■~ ﺷﺮﻗﮯ ~■ #روآيات_أنثى_شرقيةه 💚 (مكتملة)💚

الحلقة4

#ﺭﻭﺁﻳﺎﺕ ﺃﻧﺜﻰ ﺷﺮﻗﯿﺔﻩ💚
■~ ﺷﺮﻗﮯ ~■
ﺍﻟﺤﻠﻘﻬﻪ ﺍﻟﺮﺍﺑﻌﻬﻪ ~ '
ﺗﻐﺪﻳﻨﺎ ﻛﻠﻨﺎ ﻭ ﻓﺘﺤﺖ ﻣﻮﺿﻮﻉ ﺃﺣﻤﺪ
ﺍﻧﺎ : ﺭﺍ ﺃﺣﻤﺪ ﺟﺎﻳﺐ ﺃﻣﻪ ﺑﻌﺪﻳﻦ
ﻳﻮﺳﻒ : ﻟﻴﺶ
ﺃﻧﺎ : ﻳﺒﻲ ﻳﺨﻄﺐ ﻫﻨﺎﺩﻱ
ﻧﺎﺻﺮ : ﻃﻠﻊ ﺭﺍﺟﻞ
ﺍﻧﺎ : ﻋﺸﺎﻥ ﻳﻌﺮﻓﻮ ﺑﻌﺾ ﺍﻟﻨﺎﺱ ﺃﻧﻪ ﺍﻧﺎ ﻣﺎ ﻧﺼﺎﺣﺒﺶ ﻓﻲ ﻓﺮﻭﺥ
ﻳﻮﺳﻒ : ﻛﺎﻥ ﻫﻨﺎﺩﻱ ﻣﻮﺍﻓﻘﻪ ﻛﻞ ﺷﻲ ﻉ ﺑﺮﻛﺔ ﺍﻟﻠﻪ
ﺍﻧﺎ : ﻛﻠﻨﺎ ﻣﻮﺍﻓﻘﯿﻦ
ﺧﻠﻴﻞ : ﺑﺲ ﺍﻧﺎ ﻣﺶ ﻣﻮﺍﻓﻖ
ﺍﻧﺎ : ﻭ ﻟﻴﺶ ﺃﻥ ﺷﺎﺀ ﺍﻟﻠﻪ
ﺧﻠﻴﻞ : ﻟﻴﺶ ﻳﻠﻒ ﻭ ﻳﺪﻭﺭ ﻛﺎﻥ ﻳﺒﻴﻬﺎ !
ﺃﻧﺎ : ﻛﺎﻥ ﻣﺘﺤﺸﻢ ﻷﻧﻬﺎ ﺍﺧﺘﻲ -.-
ﺧﻠﻴﻞ : ﺍﻧﺖ ﺑﺮﻭﺣﻚ ﻗﻠﺘﻬﺎ ﺍﺧﺘﻚ ﻭ ﻛﻴﻒ ﺗﺮﺿﻰ ﻉ ﺭﻭﺣﻚ
ﺃﻧﺎ : ﺗﻲ ﻓﻴﺶ ﻗﺎﻋﺪ ﺗﻬﺮﺱ ﺍﻧﺖ
ﺍﻣﻲ : ﺍﻟﺸﺎﺏ ﻳﺒﻴﻬﺎ ﻭ ﻳﺒﻲ ﻳﺠﻴﺐ ﺃﻣﻪ ﻭ ﺃﺣﻤﺪ ﻧﻌﺮﻓﻮﻩ ﻣﻦ ﻗﺒﻞ
ﺍﻧﺎ : ﺗﻲ ﻫﺬﺍ ﻣﺶ ﻛﻼﻣﻪ ﺍﺻﻼ ﻛﻼﻡ ﺍﻟﻤﺪﺍﻡ
ﺧﻠﻴﻞ : ﺩﻳﺮﻭ ﺇﻻ ﺗﺒﻮﻩ ﻭ ﺭﺩ ﺑﺎﻟﻜﻢ ﺗﺎﺧﺬﻭ ﻛﻼﻣﻲ ﻓﻲ ﺃﻱ ﻣﻮﺿﻮﻉ !
