■~ ﺷﺮﻗﮯ ~■ #روآيات_أنثى_شرقيةه 💚 (مكتملة)💚

الحلقة16

#ﺭﻭﺁﻳﺎﺕ ﺃﻧﺜﻰ ﺷﺮﻗﯿﺔﻩ💚
~ ■ ﺷﺮﻗﮯ ■ ~
ﺍﻟﺤﻠﻘﻬﻪ ﺍﻟﺴﺎﺩﺳﻬﻪ ﻋﺸﺮ ~
ﻃﻠﻊ ﻳﻮﺳﻒ ﻭ ﺭﻧﻴﺖ ﻋﻠﻴﻬﺎ ﻣﺎ ﺗﺮﺩﺵ ﻗﻠﺖ ﺑﺎﻟﻚ ﻣﺶ ﻓﺎﺿﻴﻪ ، ﺧﺬﻳﺖ ﺩﺑﺶ ﻭ ﺩﺭﺕ ﺩﻭﺵ ﻭ ﻃﻠﻌﺖ ﻭ ﻧﺒﻲ ﻧﺮﻥ ﻋﻠﻴﻬﺎ ﻟﻘﻴﺘﻬﺎ ﺩﺍﺯﻩ ﻣﺴﺞ
" ﻟﻴﺶ ﻫﻜﻲ ﻳﺎ ﻣﻌﺘﺰ ﺑﻌﺪ ﻭﺛﻘﺖ ﻓﻴﻚ ﻭ ﺑﺪﻳﺖ ﻧﺤﺒﻚ ﺗﺠﺮﺣﻨﻲ ﻫﻜﻲ ، ﻛﻨﺖ ﺣﺎﺳﻪ ﺍﻧﻪ ﻓﻲ ﺣﺎﺟﻪ ﻣﺶ ﺗﻤﺎﻡ ﺑﺲ ﻣﺎ ﺗﻮﻗﻌﺘﺶ ﺗﻜﻮﻥ ﺟﺎﻳﺒﻪ ﺍﻟﻬﺪﻳﻪ ﻟﺒﻨﺖ ﻏﻴﺮﻱ ﻭ ﺁﺧﺮﻩ ﻛﺎﺗﺒﻠﻬﺎ ﻉ ﺍﻟﻜﺮﺕ ﻧﺤﺒﻚ ﻳﺎ ﺗﺎﻣﻲ ﺑﺲ ﺍﻟﻐﻠﻂ ﻣﻨﻲ ﺍﻧﺎ ﻛﻴﻒ ﻧﻮﺛﻖ ﻓﻲ ﻭﺍﺣﺪ ﻧﻔﺴﻚ ﺭﺑﻲ ﻳﺴﺎﻣﺤﻚ ﻭ ﺧﻼﺹ "
ﺗﻲ ﺗﺎﻣﻲ ﺷﻦ ﺩﺧﻠﻬﺎ ﻓﻲ ﺍﻟﻨﺺ ﻭ ﻛﻨﻬﺎ ﺗﺨﺮﻁ ﻫﺬﻩ - ، -
ﺯﻋﻤﻚ ﻣﻠﺨﺒﻂ ﺍﻧﺎ ﺑﺲ ﻭ ﺍﻟﻠﻪ ﺷﺎﺭﻳﻬﺎ ﻝ ﻣﻼﻙ ﺍﻧﺎ
ﺭﻧﻴﺖ ﻋﻠﻴﻬﺎ ﺁﺧﺮﻩ ﻟﻘﻴﺘﻬﺎ ﻗﺎﻓﻠﻪ ﻧﻘﺎﻟﻬﺎ
ﺗﻲ ﺷﻦ ﺩﺭﺕ ﺍﻧﺎ ﻧﺒﻲ ﻧﻜﺤﻠﻬﺎ ﻋﻤﻴﺘﻬﺎ
ﻭ ﻃﻠﻌﺖ ﻟﻠﻤﺮﺑﻮﻋﻪ ﻋﺸﺎﻥ ﻧﺤﻜﻲ ﻝ ﻳﻮﺳﻒ
ﻳﻮﺳﻒ : ﻛﻨﻚ ﻗﺎﻟﺐ ﻭﺟﻚ
ﺍﻧﺎ : ﺗﻲ ﺷﻮﻑ ﻣﻼﻙ ﺷﻦ ﺩﺍﺯﻩ
ﻳﻮﺳﻒ : ﺣﻲ ﻉ ﺍﻣﻚ ﺷﻦ ﺩﺍﻳﺮ ﺍﻧﺖ
ﺍﻧﺎ : ﻭ ﺍﻟﻠﻪ ﻣﺶ ﻋﺎﺭﻑ ﺍﻧﺎ ﺻﺎﺡ ﻛﺘﺒﺖ ﻓﻲ ﻛﺮﺕ ﺑﺲ ﻣﺶ ﻋﺎﺭﻑ ﺍﺳﻢ ﻣﻦ ﻛﺘﺒﺖ
ﻳﻮﺳﻒ : ﻣﺶ ﻭﺍﻋﻲ ﻭ ﻻ ﺷﻦ
ﺍﻧﺎ : ﻣﺶ ﻧﺎﻗﺼﻚ ﺭﺍ
ﻳﻮﺳﻒ : ﺑﺎﻫﻲ ﺗﻮﺍ ﺷﻦ ﺗﺒﻲ ﺗﺮﺩ
ﺍﻧﺎ : ﻣﺶ ﻋﺎﺭﻑ ﺃﺯﻓﺖ
ﻳﻮﺳﻒ : ﺑﺎﻩ ﺑﺼﺮﺍﺣﻪ ﺍﻧﺖ ﺟﺎﻳﺒﻬﺎ ﻟﻤﻦ ؟
ﺍﻧﺎ : ﻭ ﺣﻖ ﺭﺑﻲ ﻟﻤﻼﻙ ﻭ ﺃﻭﻝ ﻣﺎ ﺷﻔﺖ ﺍﻟﻘﻔﻄﺎﻥ ﺟﺖ ﻓﻲ ﺑﺎﻟﻲ ﻉ ﻃﻮﻝ
ﻳﻮﺳﻒ : ﻗﻔﻄﺎﻥ ﻭ ﺟﻮ ﻳﺎ ﻓﺮﺥ
ﺍﻧﺎ : ﺷﻜﻠﻚ ﻓﺎﺿﻲ ﺍﻧﺖ
ﻳﻮﺳﻒ : ﻻﻻ ﻭﺭﺍﻳﺎ ﻛﻢ ﺣﺎﺟﻪ ﻭ ﻣﺶ ﻋﺎﺭﻑ ﻣﻦ ﻭﻳﻦ ﻧﺒﺪﺃ
ﺍﻧﺎ : ﺷﻦ ﻓﻲ
ﻳﻮﺳﻒ : ﺍﻟﻌﺮﺱ ﺑﻌﺪ ﺷﻬﺮ ﻭ ﻣﺎ ﺩﺭﺕ ﺷﻲ ﻟﻮﻃﺎ
ﺍﻧﺎ : ﺍﻟﻤﻘﺎﻭﻝ ﻭﻳﻦ ﻭﺻﻞ ﻓﻮﻕ !
