❤هِيَهِ آلُنْفُڛ وُآلُريَهِ ❤

37

فهد،لحد يفتح الباب على امنيه
صفا ولاء ديرن بالجن تفتحن الباب والله احبسجن وياهن هم
ام فهد،غير نفتهم ليش حابسه شمسويه
فهد،يمه لسانه طولان وتعاند كلش
خليه محبوسه بلكي تعقل
ام فهد،يمه خطيه عقله صغير ماتفتهم لاتحبسه خطيه
فهد،لا يمه خليه وحده
ام فهد،اهله وين لعد
فهد،اهل امه عدهم عرس وراحو قبل شويه
ام فهد،امنيه ليش مراحت وياهم
فهد،اني ماخليته تروح يمه
ام فهد،اووف منك يمه لاتقسى علبنيه
فهد،قابل شمسوي اني هسه هيه تخلي الواحد يفقد اعصابه غصب
اروح اشوفه مو امان هاي خاف تسوي شي بنفسه

امنيه،ضليت فتره طويله بلغرفه وحدي كرفصت على نفسي وحاولت انام
بس ماجاني نوم درت وجهي علباب بعد ماسمعت صوت
وبهل اثناء دخل فهد صارت عينه علملابس
ضل صافن

فهد،لج خبله هاي شمسويه
عاط بيه
امنيه،ليش لازم ضجت على ملابسك الغاليات
تستاهل
فهد،كوه لازم نفسه حتى مايضحك
وهو يشوف كل ملابسه بلكاع مشكك والميز مفتوح مابي ولا قطعه ملابس
انتي جلدج يحكج على كتله مو
لج عدي اجتماع بعد شويه شلبس هسه
امنيه،شعليه بيك
فهد،شعليج مو
اني هسه طالع وارجع بعد ساعتين اريد الكه الغرفه تلمع لمع من النضافه هاي الهوسه كله تشيليه وتمسحين الارضيه
وهاي الملابس الي شككتيهم ترجعين تخيطيهن من جديد واذا رجعت ولكيتج مامكمله الشغل
ماراح تتوقعين شنو يصير بيج

امنيه،صافنه على طلباته شيحجي هذا
شنو شنو؟ والله ماتحرك منا ولا انضف ولا اسوي شي
فهد،اني كلت العدي حبيبي بس اذا تحبين اشوفين فهد من يقفل لاسوين شي

امنيه،كمل كلامه وطلع عافني وي هل هوسه كله
هذا يحجي صدك يريد ارجع اخيط هل ملابس من جديد
لا اكيد مخبل هذا مو صاحي
واني جاي ادردم وي نفسي انفتح الباب

فهد،هاج هاي علبه بيه كلشي يخص الخياط وهاي مالت التنضيف
يله كومي اشتغلي
امنيه،مااااااا والله ماشغل لو شسوي
فهد،باي حبيبي

فهد،طلعت واني ميت ضحك عليه شلون مخبله يربي
خابرت صاحبي يجيبلي لبسه مرتبه ويلحكني للمستشفى
لان وفد من وزاره الصحه جاي يتفحص المستشفى

امنيه،يحلم انفذ اوامره لو تطلعله نخله براسه ماكو ماشتغل عده اني
حطيت المخده فوك راسي وغمضت عيوني
يربي جوعانه الساعه ب11 ولسه كلشي ماماكله
وهذا الافندي ماجابلي اكل
اخ بطني 😭😭😭
ماجابلي اكل واني هم ماكو وانفذ طلباته غرفته وهو ينضفه
طلعت المبايل ضليت اكلب بي اونس روحي شويه
مرت ربع ساعه والنص ساعه وساعه كامله
مرت واني كاعده وحدي
اوووف اوووف مليت وحدي شلون

اكوم انضف الغرفه لان فهد واعرفه اذا يحجي حجايه مايرجع بيه
وكلش عادي عده يكسر رجليه 😒

راح اكوم انضف بس طبعا مو علموده لان اني ضايجه وماعدي شي اسوي
(عود تقنع روحه😂😂)