ﻳﻮﺳﻒ : ﺿﺮﻭﺭﻱ ﺗﺘﻌﺎﺭﻛﻮ ﻳﻌﻨﻲ
ﻧﺎﺻﺮ : ﻛﺎﻥ ﻣﺎ ﺻﻮﺗﻬﻢ ﻳﺴﻤﻌﻮﻩ ﺍﻟﺸﺎﺭﻉ ﻣﺎ ﻳﺘﺮﻳﺤﻮﺵ
ﺍﻧﺎ : ﻉ ﺍﻟﻌﻤﻮﻡ ﻋﻄﻴﺖ ﺍﻟﺮﺍﺟﻞ ﻛﻠﻤﻪ ﻭ ﺑﻌﺪﻳﻦ ﻳﺒﻲ ﻳﺠﻴﺐ ﺃﻣﻪ
ﺍﻣﻲ : ﺧﻼﺹ ﺗﻢ
ﺍﻧﺎ : ﻧﺒﻲ ﻧﺨﺶ ﻧﺮﻗﺪ ﻣﺎ ﺣﺪ ﻳﻨﻮﺿﻨﻲ
ﺍﻣﻲ : ﻧﺒﻲ ﻛﻢ ﺣﺎﺟﻪ ﻣﻦ ﺍﻟﻤﺤﻞ
ﻳﻮﺳﻒ : ﺗﻮ ﻧﻤﺸﻲ ﺍﻧﺎ
~
~
~
ﺧﺸﻴﺖ ﺩﺭﺕ ﺭﻭﺣﻲ ﻧﺒﻲ ﻧﺮﻗﺪ ﺑﺲ ﺻﻮﺗﻬﻢ ﻭ ﻫﺮﺟﻪ ﻭ ﻛﻞ ﺷﻮﻳﻪ ﺣﺪ ﻓﺎﺗﺢ ﺍﻟﺒﺎﺏ ×:
ﻃﻠﻌﺖ ﻟﻠﻤﺮﺑﻮﻋﻪ ﻭ ﻃﺒﻌﺎ ﺍﻟﺴﺒﺴﻲ ﻓﻲ ﻳﺪﻱ ﻭ ﺭﻧﺖ ﻋﻠﻴﺎ ﺭﺍﻧﻴﺎ ، ﻧﺒﻲ ﻧﻔﻮﺗﻬﺎ ﺑﺲ ﻣﺶ ﻋﺎﺭﻑ ﻛﻴﻒ
ﺭﺍﻧﻴﺎ : ﺁﻟﻮ ﻳﺎ ﺑﻴﺒﻲ
ﺍﻧﺎ : ﻓﻜﻴﻨﻲ ﻣﻦ ﺟﻮ ﺍﻟﺪﻟﻊ
ﺭﺍﻧﻴﺎ : ﺑﺎﻩ ﺗﻤﺎﻡ
ﺍﻧﺎ : ﺷﻨﺠﻮﻙ
ﺭﺍﻧﻴﺎ : ﺗﻤﺎﻡ ﻭ ﺍﻧﺖ
ﺍﻧﺎ : ﻟﻮﺯ ﺍﻟﻠﻮﺯ
ﺭﺍﻧﻴﺎ : ﻗﺎﻟﻮ ﺍﻟﻴﻮﻡ ﻛﻨﺖ ﻓﻲ ﺍﻟﺠﺎﻣﻌﻪ
ﺍﻧﺎ : ﺃﻫﺎ ﻛﻨﺖ ﻓﻲ ﺍﻵﺩﺍﺏ -.-
ﺭﺍﻧﻴﺎ : ﻭ ﻛﻨﻚ ﻣﺎ ﺟﻴﺖ ﻟﻠﻌﻠﻮﻡ
ﺍﻧﺎ : ﻣﺎ ﺣﺼﻠﺘﺶ ﻭﻗﺖ
ﺭﺍﻧﻴﺎ : ﻛﻨﻲ ﻧﺤﺲ ﻓﻴﻚ ﻣﺘﻐﻴﺮ
ﺍﻧﺎ : ﻻ ﺍﺣﺴﺎﺳﻚ ﻏﻠﻂ
ﺭﺍﻧﻴﺎ : ﺗﻤﺎﻡ ﺍﻭﻛﻲ
ﺍﻧﺎ : ﺑﺎﻩ ﺃﺣﻤﺪ ﺧﺶ ﺍﻧﺘﻈﺎﺭ ﺗﺸﺎﻭ
ﻃﺒﻌﺎ ﻻ ﺃﺣﻤﺪ ﻻ ﺳﻮ ﻗﻌﺪﺕ ﻧﺘﻔﺮﺝ ﻉ ﺍﻟﻤﺼﺎﺭﻋﻪ ﻋﻨﺪ ﺍﻟﻌﺼﺮ " ﻉ ﻓﻜﺮﻩ ﻓﻲ ﺍﻟﻮﻗﺖ ﻫﺬﺍ ﻣﺎ ﻛﻨﺘﺶ ﻧﺼﻠﻲ "
ﻉ ﺍﻟﻌﻤﻮﻡ ﺻﺒﻴﺖ ﺧﺸﻴﺖ ﺟﻮﺍ ﻭ ﻏﻴﺮﺕ ﺩﺑﺸﻲ ﻭ ﻫﻨﺎﺩﻱ ﺣﺎﻳﺴﻪ ﺍﺗﻀﻢ ﻭ ﺑﺎﻳﻦ ﻋﻠﻴﻬﺎ ﺍﻟﺘﻮﺗﺮ
ﺍﻧﺎ : ﻫﻨﻮﺩﺍ ﺗﻌﺎﻟﻲ
ﻫﻨﺎﺩﻱ : ﻧﻌﻢ
ﺃﻧﺎ : ﻛﺎﻥ ﻣﺶ ﻣﻮﺍﻓﻘﻪ ﻣﺶ ﻫﻨﺰﻏﻞ ﻋﺸﺎﻥ ﺻﺂﺣﺒﻲ ﻭ ﻻ ﺷﻲ ﺭﺍ
ﻫﻨﺎﺩﻱ : ﻻ ﻋﺎﺩﻱ
ﺍﻧﺎ : ﺗﻲ ﻋﺎﺩﻱ ﺷﻨﻮ ﻫﺬﺍ ﻫﻴﻘﻌﺪ ﺭﺍﺟﻠﻚ
ﻫﻨﺎﺩﻱ : ﻋﺎﺭﻓﻪ
ﺍﻧﺎ : ﻳﻌﻨﻲ ﻣﻮﺍﻓﻘﻪ ﻭ ﻻ ﻻ
ﻫﻨﺎﺩﻱ : ﻣﻮﺍﻓﻘﻪ
ﺍﻧﺎ : ﻧﺎﺻﺮ ﺑﺤﺖ ﻛﻴﻒ ﻣﺘﺤﺸﻤﻪ
ﻧﺎﺻﺮ : ﻧﻘﺎﻧﻚ ﺳﺎﻣﻂ
ﻫﻨﺎﺩﻱ : ﻧﺨﺶ ﻧﻠﺒﺲ
ﺍﻧﺎ : ﻫﻌﻊ ﻭ ﺧﻼﺹ
ﻧﺎﺻﺮ : ﻣﺶ ﻣﻼﺣﻆ ﺃﻧﻪ ﺟﻮ ﺍﻟﺤﻮﺵ ﺳﻤﺢ
ﺍﻧﺎ : ﻣﺎﻩ ﺍﻟﺴﻮﺳﻪ ﻣﺶ ﻗﺎﻋﺪﻩ
ﻧﺎﺻﺮ : ﻣﺎﺯﻟﺖ ﻋﻨﺪ ﺗﻮﺍ ﻛﺎﺭﻫﻬﺎ !