ﻳﻮﺳﻒ : ﻣﺎﺯﺍﻝ ﻣﻄﻮﻝ ﺑﺎﻟﻚ ﺑﻌﺪ ﺍﻟﻌﺮﺱ ﻳﺼﺐ
ﺍﻧﺎ : ﺑﺎﻩ ﺍﺷﺮﻱ ﺩﺍﺭ ﻧﻮﻡ ﺑﺲ ﻭ ﺍﻷﺛﺎﺙ ﺍﺷﺮﻳﻪ ﺑﻌﺪ ﺗﻜﻤﻞ ﻣﺮﻩ ﻭﺣﺪﻩ
ﻳﻮﺳﻒ : ﺣﺘﻲ ﺍﻧﺎ ﻗﻠﺖ ﻫﻜﻲ ﺑﺲ ﻣﺎﻧﺒﻴﺶ ﺍﻟﺪﺍﺭ ﻣﻦ ﻟﻴﺒﻴﺎ
ﺍﻧﺎ : ﺗﻮ ﻧﻮﺻﻲ ﺻﺎﺣﺐ ﺣﻤﺪ ﻉ ﻭﺣﺪﻩ ﻣﻦ ﺗﺮﻛﻴﺎ
ﻳﻮﺳﻒ : ﻣﻨﻮﺭ ﺑﻜﻞ
ﺍﻧﺎ : ﺑﺎﻩ ﺩﻳﺮﻟﻲ ﺭﺃﻱ ﻓﻲ ﻗﺼﺔ ﻣﻼﻙ - ، -
ﻳﻮﺳﻒ : ﺭﺣﻤﻪ ﺍﻟﺤﻞ
ﺍﻧﺎ : ﻛﻴﻒ ﺗﺒﻲ ﺗﻮﺻﻠﻬﺎ ﺭﺣﻤﻪ ﻭ ﺍﻧﺖ ﺣﺘﻲ ﺭﻗﻤﻬﺎ ﻣﺶ ﻋﻨﺪﻙ
ﻳﻮﺳﻒ : ﺑﻜﺮﺍ ﻧﻤﺸﻴﻠﻬﻢ ﺍﻧﺎ ﻭ ﻫﻨﺎﺩﻱ ﻭ ﻉ ﺃﺳﺎﺱ ﻧﺒﻮ ﻧﺎﺧﺬﻭ ﻣﻘﺎﺳﻬﺎ ﻋﺸﺎﻥ ﺍﻟﺪﺑﺶ ﻭ ﻧﺤﻜﻲ ﻣﻌﺎﻫﺎ
ﺍﻧﺎ : ﺗﻲ ﻧﻌﻠﻴﺎ ﻋﻠﻴﻚ ﺫﻛﺎﺀ
ﻳﻮﺳﻒ : ﻃﺎﻟﻌﻠﻚ
ﺍﻧﺎ : ﺣﺘﻲ ﺍﻧﺎ ﻋﺎﺭﻓﻚ
ﻳﻮﺳﻒ : ﺑﺎﻩ ﻣﺎ ﺗﺒﻴﺶ ﺗﺮﻗﺪ
ﺍﻧﺎ : ﻻﻻ ﻧﺒﻲ ﻧﺘﻔﺮﺝ
ﻳﻮﺳﻒ : ﺑﺎﻩ ﺍﻧﺎ ﻓﻲ ﺍﻟﺪﺍﺭ ﺭﺍ
ﺍﻧﺎ : ﻭﺟﻚ ﺑﺎﻩ
~
~
~
ﻣﺸﻰ ﻳﻮﺳﻒ ﺭﻗﺪ ﻭ ﺍﻧﺎ ﻏﻴﺮ ﻧﻔﻜﺮ ﻛﻴﻒ ﻧﺒﻲ ﻧﻄﻠﻊ ﻣﻦ ﺍﻟﻘﺼﻪ ﻫﺬﻩ ﻭ ﺍﺫﻛﺮﺕ ﻛﻼﻡ ﺧﺪﻳﺠﻪ ﺑﻌﺪ ﻗﺎﻟﺖ ﺇﻧﻪ ﻣﻼﻙ ﻣﺶ ﻧﻔﺲ ﻓﺎﻃﻤﻪ ﻳﻌﻨﻲ ﻣﺶ ﻫﺘﻤﺸﻲ ﺗﺘﺰﻭﺝ ﺍﺣﺘﻤﺎﻝ ﺗﻤﻮﺕ
ﻛﻞ ﻣﺎ ﺗﺠﻲ ﻓﻲ ﺑﺎﻟﻲ ﻛﻠﻤﺔ ﺗﻤﻮﺕ ، ﻧﺸﻮﻑ ﻓﻲ ﺻﻮﺭﺓ ﺑﺎﺗﻲ ﺑﻴﻦ ﻋﻴﻮﻧﻲ
ﻣﻌﺶ ﻧﺘﺤﻤﻞ ﻧﻔﻘﺪ ﺣﺪ ﺁﺧﺮﻩ ﻭ ﺍﻭﻛﻲ ﻓﺎﻃﻤﻪ ﻧﺤﺒﻬﺎ ﻣﺎﺯﻟﺖ ﺑﺲ ﺑﻌﺪ ﺷﻔﺖ ﻭﻟﺪﻫﺎ ﺣﺴﻴﺖ ﺑﻤﻌﻨﻰ ﺃﻧﻬﺎ ﻗﻌﺪﺕ ﻟﻮﺍﺣﺪ ﺁﺧﺮ ﻳﻌﻨﻲ ﻛﻴﻒ ﻧﺒﻲ ﻧﻌﻴﺶ ﻣﻌﺎﻫﺎ ﻭ ﻧﺸﻮﻑ ﻭﻟﺪﻫﺎ 24 ﺳﺎﻋﻪ ﻗﺪﺍﻣﻲ ﺗﻲ ﻧﻄﺮﺷﻖ ﺯﻳﺎﺩﻩ
ﺗﻔﺮﺟﺖ ﺷﻮﻳﻪ ﻭ ﺑﻌﺪﻫﺎ ﺭﻗﺪﺕ
ﻭ ﻧﻀﺖ ﻣﻊ ﺍﻟﺴﺎﻋﻪ 8 ﻭ ﻟﻘﻴﺖ ﻳﻮﺳﻒ ﻣﺶ ﻗﺎﻋﺪ
ﺗﻮﺿﻴﺖ ﻭ ﺻﻠﻴﺖ ﻭ ﻟﺒﺴﺖ ﻭ ﻣﺸﻴﺖ ﺷﻮﺭ ﺍﻟﻤﺤﻞ
ﻭ ﻟﻘﻴﺖ ﺃﺣﻤﺪ ﻓﺎﺗﺤﻪ ﻭ ﻗﺎﻋﺪ ﻓﻴﻪ
