هہآذ آلبآرت هہديهہ
هہمـسـهہ خجل
البارت السابع
... فاتن.....
نفسيتي تعبت مااكدر انسى الموقف ابد ميروح من بالي
كمت كل يوم انام اشوف ابوي بالحلم
ونفس اللقطة تنعاد علي
هم ابوي يباوعلي
وهمه يجروه
واني اصرخ
بدوا ياخذوني للسادة والأئمه
امي رغم هي بالعده
بس خطيه كامت تطلع بالبوشي ع مودي
الى ان حسين وامي قررو نتحول بغير بيت
هنا باقر تركته هاي الفترة
ولا اخابره ولا ادري بمبايلي وين
اخر مره تغريد گالت ضمي عندي المبايل
كلشي يصير
انطيته الها
وبعد مااخذته
لان مو بحالة اني ابد بالليل بس اصرخ
وبالنهار نايمة
عمي الجبير ابراهيم
ضل يتردد علينا
واحتار بيه يوميه ياخذني لمكان
وين مايوصفوله سيد يقره
ياخذني اله
ملوا
اخر شي اكو سيد كال غيروا البيت
والمكان
روح المرحوم ونفسه ضله بالبيت
روحة تفتر ابيتكم
عاد عمي حاجه امي وحسين
ام حسين خويه احسن حل اجر الكم بيت
لحد ماينباع بيتكم
البت راح تتخبل صارت بيها حالة نفسيه
وهي شابة وبنيه
مانريد وضعها يتأزم اكثر
اني اشوف احسن حل تشيلون يمي
بمنطقتي
عمي جان گاعد بالشعب
امي گالتله بكيفك خويه
اهم شي بنتي عندي ماريد البيت كله
اني هم البيت الي اخذ نعيم مااريده
كرهته
تره مو بس فاتن نفسيتها تعبانه
كلنه هيج
بس هي تأثرت اكثر وحده
ثق بالله اني حتى من افوت من المكان الي جروه بيه
اموت قهر
والليل كله صورته متروح من بالي
اني اشوف احسن شي اخذ جهالي
وطلع من المنطقه كلها
اندار عمي ع حسين
وانت بيويه حسين شدكول
عمو اني من اول يوم انخطف ابوي
كرهت البيت
اني اول واحد موافق
عمي كال ماشي
باجر اروح للدلال الي بمنطقتنا واشوف بيت ايجار الكم
لحد ماينباع البيت
وتشترون غيره
اتفقوا كلهم وعمي طلع
امي گلبتها مناحه
بكل ركن من البيت توگف وتبجي
ودگول هذا البيت بي ريحة نعيم
وكل زاوية منه تذكرني بي
نعيم اني راح اطلع من البيت
لخاطر جهالك
نعيم متت وبموتك كسرت ضهري
خليت حمل جبير ع ضهري
سامحني ابو حسين
مجبوره اطلع من البيت
البيت المابيه انت مااريده
عساه متفلش ومهدوم
توترت امي كلش وضلت تنوح وتبجي
حتى خالتي ام باقر اجتنا سمعتها تنوح
واجت طبت علينا
عاد امي گالت الها راح اعوف البيت
غصب علي
تعبت وجهالي حالتهم النفسيه تعبت
واني هاويه ناويه
ساعة اكول البيت بي ريحة ابو حسين
مااعوفه
وساعة اكول مااريده البيت
راح راعيه شلي بيه
ضلت ام باقر تهدي بامي وتصبرها
گالت والله يعز علينا نفاركم
بس اذا هالشي يريحكم
مانكول الله ربي يريكم ويصبركم
صاحت علي فاتن تعاي
اجيت سلمت عليها
شافتني منتهيه
وجهي اصفر وضعفانةة كلش عود صرت
الليل ماانامه ابد كمت اخاف من الليل واكرهه
ضربت ع خدهه
يايمه شصاير بيج ليش هيج
امي كالت الها فوك كسرتي بابوها
فاتن شلعت گلبي
بنتي راح تروح من اديه
شوفي حالها شصار بيه
خيه حقج والله ولا عرفتها گاضيه البنيه
ضلت تحجي علي خاله ميصير هيج
حرام يمةةة
هذا يومة وكلنا ع هالطريق
خاله امنت بالله
بس موتة بشعه
خاله موقف ماانساه مااكدر
اي خاله صدگ الله يساعدكم
ميخالف يمةةة
بعد هذا المكتوب مامنه مهروب...
ترخصت ام باقر راحت
وامي گالت لمن اغراضجن
صاحت ع مرتضى
كالتله روح جيبلي كارتون من السوك
خلي الم الفرفوري بيه
بدينه نشدد
اني وتغريد
نلم بالاغراض ونبجي اني وياها
طلعت المبايل من الغرفة گالت
فاتن هذا المبايل ترديه لو تبقيه يمي
اني شفته واذكرت باقر ضليت ابجي
اذكرت كل سوالفنا
قبل لا يموت ابوي
وضحكاتنا وزعلاتنا ونصائح باقر
وسوالفه
يعني هم ابوي فاركته وهم باقر بعد مااشوفه
....... باقر.........
وره مطلعت من بيت ابوحسين
ضليت اكل بروحي ع فاتن
لو بيدي ازوجها واجيبها يمي
واني اطلعها من حالتها النفسيه الي هي بيها
بس شسوي لابوي
رجعت روحي طافره صليت صلاة الصبح
ونمت
الصبح كعدت رحت للمعمل واني افكر شسوي شلون اتصرف وي ابوي
المشكله هذا ابوي
لا اكدر اكسر كلمته
لا اكدر اطلع ع امره
لا اكدر اناقشه
يعني شلون اقنعه مااعرف
هاي عقليته هيج
دكيت ع فاتن اطمئن عليها
ماكو مغلق
خابرت ع حسين سألته
كال نايمه لسه
كتله عوفوها ترتاح
مر يوم يومين
اخابر مغلق
ايستحي اسئل عليها بعد
اخر شي طگت روحي
حاجيت امي يمةةة فدوه
حاجي ابوي اقنعي
گالت ع شنو
يمة ع شغلة فاتن يمة حرام عليكم
اريد ازوج والبنيه هاي اريدها
كالت يمه صدك جذب هسه همه بحال زواج
هستوهم ابوهم ميت ومهجوم بيتهم
شبيك تخبلت
حتى عيب واحد يفتح هيج موضوع
يمه مراح اتقدم الها هسه
بس اريدج تقنعين ابوي
يعني الرجال ومات الله يرحمه ويغفرله ذنوبة
البنيه شعليها بسوالف ابوها
يمة والله مالي شغل
اني صدگ اعترضت بالاول عليها
بس اذا انت تحبها الله يسعدك
ابوك معند شسويله
يمةة حاجيه فدوه ابوس ايدج ميصير هيج
يتبع...
آلگآتبهہ نآقتي بعآبآتي
💋💋
