■~ ﺷﺮﻗﮯ ~■
ﺍﻟﺤﻠﻘﻬﻪ ﺍﻷﻭﻟﻰ ~ '
ﺍﻣﻲ : ﻣﻌﺘﺰ ﺑﺎﻟﻚ ﺗﻨﻮﺽ ﻭﻗﺖ ﻉ ﺟﺎﻣﻌﺘﻚ
ﺍﻧﺎ : ﻣﺎ ﺗﺒﻄﻠﻴﺶ ﻣﻦ ﺍﻟﻌﻴﺎﻁ ﺻﺒﺢ ﻟﻴﻞ ﻧﻬﺎﺭ
ﺍﻣﻲ : ﻫﺬﺍ ﻛﻠﻪ ﻋﺸﺎﻥ ﺧﺎﻳﻔﻪ ﻉ ﻣﺴﺘﻘﺒﻠﻚ
ﺍﻧﺎ : ﻣﺴﺘﻘﺒﻞ ﺷﻨﻮ ﺍﺯﺡ ﺑﻼﺩ ﺧﺎﺭﺑﻪ ﻉ ﺃﺳﺎﺱ ﻟﻮ ﺗﺨﺮﺟﺖ ﺍﻟﻌﻤﻞ ﻗﺎﻋﺪ ﻳﺮﺍﺟﻲ ﻓﻴﺎ
ﺍﻣﻲ : ﻏﻴﺮ ﻧﻮﺽ ﺳﻠﻢ ﺍﻭﻟﻴﺪﻱ
ﺍﻧﺎ : ﺍﻟﺴﺎﻋﻪ ﻛﻢ ﺑﺎﻩ
ﺍﻣﻲ : ﺍﻟﺴﺎﻋﻪ 9
ﺍﻧﺎ : ﺑﺎﻩ ﺗﻮ ﻧﺼﺒﻲ -.-
ﺻﺒﻴﺖ ﻏﺴﻠﺖ ﻭﺟﻲ ﻭ ﺧﺬﻳﺖ ﺩﻭﺵ ﻉ ﺍﻟﺴﺮﻳﻊ ﻭ ﻃﻠﻌﺖ ﻟﺒﺴﺖ ﻭ ﻭﻟﻌﺖ ﺳﺒﺴﻲ ﻭ ﻧﺮﺍﺟﻲ ﻓﻴﻬﺎ ﺍﺩﻳﺮﻟﻲ ﻓﻲ ﻗﻬﻮﻩ
ﺍﻣﻲ : ﺑﺎﻟﻚ ﺗﺴﻴﺐ ﻫﺎﻟﺪﺧﺎﻥ
ﺍﻧﺎ : ﺟﺎﻣﻌﻪ ﻭ ﻧﺒﻲ ﻧﻤﺸﻴﻠﻬﺎ ﺩﺧﺎﻥ ﻻ ﻣﺎ ﺗﺴﻜﻨﻴﺶ ﻉ ﺍﻟﺼﺒﺢ
ﺧﻠﻴﻞ : ﺳﻘﻢ ﺍﺳﻠﻮﺑﻚ ﻣﻊ ﺍﻣﻚ ﺧﻴﺮﻟﻚ
ﺍﻧﺎ : ﻓﻮﺗﻨﻲ ﺍﻧﺖ ﻵﺧﺮ
ﺍﻣﻲ : ﺧﻠﻴﻞ ﺧﻠﻴﻪ ﺑﺮﺍﺣﺘﻪ
ﺧﻠﻴﻞ : ﻣﻌﺎﺵ ﺩﺍﻳﺮ ﺣﺴﺎﺏ ﻟﺤﺪ ﻭ ﻣﺎﺯﻟﺖ ﺻﺎﺑﺮ ﻋﻠﻴﻪ
ﺍﻧﺎ : ﺣﺘﻲ ﺍﻟﻘﻬﻮﻩ ﻣﻌﺶ ﻧﺒﻴﻪ ﺗﺸﺎﻭ ﻫﻲ
ﻃﻠﻌﺖ ﻭ ﺭﻛﺒﺖ ﺳﻴﺎﺭﺗﻲ ﻭ ﺭﻧﻴﺖ ﻉ ﺃﺣﻤﺪ ﺻﺂﺣﺒﻲ
ﺍﻧﺎ : ﻫﺎ ﻳﺎ ﻣﻌﻠﻢ ﻭﻳﻨﻚ
ﺃﺣﻤﺪ : ﺗﻮﺍ ﻛﻴﻒ ﻧﻀﺖ
ﺍﻧﺎ : ﻭﺗﻲ ﺭﻭﺣﻚ ﺗﻮ ﻧﺨﻄﻢ ﻋﻠﻴﻚ
ﺃﺣﻤﺪ : ﻻ ﺍﺭﺑﺢ ﺍﻧﺖ ﻣﺎﺯﻟﺖ ﻣﻄﻮﻝ
ﺍﻧﺎ : ﺑﺎﻩ ﺗﻠﻘﺎﻧﻲ ﻗﺪﺍﻣﻚ ﻓﻲ ﺍﻟﻌﻠﻮﻡ
ﺃﺣﻤﺪ : ﺗﻢ ﻳﺎ ﻃﻴﺮ
ﺍﻧﺎ : ﻫﻴﺎ ﻭﺟﻚ ﺭﺍﻧﻴﺎ ﺧﺸﺖ ﺍﻧﺘﻈﺎﺭ
ﺍﺣﻤﺪ : ﺗﻔﻮ ﻉ ﺍﻟﺼﺒﺢ
~
~
~
ﺍﻧﺎ : ﺻﺒﺎﺡ ﺍﻟﺨﻴﺮ ﻳﺎ ﻋﺴﻞ
ﺭﺍﻧﻴﺎ : ﺻﺒﺎﺣﻚ ﻗﺸﻄﻪ ﻳﺎ ﺑﻴﺒﻲ
ﺍﻧﺎ : ﻧﻌﻠﻴﺎ ﻉ ﺍﻟﺼﺒﺢ
ﺭﺍﻧﻴﺎ : ﺟﺎﻱ ﺍﻟﻴﻮﻡ ﻟﺠﺎﻣﻌﻪ !