ﺃﺣﻤﺪ : ﺻﺒﺎﺡ ﺍﻟﺨﻴﺮ
ﺍﻧﺎ : ﺻﺒﺎﺡ ﺍﻟﻨﻮﺭ
ﺃﺣﻤﺪ : ﻏﺮﻳﺐ ﺟﺎﻱ ﺑﺪﺭﻱ
ﺍﻧﺎ : ﻣﺎ ﺭﻗﺪﺗﺶ ﻛﻮﻳﺲ ﺍﺻﻼ
ﺃﺣﻤﺪ : ﺷﻦ ﻓﻲ
ﺍﻧﺎ : ﺷﻮﻳﺔ ﺣﺎﺟﺎﺕ ﺗﻮ ﺑﻌﺪﻳﻦ ﻧﺤﻜﻴﻠﻚ
ﺃﺣﻤﺪ : ﺗﻲ ﻏﻴﺮ ﺍﺣﻜﻲ
ﺍﻧﺎ : ﺭﺍﺟﻲ ﻧﺸﻮﻑ ﺣﻤﺪ ﻧﺒﻲ ﻧﻮﺻﻴﻪ ﻉ ﺩﺍﺭ ﻧﻮﻡ ﻣﻦ ﺗﺮﻛﻴﺎ
ﺃﺣﻤﺪ : ﺣﺘﻲ ﺍﻧﺎ
ﺍﻧﺎ : ﺷﻦ ﺣﺘﻲ ﺍﻧﺖ
ﺃﺣﻤﺪ : ﻧﺒﻲ ﺩﺍﺭ ﻧﻮﻡ ﻣﻦ ﺑﺮﺍ
ﺍﻧﺎ : ﺗﻌﺎﻝ ﻣﻌﺎﻳﺎ ﺑﺎﻩ
ﺃﺣﻤﺪ : ﻫﻴﺎ ﺑﺎﻩ
ﻭ ﻣﺸﻴﻨﺎ ﺷﻮﺭ ﺣﻤﺪ ﻭ ﺍﺗﻔﻘﻨﺎ ﻣﻌﺎﻩ ﻭ ﺑﻌﺪ ﺃﺳﺒﻮﻋﻴﻦ ﻳﻮﺻﻠﻦ ﺑﻨﻐﺎﺯﻱ
ﻭ ﺭﺩﻳﺖ ﻣﻌﺎﻩ ﻭ ﺣﻜﻴﺘﻠﻪ ﺷﻦ ﺻﺎﺭ ﻭ ﻗﺼﺔ ﺍﻟﻜﺮﺕ
ﻭ ﺧﺬﻳﻨﺎ ﺳﻨﺪﻭﺗﺸﺎﺕ ﻭ ﻓﻄﺮﻧﺎ
ﺭﻧﻴﺖ ﻉ ﻣﻼﻙ ﻟﻘﻴﺘﻬﺎ ﻣﻘﻔﻞ ﺁﺧﺮﻩ -.-
ﻣﺸﻰ ﺍﻟﻮﻗﺖ ﻭ ﺭﻭﺣﺖ ﻟﻠﺤﻮﺵ ﺑﻌﺪ ﺍﻟﻈﻬﺮ
ﻭ ﻟﻘﻴﺖ ﻳﻮﺳﻒ ﻳﺤﻜﻲ ﻣﻊ ﺍﻣﻲ ﻋﺸﺎﻥ ﻳﺒﻲ ﻳﻤﺸﻲ ﻟﻌﻴﺖ ﺭﺣﻤﻪ ﻭ ﻗﺎﻟﺘﻠﻪ ﺍﻣﻲ ﻧﺮﻥ ﻉ ﺃﻣﻬﺎ ﻗﺒﻞ
ﺣﻄﻮ ﺍﻟﻐﺪﺍﺀ ﻭ ﺍﻧﺎ ﻣﻘﻌﻤﺰ ﻭ ﺳﺎﻛﺖ
ﺍﻣﻲ : ﻣﻌﺘﺰ ﻛﻨﻚ ﻣﺎ ﺗﺄﻛﻞ
ﺍﻧﺎ : ﻣﺎ ﻋﻨﺪﻳﺶ ﻧﻴﻪ
ﻟﻴﻠﻲ : ﺇﻻ ﻳﺸﻮﻓﻪ ﺃﻣﺲ ﻣﺎ ﻳﺸﻮﻓﻪ ﺗﻮﺍ ﺳﺒﺤﺎﻥ ﺍﻟﻠﻪ
ﻳﻮﺳﻒ : ﻧﺎﺱ ﺗﻌﻴﻂ ﻣﻌﺎﻩ ﻋﻠﻴﻚ ﺳﻜﻨﺎﻥ
ﻟﻴﻠﻲ : ﻗﺼﺪﻙ ﺍﻧﺎ ﺣﺎﺳﺪﺗﻪ ؟
ﻧﺎﺻﺮ : ﻛﻴﻒ ﻣﺎ ﺗﺒﻲ ﺗﻔﻬﻤﻴﻬﺎ ﺍﻓﻬﻤﻴﻤﻬﺎ
ﺧﻠﻴﻞ : ﺧﻼﺹ ﺍﻧﺖ ﻭ ﻳﺎﻩ
ﻫﻨﺎﺩﻱ : ﺧﻠﻴﻞ ﺷﻮﻓﻬﺎ ﺑﺲ ﻛﻴﻒ ﻣﺘﺸﻤﺘﻪ
ﺍﻣﻲ : ﺧﻼﺹ ﻗﻠﻨﺎ
ﻧﺎﺻﺮ : ﻣﺶ ﻋﻴﺸﻪ ﻫﺬﻩ ﺭﺍ
ﻭ ﺻﺒﻰ ﻧﺎﺻﺮ ﻭ ﺑﻌﺪﻫﺎ ﺻﺒﺖ ﻫﻨﺎﺩﻱ ﻭ ﻳﻮﺳﻒ ﻗﺎﻟﺐ ﻭﺟﻪ
ﺍﻧﺎ : ﻳﻮﺳﻒ ﺭﺍ ﺗﻤﻴﺘﻠﻚ ﻓﻲ ﻗﺼﺔ ﺍﻟﺪﺍﺭ
ﻳﻮﺳﻒ : ﺻﺤﻴﺖ
ﺍﻣﻲ : ﺩﺍﺭ ﺷﻨﻮ
ﺍﻧﺎ : ﺩﺍﺭ ﻧﻮﻡ ﻣﻦ ﺗﺮﻛﻴﺎ
ﺍﻣﻲ : ﻣﺎ ﺷﺎﺀ ﺍﻟﻠﻪ
ﺍﻧﺎ : ﺣﺘﻲ ﺃﺣﻤﺪ ﻭﺻﻰ ﻉ ﻭﺣﺪﻩ
