"သူ" သာလျှင်.....💘

Part-12

နေမင်းမဟာ ဟာ အခန်းထဲက ပစ္စည်းတွေကိုကြည့်နေရင်းဖြင့် အခန်းထောင့်က စားပွဲပေါ်မှာတင်ထားတဲ့ သေတ္တာသေးသေးလုံးတစ်လုံးကိုတွေ့လိုက်တယ်....
'ဟင်....ဘာသေတ္တာလေးပါလိမ့်....'

သေတ္တာကသော့မခတ်ထားတာနဲ့ နေမင်းမဟာလည်း သေတ္တာအဖုံးကိုဖွင့်လိုက်တော့ အတွင်းမှာ မြင်လိုက်ရတာက မှတ်စုစာအုပ်တစ်အုပ်.....
'မှတ်စုစာအုပ်က ဘာလို့ ဒီအခန်းထဲမှာရှိနေတာလဲ'

မေမေ့ရဲ့ မှတ်စုစာအုပ်လား....ဒါမှမဟုတ် အရင်က ဖေဖေရေးခဲ့တဲ့စာအုပ်များလား....နေမင်းမဟာ စဉ်းစားနေစဉ်မှာတင် အခန်းဝကနေ လှမ်းအော်ပြောတဲ့ကြီးမြင့်အသံကို ကြားလိုက်ရတဲ့အတွက်..... စာအုပ်ကို သေတ္တာထဲကနေ ထုတ်ပြီး သူ့အင်္ကျီထဲအမြန်ဝှက်လိုက်ကာ... သေတ္တာအဖုံးကိုပြန်ပိတ်လိုက်သည်....

'သားရေ.ဒီအခန်းကို..ကြီးမြင့် သော့ခတ်တော့မယ်....'

'ဟုတ်...ကြီးမြင့် '

နေမင်းမဟာက ထိုအခန်းကနေ ထွက်လာတော့ ကြီးမြင့်က အခန်းတံခါးကို သော့ပြန်ခတ်ကာ အောက်ထပ်သို့ပြန်ဆင်းသွားသည်...

နေမင်းမဟာလည်း သူ့အခန်းထဲသို့ ခပ်သုတ်သုတ်ဝင်လာပြီး တံခါးကိုအမြန်ပိတ်ကာ သူအင်္ကျီထဲမှာ ဖွက်ထားတဲ့စာအုပ်ကိုထုတ်လိုက်သည်....
ထို့နောက် လက်တစ်ဖက်မှာ ကိုင်ထားတဲ့နှင်းဆီပန်းစည်းကို အိပ်ရာ
ပေါ်တင်ပြီး နေမင်းမဟာ ဟာစာကြည့်စားပွဲမှာထိုင်လိုက်ကာ မှတ်စုစာအုပ်ကို ဖွင့်လိုက်သည်.....

'ဟင်.....ဒါ..ဒါ ငါ့လက်ရေးတွေပါလား...'

နေမင်းမဟာ ဟာ စာအုပ်ကိုဖွင့်လိုက်တာနဲ့ တွေ့လိုက်ရတဲ့လက်ရေးကြောင့် အံ့သြမှင်သက်သွားသည်....

'ငါ...ဒါတွေကို ဘယ်တုန်းက ရေးလိုက်တာလဲ'

စာမျက်နှာတွေကို တစ်ရွက်ချင်းစီလှန်ကြည့်နေရင်းဖြင့် တစ်နေရာရောက်တော့ နေမင်းမဟာ ရဲ့မျက်လုံးတို့က ပြူးကျယ်ဝိုင်းစက်သွားသည်....

ဇူလိုင်လ ၁၅ ရက်နေ့.....

ဒီနေ့ဟာ ငါ့အတွက် ဘဝမှာ ပထမဆုံးသောရင်ခုန်သံကို ရှာဖွေတွေ့ရှိ ခဲ့တဲ့နေ့ဘဲ......စာကြည့်တိုက်ရဲ့ တစ်နေရာမှာ စာအုပ်တစ်အုပ်ရှေ့ချပြီး အိပ်ပျော်နေတဲ့ကောင်လေးတစ်ယောက်.....ငါ့နှလုံးခုန်သံတွေကို မြန်ဆန်လာစေတဲ့ကောင်လေးတစ်ယောက်လို့ပြောရင် ပိုမှန်လိမ့်မယ်