضاربة بيده مصاوب
حيل وزايد بي
النذل متعلم على خيانة لو رجال مضربني من ورا
وچان واجهني النگس
انفتح المصعد بألارضي
كمشته بعكسه وامشينه للانعاش
مخلونه ندخل كالو وضعه تعبان
كمش الدكتور من هدومه وكله
تخليني ادخل لا اسوي دم للركب صاح امن
جريت علي
عليك الله عليك هده لا سوي مشكله هنا
بيج قصص عراقيه حقيقيه من واقعنا.روعه الطائي
عامر تعبانه جريته وطلعنه
عيونه حمر واعصاب
ويمشي ويدوخ
گعدته على ستولات مستشفى
دك جهازي
فتح جنطة بسرعه طلعته
هلو عمي هذا هسا اعصاب
رديت اكيد رجع ملكانة
صاح بيه
ريهاااام وين علي ليش انتو ماكو بالغرفة
عمي علي صحى ونزل لعامر ماكدرت اوكفة
چايكم شون مخبل هذا اني اعلمة
انداريت وصدمة گدامي ضابط و شرطة
اقتربوا من عدنة شكلهم الشرطه يعرف علي گبل اجانة گلبي گام يلعب يماا شيريدون
عمي البارحة گال خال ريمة مشتكي على عامر
اقتربوا من علي اول مشافهم حاول يكوم ركضت عليه گعدته وكتلهم
بعد تعبان ميكدر يوكف
الضابط صدني وجه الكلام لعلي
يعلي هاي شمسوي ؟!
شكو سيدي شصاير؟!
حلو اسئلك تردني بسؤال
انت گلي شصاير ترا مااكدر اساعدك وانت مثل ابني ماهاين عليه اشمرك بالتوقيف
علي گام يعرك ويمسح وجهه
يحجي بتردد
سيدي جمعناهم دنتفاهم بخصوص لبنية ونكللهم بقيناها ابوي انكسر گلبة من شاف اهلها راحو بحادث
هوه المحامي ومنذر وخالها چفتو علينه غفل وما طونة مجال نفهمهم وشوف سيدي راسي ضربة من ورا
شفته انهد بخوي وفازعتله چاني غفل من ورا وطك راسي وهددني
يكلي انت وعشيرتك جوا نعالي
الضابط گعد يمه
اسمع علي هل كلام متأكد منه مالكم ايد
يي سيدي وشوف اخوي بألانعاش وانه راسي مشكوك شوف بعينك هذا كله ساطرني
ضربة على رجلة
مصدكك علي لكن سؤال
منو ضرب رياض
انت لو عامر
سيدي ماعندي علم برياض ليش هوا صاوب
يي مصاوب من سلاح فردة حكومي يعني سلاحك
بس بصمات عامر
هسا شنو رئيك منو مسويها
لا سيدي ماعندي فكرة عن هل موضوع اني اذكر من
انضربت انداريت شفت رياض على راسي واذني صوفرت بقيت انازع بمكاني فقط سمعت طللقة
مااعرف من منو انطلقت
علي امبين عامر ضاربة ابو مقدم شكو ضد عامر
انت تشتكي
دنك راسه
يي سيدي اشتكي عليه ضربني مالحكت حتى اصد ضربته غافلني
وهذا اخوي ثبتوا عليه ضاربة شوف وضعة روح هل وضع يكدر يجر سلاح ويضرب طلقة
السلاح يعتمد على شخص
اكو طفل تسع سنين بالغلط گاتل ابو بالسلاح
فمو قياس
البارحة شنو چان وضعة والوصلة هل حالة قبل ميصاوبة بعد مصاوبة منعرف احنه دنشوف دليل علية بصمات عامر
فوت سيدي واقبض عليه
شوفه شكد باقيلة نفس
لا علي مو هذا قصدي اريد تجيني وياي للمركز وافتهم منك كم شغلة
اجه عمي شافهم
صاح بيهم
ولدي اسگطو وچاين تقبضون عليهم
شنو ماتت گلوبگم دشوفون ابني ديموت
وچايين تاخذو
علي هدء عمي
ابوي رايح وياهم افهمهم كم شغلة لا شيل همي احلها ان شاءالله
گام وياهم متحملت كتله علي وين رايح دخيل الله انت تعبان
لا يرهام احسن من قبل لازم احلها واسد سالفة تعبنه
عمي گالي انلحكه للمركز تعالي وياي ارجعج للبيت هم
اخذو علي وعمي راح كمل اوراق خروجية على مسؤوليته
لحكنا للمركز عمي بقاني بالسيارة وراح للمركز
علي..