ﺍﻣﻲ : ﺭﺑﻲ ﻳﻜﻤﻞ ﻋﻠﻴﻬﻢ ﺑﺨﻴﺮ
ﻭ ﻟﻴﻠﻲ ﻣﺶ ﻋﺎﺟﺒﻬﺎ ﺍﻟﻜﻼﻡ ﻭ ﺧﺬﺕ ﺑﻨﺘﻬﺎ ﻭ ﺭﻛﺒﺖ ﻓﻮﻕ ﻭ ﻟﺤﻘﻬﺎ ﺳﺒﻊ ﺍﻟﺒﺮﻭﻣﺒﻪ
ﺧﺸﻴﺖ ﺩﺍﻳﺮ ﺭﻭﺣﻲ ﻧﺒﻲ ﻧﺮﻗﺪ ﺑﺲ ﻣﺪﻳﺖ ﻭﺟﻲ ﻉ ﺍﻟﺴﺮﻳﺮ ﻭ ﺧﻼﺹ ﻭ ﻣﻊ ﺍﻟﻌﺼﺮ ﺻﺒﻴﺖ ﻋﺸﺎﻥ ﻧﻤﺸﻲ ﻟﻠﻤﺤﻞ
ﻳﻮﺳﻒ : ﺑﺎﻟﻚ ﺗﻤﺸﻲ ﻣﻌﺎﻧﺎ
ﺍﻧﺎ : ﻣﺎ ﻋﻨﺪﻱ ﻣﺎ ﻧﺒﻲ
ﻳﻮﺳﻒ : ﺗﻘﻌﺪ ﺑﺮﺍ ﻋﺎﺩﻱ
ﺍﻧﺎ : ﻻﻻ ﺧﻠﻴﻨﻲ ﻧﻤﺸﻲ ﻟﻠﻤﺤﻞ
ﻳﻮﺳﻒ : ﺑﺮﺍﺣﺘﻚ
ﺍﻧﺎ : ﻭﻳﻦ ﻉ ﺍﻟﻄﺮﺣﺎﺕ ﺗﺤﺴﺎﺏ ﻋﺮﺳﻚ ﺍﻟﻴﻮﻡ
ﻳﻮﺳﻒ : ﺑﺎﻩ ﻧﻠﺒﺲ ﺍﻟﺠﺎﻛﻪ ﻭ ﻻﻻ !
ﺃﻧﺎ : ﻻﻻ ﻫﻜﻲ ﺃﺣﻠﻰ
ﻳﻮﺳﻒ : ﻣﺘﻮﺗﺮ ﺑﻜﻞ ﺍﺯﺡ
ﺍﻧﺎ : ﺑﺎﻳﻦ ﻋﻠﻴﻚ
ﻳﻮﺳﻒ : ﺑﺎﻩ ﺑﻌﺪ ﺧﻄﺮﻫﺎ ﺷﻮﻑ ﺍﻟﻌﻠﺒﻪ ﺇﻻ ﻉ ﺍﻟﺴﺮﻳﺮ
ﺍﻧﺎ : ﻭ ﺷﺎﺭﻱ ﻫﺪﻳﻪ ﺁﺧﺮﻩ ﻳﺎ ﻣﺪﻟﺰ
ﻳﻮﺳﻒ : ﻏﻴﺮ ﺷﻮﻓﻬﺎ ﻭ ﺑﻄﻞ ﺑﺮﺍﺩﻩ
ﺍﻧﺎ : ﺍﻟﻌﺐ ﺍﻟﻌﺐ ﻋﻠﻴﻚ ﺟﻮ ﻭﺭﺩ ﻭ ﺷﻮﻛﻮﻻ ﻉ ﻗﻮﻝ ﻣﻮﻛﺎ
ﻳﻮﺳﻒ : ﺷﻮﻑ ﻫﻨﺎﺩﻱ ﻛﻤﻠﺖ
ﺍﻧﺎ : ﺑﺎﻩ ﻭ ﻫﺎﻙ ﻋﻄﺮﻱ ﺩﻳﺮ ﻣﻨﻪ
ﻳﻮﺳﻒ : ﻣﻨﻮﺭ
ﻃﻠﻌﺖ ﺷﻔﺖ ﻫﻨﺎﺩﻱ ﻭ ﻛﺎﻧﺖ ﻭﺍﺗﻴﻪ ﻭ ﺗﺤﻜﻲ ﻣﻊ ﺍﻣﻲ
ﺍﻧﺎ : ﻭﻳﻦ ﻳﺎ ﺣﻨﻪ
ﻫﻨﺎﺩﻱ : ﻛﻨﻚ ﻣﺎﺷﻴﻪ ﻣﻊ ﻳﻮﺳﻒ
ﺍﻧﺎ : ﻭ ﺷﻦ ﺇﻻ ﻓﻲ ﻭﺟﻚ
ﺍﻣﻲ : ﺗﻲ ﻛﻨﻚ ﺍﻟﺒﻨﺖ ﻣﺨﻄﻮﺑﺔ
ﺍﻧﺎ : ﻣﺨﻄﻮﺑﺔ ﻭ ﻭﺟﻬﺎ ﻫﻜﻲ ﺍﻣﺎﻻ ﺑﻌﺪ ﺗﺘﺰﻭﺝ ﺷﻦ ﺍﺩﻳﺮ
ﻫﻨﺎﺩﻱ : ﺗﻮ ﻧﻤﺸﻲ ﻧﻐﺴﻞ
ﺍﻧﺎ : ﺳﻘﺪﻱ ﺭﻭﺣﻚ
ﺍﻣﻲ : ﻛﻨﻚ ﻣﻌﺎﻫﺎ ﺿﺮﻭﺭﻱ ﺗﻨﻜﺪ ﻋﻠﻴﻬﺎ ﻳﻌﻨﻲ
ﺍﻧﺎ : ﺑﻌﺪ ﺗﺘﺰﻭﺝ ﺍﺩﻳﺮ ﺑﺲ ﻃﺎﻟﻤﺎ ﻋﻨﺪﻧﺎ ﻻ ﺗﻲ ﺭﺍ ﻧﺤﻠﻒ ﻋﻠﻴﻬﺎ ﻣﺎ ﺗﻄﻠﻊ ﻭ ﻋﻨﺪﻫﺎ ﺍﻣﺘﺤﺎﻧﺎﺕ ﺗﺮﻳﺢ ﺭﻭﺣﻬﺎ
ﻳﻮﺳﻒ : ﻛﻨﻚ ﺷﻦ ﻓﻲ ؟
ﺍﻧﺎ : ﻣﺎ ﻓﻲ ﺷﻲ
ﻳﻮﺳﻒ : ﻫﻨﺎﺩﻱ ﻣﺎﺯﺍﻟﺖ !
