Mr & Mrs Kim

Chapter 1

Ang unang paghaharap..

Isang nakakapangilabot na pangyayari ang naganap sa loob ng abandonadong gusali kung saan hindi na mabilang ang mga Tauhang nabawian ng buhay dahil sa mahigpit na labanan sa pagitan ng dalawang magkaribal na Angkan. The White Snake Clan and The Black Scorpion Clan. Halos lahat ay naliligo na sa sarili nilang dugo at wala ni sino man ang nakagawang makaligtas maliban sa dalawang nilalang na magkaharap na nakatayo bitbit ang sarili nilang armas na may iisang bala na lamang ang laman.

Pareho sila ng kasuotan, Itim na balabal na parehong nakatakip ang mukha na tanging mga mata lamang ang nakikita. Ramdam nila ang presensya ng bawat isa. Malamig na pagkakatitig. Nakakatakot na awra. At pananabik sa pagkitil ng buhay sa kaharap na kalaban.

Alam nilang pareho silang nakakaramdam na may kakaiba sa pagkatao ng katunggali. Pero ang minimithing matapos na ang gulong sinimulan ang siyang nais na nilang maisakatuparan.

Nakakabinging Katahimikan. Walang sino man sa kanila ang nauunang pang kumilos. Minamatyag ang bawat anggulo ng kalaban. Mapangahas at Makamandag ang mailalarawan sa paraan ng pagkakatitig nila sa isa't isa. Hindi pangkaraniwang nilalang ang kalaban kaya kailangan ng mapanuring pag-iingat.

Unang inangat ng isa ang kanang kamay niyang may baril. Itinutok niya ito sa kalabang nasa harap. Iniangat na rin ng isa ang kaliwang kamay niyang may baril at itinutok din ito sa kalaban. Sa Isang kalabit lang ng gatilyo, aalingasaw ang malakas na putok nito sa buong gusali at hahandusay sa lupa ang unang matatamaan.

Ngunit hindi pa nga nakakalimang segundo ay nagulantang sila ng makarinig sila ng malakas na pagsabog sa tuktok ng gusali dahilan para lumindol ang buong paligid at unti-unti itong gumuho. Sabay nilang naibaba ang kamay nila at daliang tumalikod. Pero bago sila tuluyang lumisan ay muli silang nagkatinginan.

'Hanggang sa muli nating paghaharap.' pareho nilang nasambit mula sa kanilang isipan.

Chapter 1

(Eleazer Kim's POV)

"Pars! Buti naman dumating ka na! Ang tagal mo naman." -bungad sa akin ni Zac. Wala sa emosyon ko lamang siyang tinitigan.

"Ano ng ganap?" malamig na tanong ko. Umupo ako at nagdekwatro habang nasa loob ng racing track ang paningin ko.

"For the first time, natalo ang alaga natin." nanghihinayang na sagot ni Eros. Kunot noo akong napatingin sa kanilang dalawa na nakayuko na.

"Really? Sinong nakatalo?" di makapaniwalang tanong ko. 10 times undefeated champion sa Racing competition ang alaga naming si Siete. Siya ang pinakamagaling na racer sa larangan ng Motorcross at never pa siyang natalo for 5 consecutive years.

"Newbie, Pars. Yung naka-black leather riding suit na may tatak na '13' sa likod." sagot ni Eros. Hinanap ko naman sa buong stadium ang binanggit niya. At agad ko naman itong nakita. Kalmadong nakaupo ito sa itim na motor habang pinapanood ang ibang manlalahok na kasalukuyang nakikipagkarera sa loob ng track. Suot pa rin nito ang helmet kaya hindi makita ang itsura.

"Any info?" maikling tanong ko patukoy sa racer na iyon.

Napakamot sa ulo si Zac, "Unidentified. Trese lang kasi ang ibinigay niyang pangalan. Codename niya ata yun. Sinubukan namin siyang lapitan kanina pero parang mailap siya sa mga tao. Medyo creepy nga siya eh."

Napangisi ako, "He seems so interesting." tumayo naman ako agad.

"Teka Pars, lalapitan mo ba siya?"

"Why not? Gusto ko siyang makilala." nakangisi kong sabi at nagsimula na akong maglakad. Sumunod naman silang dalawa.

"Pars, wag mong sabihing ipapalit mo siya kay Siete?" -Zac