الۛمۘومۘيۧاء الۛمּۘتجۚولۛة ۗ

PART-1 الجزء الأول

انا اسر بكتبلكم من باص المدرسة ، احنا رايحين رحله للأقصر عشان نزور وادي الملوك و نتعرف اكتر على اجدادنا و كمان نستكمل درسنا عن الملوك و قبورهم و ازاي كانو بيحضروا للحياة الاخرى المهم انا متحمس جدا و كمان طالع مع صحابي كريم و موهاب و مريم و اللي محمسني اكتر اني طالع مع جيلان انا بحبها و مش عارف اقولها ازاي انا فكرت ف ان الرحلة دي ممكن تقربنا لبعض اكتر ، خلوني اعرفكم بكل واحد من صحابي قبل ما اسيبكم ... موهاب صاحبي من تالته ابتدائي بيحب السوشيال ميديا و يعتبر اكتر طالب ف مدرستنا عندو فولورز عل انستاجرام عندو 11 الف يمكن و كمان عندو قناة يوتيوب فيها 75 الف مشترك ف اعتبر محظوظ انو صاحبي ، كريم صاحبي من سته ابتدائي بيحب الكتب و بيجيب كتب مش موجود منها غير نسخ محدوده بس هو غريب و بيعرف حجات احنا منعرفهاش ... بيقول في اسطورة ان مصر قبل ما الفراعنة يحكموها كان بيحكمها الافعى العملاقه فدا سبب تقديسهم ليها و بيحطوها فوق البتاع اللي بيلبسوا عراسهم دا ، ما علينا من كريم ، نروح لمريم .. مريم صحبتي من تانيه اعدادي كل اللي بيربطني بيها اننا ف مره اتخانقنا بسبب اني كنت عايزها تغششني و فتنت عليا للأستاذ ف اتخانقنا بعدها بقينا صحاب و اللي مخليني مصاحبها لحد دلوقت هو انها بقت صاحبة جيلان ... جيلان بقا انا بحبها من وانا ف تالته اعدادي غير انها ساكنه فالشارع اللي ورانا و انا مش عارف اي الشعور اللي بيشدني ليها بس اتمنى انها تعرف دا خلال رحلتنا دي ... انا كل اللي مخوفني من الرحلة دي اننا هنخيم في الوادي و مش هنروح فندق مش عشان احنا مش معانا فلوس مثلا لا دا عشان المدرسه عايزه كدا وانا خايف من ان يكون في حيوانات قطه ماشي كلب اوكي لكن حاجه تانيه لا هنشوف رحلتنا دي مخبيالنا اي لما نوصل و طبعا هكتبلكم اول باول عكل اللي بيحصل .
15/FEB/2019
9:37 P.M.

هاي رجعتلكم اسر بيكتب من القطر احنا دلوقتي في طريقنا للأقصر هو القطر دا اسمو قطر النوم دا في كراسي بتتحول لسرير هو مش خمس نجوم بس ماشي حاله ، دلوقتي انا و موهاب ف اوضه لان هنا مبيخدش غير فردين و كريم راح مع واحد تاني معرفش مين و مريم و جيلان ف اوضه احنا دلوقتي اصلا المفروض الساعه 11:30 بليل و فردنا السراير و ادونا عشا مكنش حلو بس عادي جبت معايا شيبسيهات و حجات من السوبرماركت قبل ما نطلع و دلوقتي موهاب نايم و انا صاحي بكتبلكم من السرير اللي فوق موهاب .. الكرسين اللي جمب بعض بيتحولو سرير و فوق الكراسي دي بينزل سرير المهم منغير تفاصيل ... وانا داخل ف كانت قدامي جيلان و جمبي موهاب الموقف دا احرجني جدا موهاب كان بيقلي هي دي جيلان بيسألني ف بصت ليا و ليه باستغراب ف انا ملحقتش حتى اخد الخطوه بس خبر احلى في كافيه فالقطر هي معمولة للي بيشروبوا قهوه شاي اي حاجه ف رحت عشان كنت متعصب من موهاب لقيت جيلان قاعده و مكنش في كرسي فاضي غير اللي عنفس طربيزتها ، توقعوا اي اللي حصل انا طبعا اتكسفت عشان الموقف اللي حصل برا ف جيت اطلع و راجع تاني قالت انت اسمك اي بس .. قلتلها انا .. قالت ايوا قلتلها اسر قالت تعالى اقعد قلتلها لا خلاص همشي قالت تعالى و متبقاش رخم قعدت و قلتلها انا اسف علموقف اللي حصل برا دا قالت فكك يعم متخدش فبالك بعدها قالت هو انا حاسه اني شفتك برا المدرسه قبل كدا قلتلها اه اصل انا ساكن فالشارع اللي جمبكم انتي بتيجي باص ولا حد بيجيبك قالتلي ان مامتها بتوصلها الصبح و قعدنا نتكلم شويه و رجعت شكرت موهاب علموقف دا و قعد يضحك و سلام عشان انا هنام عشان ورانا يوم حافل بكرا .
16/FEB/2019
1:03 A.M. ((بعد منتصف الليل))