ﺍﻣﻲ : ﻻ ﻭﺍﺗﻴﻪ ﺧﻼﺹ
ﻫﻨﺎﺩﻱ : ﻫﻴﺎ ﻫﻲ
ﻳﻮﺳﻒ : ﺧﻮﺫﻱ ﺍﻟﻜﻴﺲ ﻫﺬﺍ ﻓﻲ ﻳﺪﻙ
ﻫﻨﺎﺩﻱ : ﺣﺎﺿﺮ
ﺍﻣﻲ : ﻭ ﺍﻧﺖ ﻗﺎﻋﺪ ﻳﺎ ﻣﻌﺘﺰ
ﺍﻧﺎ : ﻧﺮﺍﺟﻲ ﻓﻲ ﺃﺣﻤﺪ ﻳﺠﻲ ﻭ ﻧﻤﺸﻲ ﺍﻧﺎ ﻭ ﻳﺎﻩ
ﻫﻨﺎﺩﻱ : ﻛﻴﻒ ﺃﺣﻤﺪ ﻳﺒﻲ ﻳﺠﻲ ﻫﻨﺎ
ﻳﻮﺳﻒ : ﻫﻬﻬﻬﻬﻪ ﺧﺎﻃﺮﻙ ﺗﻘﻌﺪﻱ
ﺍﻧﺎ : ﺗﺒﻮ ﺗﻄﻠﻌﻮ ﻭ ﻻ ﻻ -.-
ﻳﻮﺳﻒ : ﻫﻴﺎ ﻫﻴﺎ
ﻭ ﻃﻠﻌﻮ ﻫﻤﺎ ﺍﻻﺗﻨﻴﻦ ﻭ ﻟﻘﻮ ﺃﺣﻤﺪ ﻗﺪﺍﻡ ﺍﻟﺒﺎﺏ
ﻳﻮﺳﻒ : ﺍﻭﻭﻭ ﺣﻤﺎﺩﻱ ﻋﻤﺮﻙ ﻃﻮﻳﻞ
ﺍﺣﻤﺪ : ﺍﻫﻠﻴﻦ ﺍﻭﺳﻴﻔﺎ ♡_♡
ﻳﻮﺳﻒ : ﻋﻴﻮﻧﻚ ﻫﻨﺎ ﻳﺎ ﺣﻴﻮﺍﻥ
ﺍﺣﻤﺪ : ﺗﻲ ﺧﻠﻴﻨﺎ ﻧﺴﻠﻤﻮ ﻉ ﺍﻟﻤﺪﺍﻡ ﻗﺒﻞ ﻣﺎ ﻳﺰﺭﻕ ﻣﻌﺘﺰ
ﻳﻮﺳﻒ : ﺗﻲ ﻗﺘﻠﻚ ﻋﻤﺮﻙ ﻃﻮﻳﻞ ﻋﻠﻴﺎ ﺍﻟﻄﻼﻕ
ﺍﺣﻤﺪ : ﻫﻨﺎﺩﻱ ﻛﻴﻒ ﺣﺎﻟﻚ ♡_♡
ﻫﻨﺎﺩﻱ : ﺍﻟﺤﻤﺪ ﻟﻠﻪ ﻭ ﺍﻧﺖ ♡_♡
ﺃﺣﻤﺪ : ﻃﺎﻟﻌﻪ ﺑﺪﻭﻥ ﻣﺎ ﺗﻘﻮﻟﻲ ♡_♡
ﻫﻨﺎﺩﻱ : ﻗﻠﺖ ﺍﻛﻴﺪﻩ ﻣﻌﺘﺰ ﻗﺎﻟﻚ ♡_♡
ﻳﻮﺳﻒ : ﻧﺠﻴﺒﻠﻜﻢ ﻋﺼﻴﺮ
ﺍﺣﻤﺪ : ﻫﻬﻬﻬﻬﻪ ﺗﻲ ﺧﻠﻴﻨﻲ ﻧﺤﻜﻲ ﻛﻠﻤﺘﻴﻦ
ﻳﻮﺳﻒ : ﺗﻲ ﻛﺎﻥ ﻳﻄﻠﻊ ﻣﻌﺘﺰ ﺍﺣﺘﻤﺎﻝ ﻳﻘﺘﻠﻚ
ﺍﺣﻤﺪ : ﻳﻌﻨﻲ ﺣﻼﻝ ﻋﻠﻴﻚ ﺃﻧﺖ ﻭ ﺧﻮﻙ ﻭ ﺣﺮﺍﻡ ﻋﻠﻴﺎ
ﻫﻨﺎﺩﻱ : ﺻﺎﺡ ﻣﻌﺎﻩ ﺣﻖ
ﻳﻮﺳﻒ : ﻣﻦ ﺗﻮﺍ ﻳﺎ ﺣﻨﻪ
ﺍﻧﺎ : ﺃﺣﻤﺪ
ﻳﻮﺳﻒ : ﻫﻨﺎﺩﻱ ﺍﺭﻛﺒﻲ ﺍﻟﺴﻴﺎﺭﻩ
ﺍﻧﺎ : ﻳﻮﺳﻒ ﺭﺍﺟﻲ
ﻳﻮﺳﻒ : ﻣﻊ ﺍﻟﺴﻼﻣﻪ
ﻣﺸﻰ ﻳﻮﺳﻒ ﻭ ﺧﺸﻴﺖ ﺍﻧﺎ ﻭ ﺃﺣﻤﺪ ﺟﻮﺍ
ﺍﻧﺎ : ﻛﻴﻒ ﺃﻣﺘﻲ ﺟﻴﺖ !
ﺃﺣﻤﺪ : ﺗﻮﺍ ﻛﻴﻒ ﺩﺭﺳﺖ
ﺍﻧﺎ : ﻛﻨﻚ ﺗﻀﺤﻚ - ، -
ﺃﺣﻤﺪ : ﻓﺮﺣﺎﻥ ﺑﺲ
ﺍﻧﺎ : ﺑﺎﻩ ﺗﻮ ﻧﺠﻲ
ﺃﺣﻤﺪ : ﻛﺎﻥ ﺗﺒﻲ ﺗﺠﻴﺐ ﻗﻬﻮﻩ ﻣﺎ ﻧﺒﻴﺶ
ﺍﻧﺎ : ﻟﻴﺶ
ﺃﺣﻤﺪ : ﻋﺸﺎﻥ ﻣﺶ ﻣﻦ ﻳﺪ ﻫﻨﺎﺩﻱ
ﺍﻧﺎ : ﺗﺤﺸﻢ ﺑﺎﻩ
ﺃﺣﻤﺪ : ﺧﻄﻴﺒﺘﻲ ﺍﺯﺡ
ﺍﻧﺎ : ﺑﻌﺪ ﺗﻘﺮﺃ ﻓﺎﺗﺤﻪ ﺍﻓﺘﺢ ﻓﻤﻚ
ﺃﺣﻤﺪ : ﺑﺎﻩ ﻗﺼﺪﻙ ﺗﺒﻲ ﺍﺩﻳﺮ ﻣﺸﻜﻠﻪ ﻭ ﻻ ﺷﻦ ؟
ﺍﻧﺎ : ﺟﻮﻱ ﺧﺎﺭﺏ ﻭﻣﺶ ﻧﺎﻗﺺ
ﺃﺣﻤﺪ : ﺑﺎﻩ ﺍﻧﺎ ﻃﺎﻟﻊ
ﺍﻧﺎ : ﻏﻴﺮ ﻓﻜﻨﺎ ﻣﻦ ﺍﻟﺠﻮ
ﺃﺣﻤﺪ : ﻭﺭﺍﻳﺎ ﺷﻮﻳﺔ ﺣﺎﺟﺎﺕ
ﺍﻧﺎ : ﺯﻋﻠﺖ ﻳﻌﻨﻲ ﺗﻮﺍ !
