He Who Must Not Lie

Chapter 6: Getting to Know Each Other

"So, when are we going to start our training?" seryosong tanong ni Vitani.

"Tomorrow. After attending your academic subjects," sagot naman ni Professor.

"What? We still have to study?" and this confirms that she's stupid.

"Of course you have to. What will be your foundation for the next year level?"

Kumunot lamang ang noo ni Vitani. Ang third placer naman ay nakatingin lamang sa amin na parang nakikinig lang. Hindi ko pa naririnig ang boses niya.

"Let's just discuss the points of our training tomorrow. Enjoy your first day as Reapers. Please also get to know each other," papaalis na sana siya nang muli siyang humarap sa amin. "And by the way, roaming around the corridors at night is strictly prohibited," she said emphasizing the word strictly.

"Professor, may I ask something?" habol kong tanong nang papaalis na sana siya. Tumango naman siya bilang sagot. "I'm just wondering. Is the corpse... in your coffin... a real corpse or not?"

"It's a clone corpse Mister Scamander bewitched to look real," nakangiting sagot niya. Tumango naman ako. Tumalikod na siya at naglakad palabas.

"Natakot ka ba?" rinig kong nanunuksong tanong ni Vitani na hindi ko pinansin. Ni hindi ko nga siya tinapunan ng tingin.

Nagsimula akong maglakad-lakad sa buong bahay. Inisa-isa ko ang bawat lugar nang may nakita akong isang mini-library. Pinihit ko ang doorknob saka binuksan ito. Sumalubong sa akin ang magkahalong amoy ng mga libro at ng alikabok.

Pumasok ako dito at karamihan sa mga librong nakita ko ay nabasa ko na. Ang ilan ay may kopya rin akong dala. Lumapit ako sa isang shelf at ginala ang aking mga mata.

Naghanap ako ng librong maaaring makakakuha ng interes ko. Pinadaan ko ang hintuturo ko sa mga nakahilerang spine ng mga libro habang binabasa ang bawat pamagat. Gumuhit naman ng linya ang aking hintuturo dahil maalikabok ang mga libro. Pagdating ng aking hintuturo sa sumunod na spine ay napatigil ito. Nakasulat sa spine nito ang The Magic Orgs. and Assoc.

Kinuha ko ito at nilapag sa nag-iisang mesa at saka umupo sa isang upuan. Sa cover ng libro ay may nakalagay na Famous Organizations and Associations in Magic Dome

Binuksan ko ito at bumungad sa akin ang larawan ng isang lalakeng may suot na top hat at puti na rin ang malagong buhok. Sa ilalim ng larawan ay nakasulat ang "Minister Armadios Crouge." Siya ang kasalukuyang Magic Minister sa buong Magic Dome.

Sa sumunod na pahina ay ang larawan ng anim na Lorics na miyembro ng Magic Ministry. Hindi ko na lamang muna ito pinansin dahil wala pa akong pakielam sa kanila. Sa patuloy ko na paglipat sa mga pahina ay sunod kong nakita ang larawan ng limang Lorics. Sa ilalim nito ay nakasulat ang "The Natural Alliance."

Kilalang-kilala ko silang lima. Sa katunayan, buong Magic Dome ang nakakakilala sa kanila. Dahil dito ay mas naging interesado pa ako sa libro. Umaasa na sana ay may mabasa ako dito na hindi ko pa alam.

Tiniklop ko ang libro at inipit sa bandang kili-kili ko saka ako lumabas ng mini-library. Sa daan pabalik sa sala ay nakasalubong ko ang Slumber Mage na nakalimutan ko ang pangalan. Tanging sina Vitani at Percival pa lamang ang kilala ko sa kanila dahil sila lang naman ang nakausap ko.

"Nandiyan ka pala. Bumalik na tayo doon sa sala. Magkakaroon daw tayo ng getting-to-know-each-other session," sabi niya sa akin saka tumalikod at nagsimulang maglakad pabalik.

Sumunod naman ako sa kaniya. Pagdating ko doon ay nakita kong kumpleto na pala sila at ako na lang ang hinihintay.

Si Percival at ang Card Mage ay naghaharutan sa sofa bed at nakikisali rin ang Summoning Mage na kilos-bata. Umupo naman ang Slumber Mage sa hawakan ng sofa bed. Ang third placer naman ay tahimik lamang na nakaupo sa single sofa habang si Vitani naman ay nakatayo lang sa isang sulok at nakatingin lamang sa kanila.