ﺃﻧﺎ : ﻓﻲ ﺍﻟﻄﺮﻳﻖ ﺗﻮﺍ
ﺭﺍﻧﻴﺎ : ﺑﺎﻫﻲ ﺑﻌﺪ ﺗﻮﺻﻞ ﺭﻥ ﻋﻠﻴﺎ
ﺍﻧﺎ : ﻗﺎﻋﺪﻩ ﻓﻲ ﺍﻟﻌﻠﻮﻡ
ﺭﺍﻧﻴﺎ : ﺃﻫﺎ ﻓﻲ ﺍﻟﻜﺎﻓﺘﻴﺮﻳﺎ
ﺍﻧﺎ : ﺧﻮﺫﻳﻠﻲ ﻣﻜﻴﺎﻃﻪ ﻗﺮﻳﺐ ﻧﻮﺻﻞ
ﺭﺍﻧﻴﺎ : ﺣﺎﺿﺮ ﻣﻦ ﻋﻴﻮﻧﻲ
~
~
~
ﺳﻜﺮﺕ ﻣﻦ ﺭﺍﻧﻴﺎ ﻭ ﻋﻠﻴﺖ ﺍﻟﻤﺴﺠﻞ ﻭ ﻧﺴﻤﻊ ﻓﻲ ﺍﻟﺴﻮﻛﻨﻲ ﻧﻘﺎﻧﻪ ﻳﻄﺮﺏ ﻓﻴﺎ ﻉ ﺍﻟﺼﺒﺢ
ﻭﺻﻠﺖ ﻟﺠﺎﻣﻌﻪ ﻭ ﺩﺭﺳﺖ ﻓﻲ ﺍﻟﺒﺎﺭﻛﻲ ﻭ ﻧﺰﻟﺖ ﻧﺠﻨﻘﻞ ﺑﺎﻟﻨﻘﺎﻝ ﻭ ﺍﻟﻤﻔﺎﺗﻴﺢ
ﺳﻠﻤﺖ ﻉ ﺍﻟﺸﺒﺎﺏ ﻭ ﺧﺸﻴﺖ ﻟﻠﻜﺎﻓﺘﺮﻳﺎ ﻭ ﻟﻘﻴﺖ ﺍﻟﺤﺐ ﺗﺮﺍﺟﻲ ﻓﻴﺎ
ﺭﺍﻧﻴﺎ : ﺍﻫﻠﻴﻦ ﻳﺎ ﺑﻴﺒﻲ
ﺍﻧﺎ : ﻭﻳﻦ ﻉ ﺍﻟﻠﺒﺴﻪ ﻭ ﺍﻟﺤﺮﻛﺎﺕ
ﺭﺍﻧﻴﺎ : ﻫﻬﻬﻬﻬﻪ ﻛﻨﺖ ﻓﻲ ﺍﻟﺴﻮﻕ ﺃﻣﺲ
ﺍﻧﺎ : ﻫﻬﻬﻪ ﻭﺃﺧﺬﻩ ﺍﻟﻤﻨﺤﻪ ﻋﺎﺩ
ﺭﺍﻧﻴﺎ : ﺑﻄﻞ ﺳﻤﺎﻃﻪ ﻭ ﺗﻔﻀﻞ ﻫﻲ
ﺍﻧﺎ : ﺑﺎﻩ ﻫﻴﺎ ﺍﻃﻠﻌﻲ ﻗﺪﺍﻣﻲ
ﺭﺍﻧﻴﺎ : ﺗﻐﺎﺭ ﻳﺎ ﺑﻴﺒﻲ ﻣﻦ ﺍﻟﺸﺒﺎﺏ $:
ﺍﻧﺎ : ﺃﻫﺎ ﻧﻐﺎﺭ ﺳﻘﺪﻱ ﺭﻭﺣﻚ
ﻃﻠﻌﺖ ﺍﻧﺎ ﻭ ﻳﺎﻫﺎ ﻭ ﻣﺸﻴﻨﺎ ﺷﻮﺭ ﺍﻟﻤﺪﺭﺟﺎﺕ ﻭ ﺷﺮﺑﺖ ﺍﻟﻤﻜﻴﺎﻃﻪ ﻭ ﺟﻮﻱ ﻟﻮﺯ ﺍﻟﻠﻮﺯ
ﻃﺒﻌﺎ ﺟﻤﺎﻋﺔ ﺍﻷﻣﻦ ﻣﺎ ﺣﺪ ﻳﻘﺪﺭ ﻳﻔﺘﺢ ﻓﻤﻪ ﺑﺤﺮﻑ ﺩﺍﻳﺮ ﻣﻌﺎﻫﻢ ﺩﻻﻟﻪ ﻭ ﻣﻌﺮﻭﻑ ﻏﺎﺩﻱ
ﺭﺍﻧﻴﺎ : ﻏﺮﻳﺒﻪ ﻳﺎ ﺑﻴﺒﻲ ﺟﻴﺖ ﺍﻟﻴﻮﻡ
ﺍﻧﺎ : ﺟﻴﺖ ﻋﺸﺎﻥ ﻧﺸﻮﻓﻚ ﻳﺎ ﻋﻤﺮﻱ
ﺭﺍﻧﻴﺎ : ﻧﺠﻚ ﻟﻴﺎ
ﺍﻧﺎ : ﻭ ﻟﻴﺎ ﻧﺠﻚ
ﺭﺍﻧﻴﺎ : ﺗﺒﻲ ﺗﺨﺶ ﺗﺤﻈﺮ ﻣﺤﺎﺿﺮﺍﺗﻚ !
