❤هِيَهِ آلُنْفُڛ وُآلُريَهِ ❤

33

مرت الايام واليوم لازم يجي فهد
خابرني الصبح كال طلعت
وهسه الساعه ب4 العصر ولسه ماكو كلبي كام يوجعني واتصل وميرد
بالي انشغل بي وخوف اكل كلبي
حتى المعهد اليوم مرحتله كلت خاف يجي من وكت
وحتى اذا رحت ماراح اركز لان اضل احسبله شوكت يوصل
وهسه ميته خوف عليه لان اتاخر 😭
خابرت صفا سالته اذا اتصل او لا
هم مامتصل عليهم
يارب يكون بخير ويرجع سالم😞
ضليت حاطه الجهاز يمي وصافنه منتضره يتصل
وكل دقيقه اتصل اني بس ماكو مغلق
بين ماني احاول اتصل اجاني اتصال من رقم غريب
ترددت اجاوبه لو لا خاف فهد هذا
جاوبته بس ماحجيت لمن سمعت صوته

فهد،الو
امنيه،اووف ردتلي روحي ماعرف افرح لو ابجي
الو فهد
فهد،هله حبيبي شلونج
ليش تبجين
امنيه،جنت خايفه عليك ليش تاخرت هيج
واتصل بيك جهازك مغلق 😭
فهد،يروحي اسف والله
بس ازدحام من طلعنه لسه وجهازي مخلص شحن وطافي مادري بي
وهسه جاي اتصل بيج من جهاز صديقي
لاتخافين وردتي فد ساعه واني يمج
امنيه،تعال بسرعه
فهد،ان شاء الله بنيتي
يله هسه لازم اروح ومن اسده هذا الرقم حضري
امنيه،ليش احضره؟
فهد،احضري وبس 😒
امنيه،ههههه ماشي احضره
فهد،لج فديت هل ضحكه شكد مشتاقلج اني
امنيه،مو بكدي والله ☹
فهد،روحي ترى راح اتحول
امنيه،ههه يله باي
فهد،بايات حبيبي

امنيه،سديته وخابرت صفا طمنته انو هو بخير وراجع
كمت اني رتبت نفسي وعدلت وكشخت وكذا صارلي واهس 😂 منتضرته يجي
صارت الساعه ب6ونص اندك باب بيتنه طلعت اركض
فتحته بدون ماعرف منو
شفته كبالي 😍اويلي فديته اني وعشيرتي
جان لابس تيشيرت ابيض  وبنطلون اسود وشعر يخبل يخبل
دمعتي بطرف عيني صارت،من خوفي عليه اليوم
دخل وسد الباب ورا واني بعدني نفس وكفتي

فهد،شنو ماكو حضن ترى مشتاق
امنيه،كانو احد ضربني وكالي شبيج انثولتي
روحيله احضني اشبعي من ريحته
حضنته بكل قوه عندي احس نفسي دخلت بعضامه
طبعا اوصله لبطنه اني
هو هم حضني ورفعني من خصري ودافن راسه بركبتي

فهد،اوفيييييش لج هسه ردتلي عافيتي
امنيه،واني اشهك
فهد،ليش يعمري ليش تبجين شبيج
امنيه،خفت عليك هواي
فهد،اسف يعمر فهد انتي حقج عليه والله
بس مو بيدي الصار
وهسه رجعتلج
امنيه،لاتعوفني ولاتخوفني عليك بعد حباب
طول هل وكت واني متعلكه بركبته
مشتاقتله بكد الدنيه هاي كله
شوكت اجيت
فهد،قبل ربع ساعه رحت سلمت على الاهل وغسلت وبدلت واجيتج ركض

هسه شنو حبيبي
امنيه،شنو
فهد،تروحين هسه تكولين لماما اني هنا حتى اسلم عليه
وتبدلين ملابسج حتى تجين وياي
امنيه،اجي وياك؟ وين؟
فهد،اي وياي للبيت اليوم اريدج تنامين يمي بحضيني اريد اطلع ضيم هل 4 ايام بيج
ومانسه سواياتج ابد
امنيه،هاي هيج حاقد عليه 😟😔
فهد،هههه لج اموت وماحقد على وردتي
امنيه،فهددد شنو هل حجي
يله تعال حتى اخبر ماما
دخلت وسلم فهد على ماما وكالله يريد يخاذني وياه
وباجر ارجع عود
رحت اني غيرت ملابسي ولبست حجابي ونزلت

