گعدت بالگاع وابچي
ماگدر اوصف هل موقف ومستحيل يأثر بمثل م أثر بية امشي وابجي اذكر هذا المكان جان محل يوسف القديم هذا جنة نوكف اني ويوسف بي هذا هيج هذا هيج
نهاريت اخرررر شي وگعت بالگاع وبعد مادري شصـار
صحيت ع عيوني يوجعني افتحهم واسدهم اباوع كانولة بيدي معلگيلي مغذي فتحت عيوني راسي يوجعني صحت اخ اباوع المكان الي اني بي مستشفة
اني شنو شصار بية شلون اجيت لهنا
اسمع صووت الدكاتره تبجي وتصيح لاااتجيبون لهنانه لااتجيبون بعدد ماعدنة مكانن
صوت الاسعافات يرن ابراسي شلعت الكانولة وگمت واني لسة مومستوعبة الديصير
فتحت الباب واشوف النسوان و الزلم تصيح وتبجي امشي بين الممرات واشوف الي ملابسه كلهن دم ويصيح الي شايل جثة شخص ويبجي الامهات الي ملة المستشفة صايح وصريخ
لحد الان اني مامستوعبة اي شي وگفت ممرضة مدري دكتوره گتلهه واني من كل وعقلي!
عفية عيني شصاير ليش هيج يبجون الناس
...الضاهر انتي فاصلة عن العالم الناسس دتبجي ع ولدهه الي راحوووا بالانفجار الي صار ب الكراده
عافتني وراحَت ضليت واگفة بمكاني نزلتت دمعتي اذكرت يوسف يعني شنو عود هايهيه بعد ماشوفة يعني شنو عود يوسف مات؟ معقولة عود هايهيه يعني يوسف بعد مايجي
شفت وحده لابسه عباية وتبجي وتلطم گمتلهه واني اگلهه
خالة ش شبيج تبجين لاتبجين كومي خالة
-وج يمه ابني راح وج الي حملته ١٠ اشهر بطني راح جنت اكطع اللكمه من حلكي وانطيهيا يمه وليدي الوحيد يمه شمعه حياتي يمه ولك بعدك ماتهنيت بحياتك ششفت منها ولك يمه تعالي وين رايح وعايفني بهاي الدنيا لوحدي
تبجي وتلطم بجيت وياهه واگللهه خالة كووومي مابيي شي ابنج مابي شي
اجة رجال جبير يدگ ويلطم
ولكم ولددددي راحووا اللله واكبرر ولدي ماتوا تيتموا اولادهم راحوا ولددددي الله واكبر الله واكبر
اريد اعرف شحجي شسوي گمت واني ابجي اشوف الدم بكل مكاااان
ي يوسسسف يووسف اذكرت يوووسف واني تخبلت احس جنت ناسيه انو يوسف بالكراده ناسيه يوسف كليا
صرررت افتررر ابين الغرف واسال الدكتورات
دكتوره حباببه شش شفتي يووووسف كليلي شفتي
اتخبلتتت ضليت بسس ابجي وافترر واگلهم اريددد يووسف ومحد يرد عليه كلهه مشغوله اخر شي اجوي ممرضات يحاولن وياي واني ابجي واصرخ جيبلولي يوووسف اريدددد يوسسسف اخررر شي حسيتت كلبي يدگ ع كيف حطيت ايدي ع كلبي واصيحلهم جيبولي يوسف اريده
ESTÁS LEYENDO
نارة
Ficción General(واقعيـة) بيـن دهاليز عائلتهم ولعَبه القـدر يقـع حُبهم كضحيـه لاخطاء أهلهم