ﺃﻧﺎ : ﺷﻦ ﺭﺃﻳﻚ ﻳﻌﻨﻲ !
ﻧﺎﺻﺮ : ﻗﺼﻪ ﻟﻬﺎ ﺳﻨﻴﻦ
ﺍﻧﺎ : ﺑﺲ ﺇﻻ ﺻﺎﺭ ﻣﺴﺘﺤﻴﻠﻪ ﻧﻨﺴﺎﻩ
ﻧﺎﺻﺮ : ﺇﻻ ﻓﺎﺕ ﻣﺎﺕ
ﺍﻧﺎ : ﺑﻌﺪ ﻗﻠﺒﻲ ﻣﺎﺕ ﺗﻘﻮﻝ ﺇﻻ ﻓﺎﺕ ﻣﺎﺕ
ﻧﺎﺻﺮ : ﻟﺪﺭﺟﻪ ﻫﺬﻩ
ﺍﻧﺎ : ﻭ ﺃﻛﺜﺮ ﺁﺧﺮﻩ ﺗﻲ ﻓﺮﻗﺖ ﺑﻴﻨﻲ ﻭ ﺑﻴﻨﻬﺎ ﺃﺯﻓﺖ
ﻧﺎﺻﺮ : ﻛﻞ ﺷﻲ ﻛﺎﻥ ﻧﺼﻴﺐ ﻭ ﺍﻧﺖ ﻣﺎ ﻋﻨﺪﻛﺶ ﻧﺼﻴﺐ ﻓﻲ ﻓﺎﻃﻤﻪ
ﺍﻧﺎ : ﺑﺲ ﻟﻤﺎ ﺣﺪ ﻳﺨﺶ ﺑﻴﻦ ﺍﺗﻨﻴﻦ ﻭ ﻳﺨﺮﺏ ﻭ ﻳﻮﺻﻞ ﺩﻭﻩ ﻟﻬﻠﻬﺎ ﻭ ﻳﺨﻠﻴﻬﻢ ﻳﺨﺎﻓﻮ ﻋﻠﻴﻬﺎ ﻣﻨﻲ ﻭ ﺃﻭﻝ ﻭﺍﺣﺪ ﻳﻄﻠﺒﻬﺎ ﻳﻮﺍﻓﻘﻮ
" ﺣﺴﻴﺖ ﺭﻭﺣﻲ ﺧﻨﻘﺘﻨﻲ ﺍﻟﻌﺒﺮﻩ ﺭﻏﻢ ﺃﻧﻲ ﺭﺍﺟﻞ ﻭ ﻗﻮﻱ ﺑﺲ ﺍﻟﻤﻮﺿﻮﻉ ﻫﺬﺍ ﻣﺎ ﻧﺘﺤﻤﻠﺶ ، ﻭ ﺧﺶ ﻳﻮﺳﻒ "
ﻳﻮﺳﻒ : ﻧﺎﺻﺮ ﺻﺒﻲ
ﻧﺎﺻﺮ : ﻟﻴﺶ
ﻳﻮﺳﻒ : ﻧﺒﻲ ﻣﻌﺘﺰ ﻓﻲ ﻣﻮﺿﻮﻉ
ﻧﺎﺻﺮ : ﺗﻢ ﻫﻲ
ﺍﻧﺎ : ﻳﻮﺳﻒ ﻋﺎﺭﻓﻚ ﺷﻦ ﺗﺒﻲ ﺗﻘﻮﻝ ﻭ ﻣﺶ ﻫﻨﻨﺴﺎﻫﺎ ﺗﻤﺎﻡ
ﻳﻮﺳﻒ : ﻋﻨﺪ ﺃﻣﺘﻲ ﺑﺎﻩ
ﺍﻧﺎ : ﻋﻨﺪ ﻣﺎ ﻧﻤﻮﺕ
ﻳﻮﺳﻒ : ﻫﻴﺎ ﺑﻌﻴﺎﻟﻬﺎ ﺗﻮﺍ ﺧﻼﺹ
ﺍﻧﺎ : ﻗﻬﺮﺗﻨﻲ ﺍﻧﻬﺎ ﻣﺎ ﺭﻓﻀﺘﺶ ﻭ ﺳﻴﺒﺘﻨﻲ
ﻳﻮﺳﻒ : ﺗﺒﻲ ﺍﻟﺒﻨﺖ ﺗﺨﺴﺮ ﻫﻠﻬﺎ ﻳﻌﻨﻲ !