ام امنيه،ماما عاد اخذي وياج ملابسج وكتبج عاد مناك وروحي للمعهد فهد يوصلج
امنيه،ماما ماريد اداوم اليوم
ام امنيه،اليوم غايبه ميصير باجر هم هواي مواضيع تفوتج
امنيه،يبووووو هسه شيخلصني من فهد

فهد،ليش غايبه اليوم؟
ام امنيه،مادري بيه راد يوصله ابوه كالت مابيه حيل اروح وماعدنه شي ومراحت تعرف ابوه ميضغط عليه
فهد،الله كريم
امنيه،اعرف ورا هل الله كريم بلاوي واسئله للصبح وتحقيق 😧
فهد،يله امنيه جيبي ملابسج وكتبج وتعالي بسرعه
امنيه،شنو هاي حباب ماريد اداوم باجر
فهد،سمعتي شكلت امنيه
بسرعه
امنيه،اوووف ماجادلته لان ماما واكفه واكثر شي يكره من اعانده كبال احد لو اضل ارادد
رحت بسكوت جبت ملابسي وكتبي ونزلت

اخذ فهد الجنطه ورحنه لبيتهم
بلطريق
---------
فهد،ليش حضرتج اليوم ممداومه ها!
مو مليون مره كتلج لاتفوتين درس عليج
امنيه،اي كايلي بس اليوم غبت لان جنت منتضرتك ومشتاقتلك هواي عبالي تجي من الصبح وحتى لو رحت مراح اركز لان بالي يمك
فهد،خوش عذر
امنيه،ههههه لا والله مو عذر والله
فهد،نوصل واني اعلمج
امنيه،شنو شسويت
فهد،ماكو شي حبيبي ماكو شي
يله دخلي

امنيه،دخلت للبيت سلمت على عمتي والبنات
ولاء،عاش من شافج عيني طول هل مده ماشفناج شعجب اليوم اجيتي
امنيه،ههههه والله عدي دوام وقرايه مالحك
انتن ليش ماتجن
ولاء، انتي تعرفيني سادس وهم امتحاناتي قربت وجاي اقره
فهد،ولج عوفي امنيتي لازعجينه
ولاء،ههههه لا عمي مانزعجه عفناه
امنيه،يالله شكد خجلت من حجيهم

ام فهد،يمه اهلج شلونهم
امنيه،كلهم بخير عمه يسلمون عليج
ام فهد،عساكم بخير
امنيه،تسلمين عمه
صفا وين لعد
ولاء،صفا بلغرفه جاي تعزل
فهد،امنيه روحي ودي جنطتج للغرفه
امنيه،عرفته يقصد غرفته حتى يجي وراي 😂
لا دكتور فهد لا
رحت لغرفه البنات سلمت على صفا وكعدنه نسولف ودخل فهد مبين عصبي لان ماسمعت كلامه
بس شافني وطلع بدون مايحجي شي

صفا،يا شبي فهد
ولاء، غار لان شاف امنيه يمنه وعايفته وحده
صفا،ههههههه اي يمكن
امنيه،هههه شوي وجايه
رحت لغرفه فهد دخلت بدون مادك الباب
شفته واكف يم الكنتور مالته مدري شيسوي

فهد
حاجيته بعد مسديت الباب
فهد،نعم شكو شتريد جايه هسه
امنيه،رحتله وهو على وكفته وجاي مدري شيدور بي حضنته من ضهره
مشتاقتلك انته شنو مامشتاقلي
فهد،روحي رجعي يم البنات شعدج جايه يمي

امنيه،هههه اسفه بس حبيت اداهرك شويه
التفتلي
فهد،اداهريني مو اني اعلمج شلون اداهرين فهد
امنيه،عااااااا لا فهد نزلني حباب
رفعني بسرعه من خصري ويفرني بلهوى
فهد حباب نزلني بابا والله ادوخ حبااااب
مشه حطني على الجربايه اوجه قريب كلش من وجهي واديه داير مداير ركبته

فهد،بهمس
ولج مشتاقلج مشتاق لكل ذره بيج مشتاقلج لدرجه ماتتوقعينه
نزل عيونه لشفايفي
ومشتاق لذني
وطبك شفايفه على شفايفي ماخلاني احجي شي
يبوس بخبال باشتياق واديه تتحرك على جسمي
ماعرف شكد مر الوكت وهو يبوس بيه
لدرجه كمت ارافس لان اختنكت
يله عافني

------------------&

مساء الخير ان شاء الله تكونون بخير
طبعا ماحذفت القصه علمود البنات الي كالو لاتحذفيه
💕