رقصات شيطان علي اوتار كمان

الفصل الثاني

الفصل الثاني ..

نظرات النشوة والانتصار كانت النصيب الاكبر لنظرات اياس ... طلب من ميس احضار الاوراق التي جهزها مسبقا .. ثم وضعها امام مهاد لتقوم بإمضائها .. امسكت مهاد بالقلم وخطت اسمها علي الورقه ..

امرها اياس بالذهاب معه لركوب السياره واثناء خروجه قال بصوت اجش لميس : الغي اي حاجه انهارده واجليها لبكرة ..

ركب اياس السياره الي جواره مهاد .. سألته بخفوت : احنا رايحين فين ..

لا رد ..

مهاد بصوت اعلي قليلا : طب انا عايزه اجيب حاجاتي من البيت ..

صوت صرصور الحقل يعم السياره ..

مهاد : هو انت مش بترد عليا ليه ..

اياس : عشان انتي زنانه .. بطلي اسئله ولما نوصل البيت هتفهمي كل حاجه ..

صمتت مهاد لتتابع الطريق ..

وصل الاثنان الي الفيلا .. لتنبهر بتصميمها ..

دخل الاثنان لينادي علي احدهم قائلا : نعمات .. يا نعمات ..

نزلت سيده لا يقل عمرها عن 60 سنه .. لتقول : ايوه يا اياس بيه ..

اياس : دخلي مهاد الاوضه اللي قولتلك عليها الصبح ..

نعمات بانصياع : اوامرك يا اياس بيه ..

اخذتها نعمات الي الغرفه .. لتقول لها مهاد : شكرا يا طنط ..

نعمات : اسمي نعمات بس يا بنتي ..

مهاد : بصراحه .. لساني مش مطاوعني اقول لحضرتك باسمك علطول كدا ..

نعمات : يسلمو اللي ربوكي يا حبيبتي .. دلوقتي خدي شاور .. وانا حطيتلك هدوم اخت اياس باشا .. وريحي شويه لحد ما ييجي معاد الغدا ..

دخلت مهاد الي الغرفه .. فوجدتها مطليه باللون الوردي بها عدد لابأس به من الأثاث ..

دخلت الحمام الملحق بغرفتها لتشهق بانبهار .. فكان حماما مبهرا بكل المقاييس .. تذكرت فيلم " خالتي فرنسا " عندما قالت : لو خالتي شافت الحمام دا هتحلف تتدفن فيه ..

اخذت مهاد حماما لتريح اعصابها .. وغطت في نوم عميق ..

بعد ساعه وعند اياس ..

جلس علي هاتفه يتصفح موقع التواصل الاجتماعي " انستجرام " بملل .. سمع صوت عمه .. يناديه بغضب ..

نزل له اياس قائلا : ايوه يا عمي ..

امسكه عمه بغضب قائلا : رفضت الصفقه ليه ..