ﺃﻧﺎ : ﻭ ﺍﻧﺖ ﻋﺎﺭﻑ ﺍﻧﻲ ﻛﻨﺖ ﻣﻈﻠﻮﻡ ﻭ ﺍﻟﻘﺼﻪ ﻛﻠﻬﺎ ﻛﺬﺏ ﻓﻲ ﻛﺬﺏ
ﻳﻮﺳﻒ : ﺁﻫﻮ ﺷﻦ ﺗﺒﻲ ﺍﺩﻳﺮ ﻫﺬﺍ ﻧﺼﻴﺒﻚ
ﺍﻧﺎ : ﺑﺎﻩ ﻧﺒﻲ ﻧﻄﻠﻊ ﺍﻧﺎ
ﻳﻮﺳﻒ : ﺍﻗﻌﺪ ﻣﺶ ﻳﺒﻲ ﻳﺠﻲ ﺃﺣﻤﺪ !
ﺃﻧﺎ : ﻳﺒﻲ ﻳﺤﻂ ﺃﻣﻪ ﺑﺲ
ﻳﻮﺳﻒ : ﺑﺎﻫﻲ ﻭﻳﻦ ﺗﺒﻲ ﺗﻤﺸﻲ
ﺍﻧﺎ : ﻧﺒﻲ ﻧﺒﺮﻡ ﻓﻲ ﺍﻟﺒﻼﺩ ﺑﺲ
ﻳﻮﺳﻒ : ﺭﺩ ﺑﺎﻟﻚ ﻳﺎ ﻣﻌﺘﺰ
ﺍﻧﺎ : ﻋﺎﺭﻓﻚ ﻓﻴﺶ ﺗﻔﻜﺮ ﻭ ﻣﺎ ﺗﺨﻔﺶ ﻣﺶ ﻫﻨﻤﺸﻲ ﻟﺤﻮﺷﻬﺎ
~
~
~
ﻃﻠﻌﺖ ﻣﻦ ﺍﻟﺤﻮﺵ ﻭ ﺭﻧﻴﺖ ﻉ ﺃﺣﻤﺪ ﻭ ﻗﺎﻝ ﺟﺎﻳﺐ ﺃﻣﻪ ﻓﻲ ﺍﻟﻄﺮﻳﻖ ﻭ ﺑﻌﺪﻫﺎ ﻳﺠﻴﻨﻲ ﻓﻲ ﺍﻟﻤﻘﻬﻰ
ﺭﻛﺒﺖ ﺍﻟﺴﻴﺎﺭﻩ ﻭ ﻭﻟﻌﺖ ﺩﺳﻜﺔ ﻝ ﺍﻣﻌﻴﻠﻒ " ﺃﻗﺪﻡ ﺟﺮﺣﻬﻢ ﻣﺎﺯﺍﻝ ﻣﺎﺑﻰ ﻳﺒﺮﺃ ، ﺩﻳﻤﺎ ﺳﻄﻴﺮ ﻭ ﺧﺎﻧﻘﺘﻨﻲ ﺍﻟﻌﺒﺮﻩ "
ﺩﺳﻜﻪ ﺇﺑﺪﺍﻉ ﻣﺶ ﺟﻮ ﺍﻟﺒﻼﺑﻞ ﻭ ﺗﺎﻣﺮ ﻭ ﺭﺍﻏﺐ
ﻗﻌﺪﺕ ﻧﺒﺮﻡ ﻓﻲ ﺍﻟﺸﻮﺍﺭﻉ ﻭ ﻧﻐﻨﻲ ﻣﻊ ﺍﻣﻌﻴﻠﻒ ﻋﻨﺪ ﻣﺎ ﻭﺻﻠﺖ ﻟﻠﻤﻘﻬﻰ ﻭ ﻗﻌﺪﺕ ﻧﺪﺧﻦ ﻓﻲ ﺷﻴﺸﻪ ﻋﻨﺪ ﺟﺎ ﺃﺣﻤﺪ ﻭ ﻗﻌﺪﺕ ﻧﻬﺪﺭﺯ ﻣﻌﺎﻩ
ﺃﺣﻤﺪ : ﺷﻜﻠﻚ ﻣﺘﻌﺎﺭﻙ ﻣﻊ ﺣﺪ
ﺍﻧﺎ : ﻻ ﺍﺑﺪﺍ
ﺃﺣﻤﺪ : ﺗﺒﻲ ﺗﻐﺒﻴﻨﻲ ﻓﻴﻚ
ﺍﻧﺎ : ﻓﺘﺤﻮ ﻣﻮﺿﻮﻉ ﻓﺎﻃﻤﻪ ﻓﻲ ﺍﻟﺤﻮﺵ ﺑﺲ -.-
ﺃﺣﻤﺪ : ﻳﺎ ﻣﻌﺘﺰ
ﺍﻧﺎ : ﺗﺒﻲ ﺗﺤﻜﻲ ﻧﻔﺴﻬﻢ ﻋﺎﺭﻓﻚ ﺧﻼﺹ ﺍﺳﻜﺖ ﺃﺯﻓﺖ
ﺃﺣﻤﺪ : ﻧﺤﻜﻲ ﻝ ﻣﺼﻠﺤﺘﻚ
ﺍﻧﺎ : ﻣﺼﻠﺤﺘﻲ ﻋﺎﺭﻓﻬﺎ ﺑﺮﻭﺣﻲ
ﺃﺣﻤﺪ : ﻋﺎﺭﻑ ﺷﻦ ﻭ ﺍﻧﺖ ﻛﻞ ﻳﻮﻣﻴﻦ ﻣﻊ ﻭﺣﺪﻩ