ﺃﻧﺎ : ﺗﻲ ﻣﺶ ﻋﺎﺭﻑ ﺷﻦ ﻋﻨﺪﻱ ﺍﻟﻴﻮﻡ ﺍﺻﻼ ﺍﻧﺘﻲ ﻣﻠﺨﺒﻄﺘﻴﻨﻲ
ﺭﺍﻧﻴﺎ : ﺭﺑﻲ ﻳﺨﻠﻴﻚ ﻟﻴﺎ $:
ﺍﻧﺎ : ﺃﺣﻤﺪ ﻳﺮﻥ ﺍﻛﻴﺪﻩ ﻭﺻﻞ
~
~
ﺭﺩﻳﺖ ﻉ ﺃﺣﻤﺪ ﻭ ﻗﺘﻠﻪ ﻗﺎﻋﺪﻳﻦ ﻑ ﺍﻟﻤﺪﺭﺟﺎﺕ ﻭ ﺟﺎﻧﺎ
ﺍﺣﻤﺪ : ﺣﻤﺎﺭ ﻣﻦ ﻳﺒﻲ ﻳﻤﻮﺕ
ﺍﻧﺎ : ﻛﻨﻚ ﺃﺯﻑ
ﺍﺣﻤﺪ : ﻏﺮﻳﺒﻪ ﺟﻴﺖ
ﺍﻧﺎ : ﺟﻴﺖ ﻋﺸﺎﻥ ﺍﻟﻜﺒﻴﺪﻩ ﺑﺲ
ﺭﺍﻧﻴﺎ : ﻫﻬﻬﻬﻬﻬﻪ
ﺍﺣﻤﺪ : ﺻﺪﻗﺘﻚ ﺍﻧﺎ
ﺍﻧﺎ : ﺑﺎﻩ ﻫﻴﺎ ﺍﻗﻠﺐ ﻭﺟﻚ
ﺍﺣﻤﺪ : ﺗﻲ ﻧﻘﻠﺐ ﻭﺟﻲ ﻭﻳﻦ ﻧﺒﻲ ﻧﻬﻴﺞ ﺍﻟﻴﻮﻡ
ﺍﻧﺎ : ﻛﺎﻥ ﺗﺒﻲ ﺍﻟﻬﻴﺎﺟﻪ ﺍﻟﺼﺢ ﻋﺪﻱ ﺷﻮﺭ ﺍﻵﺩﺍﺏ
ﺭﺍﻧﻴﺎ : ﻟﻴﺶ ﺍﻵﺩﺍﺏ ﺑﺎﻟﺬﺍﺕ
ﺍﻧﺎ : ﺑﻨﺎﺗﻬﺎ ﻃﺮﻭﻑ ﻳﺎ ﺣﺒﻲ
ﺍﺣﻤﺪ : ﺑﺎﻟﺬﺍﺕ ﺑﻨﺎﺕ ﺍﻹﻧﺠﻠﻴﺰﻱ
ﺍﻧﺎ : ﻧﻌﻠﻴﺎ ﻭ ﺧﻼﺹ ﻣﻨﻬﻦ
ﺭﺍﻧﻴﺎ : ﺑﺎﻩ ﻣﺎﺷﻴﻪ ﺍﻧﺎ
ﺍﻧﺎ : ﻉ ﻭﻳﻦ ﻳﺎ ﺣﺒﻲ
ﺭﺍﻧﻴﺎ : ﻋﻨﺪﻱ ﻣﺤﺎﺿﺮﻩ
ﺍﻧﺎ : ﺑﺎﻩ ﻣﺮﺑﻮﺣﻪ
ﺍﺣﻤﺪ : ﻣﺒﺮﺩﻙ ﺃﺯﻑ
ﺍﻧﺎ : ﻫﻴﺎ ﺑﺎﻩ ﻧﻘﺎﻧﻲ ﺟﺎﻱ ﻭ ﻧﺒﻲ ﻧﻐﻴﺮ ﺟﻮ
ﺭﺍﻧﻴﺎ : ﺳﻼﻡ
ﺍﻧﺎ : ﺭﻛﺰﻱ ﻓﻲ ﺍﻟﻤﺤﺎﺿﺮﻩ ﺑﺎﻫﻲ
ﺃﺣﻤﺪ : ﺭﺍﺟﻲ ﻧﺮﻥ ﻋﻠﻰ ﻣﻨﺬﺭ ﺍﻛﻴﺪﻩ ﻗﺎﻋﺪ ﻏﺎﺩﻱ
ﺍﻧﺎ : ﺑﺎﻩ ﺭﻥ ﻭ ﺣﺘﻲ ﺍﻧﺎ ﻧﺒﻲ ﻧﺮﻥ
ﺭﻥ ﺍﺣﻤﺪ ﻉ ﻣﻨﺬﺭ ﻭ ﻗﺎﻟﻪ ﺟﺎﻳﻴﻦ ﺷﻮﺭ ﺍﻵﺩﺍﺏ ﻭ ﺍﻧﺎ ﺭﻧﻴﺖ ﻉ ﺇﻳﻤﺎﻥ
ﺇﻳﻤﺎﻥ : ﺍﻭﻭﻭ ﻋﺎﺵ ﻣﻦ ﺳﻤﻊ ﺻﻮﺗﻚ ﻳﺎ ﺣﺒﻴﺒﻲ
ﺍﻧﺎ : ﺃﺷﻐﺎﻝ ﻳﺎﻟﺤﺐ
ﺇﻳﻤﺎﻥ : ﺷﻦ ﺟﻮﻙ ﺑﺎﻩ ﻭ ﺷﻦ ﺩﺍﻳﺮ
ﺍﻧﺎ : ﻟﻮﺯ ﺑﻌﺪ ﺳﻤﻌﺖ ﺻﻮﺗﻚ
ﺇﻳﻤﺎﻥ : ﺣﻲ ﺣﻲ ﻏﺮﻳﺒﻪ ﺍﻟﻴﻮﻡ ﺭﺍﻳﻖ
ﺍﻧﺎ : ﻗﺎﻋﺪﻩ ﻓﻲ ﺍﻻﻗﺘﺼﺎﺩ !