ﺃﺣﻤﺪ : ﻣﺎﻩ ﻣﺶ ﺑﺠﻮﻙ ﻳﺎ ﻣﻌﺘﺰ
ﺍﻧﺎ : ﺑﺎﻩ ﺗﻤﺎﻡ
ﺃﺣﻤﺪ : ﻫﻴﺎ ﺳﻼﻡ
ﺍﻧﺎ : ﺗﺮﺑﺢ ﻳﺎ ﺳﻲ
ﻃﻠﻊ ﺃﺣﻤﺪ ﻭ ﻃﻠﻌﺖ ﻭﺭﺍﻩ ﺑﺲ ﻣﺸﻴﺖ ﺷﻮﺭ ﺍﻟﻤﺤﻞ
ﻭ ﻗﺎﻋﺪ ﻉ ﺍﻋﺼﺎﺑﻲ ﻭ ﻧﻔﻜﺮ ﺯﻋﻤﻚ ﺷﻦ ﺻﺎﺭ ﻣﻊ ﻳﻮﺳﻒ
~
~
~
" ﻳﻮﺳﻒ & ﺭﺣﻤﻪ "
ﻭ ﻫﻤﺎ ﻣﺎﺷﻴﻴﻦ ﺩﺭﺱ ﻳﻮﺳﻒ ﻉ ﺣﻠﻮﺍﻧﻲ ﻭ ﺧﺬﺍ ﻣﻌﺎﻩ ﺗﻮﺭﺗﻪ ﻭ ﻣﺸﻰ ﺷﻮﺭ ﺣﻮﺷﻬﻢ
ﺍﻭﻝ ﻣﺎ ﻭﺻﻠﻮ ﻳﻮﺳﻒ ﺩﻕ ﺍﻟﺒﺎﺏ ﻭ ﻣﺘﻮﺗﺮ ﻉ ﺍﻷﺧﻴﺮ
ﻓﺘﺤﺘﻠﻬﻢ ﺍﻟﺒﺎﺏ ﺑﻨﺖ ﺭﻏﻢ ﺃﻧﻪ ﻣﺎ ﻋﻨﺪﻫﺶ ﺧﻮﺍﺕ ﻭ ﻻ ﺧﻮﺕ ﺍﻻﻧﺴﻪ ﺭﺣﻤﻪ
ﻫﻨﺎﺩﻱ : ﺍﻟﺴﻼﻡ ﻋﻠﻴﻜﻢ
ﺍﻟﺒﻨﺖ : ﻋﻠﻴﻜﻢ ﺍﻟﺴﻼﻡ ﺗﻔﻀﻠﻮ
ﻫﻨﺎﺩﻱ : ﻳﺰﻳﺪ ﻓﻀﻠﻚ
ﻭ ﺧﺸﻮ ﻗﻌﻤﺰﻭ ﻓﻲ ﺍﻟﻤﺮﺑﻮﻋﻪ ﻭ ﺍﻟﺒﻨﺖ ﻃﻠﻌﺖ
ﻳﻮﺳﻒ : ﺷﻜﻠﻲ ﻛﻮﻳﺲ
ﻫﻨﺎﺩﻱ : ﺗﻲ ﻃﺮﻑ ﺁﺧﺮﻩ
ﻳﻮﺳﻒ : ﺑﺎﻫﻲ ﺷﻌﺮﻱ ﺗﻤﺎﻡ
ﻫﻨﺎﺩﻱ : ﻭ ﺣﻖ ﺭﺑﻲ ﺗﻬﺒﻞ ﻏﻴﺮ ﺍﺑﺘﺴﻢ ﺷﻮﻳﻪ
ﻳﻮﺳﻒ : ﺑﺎﻩ ﺗﻤﺎﻡ
ﺭﺣﻤﻪ : ﺍﻟﺴﻼﻡ ﻋﻠﻴﻜﻢ
ﻳﻮﺳﻒ : ﻭ ﻋﻠﻴﻜﻢ ﺍﻟﺴﻼﻡ
ﻫﻨﺎﺩﻱ : ﺍﻫﻠﻴﻦ ﺏ ﻛﻨﺘﻨﺎ
ﺭﺣﻤﻪ : ﺍﻫﻠﻴﻦ ﻫﻨﻮﺩﺍ
ﻫﻨﺎﺩﻱ : ﺷﻦ ﺟﻮﻙ ﻭ ﺷﻦ ﺩﺍﻳﺮﻩ
ﺭﺣﻤﻪ : ﺍﻟﺤﻤﺪ ﻟﻠﻪ ﺑﺲ ﺣﺎﻳﺴﻪ ﺷﻮﻳﻪ ﻧﻮﺗﻲ ﻭ ﻫﻜﻲ
ﻫﻨﺎﺩﻱ : ﺍﻧﺎ ﻏﻴﺮ ﻗﺮﺍﻳﻪ ﻣﺎﺯﻟﺖ ﻣﺎ ﺑﺪﻳﺖ ﻧﻮﺗﻲ ﺑﻜﻞ
ﺭﺣﻤﻪ : ﺃﻫﺎ ﺍﻧﺎ ﻛﻤﻠﺖ ﺍﻟﻤﺪﻩ ﺇﻻ ﻓﺎﺗﺖ
ﻳﻮﺳﻒ : ﺍﺣﻤﻢ ﺁﺣﻤﻤﻢ
ﻫﻨﺎﺩﻱ : ﻫﻬﻬﻬﻬﻪ ﺑﻌﺪ ﺧﻄﺮﻫﺎ ﺑﺎﺗﻚ ﻗﺎﻋﺪ ؟
ﺭﺣﻤﻪ : ﻻﻻ ﻣﺎﻣﺎ ﻭ ﺧﺎﻟﺘﻲ ﻭ ﺑﻨﺘﻬﺎ ﺑﺲ
ﻫﻨﺎﺩﻱ : ﺑﺎﻩ ﻧﺒﻲ ﻧﺨﺶ ﺟﻮﺍ ﺍﻧﺎ
ﺭﺣﻤﻪ : ﻻﻻ ﺧﻠﻴﻚ
ﻫﻨﺎﺩﻱ : ﻏﻴﺮ ﻓﻜﻴﻨﺎ ﻣﻦ ﺍﻟﺠﻮ
