Love For Poetry

Tanong Ko Lang

TANONG KO LANG

Nasa aklatan lang ako nung nilapitan mo ako

hindi kita pinansin dahil hindi naman kita kilala kamo

Pero nagsalita ka bigla at sa aki’y nagpakilala

Tanong ko lang, isa lamang ba ‘yung dula?

Hindi kita sinagot at iniwan kita roon

ngunit hindi mo ako nilubayan pagkatapos nun

At ginawa mo ang lahat malaman lang ang aking pangalan

Tanong ko lang sa’yo, ako mo lang ba’y pinagtripan?

Di nagtagal, sinabi ko rin ang pangalan ko

dahil sa oras na’yon ay may gusto na ako sa’yo

At pagkatapos ay ang “Oo’ ko naman ang gusto mo.

Tanong ko lang, ikaw ba nun ay seryoso?

At ginawa mo na naman ang lahat

bigay ng tsokolate, bulaklak t’saka ng sulat

sulat mo roon, ikaw sa akin ay karapatdapat

at tanong ko lang, ikaw ba’y nung oras na iyon ay tapat?

Gusto mo ako at gusto rin naman kita

kaya sinagot kita, wala na kasing problema.

Napatalon ka sa tuwa at ako’y sobrang masaya

pero tanong ko lang, ikaw ba noon ay masaya talaga?

Naging masaya naman ang sumusunod na mga araw, linggo at buwan

pinakita mo talagangng ako’y mahal na mahal mo man

pero dumating ang ating unang taon at wala ka.

Tanong ko, sa panahon na iyon ay nasaan ka?

Isang linggo na at hindi ka parin nagparamdam

tinext kita’t tinawagan pero wala, di ko na alam

Bakit nawala ka nalang bigla na parang bula?

Tanong ko lang ulit, sa oras na iyon tayo ba’y tapos na ba?

Pinuntahan pa talaga kita sa inyo nun

nagbabasakaling may sakit ka kaya nangyari yun.

Nakita mo ako pero nakita rin kitang may kahalikan na iba

kaya tanong ko lang, ako’y minahal mo ba talaga?

Umuwi ako at sa loob ng kwarto’y umiyak

Hindi mo ako sinundan kaya ako’y mas napaiyak

“Bakit? Anong nangyari bigla sa amin?” sabi ko

at natanong ko nalang, “anong mga pagkukulang ko sa’yo?”

Sa pagkakaalam ko, wala akong naging pagkukulang sa iyo,

kaya huling tanong ko lang, ginawa mo lang ba akong isang gago?