ﺇﻳﻤﺎﻥ : ﺃﻫﺎ ﻗﺼﺪﻙ ﻗﺎﻋﺪ ﻓﻲ ﺍﻟﺠﺎﻣﻌﻪ ﺍﻧﺖ !
ﺃﻧﺎ : ﺃﻫﺎ ﺗﻮﺍ ﻛﻴﻒ ﺟﻴﺖ ﻭ ﻧﺒﻲ ﻧﺰﺭﻕ ﻋﻠﻴﻚ ﺑﻌﺪﻳﻦ
ﺇﻳﻤﺎﻥ : ﺗﻢ ﻳﺎ ﺭﻭﺣﻲ ﺑﻌﺪ ﻧﻜﻤﻞ ﻣﺤﺎﺿﺮﻩ ﺗﻮ ﻧﺮﻥ ﻋﻠﻴﻚ
ﺍﻧﺎ : ﺗﻢ ﻳﺎ ﻛﺒﻴﺪﺗﻲ
ﻭ ﺳﻜﺮﺕ ﻣﻦ ﺇﻳﻤﺎﻥ ﻭ ﻣﺸﻴﺖ ﺍﻧﺎ ﻭ ﺃﺣﻤﺪ ﺷﻮﺭ ﺍﻵﺩﺍﺏ ﻭ ﺷﻔﻨﺎ ﻣﻨﺬﺭ ﻗﻌﺪﻧﺎ ﻣﺼﺒﻴﻴﻦ ﺗﺤﺖ ﺟﺴﺮ ﺍﻵﺩﺍﺏ
ﻫﺪﺭﺯﻧﺎ ﻭ ﻭﺍﺧﺬﻳﻨﻬﺎ ﺩﻓﻨﻘﻲ ﻭ ﺧﻼﺹ ﻭ ﺃﻱ ﺑﻨﺖ ﺗﺨﻄﻢ ﻧﺸﻔﻄﻮ ﻋﻠﻴﻬﺎ
ﻣﻨﺬﺭ : ﺍﺱ ﺍﺱ ﻫﺬﻩ ﻣﺎ ﺣﺪ ﻳﺠﻲ ﺷﻮﺭﻫﺎ
ﺍﻧﺎ : ﺩﺭﺍﻗﺘﻚ ﻫﺬﻩ ﻗﺼﺪﻙ !
