رقصات شيطان علي اوتار كمان

الفصل الحادي عشر

يوم اخر ملبد بالغيوم من ايام شهر اذار

استيقظ اياس من النوم ... ثم ارتدي بذلته الرسميه الخاصه بالشركه ثم توجه الي غرفه مهاد ... والتي جاهد هو علي نظافتها وترتيبها .. امسك احدي قطع ملابسها ثم وجه لها الحديث قائلا : مبسوطه انتي بعد ما سيبتيني ومشيتي .. انتي في مكان احسن دلوقتي انا متأكد .. بس انتي وحشتيني اوي .. وحشني عنادك وهزارك واكلك وغلاستك .. كل حاجه فيكي وحشتني .. لو يرجع بس الزمن بيا لو ثانيه .. وانا اعاملك زي الملكه واشيلك علي الجفن وفوق الراس .. بس وديني لأجيبلك حقك يا مهاد .. هجيبه يعني هجيبه ..

توجه الي غرفه اخري جوارها ليجد كرم يتجهز للمدرسه .. قبل اياس رأسه قائلا : صباح الخير يا كرم ..

كرم : صباح الخير يا اياس ..

اياس : جاهز عشان ننزل نفطر وبعدين نروح المدرسه ..
كرم : ايوا جاهز .. يلا بينا ..

نزل اياس وكرم الي الاسفل ليجدا كندا تمسك احد الكتب .. التفتت لهم قائله : اهلا اهلا .. متأخرين علي طول ..

كرم بحنق طفولي : انتي اللي بتصحي مع صياح الديك ... نفسي افهم ليه ..

كندا : بروح اعمل رياضه و اجري شويا .. نظام صحي ايش فهمك انت ...

كرم : متأسف يا ستي  ..

اياس : خلاص يا رغاي انت وهي .. يلا علي الفطار ..

تناول الجميع افطارهم .. ثم توجه اياس وكرم الي مدرسه كرم حتي يوصله .. قبل نزول كرم ذكرة قائلا : ممكن متنساش اجتماع الاباء انهارده ..

اياس : متخافش 10 بالدقيقه هكون هنا ..

كرم : اوكي .. يلا سلام ..

اياس : مع السلامه يا حبيبي ..

ثم انطلق بسيارته ليصدح صوت احمد كامل في الأجواء قائلا :
- بنتمني نعيش لمه .. نبيع الوحده لو ببلاش ..

- ساعات نتمني ميت حاجه .. وناخد حاجه منعوزهاش ..

- بنتألم عشان ننسي .. عشان بكرا مبيسعناش .. ونتعلق مع الماضي ونتعلق بحلم ماجاش ...

وصل اياس الي هناك .. ليجد عدي يجلس في مكتبه بقلق ليقول : اياس .. دوللي عايشه .. وهنا في مصر .. وجايه وهدفها .. تقتل كرم ..

اياس : كرم .. ايه علاقته بالموضوع ..

عدي : دا اللي وصل لي من الجاسوس بتاعنا ..

ثم ورد اتصال هاتفي من جواد الي اياس .. ليجد جواد يقول بحزن : اياس .. احنا مع كرم في المستشفي ...