وصلت انا وبابا للدشرة شحال بعيد كبرنا فالطريق دخلنا داخل واحد الفيرمة الناس ليلتم كامل تلمت تقرعج وتشوف شكون حبط بابا هو اللول ونشوف ناس الفيرمة كامل تتهامس وتتخازر مابيناتها ويشوفو في بابا تسما باين بلي يعرفوه امبعد حبطت انا وخاوتي وكنت محظ الأنظار بالتأكيد كامل حلوا عينيهم وقعدو يخزروا فيا شغول جيتهم بيزاغ شديت خياتي وبابا كان رافد حومي بيسك صغير ودخلنا فواحد الباب مقوسة وكبيرة والداخل فيها ساحة كبيرة معمرة بالنوار والحشيش والبيوت معمرة مع الدروج وفي لوسط كاين نافورة صغيرة بانلي بنيان قديم بزااف مي متحوف يبان ضمن الآثار خرجو النسا ليكانو لتم زعما محجبات كامل مع بناتهم ودخلوا الرجال مع ولادهم ياجدكم فاميلة بابا تتورخ شعب قورصو ماشي هاك 😂 وانا ماعرفتش كامل مين نبدا نسلم قاعدة نمد غير في وجهي الفاتشا تاعي تمحات وحناكي تفلاشاو المهم كملوا التسلام ودخلنا عند يمات بابا لدارها مع خاوتي وبابا مسكين كان حاط راسو ويبان فوجهو توحش ميمتو نوخة: ايه آسي علي تراك نسيت ميمتك ونسيت أصلك اممم حنان لهاد الدرجة بعداتك علينا انا كيسمعت اسم يما محملتش وسيرتو بابا كيفاه كان محبط راسو ويسمعلها مي نونو غير يما البنات أسماء: طاطا بابا منساكمش ونقولك حاجة باحترام ماتجبديش ماما وهي مزال منشف ترابها ودرت وفعينيا الدموع ايه البنات ماما كان عندها 3 شهور برك ملي ماتت وموت الفجئة تسما انا بلوكيت عامي باش نلتا بخاوتي صغار مكاش ليقومهم نوخة دارت روحها تخلعت ودارت لعلي هكدا:😨 علي: إيه ما حنان ماتت (وغمض على عينيه ) نزهة هبطت راسها ونطقت : وهادو ولادك ؟! علي : ايه ما هادي الكبيرة أسماء وليتحتها بتول وفتون والصغير محمد نوخة : الله يبارك وما عودتش الزواج علي : كيفاه آ ما مرتي مزال منشفش قبرها نتزوج نوخة : والدراري شكون راه قايمهم علي : بنتي أسماء الله يحفظهالي يماها خلاتهملها أمانة والحمدلله قايمة بيهم ومربيتهم التربية ليلزم نوخة خزرت فأسماء بنص عين وقاعدة تكيل فيها ملفوق للتحت أسماء حشمت وحظنت حومي وزيرت عليه نوخة : وقدام عمرها؟! علي : 230سنة ما نوخة : هاتي لهنا الطفيل هاتي ؟! أسماء مدت حومي لنوخة وحبطت راسها نوخة : اسمعي نتي ماكيش فالعاصمة باه تعريلي رويحتك هاك ، هنا كاين ولاد عمومك الناس عيب دوك تروحي تنحي عليك هاد الصنعة مانيش حابا الناس تهدر !! أسماء جات تنطق خزر فيها باباها خزرة تاع موت تاع اسكتي ونفذي ناظت وقاتلها مين نبدل ونحط حوايجي بعتتها مع الخدمة للبيت لموجدتهالها ولي هي بيت نوخة دخلتها وقاتهل دير حوايجها فالخزانة بدلت أسما وبدلت لخياتها لبسة أسما ⏬⏬
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وهبطت لعند مانها مع خياتها لقات باباها خارج وصاها على خياتها وقاللها كاشما تسحقي عيطيلي امبعد جات داخلة البيت حتى تشوف فنوخة تبوس وتعنق وتضحك مع حومي حكمها الضحك هاديك الدقيقة مي مبينتش امبعد حمحمت ودخلت نوخة رماتلها خيمار باه ترميه على كتافها نوخة : لونك غي لون يماك أسماء : الله يرحمها (وتبسمت بمكر) نوخة : وطايرة كيفها أسماء : استغفر الله العظيم واتوب اليه شوفي العجوز كلش كلش غير يما خط أحمر ملخر نوخة : يالعيضارية الكلبة هكا تهدري معايا خماج ني نتيجتك انا ديجا نوضي عاوني البنات فالكوزينة أسماء : نتي جبتيها لعمرك ديجا هادا وين وصلت خلينا نستراحو شوية اطيلي الطفل نبدلوا ونرقدو مع للبنات رام عيانين ناظت نوخة هازة الطفل ماحبتش تمدهولها وقاتلها أبعتيلي البنات انا نرڨدهم حابا ريحة بني أما نتي روحي زعقي بعيد خي تربية خي أسماء معندهاش وخلاتها تدي البنات بيسك عمبالها بلي تتهلا فيهم سيرتو كيشافها تلعب مع حومي آلوغ خرجت وقعدت فالنافورة تدير فالسالفي وتعوج فروحها والبنات ليلتم يتغامزو عليها امبعد راحت واحدة فيهم باش تنوضها وتقوللها تستر كتافها لينا : بنت عمي معليش تدخلي الداخل وتتصوري بيسك دوك كاشما يدخل مالرجال ولا ولاد العم عيب يشوفوك هكدا أسماء : آحي تسما مافيهاش لينا : سامحيني مي لازم القدر فهاد الدار ماشي كيما العاصمة أسماء : قصدك بنات العاصمة مايحشموش لينا : لالا حاشا اصلن فكل بلاص كاين المليح وكاين الدومي جات تنطق أسماء حتى تسمع راجل يعيط لينا!! ودارت وياليتها لم تستدر ااااه مذا الملاك واو بقلاوة باللوز معسلة بعسل عسيلة تاع هاديك الباطة ليفيها دب والسمن ليفيها تاع مدينة وخلي ريحة المزهر ولافاني الله الله مع فرينة ماما وزبدة ماني خص بابا وجدي ونتزوج حبة بقلاوة مع حبة تشاراك يااااع ماهءا الجمال ....هههه هادا واش كانت تخمم وهي تخزر فيه وحالة فمها ..... وفجأة تنقض نوخة وتفسد المشهد البليودي نوخة ملبالكون: يالخماج ماشي قتلك اشتري روحك يابنت الكلب أسماء : ااا نوخة واقيل جاك الزهايمر هالكلب هو بابا والكلب مايزيدش بلا كلبة ولا راني غالطة نوخة : اااا قليلة تربايا ياوحد الفاسقة أسماء: العجوز بديتي تخلطي كاشما بلعتي كاش دوا نوخة : نا بديت نخلط وما بلعت والوا ياوحد يالهجالة اااه طلعلي السكر ونتي ليراح تبلعيني فالكاشيات نتي اااه السكر أسما: ااا العجوز راكي مدوخة مكاش مشكل نبلعك ناكستا فالشباب ........ هي ماكملتش هدرتها ويجيها كف من حيت لا تدري يتبع .....