ﻭ ﻧﺎﺩﺕ ﺭﺣﻤﻪ ﺑﻨﺖ ﺧﺎﻟﺘﻬﺎ ﻭ ﺧﺸﺖ ﻫﻴﺎ ﻭ ﻫﻨﺎﺩﻱ ﺟﻮﺍ ﻭ ﻗﻌﺪ ﻳﻮﺳﻒ ﻣﻊ ﺭﺣﻤﻪ
ﻳﻮﺳﻒ : ﻣﺶ ﻋﺎﺭﻑ ﻛﻨﻲ ﻣﺘﺨﺰﺭﻁ
ﺭﺣﻤﻪ : ﻳﻤﻜﻦ ﻋﺸﺎﻥ ﻣﺎ ﻧﺤﻜﻮﺵ ﻭ ﻫﻜﻲ
ﻳﻮﺳﻒ : ﻳﻤﻜﻦ ، ﻫﺎﻛﻲ ﺍﻟﻜﻴﺲ ﻫﺬﺍ
ﺭﺣﻤﻪ : ﻟﻴﺶ ﻣﺘﻌﺐ ﺭﻭﺣﻚ
ﻳﻮﺳﻒ : ﻻ ﻋﺎﺩﻱ
ﺭﺣﻤﻪ : ﻛﻴﻒ ﺣﺎﻟﻚ ﻭ ﺣﺎﻝ ﻫﻠﻚ
ﻳﻮﺳﻒ : ﻛﻮﻳﺴﻴﻦ
ﺭﺣﻤﻪ : ﻭ ﺷﻦ ﺟﻮ ﻣﻌﺘﺰ ﻣﻌﺶ ﺷﻔﺘﻪ
ﻳﻮﺳﻒ : ﺍﻧﺎ ﺟﺎﻱ ﻋﺸﺎﻥ ﻣﻮﺿﻮﻉ ﺷﻮﺭﻩ
ﺭﺣﻤﻪ : ﺃﻥ ﺷﺎﺀ ﺍﻟﻠﻪ ﺧﻴﺮ ﺷﻦ ﻓﻲ
ﻳﻮﺳﻒ : ﺃﻣﺘﻲ ﻋﺎﺭﻓﻪ ﺍﻧﻪ ﻣﻌﺘﺰ ﻣﻌﺠﺐ ﺏ ﻣﻼﻙ ﻗﺮﻳﺒﺘﻚ
ﺭﺣﻤﻪ : ﺃﻫﺎ ﺣﻜﺘﻠﻲ ﻣﻮﻛﺎ
ﻳﻮﺳﻒ : ﺻﺎﺭ ﻣﻮﻗﻒ ﻭ ﻣﻌﺘﺰ ﻏﻠﻂ ﻭ ﻫﻴﺎ ﻗﺎﻓﻠﻪ ﻧﻘﺎﻟﻬﺎ ﻭ ﻣﻌﺶ ﻋﺮﻑ ﻛﻴﻒ ﻳﻮﺻﻞ ﻓﻴﻬﺎ
ﺭﺣﻤﻪ : ﺭﺍﺟﻲ ﺭﺍﺟﻲ
ﻳﻮﺳﻒ : ﺷﻦ ﻓﻲ ﻛﻨﻚ
ﺭﺣﻤﻪ : ﺍﻟﺒﻨﺖ ﺇﻻ ﻓﺘﺤﺘﻠﻜﻢ ﺍﻟﺒﺎﺏ ﻣﻮﻛﺎ ﺭﺁﻩ
~
~
~
" ﺍﻟﺒﻨﺖ & ﻫﻨﺎﺩﻱ "
ﻫﻨﺎﺩﻱ : ﺍﻧﺎ ﺍﺳﻤﻲ ﻫﻨﺎﺩﻱ ﻭ ﺍﻧﺘﻲ
ﺍﻟﺒﻨﺖ : ﺍﻧﺎ ﻣﻼﻙ
ﻫﻨﺎﺩﻱ : ﻋﺎﺷﺖ ﺍﻻﺳﺎﻣﻲ
ﻣﻼﻙ : ﺗﺴﻠﻤﻲ
ﻫﻨﺎﺩﻱ : ﺷﻦ ﺗﻘﺮﻱ
ﻣﻼﻙ : ﻧﻘﺮﺃ ﻓﻲ ﻛﻠﻴﺔ ﺍﻵﺩﺍﺏ
ﻫﻨﺎﺩﻱ : ﺣﺘﻲ ﺍﻧﺎ ﺧﺎﻃﺮﻱ ﻧﺨﺸﻠﻬﺎ
ﻣﻼﻙ : ﺳﻨﻪ ﻛﻢ ﺍﻧﺘﻲ !
ﻫﻨﺎﺩﻱ : 3 ﺛﺎﻧﻮﻱ
ﻣﻼﻙ : ﺧﻼﺹ ﻫﺎﻧﺖ
ﻫﻨﺎﺩﻱ : ﻣﺎ ﻫﻮ ﻣﻌﺘﺰ ﻗﺎﻝ ﻻ
ﻣﻼﻙ : ﻣﻌﺘﺰ ! O.O
ﻫﻨﺎﺩﻱ : ﻣﻌﺘﺰ ﻫﺬﺍ ﺧﻮﻳﺂ
ﻣﻼﻙ : ﻗﺼﺪﻙ ﺍﻧﺘﻲ ﻫﻨﺎﺩﻱ ﺃﺧﺖ ﻣﻌﺘﺰ
ﻫﻨﺎﺩﻱ : ﻭ ﻣﺎ ﺗﻘﻮﻟﻴﺶ ﺍﻧﺘﻲ ﻧﻔﺴﻬﺎ ﻣﻼﻙ ﺇﻻ ﻳﺤﻜﻲ ﻋﻠﻴﻚ
ﻣﻼﻙ : ﺷﻦ ﻳﺤﻜﻲ
ﻫﻨﺎﺩﻱ : ﻳﺒﻲ ﻳﺨﻄﺒﻚ ﺭﻏﻢ ﺃﻧﻪ ﻛﺎﻥ ﻣﺴﻜﺮ ﺭﺃﺳﻪ
ﻣﻼﻙ : ﺑﺎﻩ ﺷﻦ ﺻﺎﻳﺮ ﻣﻌﺎﻩ ﻣﻦ ﻗﺒﻞ
ﻫﻨﺎﺩﻱ : ﻣﺶ ﺣﺎﻛﻴﻠﻚ ﻳﻌﻨﻲ !
