❤هِيَهِ آلُنْفُڛ وُآلُريَهِ ❤

25

مـوش فـدوه افـديك يل تـسوه الـفداوي
انـه احبك ..
حيـل احبك ..
والـلــه احبك ..
يـاتـرف يـابـو الـبـلاوي ..💙🙈
،
،
امنيه،تشجعت وكمت كعدت يمه علقنفه
فهد ،،،،،فهد،،،،،فهد جاي احجي وياك
طفر من مكانه وصرخ بوجهي
فهد،شكو شكو شتردين بعد ها شتردين
امنيه خليني لازم روحي عنج احسن الج لان مادري شسوي

عافني ودخل وحده من الغرف
كعدت علقنفه ابجي
ليش هيج حضي مايخليني افرح وتكمل فرحتي ليش
ضليت ابجي مده لمن تعبت وفهد لازم اراضي قبل لايجون
رحت للغرفه الدخل بيه لكيته نايم علجربايه
حاط ايده على بطنه وايده الثانيه ماده علجربايه
ومغمض عيونه
مشيت باتجاه الجربايه وصعدت نمت يمه وحضنته كل قوتي من خصره وراسي صار على صدره على جه كلبه

ضليت فد خمس دقايق ماسوي شي ولااحجي بس اراقب نفسه وشلون راسي يصعد وي صدره لمن ياخذ نفس
بعدين حسيت باديه تريد توخر اديه من خصره
حضنته بعد اقوى وادفن راسي بصدره

بابا فهد اسفه والله والله مادري راح يصير هيج وتكبر السالفه على شي تافه
سامحني بابا اذا تريد تضربني او تحبسني هنا او تسوي بيه الي تريده
بس لاتزعل مني والله ماتحمل تبقى زعلان عليه
احجي واناشغ
سكتت بس ابجي

حاجيني رزلني بس لاتضل ساكت
اخذ نفس طويل وحبسه
حسيت بي شكد مقهور وزعلان مني

ادري اجاوزت الخطوط الحمر وضوجتك كلش
وسويت شغلات انته مانعني منه
اسفه سامنحني

فهد،كافي بواجي
كافي كلت
امنيه،مسحت دموعي وسكتت ضليت على وضعي الي حاضنته بي
فهد،التصرفات الي تصرفتيه اليوم مامقبوله كلش
واذا انعادت مره لخ ماراح تشوفين فهد هذا الهادئ اجنبي غضبي افضلج
امنيه،بابا والله اسفه
فهد،اششششش كافي ولا صوت
امنيه،بس،،،،
فهد،اشش كلت
امنيه،سكتت وغمضت عيوني ضليت منتضره يحضني بس ماكو على نفس وضعه ولا تحرك
وبعد مادري شصار

فزيت على اصوات
باوعت ماكو فهد كمت طلعت لكيتهم جايين
سلمت عليهم وكعدت يمهم، وفهد ماموجود

علا وين فهد
علا،طلع قبل شويه
امنيه،اوووف وين راح
جانت الساعه ب1 الضهر
شفت العلاكه مالت الملابس الجبتهن
خرب شكد فكر هل ملابس من وراهن صارت سالفه شكبره
حتى حرام بيجن الفلوس
اهلي وعمتي وزوجه دخلو لغرفهم ينامون
اني ضليت بلصاله كاعده منتضره فهد شوكت يجي
الهي نفسي بلمبايل
صارت ب3 وهو ماكو
شويه ودخل كمزت وكفت كباله

امنيه،وين جنت
باوعلي بنضره شنو ليش تسالين
اخذ وقت يله جاوب
فهد،لكيت صديقي هنا ورحت اسلم عليه
امنيه،صديقك لو غير شي
اجت ابالي حجي صفا البارحه
لا لا فهد مستحيل يسويه
فهد،شبيج انتي وليش تسالين اصلا
امنيه،حباب وين رحت بداعتي
فهد،لج بابا غير كتلج يم صديقي الدكتور هنا ورحت سلمت عليه
وبعدين ليش تسالين
امنيه،لا ماكو شي

---------*
اسفه هذا الكدرت عليه
وتعبانه هسه كلش كوه مفتحه عيوني
تصبحون على خير