#بنت_خالتي (الجزء الثاني من سلسلة اقرباء ولكن )
الفصل الخامس
وتين بضحكة .. ها شنو رايكم
انا بصدمة .. هضا شنو
كيان باستغراب .. كنك ياعبدو
انا صبيت وقربت من وتين وبدون وعي مسكتها من ايدها بقوة ونهز فيها .. هضا شنو اللي لابستيه اذا سميت اللي لابستيه لبس اصلا
وتين بوجع من قوة ايدي .. My hand
انا وبقمة عصبيتي .. عربي احكي عربي ديمة بنقولها
وتين ودموع نزلو .. ايدي يا عبدو
انا فطنت لروحي رخيت ايدها لكن ماسكها .. شنو اللي لابستيه هضا وان شاءالله في كندا كنتي تلبسي هكي
وتين بخوف من نبرة صوتي .. لا والله اول اول مرة نلبس هكي كنت مختارتها عشان نلبسها لما نشوفك
انا ونحاول نهدئ لكن مش قادر .. منغير ولا كلمة تمشي تغيري الخرا اللي عليك ومانشوفك لابستيه او لابسة حاجة زيه الا لما تكوني على ذمتي وفي الحوش اخرى يعني نا وياك بس حتى حذا صبايا لا ( وبصوت عالي ) فاهمة
وتين ومازلن دموعها يصبن .. فا فاهمة
انا فكيت ايدها .. امشي بسرعة غيري
وعدت وتين تجري وهيا تبكي
كيان .. كنك ياعبدو
انا ومازالت بعصبيتي .. شنو كني وبعدين من جدك مخليتيها تشري دبش زي هكي
كيان بهدوء .. وكنهن ياعبدو
انا وخلاص على شعرة ونبقى زي التنين وتطلع نار من فمي من برودة اللي قدامي .. من جدك كانو شورت لنص الفخد وتوب السرة باينة وتقولي كنهن
كيان ..ياعبدو هيا صغيرة واللي كيفها يلبسن هكي
انا وخلاص الشعرة انقسمت .. انتي فيش تقولي من جدك هذا حتى بين صاحبتها ماتلبسهنش انا في الاخير مش محرم ليها ومعاها لا قدام عيال عمها وعمتها بتقعد هكي وباتها وين طالما انتي عندك عادي
كيان .. رواد عمره مايدخل في الدبش يقول حرية شخصية هذا
انا وحمدت ربي انا باتي وعمو معتز وعمو رواد خشو جوا حاوالت نهدى .. اسمعي يا كانو هو الدبش اكيد حرية شخصية وعمري ما اعترضت على شنو تلبسو لان دبشكم كان مستور مانيش قايل محجب لان الحجاب مش هكي لكن مستور اما اللي لابساته وتين تو مش لبس يا كانو هضا دبش تلبسه مرا لراجلها وحتى بين صاحبتها لا والله ناسية عري المرا بين النساء ليها حدود
كيان .. لا والله مانعرف
انا .. انها مايكونش لابسه فوق الركبة ومايكونش الخط الفاصل بين الصدر باين لكن تقدر تلبس عريان عادي فهمتي تو
كيان .. لا والله مانعرف الحق اول مرة نسمع بيه
انا.. واهو انك سمعتي واعرفيه كويس ماهو واجد صبايا يسحابن طالما انهن بين بعضهن حتى يقعدن عرايا عادي
كيان .. لا والله مانعرف ان في حدود في لبس الصبايا بين بعضهن
انا وهديت شوي .. وتقولي ليا ليش مانعقدش عليها وهيا في العمر هضا
كيان بضحكة .. به عدي راضيها
انا بجدية .. اكيد لا
كيان .. ليش
انا .. لاني مش غلطان لكن اكيد بنعدي نوضح ليها ليش لبسها حرام وعيب (وبتنهيدة ) فعلا شكلي بنتعب معاها
كيان بضحكة .. منك بيدك ربي يزيدك
انا.. هضا ونا سبعك متشمتة فيا امنا كان مش سبعك شنو درتي
كيان .. كنت ضربتك
انا.. من جدك
كيان .. اكيد هضوم عيالي اندير كل شئ عليهم
انا بحب .. هذي كانو اللي نبيها تعرف ادافع على حقها وعلى اي شئ يخصها مش معتمدة على ( وبنبرة دلع زيها ) بابي
كيان بحب كبير .. مهما نكون قوية اعتمادي على بابي مستحيل يقل ولو شوي هو سندي وعزوتي هو باتي اللي ماضنانيش هو هلي قدام راجلي
باتي .. منو هضا
كيان وصبت حضنت باتي .. ومن في غيرك
باتي بغيرة واضحة .. قالتها اللي ليها ساعتين مقمعزة مع عبدو وماعدلت عليا
انا بضحكة .. لا عاد مش لدرجة ساعتين
باتي .. امشي امشي شوف وتينك من بدري تبكي حتى لسومة مابت تسكت وخليلي بنتي نحكي معاها
انا.. اهو ماشي بس ما ادفش وعلى فكرة راهو كانو روحت على طول
باتي .. امشي يامعفن امشي
YOU ARE READING
(سلسلة اقرباء ولكن) الجزء الثاني بعنوان بنت خالتي
Short Storyسلسلة أقرباء ولكن هي سلسلة متصلة ببعض وعشان تفهم الجزء الثاني لازم من قراءة الجزء الاول منها بعنوان (بنت عمي) التنزيل يومي باذن الله اسعدني الوسام كثيرا وحتى قبل ان تنتهي.. حياة #7ابداع 9#ابداع 5#ابداع 6#ابداع #4ابداع