ﺭﺣﻤﻪ : ﻣﻮﻛﺎ ﺗﻌﺎﻟﻲ ﺑﺴﺮﻋﻪ
ﻣﻼﻙ : ﺷﻦ ﻓﻲ
ﺭﺣﻤﻪ : ﺭﺁﻩ ﻳﻮﺳﻒ ﺟﺎﻱ ﻋﺸﺎﻧﻚ ﻭ ﻋﺸﺎﻥ ﻣﻌﺘﺰ
ﻣﻼﻙ : ﺷﻦ ﺗﺤﻜﻲ ﺍﻧﺘﻲ
ﺭﺣﻤﻪ : ﺗﻌﺎﻟﻲ ﺑﺲ ﻳﻮﺳﻒ ﻳﺒﻴﻚ
ﻭ ﺧﺸﺖ ﻣﻼﻙ ﻭ ﻫﻨﺎﺩﻱ ﻟﻠﻤﺮﺑﻮﻋﻪ ﻭ ﻣﻼﻙ ﻣﺼﺪﻭﻣﻪ
ﻳﻮﺳﻒ : ﻣﻌﻘﻮﻟﻪ ﺍﻧﺘﻲ ﻣﻼﻙ ﻭ ﻣﺎ ﺗﻘﻮﻟﻴﺶ
ﻣﻼﻙ : ﻫﻬﻬﻬﻪ ﻭ ﺍﻧﺖ ﻳﻮﺳﻒ ﺃﻗﺮﺏ ﻭﺍﺣﺪ ﻝ ﻣﻌﺘﺰ
ﻳﻮﺳﻒ : ﺍﻧﺎ ﺑﺸﺤﻤﻪ ﻭ ﻟﺤﻤﻪ
ﻫﻨﺎﺩﻱ : ﻣﻤﻜﻦ ﻧﻔﻬﻢ ﺷﻦ ﻓﻲ ؟
ﻳﻮﺳﻒ : ﺗﻮ ﺗﻔﻬﻤﻲ ﺑﺲ ﻧﺸﺮﺡ ﻟﻤﻼﻙ ﻗﺒﻞ ﻭ ﻻ ﻧﻘﻮﻝ ﻣﻮﻛﺎ ﻛﻴﻒ ﻣﻌﺘﺰ
ﻫﻨﺎﺩﻱ : ﻫﻬﻬﻪ ﻋﺎﺩﻱ
ﺭﺣﻤﻪ : ﻣﻮﻛﺎ ﺭﺁﻩ ﻣﻌﺘﺰ ﻳﺒﻴﻚ ﺟﺪﻳﺎﺕ
ﻣﻼﻙ : ﻧﺤﻜﻲ ﻋﺎﺩﻱ ﻭ ﻻ ﻻ
ﻳﻮﺳﻒ : ﺍﺣﻜﻲ
ﻣﻼﻙ : ﺍﻧﺎ ﻋﺎﺟﺒﻨﻲ ﺧﻮﻙ ﻭ ﺗﺮﻳﺤﺖ ﻣﻌﺎﻩ ﻭ ﻭﺛﻘﺖ ﻓﻴﻪ
ﻳﻮﺳﻒ : ﺗﻤﺎﻡ
ﻣﻼﻙ : ﻗﺎﻟﻲ ﻧﺒﻲ ﻧﺸﻮﻓﻚ ﻋﺸﺎﻥ ﻧﺒﻴﻚ ﻓﻲ ﻣﻮﺿﻮﻉ ﻭ ﺩﺭﺕ ﻛﺬﺑﻪ ﻣﻊ ﺑﻨﺖ ﺧﺎﻟﻮ ﻭ ﻣﺸﻴﺖ ﻭ ﺷﻔﺘﻪ ﻭ ﻟﻘﻴﺖ ﻣﻌﺎﻩ ﻭﺣﺪﻩ ﺍﺳﻤﻬﺎ ﻓﺎﻃﻤﻪ ، ﺣﺴﻴﺖ ﺍﻧﻪ ﻓﻲ ﺣﺎﺟﻪ ﻣﺶ ﺗﻤﺎﻡ ﺑﺲ ﻗﺎﻟﻲ ﺟﺎﺭﺗﻲ ﻣﻦ ﻗﺒﻞ ﻭ ﻣﺸﻰ ﺍﻟﺠﻮ ﻭ ﺟﺎﻳﺒﻠﻲ ﻫﺪﻳﻪ ﻭ ﺧﺮﻳﻄﺖ ﻛﺬﺑﻪ ﻋﺸﺎﻥ ﻫﻠﻲ ﻭ ﻓﻲ ﺍﻻﺧﻴﺮ ﺗﻄﻠﻊ ﻟﺒﻨﺖ ﻏﻴﺮﻱ ﻭ ﺍﺣﺴﺎﺳﻲ ﻳﻘﻮﻝ ﺇﻧﻬﺎ ﻧﻔﺲ ﺍﻟﺒﻨﺖ ﺇﻻ ﻛﺎﻧﺖ ﻣﻌﺎﻩ
ﻳﻮﺳﻒ : ﺗﻤﺎﻡ ﺑﻜﻞ ﺑﺲ ﻣﻤﻜﻦ ﺗﻔﻬﻤﻲ ﻣﻨﻪ ﺷﺨﺼﻴﺎ
ﻣﻼﻙ : ﻓﻮﻧﻲ ﻣﻘﻔﻞ ﻭ ﻣﺶ ﻩ ﻧﻔﺘﺤﻪ
ﻳﻮﺳﻒ : ﺭﺍﺟﻲ ﺑﺲ ﻧﺮﻥ ﻋﻠﻴﻪ ﻣﻦ ﻋﻨﺪﻱ
ﻣﻼﻙ : ﺃﺳﻔﻪ ﻳﺎ ﻳﻮﺳﻒ ﺑﺲ ﻻﻻ
ﻫﻨﺎﺩﻱ : ﻭ ﺍﻟﻠﻪ ﺍﻭﻝ ﻣﺮﻩ ﻣﻌﺘﺰ ﻳﺘﻐﻴﺮ ﻫﻜﻲ ﻭ ﻛﻠﻨﺎ ﺷﻔﻄﻨﺎ ﻉ ﺍﻟﻬﺪﻳﻪ ﻭ ﻗﺎﻝ ﻫﺬﻩ ﺷﻮﺭ ﺍﻟﺤﺐ
ﺭﺣﻤﻪ : ﻣﺶ ﻩ ﺗﺨﺴﺮﻱ ﺷﻲ ﺍﺳﻤﻌﻲ ﻣﻨﻪ ﺑﺲ
ﻣﻼﻙ : ﺑﺎﻩ ﻋﺸﺎﻧﻜﻦ ﺑﺲ
ﻳﻮﺳﻒ : ﺍﻫﻮ ﻳﻀﺮﺏ ﺍﻟﺨﻂ
ﺭﺣﻤﻪ : ﺧﻮﺫﻱ ﻫﻲ
-
-
ﺍﻧﺎ : ﻫﺎ ﻳﺎ ﻳﻮﺳﻒ ﻃﻤﻨﻲ ﺷﻦ ﺻﺎﺭ ﻣﻌﺎﻙ
ﻣﻼﻙ : ﻣﻌﺘﺰ
ﻳﺘﺒﻊ . . .
#ﺷﺮﻗﻴﺔﻩ