تمـنهہ آلگمـ قرهہ مـمـتعهہ
البارت الرابع
اخذت المبايل ودخلت للبيت
بس خايفة ومتوتره
عبالك مسوية مصيبه
دخلت ابوي فتحلي الباب بسته
ودخلت
كال هله بوية الله يساعدج
ويساعدك يابه
امي كالعاده منتظرتني
كالت غيري ملابسج حتى اصبلج الغده
رحت للغرفة اول شي ضميت المبايل
بكنتوري وقفلته
وبعدين غيرت ملابسي
امي لكيتها صابه الغده
كوه كلتلي شويه تمن وروبه
قلقه كلش ومعدتي كامت تفور
كمت شلت الصينيه
كالت امي ها كتلها شبعت
وج شكلتي عزه بعينج
يمه والله مااريد شبعانه
وج خاشوگتين مااكلتي
شلون شبعتي
اكلت لفة من الحانوت ماما فدوه اريد انام
تعبانه
روحي يله
دخلت للغرفة فتحت الكنتور اخابره
لا اخابره لا
استحيت اخابر
گلت هسه شيگول
ماصدگت تخابر
خليها لليل
رجعت ضميته
نمت ع فراشي
گمت اتكلب
تالي رجعت فتحت الكنتور
وفتحت المبايل
دورت كلشي مبي بس رقم محفوض بي
بله اسم
گلت اخابر
لازمته اجتني رسالة
فاتن اكدر اخابرج
رجعت الرساله
عادي
بس شنووو گمت ارجف وانخبصت
مااعرف شصار بيه
دگ بيدي جاوبت
گوه طلعت مني الووو
باقر.. السلام عليكم
فاتن وعليكم السلام
شلونج
الحمد الله زينه
بقينا اثنينا ساكتين
كل شويه يگول الوو
واني ارد بالوو
بعدين كال
لمياء گلتلج ع الموضوع
گتله اي
گال وشنو رأيج
سكتت مجاوبت
گال شنو السكوت علامة الرضى
شوفي فاتن والله العضيم عمري كله لا حاب بنيه ولا رافع عيني ع وحده
مااعرف ليش انت الوحيده گلبي رفلج
وحبيتج ان شاءالله راح اتقدملج
بس هسه عندي مشكله بس اخلص منها
واتقدملج
كتله ان شاءالله
كال يله روحي مع السلامه
مع السلامه
سديته منا
واني فرحانة كلش بكلامه
طايره فرح...
العصر حجيت لتغريد ع الي صار
گالت عزه بعينج المن اخذتي المبايل
لحد يشوفه عندج
گتلها لا ضامته لا تخافين
گالت اخذي حذر بعدين
شنو المشكله الي صارت ومنعته كتلها والله مااعرف.....
يوم وره يوم تقوه علاقتنا
يومية اخابره ويخابرني
سوالف عاديه
فد يوم كلي فاتن اني استحرم
واني هسه مثل ماكتلج عندي مشكله مااكدر اتقدم الج
وعلاقتي بيج بي نوع من الحرمة
يعني كلامنا حرام واني رجال اخاف الله
كتله يعني شنو
كال يعني مااكدر بعد احجي وياج
اله بحالة وحده
كتله شنو هي
كال اعقد عليج
گتله شلون تعقد علي
گال عقد منقطع حتى لا يصير حرام بينا
اني خفت گتله شنو يعني ازوج بله علم اهلي
گال وين راح بالج
عقد منقطع هذا بس ع مود لا يصير الكلام الي بينا حرام
عقد بيني وبينج
كل اسبوع اجدده تصيرين زوجتي
واكدر اخذ راحتي وياج بالكلام
اني خفت صراحة
كتله لا مااقبل
فاتن شبيج خايفة تره هو مجرد عقد بينا زوجتك نفسي دكولين وهاي هي
لا تخافين والقران اذي نفسي ولا اذيج
اني بس اخاف عليج وعلي من الحرام
هذا عقد حتى لا نوكع بالحرام
وبعدين احنه بس نتخابر
وانتي بنت باكر يعني ميصير الي ابالج
اله بأذن الولي
يعني ابوج
هذا عقد منقطع بس حتى ميصير حرمة بينه
بقى يقنع بيه لحد ما اقتنعت
وفهمني وعلمني شنو اكول
وعقدنا
وكل اسبوع يجدده يدزلي فلوس الي يكول انت محسوبه مني...
كلش حبيت باقر انسان بمعنى الكلمه
ماتصورت يحمل هيج گلب حنون
ويحبني هيج
بس جنت اضوج من شغله وحده
جان مقيدني هواي
لبسج ضيگ
وهاي صاحبتج لا تمشين وياها
اغاني لا تسمعين
مسلسل تركي لا تشوفين
جانت ستوها تطلع التركيات
وكل الناس تتفرج عليها
واني من اكله اتفرج يضوج
يكلي بدال ماتتفرجين ساعه ع هالتفاهات
روحي اقريلج جزء قرأن
لا اكلكم ولا دكلولي
عقدني كلش
مرات يعصب ويصيح علي
ويسده
وره ساعه يخابر ويتعذر
علاقتنا قوة اكثر واكثر
وصرنا عبالك صدگ متزوجين...
تعلقت بيه كلش وتعلق بيه
طبعا علاقتنا ماتعدت المخابرات
ابد مافد يوم طلب مني
اطلع وياه لو شي
بس مخابرات
بس مااعرف ليش ياجل موضوع الخطوبة
ويكلي اصبري ان الله مع الصابرين....
فد يوم بالليل نايمين
وندفر الباب
طفرت اسمع اصوات
انفتح الباب علي
واحد لازم اسلاح ورفعة علي
كال اششش ولا كلمه
خفت كلش منا
كال وين ابوج كتله ماادري
كال كومي يله كومي
كمت وهو خال السلاح ع راسي
كمت ارجف من الخوف
طلعت بله حجاب كال اكعدي
شفت اخواني كلهم بالهول
وتغريد وامي
وابوي سحلوه ويضربون بي
طفرت صرخت بابا
واحد دفرني برجله ورجعني
اخوي حسين هم راد يكوم
ضربه ع راسه بالسلاح
كال اي واحد يطلع صوت هسه نكتلكم كلكم
نرجف ونبجي جان مثل الكابوس
فلم رعب عبالك
مسلحين ملثمين كولهم طالعه بس عيونهم
ولازمين سلاح
ويضربون بخواني
سحلو ابوي
امي حاجتهم فدوه عوفوه
صاح واحد عليها اسسسس
ويأشر باصبعه
ابوي يكلهم اكتلوني
بس لا تأذون عائلتي
جروو ابوي مثل الخروف
واحنه نبجي بسكوت
واكفين فوك راسنا اكثر من خمسة مسلحين
واثنين يضربون بابوي
دموه ادمي
يتبع....
آلگآتبهہ نآقتي بعآبآتي
💋💋