ﻣﻨﺬﺭ : ﻻﻻ ﺑﺲ ﺑﻨﺖ ﻋﺴﻞ ﻭ ﺣﺎﻭﻟﺖ ﻧﻔﺘﺢ ﻣﻌﺎﻫﺎ ﺩﻻﻟﻪ ﺑﺲ ﻣﺎ ﺗﺤﻜﻴﺶ ﻣﻊ ﺷﺒﺎﺏ
ﺃﺣﻤﺪ : ﻣﻌﺘﺰ ﺗﻮ ﻳﺨﻠﻴﻬﺎ ﺗﺤﻜﻲ
ﺍﻧﺎ : ﻫﻬﻬﻬﻬﻬﻪ ﻣﻦ ﻧﺎﺣﻴﺔ ﻃﺮﻑ ﻧﻘﺎﻧﻬﺎ ﺻﺎﺭﻭﺥ
ﻣﻨﺬﺭ : ﻣﺶ ﻩ ﺗﻘﺪﺭ ﺭﺍ ﺃﻛﺜﺮ ﻣﻦ ﻭﺍﺣﺪ ﺣﺎﻭﻝ ﺑﺲ ﻣﺎ ﺻﺎﺭ ﺷﻲ ﺗﻲ ﺣﺘﻲ ﺻﺪﺍﻗﻪ ﻣﺎ ﺗﺒﻴﺶ
ﺃﺣﻤﺪ : ﺑﺎﻟﻚ ﻣﺮﺗﺒﻄﻪ
ﻣﻨﺬﺭ : ﻻﻻ ﺳﺎﻝ ﻋﻠﻴﻬﺎ
ﺍﻧﺎ : ﺗﺒﻴﻬﺎ ﻭ ﻻ ﻧﺨﺶ ﺍﻧﺎ
ﻣﻨﺬﺭ : ﻛﺎﻥ ﻃﺎﺣﺖ ﺻﺤﻪ ﻟﻚ
ﺍﻧﺎ : ﺷﻦ ﺍﺳﻤﻬﺎ ﺑﺎﻩ ﻭ ﻣﻮﺍﻟﻴﺪ ﺍﻟﻜﻢ
ﻣﻨﺬﺭ : ﻣﻼﻙ ﻭ ﻣﻮﺍﻟﻴﺪ 94
ﺍﻧﺎ : ﻧﻌﻠﻴﺎ 94 ﻫﺬﺍ ﺍﻟﻤﻄﻠﻮﺏ
ﺍﺣﻤﺪ : ﺗﻔﻀﻞ ﻳﺎ ﺑﺎﺷﺎ ﻫﻴﺎ
ﺍﻧﺎ : ﺷﻮﻓﻬﺎ ﻛﻴﻒ ﻣﺎﺳﻜﻪ ﺍﻟﻨﻘﺎﻝ ﻭ ﻛﻴﻒ ﺗﺤﻜﻲ ﺑﺲ ﻋﻨﺠﺪ ﺃﻡ ﺍﻟﺮﻗﻪ ﺑﻜﻞ
ﻣﻨﺬﺭ : ﺻﻘﻊ ﻋﻠﻴﻚ ﻳﺎ ﻃﻴﺮ ﺑﻨﺎﺗﻨﺎ ﻣﻌﺮﻭﻓﺎﺕ
ﻗﻌﺪﺕ ﻧﺒﺤﺖ ﻓﻲ ﻣﻼﻙ ﻭ ﻛﺎﻧﺖ ﺑﺎﻟﻔﻌﻞ ﻣﻼﻙ ﻭ ﺳﻤﺤﻪ ﻭ ﺍﻟﺤﻨﺎﻃﻪ ﺑﺎﻳﻨﻪ ﻉ ﻭﺟﻬﺎ
ﺧﻄﻤﺖ ﻣﻦ ﻗﺪﺍﻣﻨﺎ ﻭ ﻋﻴﻮﻧﻬﺎ ﻟﻮﻃﺎ
ﺍﻧﺎ : ﻏﻴﺮ ﺑﺤﺘﻲ ﻓﻴﻨﺎ ﻳﺎ ﻗﺼﻴﺮﻩ
ﺃﺣﻤﺪ : ﺍﻟﺴﻴﺪﻩ ﻣﻠﻌﻘﻪ
ﺍﻧﺎ : ﺍﺱ ﻳﺎ ﺭﺍ ﻫﺬﻩ ﺍﻟﻤﺪﺍﻡ
ﻣﻨﺬﺭ : ﻓﻜﻨﺎ ﻳﺎ ﺭﺍ ﻣﻨﻬﺎ ﺗﻮ ﺗﺰﻋﻞ
ﺍﻧﺎ : ﻭ ﺣﺴﺎﺳﻪ ﺃﺧﺮﻩ ﻧﻌﻠﻴﺎ
ﻗﻌﺪﺕ ﺳﺎﻛﻦ ﻝ ﺍﻟﺒﻨﺖ ﻭ ﻫﻴﺎ ﻭﻻ ﻋﺒﺮﺗﻨﻲ ﻭ ﻛﻤﻠﺖ ﻃﺮﻳﻘﻬﺎ ﺑﺪﻭﻥ ﻣﺎ ﺗﺮﻓﻊ ﻋﻴﻨﻬﺎ ﺑﺮﻏﻢ ﺍﻧﻪ ﺗﺤﺖ ﺍﻟﺠﺴﺮ ﻣﻠﻴﺎﻥ ﺷﺒﺎﺏ
ﺗﻲ ﻛﻠﻬﻦ ﻓﻲ ﺍﻷﻭﻝ ﻉ ﺃﺳﺎﺱ ﺗﻘﻴﻠﻪ ﻭ ﻋﻨﻴﺪﻩ ﻭ ﺑﻌﺪﻫﺎ ﺗﻌﻄﻲ ﺭﻗﻤﻬﺎ ﻛﻴﻒ ﺍﻟﺒﻨﺖ ﺍﻟﺸﺎﻃﺮﻩ
ﻣﺸﻴﺖ ﻭﺭﺍﻫﺎ ﻭ ﺷﻔﺘﻬﺎ ﺧﺸﺖ ﻝ ﻣﺪﺭﺝ ، ﺧﺸﻴﺖ ﻭ ﺩﺭﺕ ﺭﻭﺣﻲ ﻣﻘﻌﻤﺰ ﻋﺎﺩﻱ ﺍﺻﻼ ﻣﺎ ﻓﻴﺶ ﻣﺤﺎﺿﺮﻩ ﻓﻴﻪ ، ﺑﻨﺎﺕ ﻳﻬﺪﺭﺯﻥ ﻭ ﺷﺒﺎﺏ ﻭ ﺟﻮ
