{يآخاطفي وين القى عزتي في زمآن المذله}

18

.. طحتي من قلبي وعيني

.. طحتي من قلبي وعيني

.. طحتي من قلبي وعيني

حطت يدها على راسها وغمضت عيونها تتأمل ان يكون كل اللي سمعته وهم وسراب والحقيقه غير ومختلف
لكنها متأكده انه هذا الواقع .. تمالك دموعها حتى ماتخرب فرحتها وفرحت اخواتها وبنات عمها .. قفلت الجوال ورمته بدرج الكمودينه بغل وقهر .. ومشت للمرايا من بعدها أتجهت للصاله
حنين كانت واقفه تكلم امها اللي طلبتها تقهوي اهل فهد ..
شهد تضحك : الله على سوالف ياندو تضحك
ندى : اقول شهد انتي مخطوبه ؟!
شهد تحولت خدودها للون الوردي : لا والله ماجاء النصيب لسى
دانا : من صدقك ؟!.. ماعندهم نظ احد يشوفك ومايخطبك
شهد : هذي ارزاق من رب العالمين
ندى : صدقتي والله ارزاق واللي يتحكم بها رب العالمين
مها تدخل المصوره : تفضلي تفضلي
المصوره : بسرعه الله يخليك عندي فرح لازم الحق على العروسه ..
مها : اويك ادخلي هذي الغرفه .. العرسان جوا
المصوره : اوكي مابي احد يدخل حتى يأخذوا راحتهم بالتصوير
مها : من عيوني .. تفضلي

أمـــا بــالمجلس
كانت ساكته وهو كمان .. لكنه كان يطالعها بتفحص ... وماشال عيونه عنها دقيقه وحده ..
شوق رفعت راسها وقالت له ببرود : معجب الأخ
فهد ابتسم على جنب : اممم لا .. بس جالس اتذكر ملامحك قبل 5 سنين كيف كانت والحين كيف صارت
شوق بنظره جديه حطت يدها على خدها ورمشت بعيونها : وحصلت جواب ؟!
فهد يرجع ظهره على الكنب : يس حصلت جواب ..
شوق : اللي هو ..
فهد : ماني مجبر اقوله .. لكن تاكدي ياشوق ان زواجي منك مو هدفه اني اكفر عن اللي سويته .. لالا ياحلوه .. من اهدافي اني ادفعك ثمن كل شي سويتيه فيني فوق ..
شوق تضحك بسخريه : ماتقدر يافهد .. وأتحداك
فهد يرفع حاجب وينزل حاجب ويحط يده على راسه يعدل شماغه : امممم نشوف ..
دخلت المصوره : بسرعه يالله لو سمحتم
دخلت ام ليان : يالله بسرعه الحرمه مستعجله
فهد : اوكي ممكن تتركوننا شوي .. بأخذ راحتي
ام ليان تضحك : اكيد بنخليكم .. انتبه لعروستك . طلعت وسكرت الباب
المصوره تزبط الديكور وراهم .. وبسرعه رفعت الكاميرا ..: يالله لو سمحتم .. تعال ياعريس ورى عروستك
شوق بنظرات حاده له وقفت بدون ماتتحرك .. ( الله يكون بعوني علييك يا نجس .. أكرهك يافهد كره العمى )
جاء وراها ولف يده على خصرها ...
المصوره : لفي وقابليه ياحبيبتي ..
شوق : كذا احسن .. مسكها بقوه ولفها عليه وهي تطالعه بعيون ناريه .. وكره
فهد بصوت واطي : لاتعاندين اوكي ..
شوق تضربه على رجله بقوه : انطم ولا تتكلم حدي قرفانه منك ..
المصوره : بدون حركه .. بأخذ لقطه ..
فهد وعيونه مركزه عليها ( شكلك ما أنتي سهله ياشوق ... وانا بعد لاتظني اني سهل .. صدقيني بتندمين أشد الندم )
شوق ( ياربي احس اني بستفرغ .. آآه بس ياربي اتحمل شوي بس .. )
بعد ربع ساعه من التصوير .. وبعد ماطلعة المصوره .. حست الارض تدور فيها ماهي قادره توقف اكثر من كذا تحملت كثير اكثر من الحد اللي تخيلته فآض بها صبرها .. جلست على الكنبه ودفنت راسها بين يديها ... سكت وهو يطالعها بأستغراب ..
شوق بصوت باكي ونبره حاده : أطلع برآ!!. ماني قادره أستحمل وجودك .. يا نـــجـــس
فهد ( علامها ذي .. تحسبني ميت على جلستي عندها مادرت اني ولا جبت خبرها ) بسكوت أتجهه للباب .. وفتحه .. وقبل لا يطلع بصوت عالي : يــــــــاولــــــــــد
جت ندى تجري له : هلا فهد .. بتطلع
فهد بملامحه هاديه : ايه بطلع شوفي لي الطريق
ندى : ثواني بس اشيك على الممر اشوف في احد او لا .. بعد ثانتين رجعت
ندى : الطريق أمان .. بس بدري بتطلع
فهد ابتسم لها : ماهو بدري بس شكلك ماحسيتي بالوقت ..
ندى تهمس له : وربي البنت ملاك ... من وين طحت عليها
فهد ضحك على سؤال اخته : اسكتي بس .. يالله اشوفك بالفندق .. بروح للمجلس
بعد ما شافت ندى جت وسألتها عن فهد .. راحت للغرفه ودقت الباب : شوق
شوق مسحت دموعها : ادخلي هنادي مافي احد .. دخلت وقفلت الباب وراها
هنادي جت بسرعه وخوف: سوآ لك شي الحقير ..
شوق تهز راسها بلا .. بعد دقيقه طالعت بهنادي : هنادي ابي اروح الحمام .. احس بستفرغ .. ماسكه نفسي من ساعه .. حسبي الله عليه لوع كبدي .. الله يأخذه وارتاح منه
هنادي : اوكي بفتح لك الحمام اللي قبال المجلس محد راح ينتبه ..
شوق : طيب .. بسرعه ..