واختار قلبي لهجة عراقية وتتوفر فصحى على منتدى روايتي قلوب احلام

الفصل الثاني

ارجو التصويت 

#واختارقلبي

بالعامية

كتابة رؤى صباح مهدي

الفصل الثاني

ظلت ام ازهر تتوسل بالشرطة وتصيح :

"اكيد غلطانين .. شنو هالظلم؟؟؟ ليش ت اخذون ابني ؟"

بس الشرطة اخذت ازهر وراحو على القسم. بنفس اللحظة الام والأب لبسوا وراحوا ورا سيارة الشرطة ديفتهمون تفاصيل اللي صار . سمع أبو ازهر عن اطلاق النار اللي صار بالشارع بس ما توقع ان ابنه هو السبب.. واصلا ما انطوا الموضوع أهمية لان عادي يعني بمواسم المباريات او حتى بالاعراس والطهور الناس تضرب نار واكو ناس تتصوب مرات فالشغلة مو كلش اهتموا الها لحد ما عرفوا ابنهم ازهر متورط واجتي الشرطة علي يلة عود بدوا يسألون على اللي صار الليلة القبلها... ظل أبو ازهر يتوسل بالشرطة حتى يفهموا تفاصيل اكثر فكعد يمة شرطي وشرحله الموضوع واكيد الرجال انصدم. الام وكعت على الكاع من الصدمة فابنها هسة متهم بجريمة والشرطي كللهم احتمال يفوت للسجن سنوات هواي الا اذا اهل المجني عليه قبلوا ياخذون فلوس ويسكتون. الصدمة اللخ هي معرفتهم بشخصية المجني عليه.. جمال ابن جيرانهم!!!!

هذا الولد الطيب اللي الكل يحلف باخلاقة وشهامته.. ضاج كلش على جمال بس مو بكد ضوجته على ابنه. لازم يحل هذا الموضوع قبل لا يتأزم اكثر. شال التليفون ودك على أبو جمال. مارد بالبداية لان ماشاف الاتصال بس ابو ازهر ما استسلم وخابر مرة ثانية ومن شاف أبو جمال الاتصال كلش فرح بي. ميدري انه الرجال مخابر مو لخاطر جمال لا بس لخاطر ابنه..

كال أبو جمال بصوت متلوع:

"شلونك خوية... ابني جمال أي اللي تصوب.. أبو قلب الجبير تصوب "

جاوب أبو ازهر وجان هم مختنك وخمن من نبرة أبو جمال ان هو ميعرف بموضوع ازهر :

"الله يصبركم على هالابتلاء.. انت وين هسة؟ بالمستشفى؟"

رد علي الحجي أبو جمال:

"الحمد لله على كل حال. اني هسة بالمستشفى يم جمال دننتظر حتى نقدر ندخل نشوفه"

فابو ازهر كله ان هو راح يجي على المستشفى حتى يطمئن عليهم ويحجي ويا وبعدين غلق الخط وهو كلش حاير شلون يكول لابو جمال على موضوع ازهر. بنفس اللحظة سمحوا الشرطة لاهل ازهر يشوفوا ومن دخل الغرفة راسا امه ذبت نفسها علي وحضنته بينما أبو جان متنك علي . كال الابو:

"ليش هيج بوية ازهر ليش؟ شلون اخذت المسدس من ورة ظهري ورحت تتباهى كدام اصدقائك واله شوية جان قتلت انسان برئ. لهل الدرجة وصلت بيك اللامبالاة؟"

جاوبت ازهر بدون اهتمام:

"شوكت اطلع منا بوية؟ المكان حيل وصخ"