كمت لميت الكزاز كله ومسحت. الارضيه
وكعدت على الجربايه اخيط بلملابس
هسه شخيط منهم مشككات كلش مابيهن مجال يتخيطن 😭😭
كعدت ارهم بيهن شلون ماجان
مرن ساعتين واني اخيط

امنيه،ياااابه ضهري انكسر من الكعده عيوني يوجعني 😭😭
اووووف صارت الساعه وحده واني لسه بلا اكل
ذبيت الملابس وكمت افتر بلغرفه فتحت الميز مالته لكيت صور هواي طلعتهن وبسطت بيهن على الجربايه
نصهم صور الي واني صغيره واكو اول ايام دوام بلابتدائيه

وصور اني وياه باعياد ميلادي
وصور لخواته وعمتي وعمو بس معضمهم الي اني وياه
سمعت صوت فهد طفرت بسرعه لميتهم كلهن ورجعتهن للميز وكعدت فتحت جهازي

دخل هو
فهد،سلام عليكم
امنيه،😒
فهد،وعليكم السلام
هممممم زين منضفتهه
ذني الملابس كومي ذبيهن بلزباله
امنيه،شنوووووو
شنو اذبهن ضهري انكسر واني اخيط بيهن شنو تريد اذبهن
فهد،اي اذبينهن طبعا شسوي بيهن لعد
ماتشفين شلون صارن مركعات حتى مايلبسن بعد
امنيه،ليش هيج لك ضهري انكسر تعبت بيهن 😭😭😭
فهد،حتى تتعلمين مره ثانيه مطولين لسانج
يله كدامي كومي
امنيه،ما والله ماكوم والله
تدري من الصبح لسه ماماكله وميته جوع وانته مامهتم 😭😭😭
فهد،اي كومي ذبي ذني ونتغدا سوه اني جايب اكل وياي
صيري حبابه وكومي من اول حجايه حتى لاتنحرمين من الاكل لباجر
امنيه،اوف اوف
كمت لميت الملابس كلهم وطلعت كدامه واني نار من العصبيه
نزلت جوه ذبيتهن يلحاويه مالت الزباله
وهو وراي يمشي
يله وين الاكل ذبيتهن

فهد،كولي اسفه اول
امنيه،على شنو اسفه بله؟
فهد،على سالفتج مالت امس
امنيه،ماسويت شي
فهد،لو تعتذرين لو اضلين بلا اكل وتنحبسين
بلغرفه
امنيه،اسفه
فهد،ماعيده بعد وماعاندك وشيصير وياي اكلك بي واخذ اذنك بكلشي
امنيه،ماعيده بعد وماعاندك وشيصير وياي اكلك واخذ اذنك بكلشي
فهد،عفيه بنيتي يله تعالي نتغدا
امنيه،نتغدا؟ وحدي اكل انته روح وحدك 😒
فهد،ههههههه لا ميصير لازم اكابلج واكل يله يله
ترى اني هم بلا ريوك

امنيه،جان جايب بيتزا وببسي وياه
اكلنه وخلصنه وسحبني من ايدي وصعدني وياه لغرفته
وين عوفني اريد انزل ضجت من هل غرفه
فهد،مو بكيفج حبيبي انتي تبقين بلمكان الي اني بي

بله اني هسه من اريد اطلع شلبس ها ؟
اكو وحده مخبله هيج تسوي
هسه دعوفي قطعه وحده لا كله مدمرته
امنيه،اشتري قابل شنو صعبه مثلا 😒
فهد،اي اكيد اشتري بس مو اني انتي
العصر نروح وتشتريلي ملابس على ذوقج
امنيه،ماطلع وياك
فهد،مو بكيفج
هسه عوفيني ادخل اسبح متت من الحر

امنيه،راح سبح واجه بس فانيله وشورت
البس شي عاد شنو ماتستحي 😳
فهد،ههههه ليش انتي شمخليه حتى البس
اتحملي نتيجه افعالج.
--------------*
انتضرو بلسحور بارت 😘