ﺑﺤﺘﺖ ﻓﻴﻬﺎ ﻛﺎﻧﺖ ﻣﻘﻌﻤﺰﻩ ﻣﻊ ﺻﺂﺣﺒﺘﻬﺂ ﻭ ﻳﻘﺮﻥ
ﺍﻭﻝ ﻣﺮﻩ ﻧﺸﻮﻑ ﺑﻨﺖ ﺗﻘﺮﺃ ﺗﺼﺪﻗﻮ D:
ﺻﺎﺣﺒﺘﻬﺎ ﻓﻄﻨﺖ ﺍﻧﻲ ﻣﺮﻛﺰ ﻣﻊ ﻣﻼﻙ ﺑﺲ ﻣﻼﻙ ﻣﺎ ﺭﻓﻌﺘﺶ ﺭﺃﺳﻬﺎ ﻭ ﻻ ﺑﺤﺘﺖ ﻓﻴﺎ
ﺭﻧﻴﺖ ﻉ ﻣﻨﺬﺭ ﻭ ﻗﺘﻠﻪ ﺧﺶ ﻣﺪﺭﺝ 3 ﻭ ﻧﺒﻲ ﻭﺭﻗﻪ ﻭ ﺑﻨﻴﻨﻪ
ﻭ ﺟﺎ ﻣﻨﺬﺭ ﻭ ﻛﺘﺒﺘﻠﻬﺎ ﺭﻗﻤﻲ ﻭ ﺧﻄﻤﺖ ﻗﺪﺍﻣﻬﺎ ﻭ ﺣﻄﻴﺘﻪ ﻟﻬﺎ ﻉ ﺍﻟﺸﻴﺖ ﻣﺘﺎﻋﻪ ﻭ ﻃﻠﻌﺖ ﻉ ﻃﻮﻝ
ﺃﺣﻤﺪ : ﻧﻘﺎﻧﻚ ﻗﺪﻳﻢ ﻳﺎ ﺭﺍ D:
ﺍﻧﺎ : ﺗﻮ ﺗﺸﻮﻑ D:
ﻣﻨﺬﺭ : ﻧﻘﺎﻧﻜﻢ ﺑﺎﺭﺩﻳﻦ ﺃﺯﻑ
ﺍﻧﺎ : ﻣﺶ ﺷﻮﺭﻙ ﺍﻟﻘﺼﻪ
ﺃﺣﻤﺪ : ﺷﺒﺎﺏ ﻣﺎ ﺻﺎﺭ ﺷﻲ ﻛﻨﻜﻢ
ﺍﻧﺎ : ﻓﻮﺕ ﻣﺎﺷﻲ ﺷﻮﺭﻱ ﺍﻻﻗﺘﺼﺎﺩ ﺍﻧﺎ
ﻣﻨﺬﺭ : ﺟﻮ ﺗﻤﺎﻡ ﻳﺎ ﺑﺮﻭ
ﺍﻧﺎ : ﻓﻮﺕ ﻳﺎ ﻃﻴﺮ ﺑﺲ ﻋﻨﺪﻱ ﻣﻮﺿﻮﻉ ﻏﺎﺩﻱ
ﺃﺣﻤﺪ : ﺑﻌﺪ ﺗﻜﻤﻞ ﺭﻥ ﻋﻠﻴﺎ
ﺍﻧﺎ : ﺗﻢ ﻫﻴﺎ ﺳﻼﻡ
~
~
~
ﻣﺸﻴﺖ ﺑﺮﻣﺖ ﺷﻮﻳﻪ ﻓﻲ ﺍﻷﺩﺏ ﻭ ﻧﻔﻜﺮ ﻓﻲ ﻣﻼﻙ ، ﺗﻲ ﻋﻨﺠﺪ ﻧﻜﺒﺪ ﻉ ﺑﻨﺖ ﻫﺬﺍ ﻣﺎ ﻧﺎﻗﺺ ﻭ ﻛﻠﻬﻦ ﻛﻴﻒ ﺑﻌﻀﻬﻦ ﻉ ﺃﺳﺎﺱ ﺟﻮ ﺍﺣﺘﺮﺍﻡ ﻭ ﻫﻦ ﻣﻦ ﺗﺤﺖ ﻝ ﺗﺤﺖ 3:
ﻭ ﺃﻧﺎ ﻧﺒﺮﻡ ﺭﻧﺖ ﻋﻠﻴﺎ ﺇﻳﻤﺎﻥ ﻭ ﻣﺸﻴﺘﻠﻬﺎ ﻓﻲ ﺍﻻﻗﺘﺼﺎﺩ
ﺇﻳﻤﺎﻥ : ﺍﻟﻜﻠﻴﻪ ﻧﻮﺭﺕ ﻳﺎ ﺣﻴﺎﺗﻲ
ﺍﻧﺎ : ﻫﺬﺍ ﻧﻮﺭﻙ ﻳﺎﻟﺤﺐ
ﺇﻳﻤﺎﻥ : ﻛﻨﻚ ﻗﺎﻟﺐ ﻭﺟﻚ
ﺍﻧﺎ : ﻣﺎ ﺍﺩﻭﺭﻳﺶ ﻓﻮﺗﻲ
ﺇﻳﻤﺎﻥ : ﺑﺎﻫﻲ ﻏﺮﻳﺒﻪ ﺟﻴﺖ ﺍﻟﻴﻮﻡ
ﺍﻧﺎ : ﺧﺮﻓﻲ ﺍﺯﺡ ﻛﺎﻥ ﻣﺎ ﺟﻴﺖ ﺭﺍ ﺗﺮﻧﻲ ﻭ ﺗﻘﻮﻟﻲ ﻭﻳﻨﻚ
ﺇﻳﻤﺎﻥ : ﻧﺒﺼﺮ ﻋﺎﺩﻱ ﻛﻨﻚ ﻳﺎ ﻋﺰﻭ
ﺍﻧﺎ : ﻣﻴﻪ ﻣﺮﻩ ﻗﺘﻠﻚ ﻣﺎ ﺗﻘﻮﻟﺶ ﻋﺰﻭ ﺻﺎﺡ ؟
ﺇﻳﻤﺎﻥ : ﺧﺎﻃﺮﻱ ﻧﻌﺮﻑ ﻟﻴﺶ
ﺃﻧﺎ : ﺑﺎﻩ ﺗﺸﺎﻭ ﻭ ﺭﺩﻱ ﺑﺎﻟﻚ ﺗﺮﻧﻲ