ﺍﻧﺎ : ﻣﺎ ﺩﺧﻠﻜﺶ ﻓﻴﺎ -.-
ﺃﺣﻤﺪ : ﻧﺒﻲ ﻧﻘﻮﻟﻚ ﺣﺎﺟﻪ ﻭ ﻳﺎﺭﻳﺖ ﻣﺎ ﺗﺎﺧﺬﻫﺶ ﺏ ﺣﺴﺲ
ﺍﻧﺎ : ﺍﺣﻜﻲ
ﺃﺣﻤﺪ : ﻧﺤﻦ ﻛﻠﻨﺎ ﻋﺎﺭﻓﻴﻦ ﺍﻧﻪ ﺭﺑﻲ ﻓﻮﻕ ﻣﻨﺎ ﻭ ﻳﺸﻮﻑ ﻓﻲ ﻛﻞ ﺷﻲ ﻭ ﺃﻱ ﻭﺍﺣﺪ ﻳﻠﻌﺐ ﻋﻠﻲ ﺑﻨﺎﺕ ﺍﻟﻨﺎﺱ ﺭﺑﻲ ﻳﺮﺩﻫﺎ ﻓﻲ ﺧﻮﺍﺗﻪ
ﺍﻧﺎ : ﺷﻦ ﻗﺼﺪﻙ
ﺃﺣﻤﺪ : ﻷﻧﻚ ﺍﻧﺖ ﻛﻴﻒ ﺧﻮﻳﺂ ﻭ ﺧﺎﻳﻒ ﻉ ﺍﺧﺘﻚ ﻳﺠﻲ ﻭﺍﺣﺪ ﻳﻠﻌﺐ ﻋﻠﻴﻬﺎ ﻛﻴﻒ ﻣﺎ ﺍﻧﺖ ﺍﺩﻳﺮ ﻗﻠﺖ ﻧﺄﺧﺬﻫﺎ ﻭ ﻧﺼﻮﻧﻬﺎ
ﺍﻧﺎ : ﻧﺺ ﻛﻼﻣﻚ ﺍﻭﻛﻲ ﺻﺎﺡ ﺑﺲ ﺍﺧﺘﻲ ﻣﺘﺮﺑﻴﻪ ﻭ ﻣﺎ ﺍﺩﻳﺮﺵ ﻓﻲ ﺇﻻ ﻧﺸﻮﻑ ﻓﻴﻪ ﺑﺮﺍ ﻭ ﻣﺎﺯﻟﺖ ﻣﺎ ﺧﺸﺖ ﻟﺠﺎﻣﻌﻪ ﻭ ﻭﺟﻴﺠﻬﺎ ﻭ ﻓﻲ ﺍﻻﺧﻴﺮ ﻛﺎﻥ ﻣﺎ ﺗﺒﻴﻬﺎ ﺳﻴﺒﻬﺎ ﻣﺎﻣﻠﻲ ﻳﺘﻤﻨﻲ ﻳﺨﻄﺒﻬﺎ ﻳﺎ ﺑﺮﻭ ^^
ﺃﺣﻤﺪ : ﻣﺶ ﻗﺼﺪﻱ ﺍﻧﻲ ﻣﺎ ﻧﺒﻴﻬﺎﺵ ﺗﻲ ﺍﻧﺎ ﻣﺎ ﺻﺪﻗﺖ ﺍﻧﻜﻢ ﻣﻮﺍﻓﻘﯿﻦ
ﺍﻧﺎ : ﻓﻮﺕ ﻭ ﻣﻨﻮﺭ
ﺍﺣﻤﺪ : ﻣﻌﺘﺰ ﺍﻧﺖ ﻋﺎﺭﻑ ﺭﻭﺣﻚ ﺷﻦ ﻋﻨﺪﻱ ﺗﻲ ﺧﻮﻳﺂ ﺍﺯﺡ
ﺍﻧﺎ : ﻋﺎﺭﻑ ﻳﺎ ﺣﻴﻮﺍﻥ
ﺃﺣﻤﺪ : ﺑﺎﻩ ﻳﺎ
ﺍﻧﺎ : ﻳﺎ ﺷﻦ
ﺍﺣﻤﺪ : ﺷﻲ
ﺍﻧﺎ : ﺭﺍ ﻧﺮﻓﻀﻮ
ﺍﺣﻤﺪ : ﺗﺒﻴﻨﻲ ﻳﺼﻴﺮ ﻓﻴﺎ ﻛﻴﻒ ﻣﺎ ﺻﺎﺭ ﻓﻴﻚ
ﺍﻧﺎ : ﺯﻣﺮ
ﺃﺣﻤﺪ : ﺍﻭﻛﻲ ﺧﻼﺹ
ﺍﻧﺎ : ﺿﺮﻭﺭﻱ ﻳﺨﺮﺏ ﺟﻮﻱ ﻣﺎﻩ
ﺃﺣﻤﺪ : ﺍﻧﺖ ﻣﺘﺴﺒﻞ ﺍﺻﻼ
ﺍﻧﺎ : ﺑﺎﻩ ﺍﺱ ، ﻳﺎ ﻣﺤﻤﺪ ﻋﻠﻲ ﺍﻟﺼﻮﺕ ﺗﻲ ﺣﺒﻴﺒﻨﺎ ﺍﻣﻌﻴﻠﻒ
