#بنت_خالتي (الجزء الثاني من اقرباء ولكن )
الفصل السادس عشر
انا وماسك ايد وتين .. باتي امي عمو رواد كانو نبي نقوللكم نبي نتزوج وتيني اذا ماعندكمش مانع
باتي .. اكيد نا وامك ماعندناش مانع لكن الراي لهلها يا ولدي
عمو رواد .. عيب تقول هكي يا احمد وتين بالذات الراي الاول والاخير ليكم انتم لان ليكم فيها حق قبلي
باتي .. بارك الله فيك وبما ان نحن عيلة وحدة نخطب بنتي وتين لولدي عبدو
انا .. باتي شكلك ماسمعتنيش كويس قلت بنتزوج مش بنخطب
امي .. بسـ
انا قطعت عليها .. مافيهاش بس امي انتي عارفة ان اللي يستنى فيا شنو مانبيش نضيع دقيقة ساد اللي ضيعته
عمو رواد .. بعندك انت ضيعته وان شاءالله ربي يردك لنا طيب يارب
كيان .. به شنو مفكر ترا وانت عارف الوقت اسبوعين بس قبل سفرك
انا بثقة .. بكرة فرح رحيق حفلتها في الليل باتي ينوض الصبح يتفق مع شيخ وعمو رواد يكلم عمي موسى ويعطيه العلم بيش مايزعلش ويوم السبت انديرو عقد القرآن وعادي وتين قفطانها بتاع فرح رحيق تلبسه في عقد قرانا وانديرو حفلة صغيرة وبعد مانروح ان شاءالله لو كتب ليا عمر انديرو فرح
باتي .. تمام مافيش مشكلة هضا كله ساهل
وتين سيبت ايدي .. لا في حاجة
انا .. شنو وتيني
وتين .. نبي حنينة وماما قبل برواحهم
انا .. قوليلي قبل
وتين ووجها انحمر .. نقوللهم قبل
انا وباستغراب .. به
وصبت امي وكانو مع وتين لدار امي
امي .. ها وتين شنو في
وتين باحراج واضح .. حنينة وماما نا نبي نكمل زواجي مش عقد قرآن بس
كيان بمكر .. مافهمتش
امي فنصت في كانو .. ليش يا بنتي وماتتحشميش لانك ماقلتيش هكي الا في راسك حاجة
وتين وراسها تحت من الاحراج .. ان شاءالله عبدو يروح طيب يارب لكن في احتمال كبير انه يكون اعمى ونا نبيه يشوفني قبل لاقدر الله ماتصيرله حاجة
كيان ومازالت بمكرها .. يشوف شنو ماهو شايفك وعارفك
امي بتفنيص .. خلاص كانو البنت بتنفجر من الاحراج وانتي تزيدي عليها
كيان انفجرت ضحك على منظر وتين .. مش مصدقة ان هذي بنتي
امي بهدوء وشادة حتى هيا ضحكتها .. به بنتي قلتي لعبدو انك تبي هكي
وتين رفعت راسها بصدمة .. كيف شنو
امي وخلاص معاش قدرت تشد ضحكتها
وتين .. بطلن وانتن تضحكن عليا
امي من بين ضحكها .. اذا انتي ماقلتيش لعبدو هكي نحن مانقدروش نقولها له لان هذي حاجة خاصة بينكم بنتي
وتين باحراج .. كيف انقولها له
كيان وهدت من ضحكها .. بنتي هذي حياتكم ولازم تكونو على اتفاق في كل شئ فيها بينكم واهم حاجة حاجتكم الخاصة تبقى خاصة بينكم
وتين واشجعت .. المهم انتن معاي
امي وكيان .. اكيد معاك
امي .. بس الوقت ضيق للفرح بنتي
وتين بثقة .. المهم نكون معاه حنينة نكون ليه وبعد مايروح طيب ان شاءالله انديرو حفلة كبيرة بسلامته وزواجنا والاشهار واضح في عقد القرآن
كيان .. بس شقة عبدو مش مجهزة بكل قاعدة ع السراميك
وتين .. مش لازم حتى داره كافيتني
امي .. معناها نعطو دارك لسلومي لان صعب حيقعد في داره لو بتقعدو فيها ونغيرو دار النوم ودار سلومي ديروها لجلستكم
وتين ونست حشمها .. مايهمش يا حنينة حتى في داره هذي المهم نكونو مع بعض
كيان بضحك .. هذي اللي كانت بتنفجر من الحشم شوفيها تو
وتين صبت .. بنعدي نحكي لعبدو وانتو قولو لبابا وجدو
كيان بضحكة .. نقوللهم شنو
وتين .. ماما
CITEȘTI
(سلسلة اقرباء ولكن) الجزء الثاني بعنوان بنت خالتي
Proză scurtăسلسلة أقرباء ولكن هي سلسلة متصلة ببعض وعشان تفهم الجزء الثاني لازم من قراءة الجزء الاول منها بعنوان (بنت عمي) التنزيل يومي باذن الله اسعدني الوسام كثيرا وحتى قبل ان تنتهي.. حياة #7ابداع 9#ابداع 5#ابداع 6#ابداع #4ابداع
