جذآب آشـآقهہ ويگمـ يلهہ
خآل نبدي نقرهہ آلقصـهہ
، ،،،،،،،
وين نآزلين مـو گتلگ مـو بآرت آليشـ مـصـدگون
هہهہهہهہهہهہ يلهہ خآل نقرهہ آلبآرت
البارت الخامس عشر
........ فاتن....
من سمعت امي حجت ع وضع باقر وشلون باقي هناك بالنجف
گلت لازم اخابره وواكف وياه مثل ماوگف وياي
من مات ابوي
رحت لغرفتي ودگيت علي
يدگ وماكو ميجاوب
كررتها هواي
تالي انقفل المبايل
صدگ قلقت عليه دخيلك ياربي الطف بحاله وهون عليه مصيبتة..
امي رادت تروح ثاني يوم للفاتحه
گتلها ماما خلي اروح وياج
للفاتحة
ام حسين : شنو لا عيني مااخذج ابد
ليش ماما فدوه بس اريد اخذ من خاطر البنات
لا ابد مترحين اعرفج ضعيفة بهيج مواقف وماتتحملين
اكعدي واسكتي
وره الفاتحة نروح ناخذ جبره لام باقر
واخذج وياه هسه لا ماكو روحة
ضجت من امي هسه شبيها متاخذني
بلكت اشوف باقر
لبست امي وطلعت
فاتن : شوفي تغريد شلون ماقبلت تاخذني امي
تغريد : اي حقها يمعوده ترحين تتخبلين هناك وتعيطين
انت مو مال هيج اجواء
بس ردت اشوف باقر
شبيج فاتن باقر بحالج هسه كبري عقلج
ماادري بس اشتاقيتلة هواي
وضل بالي علي
ياربي الطف بحاله
صار يومين ممحاجيته لو عبالك سنتين
حاسة بقراق بحياتي
باقر مالي علي حياتي
احبك اكثر من روحي
اريد احجي وياه
مدري ليش خايفة عليه وگلبي لاجمني هالمره
اه باقر اشتاقيتلك حبيبي ...
لليل رجعت امي من الفاتحة
ها يمة بشري
شنو شبشر
شلون صاروا
وج يمة شصاروا ابوهم هسه ميت اكيد متأثرين عليه الله يصبرهم
فتره وراح يعدوها
ماما وباقر رجع من النجف
اي يكولون ابن عمة رايح جايبة كوه
بس واكف بالفاتحة مثل مصدوم مينطق ولا كلمة حتى الي يكله بقية بحياتك ميحجي
حسين اخوج يكوب حاجيته مجاوبني
خطيه والله حيل متأثر
اكثر واحد هو
والفاتحة كلها تسولف عليه
ناس دكول انصدم وميحجي
وناس دكول خاف تعارض
ومن هالحجي
اسم الله عليه
اي والله باقر مايستاهل فدوه لعينه
الناس كلها تحبة وتدعيله
ولد خلوق وصاحب وگفات وي كل الناس كلها تحبه
لو شوفين الفاتحة انترست معممين وسادة
كلها اصدقاء باقر
بس خطيه هو يحاجوه بس يهز راسة
ومتاثر كلش..
ع حجي امي ع باقر
شبعت قهر وخنگتني العبره
شبعت بجي بغرفتي
اريد بس اشوفة واسمع صوته كلشي مااريد
بس اطمن عليه
كون يرد علي
خابرت عليه مغلق
شمرت المبايل بالگاع
باقر حاجيني فدوه متتت اخلافك متت
متت
شلون يربي لازم اسوي شي
اريد اشوفة
اريد اوگف وياه مثل ماهو وگفلي
وطلعني من حالتي
كعدت ابجي
بعدين اذكرت
من يگلي من تضوجين طلعي القران واقري
راح ترتاحين
كمت توضيت وفتحت القران كعدت اقره
صدك ارتاحيت
بس بالي يمة
نمت الصبح كعدت للدوام من وكت
تريكت ومرت علي نوسة
رحنا للمدرسة
نمشي ومصطفى لكيته واكف بركن دربونتنه
كلت نوسة شيسوي هنا
كلت يم اصدقائه
شافني من بعيد ضل يوزع ابتسامات
ديله بالله هسه
اني بحاله بطران هذا
وصلنا يمه
كتله صباح الخير
صباح النور شلونكم
الحمد الله احسن
اوصلكم
كلتله نوسة لا نندل الطريق كلش زين
انتي معليج محاجي وياج
احجي وي فاتن
كتله لا مابحاجة احنه نروح
قابل عندك سياره وتوصلنا
كال لا بس كلت امشي وساكم لباب المدرسة
بكيفك
شكد مليق اوي
كال فاتن عود عندي موضوع وياج اريد
احجي بي بس وحدنا
كتله خير
كال مو هنا
باحر اجيكم
هلة بيك شوكت متجي
شكرا يله اروح لكليتي اني
الله وياك
راح كلت لنوسة شكو شيريد
اكيد ع الخطبة
يمعوده مستعجل كلش وطاير فرح
كتلها ياخطبة
تره اني رفضت معتبرته مثل اخوي
ياريت توصليها اله
ماازوج عندي دراسه
وعفيه لا تحرجونه وكل شويه فاتحين الموضوع
ياريت تكليله لا يجي ولا يتعب نفسه
خلي يشوف غيري
كالت ع كيفج شبيج عصبيه عيني
شنو شبيه اخويه وترفضيه
حبي مابي شي بس اني مااريد ازوج
ليش فاتن عفيه لا توكفين بطريقنا
شلون يعني
خاف من ترفضين تصير مشاكل وتأثر علينا اني وعلاوي
وانتو شكو بالموضوع انتم شغلتكم وحد
انتوا واحد يحب الاخ
ومتفاهمين
اما اني مااحب مصطفى ومعتبرتة مثل الولد اخواني...
وصلنا للمدرسة
هم دروس وامتحان جان عندي
وشلون وقت مثل وقت موتت ابوي بابضبط
هم امتحانات اخر شهر ولازم اطلع معدل
حتى ادخل للامتحان الوزاري
واني بالي وين هسه حتى لو دارسة هم ضيعت كلشي
رجعت للبيت مخنوگه
بوجهي ع المبايل بلكت مخابرني
بس ماكو
دكيت عليه مغلق بعده وتالي باقر وتالي
مرر اسبوع واسبوعين وباقر ماكو
لا يخابر ولا تليفونه فتحه
حسين من اجه من الشغل
كال محمد لزم المعمل بدال باقر
يكول باقر معتكف بالجامع صارله اسبوع
ميطلع منه حتى يبات هناك
وشيخ الجامع يجيبله اكل وشرب
رحت اله اني والولد حاولنه نجيبه بس رفض
كال عوفوني معتكف وي ربي لحد يزعجني بعد تره اعوفكم ولروح لمكان متندلوني ابد
عاد احنه عفناه ع راحتة
بس امي تون وتبجي عليه
امي كالت اويلي عليه شجاه الولد
ياربي يبرد كلبه ويردة لعقله
يتبع💋💋
آذآ تگدرون آن توصـلون هہآذ آلبآرت آل50تصـويت
وآللهہ عرفگمـ وگفومـنگمـ توصـلو 50
گآفي تعبت
هہهہهہهہ صـدج بآجر مـآگو بآرت
بآي