" ﻣﺎﺯﺍﻝ ﻋﻨﺪﻱ ﻉ ﺍﻟﺰﻣﺎﻥ ﺣﻘﻮﻕ ، ﻻﺑﻴﺖ ﻧﺰﻫﺎ ﻻ ﻧﻬﺎﺭ ﻧﺮﻭﻕ ، ﻭﺍﺟﺪ ﻧﻌﺪ ﻋﻠﻴﻚ ، ﻭﺍﺟﺪﺍﺕ ﻳﺎﻣﺎ ﻣﻦ ﺳﻮﺍﻱ ﻓﻴﻚ ، ﺻﺎﺑﺮ ﻭ ﺭﺍﺿﻲ ﺍﻟﻌﻘﻞ ﺏ ﺍﻟﻠﻲ ﻳﺠﻲ ﻭ ﺍﻟﻌﻴﻦ ﺗﺤﺖ ﺍﻟﻬﺪﺏ ﻣﺎﻫﻲ ﻓﻮﻕ ، ﻭ ﻣﺎﺯﺍﻝ ﻋﻨﺪﻱ ﻉ ﺍﻟﺰﻣﺎﻥ ﺣﻘﻮﻕ "
ﺍﻧﺎ : ﻫﻲ ﻭ ﺍﻟﻠﻪ
ﺃﺣﻤﺪ : ﻉ ﺍﻟﺠﺮﺡ ﻣﻦ ﻏﺎﺩﻱ
ﺍﻧﺎ : ﺭﺳﻤﻲ ﻳﺎ ﻣﺎﻥ -.-
ﺍﻧﺎ : ﻭ ﺍﻧﺎ ﻧﻘﻮﻝ ﻛﻨﻚ ﻣﻜﺒﺪ ﻓﻴﻪ
ﺍﻧﺎ : ﻧﺤﺲ ﻓﻴﻪ ﻓﺎﻫﻤﻨﻲ ﺃﺯﻓﺖ
" ﻛﻞ ﻣﺎ ﻧﺴﻤﻊ ﺍﻻﻏﻨﻴﻪ ﻧﺘﺬﻛﺮ ﻛﻞ ﺍﻻ ﺻﺎﺭ ﻣﻦ ﻗﺒﻞ ، ﺍﻟﻘﺼﻪ ﺑﺪﺕ ﻭ ﺍﻧﺎ ﻓﻲ ﺍﻟﺜﺎﻧﻮﻱ ﻭ ﻛﻨﺖ ﻣﺶ ﺣﺎﻁ ﻗﺼﺔ ﺍﻟﺤﺐ ﻭ ﺍﻟﻘﻄﺎﻑ ﻫﺬﺍ ﻓﻲ ﺭﺍﺳﻲ ، ﻋﻨﺪ ﻣﺎ ﻛﻨﺖ ﻣﺮﻭﺡ ﻣﻦ ﺍﻟﻤﺪﺭﺳﻪ ﻭ ﺷﻔﺖ ﻧﺎﺱ ﻳﻨﺰﻟﻮ ﻓﻲ ﺩﺑﺸﻬﻢ ﻓﻲ ﺍﻟﺤﻮﺵ ﺇﻻ ﻻﺻﻖ ﻓﻴﻨﺎ " ﺟﻴﺮﺍﻧﺎ ﺍﻟﺠﺪﺩ "
ﻛﺎﻥ ﺭﺍﺟﻞ ﻳﻨﺰﻝ ﺑﺮﻭﺣﻪ ﻭ ﺩﺭﺕ ﻟﻘﻄﺔ ﺟﻨﺘﻠﻪ ﻭ ﺟﻴﺖ ﻗﻌﺪﺕ ﻧﺴﺎﻋﺪ ﻓﻴﻪ ﻭ ﺃﻧﺰﻝ ﻣﻦ ﺍﻟﻘﻠﻊ ﺇﻻ ﺟﺎﻳﺐ ﻓﻴﻬﺎ ﺍﻟﺪﺑﺶ ﻭ ﻧﺨﺸﺶ ﻓﻴﻪ ﻋﻨﺪ ﺑﺪﺍﻳﺔ ﺍﻟﺒﺎﺏ ﻭ ﻧﺮﺩ ﻧﻄﻠﻊ ،
ﻓﻲ ﻭﺣﺪﻩ ﻣﻦ ﺗﺨﺸﻴﺸﺘﻲ ﻟﻠﺪﺑﺶ ﺷﻔﺖ ﻫﺬﻙ ﺍﻟﺒﻨﺖ ، ﺻﻐﻴﺮﻩ ﻭ ﺳﻤﺤﻪ ﻭ ﻃﺎﻟﻘﻪ ﺷﻌﺮﻫﺎ ﻛﺎﻥ ﻧﺎﻋﻢ ﻭ ﻣﻐﻄﻲ ﻋﻴﻮﻧﻬﺎ ، ﺍﺳﺘﻜﻴﺖ ﻭ ﺑﺮﻣﺖ ﻭﺟﻲ ﻭ ﻃﻠﻌﺖ ﻉ ﻃﻮﻝ
ﻫﻲ : ﺑﺎﺑﺎ ﻧﻄﻠﻊ ﺑﺮﺃ ﻧﺠﻴﺐ ﻣﻌﺎﻙ
ﺍﻧﺎ : ﻻﻻ ﺗﻮ ﻧﺠﻴﺐ ﺍﻧﺎ ﻣﻌﺎﻩ " ﺑﺪﻭﻥ ﻣﺎ ﻧﻔﻜﺮ ﺣﺴﻴﺖ ﺭﻭﺣﻲ ﻏﺮﺕ ﻋﻠﻴﻬﺎ
ﻻﻧﻲ ﻋﺎﺭﻑ ﺷﺒﺎﺏ ﺍﻟﺸﺎﺭﻉ ﻣﺎ ﺷﺎﺀ ﺍﻟﻠﻪ
