❤هِيَهِ آلُنْفُڛ وُآلُريَهِ ❤

34

بعد حرب دامت نص ساعه وي فهد طبعا حرب مال بوس وحضن ههههههه
كل ماريد انزل يسحبني لحضنه مره لخ
ومايقبل انزل ابد

لمن اندك الباب مال غرفه
فهد،استغفر الله يعني واحد ميرتاح
منو
ولاء،فهد اكو احد يصيحك بلباب
فهد،جاي جاي
انتي ابقي هنا اروح اشوف منو وراجع

امنيه،لا شنو ابقى هنا انزل جوه يم عمتي
فهد،ههههه عبالج تخلصين مني لا حبيبي لا
اليوم طويل والليل اطول بعد
وين تروحين مني
امنيه،فهههههد
فهد،ههههه خلي انزل اشوف منو هل حيوان الي خرب عليه

امنيه،راح فهد واني نزلت يم عمتي والبنات عمو جان طالع قبل الاذان يجي
ربع ساعه ودخل فهد عصبي ومبين عليه مضايق كلش

صعد لغرفته ورحت اني ورا
لكيته يريد يبدل

امنيه،فهد شكو شصاير
فهد،مصاير شي انزلي جوه يم البنات وامي اني طالع عدي شغله اخلص واجي
ويمكن باجر يله ارجع
يحجي وهو يلبس قميصه)
امنيه،شكو شنو هل شغله هاي
حجيت بخوف
فهد،بعصبيه، امنيه مالي خلك ترى وروحي طافره عوفيني احسن
امنيه،اخذ مبايله وطلع من ميزه فلوس وعافني بلغرفه وطلع

انهضمت منه كلش شلون هيج اجاهلني وعافني وحدي
وهو اليوم اجه وصارلنه اربع ايام ماشايفين بعض
نزلت دموعي غصب عني
شويه ونزلت لجوه لكيتهن كلهن كاعدات بلصاله

امنيه،صفا شكو شصاير ليش فهد طلع هيج عصبي
صفا،ولج واحد من ولد عمي متعارك وي واحد علمود لعبه وضاربه وهسه الولد بلمستشفى
وعشيرته الولد طالبين فصل وصايره مكافش هناك
وبابا وفهد راحو هسه
امنيه،يعني الولد ماميت!
صفا،ماعرف بس كالو بلمستشفى
امنيه،ياربي بس لا يصير شي بفهد
هو عصبي وبس واحد يزلكله بحجايه فهد يتخبل
صفا،اي والله وذولاك مبينين شرانيين
يحبون العركات
امنيه،اوووف يربي هسه فهد شعليه بسوالف العشاير

ضلينه كلنه على نار ونتصل محد يجاوب
عمتي تتصل من صفحه واني من صفحه صار الليل واحنه مانعرف شي
حتى عشى ماتعشينه
لمن دك جهاز عمتي كلنه ركضنه يمهه

ام فهد،الو ها ابو فهد شصاير ....... ها خوش وفهد وين خو مصاير شي وياكم ...... الحمد الله شوكت ترجعون ........توصلون بلسلامه ان شاء الله

امنيه،ها عمه بشري شلونهم
ام امنيه،الحمد الله زينين مبيهم شي ومخلصين الفصل ومنطينهم فلوس
وكال راجعين بس مايعرفون شوكت يوصلون

امنيه،يا عمه غير همه بلكوت شلون هيج يطلعون بهل وكت
ام امنيه،والله يمه فهد ماقابل يبقون اكثر
وراجعين
صفا،ان شاء الله يوصلون بلسلامه
ام فهد،يله تعالن نحضر عشه نتعشى

حضرنه العشى وكعدنه حتى ناكل اني ماكلت هواي مالي نفس ابد
وبعدني مضايقه من فهد كلش
بعد مخلصنه اكل كعدنه نتفرج تلفزيون ونسولف
بس بالي ابد مو هنا
صارت الساعه 11 ومحد اجه البنات كامو نامو ضلينه بس اني وعمتي