عشك بصراوي

بارت 5---6

#عشگ_بصراوي

٥________٦
#البارت_الخامس

الحب ماهوا الا التقاء ارواح كل واحد منهما وجد ضالته في الاخر

💞💞💞💞💞💞💞💞💞💞💞💞

دانة....
بابا يحجي واني ساكته وبس الدموع وكلبي ينعصر

وينزف مكدرت اتحمل بجيت بشهكه وصحت ماريد

غير عهد بابا صار عصبي وجان مريض وصعد عنده

السكر وصيح عليه وكال:..

._ نطيت كلمه وغصب عليج طلعين للناس وابن

البصره ماريد اسمع اسمه وهسه ينقفل كلشي علي
.
ومحد يحاجي ويراسله وكدامي دزون رساله الاهله ودكللولهم يكمشون ابنهم لا اهجم عليهم البصره

ومااسمح الاي احد يراسلهم ولا يستقبل منهم وهسه

تحظرون كلشي يخصهم اني نهاريت وكعت من كد

البجي والتعب واصيح عهد لاتعوفني كتلهم موتوني اخذو روحي بس لا تمنعو مني حبست نفسي بالغرفه وبس ابجي يومين..جوي الخطابة واني روحي مو وياي انتهيت للاخير يومين عايشه بس ع مي..صرت  شاحبه باهته ميته واني على قيد هل نفس كلشي يخنكني جتني حلا اختي دازيها تنزلني اطلعهم

_دانه حبيبتي اكيد بابا رايد مصلحتج هوا يحبنه وميريدلنه البعد عنه يريد يبقى محاوط بناته بخيره ميريد يذبج لياهو جان ..

_اني حتى دمع مبقالي ...صحت حلا شتحجين منو الياهو جان عهد الحبني و ماشفت منه ومن اهله بس طيب وحب وحنان ..متعرفين شزرع بگلبي ..

...حضنتني وكامت تبجي على بجيي ..تذكرت بابا وشكد اتأذه يومين صار متخربط سكره وگعت بين نارين بابا الجان سندي كل هل سنين ومن جهه گلبي  استسلمت الهم سديت گلبي طلبت منها احاجي اخر مرا وينتهي من حياتي طلبت مبايلها رقم ميعرفه بس اريد اسمع صوته واسده لموت مااحاجي ويا بعد ركصت جابتلي نقالها واجتني تتلفت لا يشوفها مسلمتني نقال دگيت رقمه يدك وميجاوب هنا گلبي وگع اريد بس يفتح هوا اخر محاوله وامي صاحت انزل فتح خط انخرست اعض ايدي مايطلع مني حس بس اسمع گلمة ...

_الوو منو وياي ..الووو ...هذا غلطان بلرقم دگلي ..الووو ..

_اخر شي سديت خط واكول بگلبي لا مغلطانه بالرقم هذا گلبي الغلطان ...بدلت ونزلت افكار هواي براسي قبل لا ادخل للاستقبال  هواي تخطرلي اعوف گلشي وراي واهرب ..لگن وضع بابا كاسر ظهري ...دخلت ومااشوف گدامي بس سراب هالات سود جوا عيني منظري گان ميته مو عايشه ضلو صافنين عليه صاحتني ام الولد ...

_يوم دنو تعالي يمي اشوفج ...مشيت خطوات بنص الاستقبال غابت روحي ووگعت مااعرف شصار بيه لفت الدنيا بيه بس اسمع اصواتهم ومااكدر اجاوب