ﻃﺒﻌﺎ ﺑﻌﺪ ﻛﻤﻠﺖ ﻣﻌﺎﻩ ﺣﻠﻒ ﻧﺨﺶ ﻧﺸﺮﺏ ﻋﺼﻴﺮ ﻣﻌﺎﻩ
ﺍﻧﺎ : ﺍﻧﺎ ﻣﻌﺘﺰ ﻭﻟﺪ ﻋﻴﺖ ﻣﻔﺘﺎﺡ ﺇﻻ ﻻﺻﻘﻴﻦ ﻓﻴﻜﻢ
ﻫﻮﺍ : ﻭ ﺍﻧﺎ ﻋﻤﻚ ﻋﻠﻲ ﻭ ﺗﺒﻲ ﺃﻱ ﺣﺎﺟﻪ ﻳﺎ ﻭﻟﺪﻱ ﺗﻔﻀﻞ
ﺍﻧﺎ : ﺗﺴﻠﻢ ﻳﺎ ﻋﻤﻲ ﺑﺲ ﺷﻜﻠﻪ ﻣﺎ ﻋﻨﺪﻛﺶ ﺷﺒﺎﺏ
ﻋﻠﻲ : ﻣﺎ ﻋﻨﺪﻳﺶ ﻏﻴﺮ ﻓﻄﻮﻣﻪ ﺑﻨﺘﻲ ﺍﻟﻮﺣﻴﺪﻩ
ﺍﻧﺎ : ﺭﺑﻲ ﻳﺨﻠﻴﻬﺎ ﻟﻚ " ﻋﻴﻮﻧﻲ ﻗﻌﺪﻥ ﻫﮕﻲ ♡_♡ "
ﻋﻠﻲ : ﻓﺎﻃﻤﻪ ﺗﻌﺎﻟﻲ ﺍﻋﻄﻲ ﻣﻌﺘﺰ ﻋﺼﻴﺮ
ﻓﺎﻃﻤﻪ : ﺗﻔﻀﻞ
ﺍﻧﺎ : ﻳﺰﻳﺪ ﻓﻀﻠﻚ
ﺷﺮﺑﺖ ﺍﻟﻌﺼﻴﺮ ﻭ ﻃﻠﻌﺖ ﻉ ﻃﻮﻝ ﻭ ﻋﻤﺘﻚ ﻓﺎﻃﻤﻪ ﻓﻲ ﺭﺍﺳﻲ ﻭ ﻣﻦ ﺷﻜﻠﻬﺎ ﺃﺻﻐﺮ ﻣﻨﻲ ﻭ ﻧﻌﻄﻴﻬﺎ ﻫﻜﻲ ﻣﻮﺍﻟﻴﺪ ﺍﻝ 93
ﻳﻌﻨﻲ ﻛﺎﻧﺖ ﺃﻛﺒﺮ ﻣﻦ ﻫﻨﺎﺩﻱ ﺍﺧﺘﻲ ﺏ 3 ﺳﻨﻮﺍﺕ
ﻉ ﺍﻟﻌﻤﻮﻡ ﺣﻄﻴﺖ ﻓﺎﻃﻤﻪ ﻓﻲ ﺭﺍﺳﻲ ﻭ ﺩﺯﻳﺘﻠﻬﺎ ﺭﻗﻤﻲ ﻣﻊ ﻫﻨﺎﺩﻱ ﻭ ﺑﺎﻟﻔﻌﻞ ﻓﻲ ﻧﻔﺲ ﺍﻟﻴﻮﻡ ﻛﻠﻤﺘﻨﻲ ﻭ ﺗﻌﺮﻓﻨﺎ ﻉ ﺑﻌﻀﻨﺎ ﻭ ﺣﺒﻴﺘﻬﺎ ﺑﺼﺪﻕ ﻭ ﻛﻨﺖ ﻧﺎﻭﻱ ﻧﺨﻄﺒﻬﺎ
ﺑﻨﺖ ﻋﺴﻞ ﻭ ﻃﻴﺒﻪ ﻭ ﻧﻈﻴﻔﻪ " ﻳﻌﻨﻲ ﻣﺶ ﻣﺘﺎﻉ ﻭﺟﻴﺞ ﻭ ﺍﻧﺎ ﺍﻭﻝ ﺷﺎﺏ ﻓﻲ ﺣﻴﺎﺗﻬﺎ "
ﻗﻌﺪﺕ ﻛﻞ ﻳﻮﻡ ﻧﻮﺻﻞ ﻓﻴﻬﺎ ﻟﻠﻤﺪﺭﺳﻪ ﻭ ﺍﻟﻤﻨﻄﻘﻪ ﻛﻠﻬﺎ ﻋﺮﻓﺖ ﺍﻧﻪ ﻓﻲ ﺣﺎﺟﻪ ﺑﻴﻨﺎﺗﻨﺎ ﺑﺲ ﻣﺎ ﻫﺎﻣﻨﻴﺶ ﻭ ﺍﻟﻔﺘﺮﻩ ﻫﺬﻙ ﺑﺎﺗﻲ ﻛﺎﻥ ﻣﺎﺯﺍﻝ ﻋﺎﻳﺶ ، ﻭ ﺳﻤﻊ ﺩﻭﻩ ﻣﻦ ﺍﻟﺮﺟﺎﻟﻪ ﻓﻲ ﺍﻟﺸﺎﺭﻉ
ﺍﻧﻪ ﺍﻭﻟﺪﻙ ﻳﻀﺤﻚ ﻉ ﺍﻟﺒﻨﺖ ﻭ ﻣﺶ ﻋﺎﺭﻑ ﺷﻨﻮ ﻭ ﻣﻦ ﻩ ﺍﻟﻜﻼﻡ