ﺇﻳﻤﺎﻥ : ﻣﻌﺘﺰ ﺍﻗﻌﺪ ﻣﺮﺍﻳﻔﻪ ﻋﻠﻴﻚ
ﺍﻧﺎ : ﻓﻮﺗﻴﻨﻲ 3:
~
~
~
ﻃﻠﻌﺖ ﻣﻦ ﺍﻻﻗﺘﺼﺎﺩ ﻭ ﻗﻔﻠﺖ ﻧﻘﺎﻟﻲ ﻭ ﻣﺸﻴﺖ ﺷﻮﺭ ﺍﻻﺩﺍﺭﻩ ﺍﻟﻌﺎﻣﻪ ﻭ ﻗﻌﻤﺰﺕ ﻉ ﻛﺮﺳﻲ ﻗﻌﺪﺕ ﻧﺪﺧﻦ ﻭ ﻧﺒﺤﺖ ﻓﻲ ﺍﻟﺴﻤﺎﺀ
ﻛﻨﻲ ﺃﺯﻑ ﺧﻼﺹ ﻗﺼﻪ ﻭ ﺍﻧﺘﻬﺖ ﻣﻦ ﺯﻣﺎﻥ ﻟﻴﺶ ﻣﺶ ﻗﺎﺩﺭ ﻧﻨﺴﺎﻫﺎ ﻭ ﻻ ﻋﺸﺎﻥ ﺇﻳﻤﺎﻥ ﺫﻛﺮﺗﻨﻲ ﻭ ﻗﺎﻟﺖ ﻋﺰﻭ ، ﻣﺶ ﻣﺘﺤﻤﻞ ﻧﺴﻤﻌﻬﺎ ﻣﻦ ﺑﻨﺖ ﻏﻴﺮﻫﺎ ﺃﺯﻓﺖ 3:
" ﺍﺳﻤﻲ ﻣﻌﺘﺰ ﻭ ﻣﻮﺍﻟﻴﺪ 89 ﻧﻘﺮﺃ ﻓﻲ ﻛﻠﻴﺔ ﺍﻟﻌﻠﻮﻡ ﺇﻻ ﻛﻴﻔﻲ ﺭﺍ ﻣﺘﺨﺮﺝ ﺑﺲ ﻧﻘﺮﺃ ﺳﻤﺴﺘﺮ ﻭ ﻧﻮﻗﻒ ﺑﺎﻟﻌﺮﺑﻲ ﻣﺶ ﻣﺘﺎﻉ ﻗﺮﺍﻳﻪ ﺑﺲ ﺑﺎﺗﻲ ﺍﻟﻠﻪ ﻳﺮﺣﻤﻪ ﻣﻮﺻﻲ ﻋﻠﻴﻨﺎ ﻛﻠﻨﺎ ﻧﺘﺨﺮﺟﻮ ﻭ ﻧﻘﻌﺪﻭ ﺑﺸﻬﺎﺩﺗﻦ ، ﻃﻮﻳﻞ ﻭ ﻋﺮﻳﺾ ﻭ ﻟﺒﻴﺲ ﻳﻌﻨﻲ ﻣﻬﺘﻢ ﺑﺮﻭﺣﻲ ﻭ ﺑﺴﻴﺎﺭﺗﻲ ، ﺣﺎﻟﺘﻨﺎ ﺍﻻﺟﺘﻤﺎﻋﻴﻪ ﻓﻮﻕ ﻣﻦ ﺍﻟﻤﺘﻮﺳﻂ ، ﺧﻠﻴﻞ ﺧﻮﻳﺂ ﺍﻟﻜﺒﻴﺮ ﻭ ﻣﺘﺰﻭﺝ ﻭ ﺳﺎﻛﻦ ﻓﻮﻕ ﻣﻨﺎ ، ﻭ ﻳﻮﺳﻒ ﺃﺻﻐﺮ ﻣﻦ ﺧﻠﻴﻞ ﻣﻮﺍﻟﻴﺪ ﺍﻝ 86 ﻭ ﻣﺘﺨﺮﺝ ﻭ ﺑﻌﺪﻫﺎ ﺍﻧﺎ ﻭ ﺃﺻﻐﺮ ﻭﺍﺣﺪ ﻓﻲ ﺍﻟﺸﺒﺎﺏ ﻧﺎﺻﺮ ﻭ ﻣﻮﺍﻟﻴﺪ ﺍﻝ 92 ﻭ ﻳﻘﺮﺃ ﻓﻲ ﻣﻌﻬﺪ ﻭ ﻗﺮﻳﺐ ﻳﻜﻤﻞ 3: ﻭ ﺍﻣﺎ ﺁﺧﺮ ﺍﻟﻌﻨﻘﻮﺩ ﻫﻨﺎﺩﻱ ﻭ ﻣﻮﺍﻟﻴﺪ ﺍﻝ 96 ﻭ ﻣﺪﻟﻌﻴﻨﻬﺎ ﺑﻜﻞ ﻃﺒﻌﺎ ﻣﺶ ﺍﻧﺎ ﻣﺪﻟﻌﻬﺎ -_- ﺍﻣﻲ ﻭ ﺧﻠﻴﻞ ﻏﻴﺮ ﺷﻦ ﺗﺒﻲ ﻳﺎ ﻫﻨﺎﺩﻱ 3: "
ﻛﻤﻠﺖ ﺳﺒﺴﻲ ﻭﺭﺍ ﺳﺒﺴﻲ ﻋﻨﺪ ﺷﻔﺖ ﺃﺣﻤﺪ ﻗﺪﺍﻣﻲ
" ﺃﺣﻤﺪ ﻣﻮﺍﻟﻴﺪ ﺍﻝ 90 ﻭ ﺭﻓﻴﻘﻲ ﻣﻦ 8 ﺳﻨﻮﺍﺕ "
ﺃﺣﻤﺪ : ﻳﺎ ﺭﺍ ﻣﻦ ﺑﺪﺭﻱ ﻧﺮﻥ ﻋﻠﻴﻚ ﻭ ﻧﻠﻘﻰ ﻓﻴﻚ ﻣﻘﻔﻞ
ﺍﻧﺎ : ﺍﻛﻴﺪﻩ ﺍﻟﺸﺤﻦ ﻓﺎﺻﻞ
ﺃﺣﻤﺪ : ﻛﻨﻪ ﺟﻮﻙ ﺧﺎﺭﺏ !