دخلت هناك واگبالي رياض ايدة ملفوفة ومعلگة حمالة الايد برگبته وابو مثل حية كاعد
خزرني وخزرته اتمنى افگ بمصارينه
ضابط طلع مصطفى وعهد ومازن
وگفهم اگبالنه
ورچع حاجى رياض
هذولي كلهم اتعاونوا عليكم
يي سيدي هجمو علينه وهاي شوفت عيونك
صاوبوني
علي جلال مقدم عليك شكوى ضاربة صحيح هل شي
لا سيدي ..خزرته وتگذب مو هاي گلنه شاهدين عليك چا منو ضربني
سيدي ما انكر ضربته لكن دفاع عن نفس رادوا يگتلوني
اهاا ليش كلت لا
الصاير بيناتكم محد يگول حقيقته وحقيقة وحده گدامي اثنينكم مضروبين
اما تتنازلون عن شكوى لو تنحبسون
سيدي ماعندي مشكلة اتنازل عن شكوى لكن بشرط
صحت بي وتشارط فوكاها
يعلي اضمن حقنه ماتعترضولنه بعد موافق اسحب الشكوى عنكم ماموافق مستسلم لامر وخلي ادخل سجن
رديته ماشي اضمنلك بگفالتي محد من ولد يعترضلكم ولا يوصل حدكم
دون الكاتب كل شهادات ورياض طلب محد يعترض لريمة حتى عامر وكله للضابط اذا ماجابريها ليش لبنية اتصيح مااريدهم
كله شعرفك تزوجت غصب هي وينها
قبل مااجي كلت لمنذر يجيبها
دخل ابوي سلم على ضابط وكله
يطلعون ولد بكفالتنه
كله اول شي تجي ريمة وتتنازل عن شكوى
لحظات ودخلت ريمة
ريم
من صبح خابر خالي على منذر. طلب منه يجيبني للمركز رايدني رياض عمود شكوى وكلي محد يأذيني ولا ياخذني اهم شي مااكذبة وشيحجي اوافق
وصلني منذر للمركز گلبي وكع بين رجليه من شفتهم كلهم واگفين وجوهم متتفسر بدهم ياكلونه
صاحني ضابط
بابا انت ريم داود
جاوبته
نعم اني ريم
گلي تعرفين هل ناس
باوعت بوجوهم وكتله
نعم اعرفهم زوج عمتي ولدة وابناء اخوته
گالي منو زوجك منهم
رديتة مموجود وياهم
كلي تقدمين عليهم شكوى غصبوج على زواج من عامر جلال وتعنيفج
علي باوعلي گسر گلبي دنك راسة
وشيخ چلال دنك راسة وگالي
يبو مادخلتج بيتي وحسبتج حسبت بناتي
رديته واذكر لطفة وياي اول ماجيت
كتله حقيقة مااكذب
شيخ جلال وكل محد جبرني وكالي بأرادتج تردين تزوجين لولا بس عامر گالي مااوديج لاهلج اذا ماتزوجين وهددني اهد بيتهم على راسهم
خلاني اوافق غصب عني
ردني
تقدمين عليه شكوى
كتله بيج قصص عراقيه حقيقيه من واقعنا.روعه الطائي
لا سيدي مااريد اقدم شي عليه بس يوعدوني ميوصلي بعد
انت تعرفين وضعه شنو؟!
كتله يي سيدي بالانعاش بس بعد ميگعد اكيد راح يرجع يضايقني
شيخ جلال كال
لا يريم محد يوصلچ عامر راح اسفرة يتعالچ بأربيل
گلبه تعبان وهنا عمليات مو شي زين
ضابط كال هاي مسائل تحلوها بينكم
كتبنه تعهد وقرا على مسامعنة وقع عليه عمي وعلي وكل ولد وقع رياض تنازل عن شكوى وتنازل علي هم
اخذني خالي ومنذر طلعنه شفت ريهام گاعدة بسيارة شيخ جلال تمنيت احجي وياها
طلبت من خالي احاجيها
مااشوف نزلت من سيارة وحجت وي ولد
ريهام
شفت ريم ردت احاجيها نزلت وشباب واگفة عمي حجالهم على عامر يريد ياخذه لاربيل ناصحي بدكاترة هناك طلبت منهم احاجي ريمة بلكت اقنعها ترد للبيت
عمي وافق احاجيها
عفتهم ورحت احاجيها منذر من اقتربت دنك وراح قربت منها
ريم معقولة ماتردين ويانه هذاك بيتچ وكلنة اهلچ
مااعرف شكللها لكن
اذكر سعاد وبناتها وعمتي مرايدتني اكره عيشتي هناك
قربت منها كتلها
ريهام محد رايدني هناك وعمتي مااريد اضايقها هسا كرهتني اگثر من قبل
قربت مني حضنتني ما استوعب انت اخت اسماء
شبكتها حيل وكتلها
لا يرهام اختج اني
انت ماعندچ اخت واني ماعندي
انتي صرتيلي اكثر من اخت
مسحت دموعها وهدتني
ليش الاخت تعوف اختها
گسرت گلبي بس مااكدر ارجعلهم ولا يعرفون لهل طفل يجلبون بيه رديتها
يرهام اني تعبت واريد ارجع لحياتي
رغم ماضلي شي بس اريد اكمل حياتي بالباقي من ريحت اهلي وي بيبي وخالو
همه يحبوني ويهتمون بيه
گالتلي
الشوفي راحتچ سوي وانه وياچ
كتلها بعد كلشي صار وياج بسببنه تحجين وياي والله خحلامه منچ
مسحت دموعي
لا رفعي راسچ مو انتي تخجلين ماالج ذنب انت ضحية مثلي
ومااقبل عليچ تنزلين راسچ لاي احد
وصيري قوية
اني دنيا هدتني وشوفيني واگفة
لان شي بگلبي يخليني اعيش عموده
حبي حياتج وعيشي عمود تحققين احلامج وديري ظهرچ لجروحج ومن تنقهرين لا تشتكين لاحد فقط دموعج نزليها گدام ربچ هوا يجبر خواطر ويساعد
صاحها خالي
ريمة تعالي بيبيتچ تنتظرنة
هديت ايد رهام ورحت
وهدت طولت اربع اشهر
أنت تقرأ
عشك بصراوي
General Fictionقصه حقيقيه 100%100 +اني اريدگ وارفضگ بأن واحد ...خشيتا من خذلان ؛؛من كسر قلوب ؛؛من خداع المشاعر ...❤