ﺑﺲ ﻗﻌﺪﺕ ﻛﻞ ﻳﻮﻡ ﻧﺤﺐ ﺗﺎﻣﻲ ﺃﻛﺜﺮ " ﻃﺒﻌﺎ ﺍﻧﺎ ﺍﻭﻝ ﻣﻦ ﺩﻟﻌﺘﻬﺎ ﻭ ﻧﻘﻮﻟﻠﻬﺂ ﺗﺎﻣﻲ ﻭ ﻫﻴﺎ ﻛﺎﻧﺖ ﺍﺩﻟﻊ ﻓﻴﺎ ﻋﺰﻭ ﻭ ﻋﻨﺪ ﺍﻟﻴﻮﻡ ﻣﺎ ﻧﺘﺤﻤﻠﺶ ﻧﺴﻤﻊ ﺍﺳﻤﻲ ﻫﻜﻲ ﻣﻦ ﻭﺣﺪﻩ ﻏﻴﺮﻫﺎ : ‏) "
ﻭ ﺟﺎ ﺑﺎﺗﻲ ﻭ ﻣﺴﺢ ﺑﻴﺎ ﺍﻟﻮﻃﺎ ﻭ ﻓﻬﻤﺘﻪ ﺍﻧﻲ ﻧﺒﻴﻬﺎ ﺟﺪﻳﺎﺕ ﻭ ﻧﺮﺍﺟﻲ ﻧﻜﻤﻞ ﺍﻟﺜﺎﻧﻮﻳﻪ ﻭ ﻧﺨﻄﺒﻬﺎ ﻭ ﺑﺎﺗﻲ ﻭﺍﻓﻖ ﻉ ﻛﻼﻣﻲ
ﻭ ﻣﺸﺖ ﺳﻨﻪ ﻭﺭﺍ ﺳﻨﻪ ﻭ ﺍﻧﺎ ﻭ ﻳﺎﻫﺎ ﻟﻮﺯ ﺍﻟﻠﻮﺯ ﻭ ﻣﺎ ﻧﺸﻮﻓﺶ ﻓﻲ ﺑﻨﺖ ﻏﻴﺮﻫﺎ
ﻋﻨﺪ ﻣﺎ ﺧﻄﺐ ﺧﻠﻴﻞ ﺍﻷﺑﻠﻪ ﻟﻴﻠﻲ ﻭ ﺩﺍﺭﻭ ﺍﻟﻌﺮﺱ 3:
ﻃﺒﻌﺎ ﺗﺎﻣﻲ ﻛﺎﻧﺖ ﺗﺠﻲ ﻷﻧﻬﺎ ﺩﺍﻳﺮﻩ ﺻﺤﺒﻪ ﻣﻊ ﻫﻨﺎﺩﻱ ﻭ ﻛﻨﺖ ﻧﺤﻜﻲ ﻣﻌﺎﻫﺎ ﺑﻌﺪ ﺗﺠﻴﻨﻲ ، ﺍﻟﺤﻮﺵ ﻛﻠﻪ ﻋﺎﺭﻑ ﻋﺎﺩ ﺑﻌﻼﻗﺘﻨﺎ ﻭ ﻣﺎ ﺣﺪ ﻳﻘﺪﺭ ﻳﺤﻜﻲ ﻣﻌﺎﻳﺎ ﻧﺺ ﺣﺮﻑ
ﻛﻤﻠﺖ ﺍﻟﺜﺎﻧﻮﻳﻪ ﻭ ﺑﺪﻳﺖ ﺍﻭﻝ ﺳﻤﺴﺘﺮ ﻓﻲ ﺍﻟﺠﺎﻣﻌﻪ ﻭ ﻭﻗﺘﻬﺎ ﻗﺮﺭﺕ ﻧﺘﻘﺪﻣﻠﻬﺎ ﺭﺳﻤﻲ ، ﻳﻌﻨﻲ ﻋﻼﻗﻪ ﺗﻘﺮﻳﺒﺎ 3 ﺳﻨﻮﺍﺕ
ﻭﻗﺘﻬﺎ ﺑﺎﺗﻲ ﻣﺮﺽ ﻣﺮﺿﻪ ﻗﻮﻳﻪ ﻭ ﺍﻟﻨﺎﺱ ﺩﻳﻤﺎ ﺗﺠﻴﻨﻲ ﻭ ﺗﻮﻓﻰ ﺑﻌﺪ ﺃﺳﺒﻮﻋﻴﻦ ، ﻳﻌﻨﻲ ﻣﺎ ﻧﻘﺪﺭﺵ ﻧﺪﻳﺮ ﺃﻱ ﺷﻲ ﻭﻗﺘﻬﺎ
ﻭ ﺑﻌﺪ ﺃﻳﺎﻡ ﺍﻟﻌﺰﺍﺀ ﻋﻤﺘﻲ ﺣﻠﻴﻤﻪ " ﺃﻡ ﺗﺎﻣﻲ " ﺗﺠﻲ ﻓﻲ ﺍﻟﻌﺸﻴﻪ ﺗﻐﻴﺮ ﻓﻲ ﺟﻮ ﺍﻣﻲ ﻭ ﻫﻜﻲ
ﻭ ﻓﻲ ﻳﻮﻡ ﻛﻨﺖ ﻓﻲ ﺩﺍﺭﻱ ﻭ ﻟﻴﻠﻲ ﺗﺤﺴﺎﺑﻨﻲ ﻣﺶ ﻗﺎﻋﺪ ﻭ ﺳﻤﻌﺘﻬﺎ ﻭ ﻫﻴﺎ ﺗﺤﻜﻲ ﻝ ﻋﻤﺘﻲ ﺣﻠﻴﻤﻪ
ﻳﺘﺒﻊ . . .
#ﺷﺮﻗﻴﺔﻩ
#روآيات أنثى شرقيةه