ﺃﻧﺎ : ﻻ ﻋﺎﺩﻱ ﻣﺎ ﻓﻲ ﺷﻲ
ﺃﺣﻤﺪ : ﺗﻲ ﺣﺎﻓﻈﻚ ﺍﻧﺎ ﺷﻦ ﺻﺎﻳﺮ
ﺍﻧﺎ : ﻳﺎ ﺭﺍ ﻣﺎ ﻓﻲ ﺷﻲ
ﺃﺣﻤﺪ : ﺻﺎﺭﺕ ﺣﺎﺟﻪ ﺑﻴﻨﻚ ﻭ ﺑﻴﻦ ﺇﻳﻤﺎﻥ !
ﺃﻧﺎ : ﻓﺘﺘﻬﺎ ﺑﻜﻞ
ﺃﺣﻤﺪ : ﻟﻴﺶ ، ﻓﺘﺤﺖ ﻣﻌﺎﻙ ﻣﻮﺿﻮﻉ ﺍﻟﺨﻄﺒﻪ ﺁﺧﺮﻩ
ﺍﻧﺎ : ﻻﻻ ﻭ ﻓﻮﺕ
ﺍﺣﻤﺪ : ﻟﻤﺎ ﺍﺩﺧﻦ ﻫﻜﻲ ﻣﻌﻨﺎﻫﺎ ﺍﻟﻤﻮﺿﻮﻉ ﺷﻮﺭ ﺍﻷﻭﻟﻰ
ﺍﻧﺎ : ﻓﻮﺕ ﺃﻡ ﺍﻟﻤﻮﺿﻮﻉ ﺍﺯﺡ
ﺃﺣﻤﺪ : ﺑﻌﺪ ﺳﻨﻴﻦ ﻣﺶ ﻗﺎﺩﺭ ﺗﻨﺴﺎﻫﺎ ﺭﻏﻢ ﺃﻧﻬﺎ ﻫﻴﺎ ﺇﻻ ﺳﻴﺒﺎﺗﻚ
ﻳﺘﺒﻊ . . .
# ﺷﺮﻗﻴﺔﻩ
#روآيات أنثى شرقيةه
أنت تقرأ
■~ ﺷﺮﻗﮯ ~■ #روآيات_أنثى_شرقيةه 💚 (مكتملة)💚
قصص عامة'" ﺗﻌﻠﻢ ﺑﺄﻥ ﻗﻠﺒﻲ ﻣﻊ ﺁﺧﺮﻩ ﻭ ﻟﻜﻨﻬﺎ ﺗﺼﺮ ﻋﻠﻰ ﺇﻗﻨﺎﻉ ﻧﻔﺴﻬﺎ ﺑﺄﻧﻬﺎ ﺍﻟﻮﺣﻴﺪﻩ ﻓﻲ ﺣﻴﺎﺗﻲ '" '' ﻭﺍﻓﻘﺖ ﺃﻥ ﺗﺘﺰﻭﺟﻨﻲ ﻟﻜﻲ ﺗﻈﻬﺮ ﻟﺠﻤﻴﻊ ﺃﻧﻬﺎ ﺧﻄﻔﺖ ﻗﻠﺒﻲ ﻭ ﻟﻜﻨﻬﺎ ﻣﺘﺄﻛﺪﻩ ﺑﺄﻧﻬﺎ ﺗﺨﺪﻉ ﻓﻲ ﻧﻔﺴﻬﺎ " ' ﻭﻟﺪﺕ ﻫﻜﺬﺍ ﻭ ﺳﺄﻇﻞ ﻫﻜﺬﺍ " ﺷﺮﻗﮯ " ﻗﻠﺒﻲ ﻭ ﻋﻘﻠﻲ ﻣﻊ ﺍﻣﺮﺃﻩ ﻭ ﺟﺴﺪﻱ ﻣﻊ ﺁﺧﺮﻩ '💔 منقولة من...
