{يآخاطفي وين القى عزتي في زمآن المذله}

3

طفلة اتسولف لي عن الحـب... بشويـش ..
وانا كذا .. ب شويش ../ مجنون ... طفلة ! 
لاقلت ( احبك بس ) .. صفت لـي الجيـش !
جيش الرموش ... اللي غزتنـي ب غفلـه ! 
وقالت بهمسة ذايبه... (أممم بـس ايـش ) !
هــ ( الأممم ) هذي بـس ياخـوك .. حفلـة !

::
::
::

الساعه 6 المغرب ..
بعد مارجعوا من المزرعه وارتاحوا ... 
كانت بغرفتها وتبكي ..تبكي على حياتها اللي راحت قدام عيونها .. وقفت قبال المرايه 
رفعت بلوزتها وهي تتامل بطنها ... وتمرر اصباعها على جلدها وتنحني مع انحنائته
نزلت منها دمعه من عينها حرقت خدها الوردي تسللت اصابعه ومسحت دمعتها اليتيمه 
فتحت عليها الباب وبسرعه عدلت بلوزتها 
هنادي : شووق ويش فيك واقفه عند المرايا ؟
شوق: مافيني شي بس كنت احط كريم 
هنادي : بطنك توجعك ....لانها شافتها وهي تنزل بلوزتها بسرعه 
شوق : لا ماتوجعني ...انتي تبين شي 
هنادي : لا بس كنت بقولك ان مها تبيك 
شوق : ويش تبي ؟؟
هنادي : مدري .. بس قالت لي اناديك .. انا بروح احل واجباتي اذا تبين شي ناديني 
شوق ابتسمت لها ابتسامه عذبه : لا حبيبتي انتي روحي ادرسي ..وانا بشوف مهاوي 
راحت لمها بالمطبخ تشوف ويش تبي 
شوق : مهاوي ...بغيتيني ؟
مها : يس افكورس بيبي ... بقولك تروحين للسوبر ماركت 
شوق : ليش محتاجه شي 
مها: البيت ناقصه اغراض وانا ابيك تجيبين لي اشياء خاصه اخذها لصحباتي بالقريه تعرفين كل اسبوع وحده تنزل المدينه ....وانا برتب شنطتي مايمديني اروح ..اذا تقدرين تروحين مع جلالي 

شوق: من عيوني بس اكتبي لي اغراضك والاغراض الناقصه وانا اروح 
مها: تسلمين ياقلبي ...الحين اروح اكتبها 
طلعت شوق وراحت للصاله وتسمع ريم وسحر يتكلمون عن الكريمات والاهتمام 
شوق: انا رايحه السوبر ماركت اجيب اغراض احد ناقصه شي
ريم وقفت : اجل بروح معك بشتري لي كريمات 
شوق : اجل تجهزي اوكي مو تاخريني لاني مابي اتاخر على مهاوي سامعه 
سحر : ريم لاتنسين تجيبين الكريم اللي قالت عنه لينا 
ريم: طيب اذا تبين شي قولي لي قبل اروح 
سحر : اجل بعطيك فلوس ...تعالي وراحوا للغرفه 

::
::
::

بــــالــــريـــــاض
ندى : وليش راح فهد ؟؟ 
امها: مستعجل ...ومايقدر يطول هنا 
ندى : يمه قولي الصدق صاير شي صح 
امها بتافف : ايه تهاوش مع ابوك ..
ندى : يمه هو ابوي ليش طلق ام فهد 
امها عصبت : ندى انتي ماتملين من اسئلتك 
ندى : يمه كل ما اسئل احد هالسؤال ماحد يجاوب عليه 
امها : طيب خلاص لا عاد تسالين هالسؤال سامعتني 
ندى: وليش طيب تكفين يمه جاوبيني 
امها : يايمه لاتنبشين اوراق انطوت .. ولاعاد تجيبين هالسيره على لسانك 
ندى : اجل اكيد في سر 
امها وصلت معها : انتي من وين تفهمين .. اتكلم عربي انا مافهمتي 
ندى : لا مافهمت .... وابي اعرف وراح ادور اجابه هالسؤال 
امها : اجل تحملي اللي راح يصير لك سامعتني .. وقامت عنها وتركتها تتحلطم 
ندى بقهر : ليش كلهم كذا ..السالفه فيها أن وانا اللي راح اكشفها ..