Will it be the same? (COMPLETED)

Chapter 45

3rd Person's POV

"Ano pa ba?"

"Teka.. parang.. lagyan ko kaya nito?"

Habang nagkakape si Vhong ay mataimtim niyang tinitignan ang tatlong painting sa harapan niya. 1 week ang leave niya sa trabaho, maluwag ang mga boss niya kaya hindi niya iniisip pa sa ngayon ang trabaho niya. Habang nagpapahinga dahil kakalabas niya lang ng ospital ay naisipan ni Vhong na muling magpinta. Nung isang araw kasi ay tinawagan siya ng kanyang professor. Inaalok siya nito na sumali sa isang open art exhibit.

Dahil bored si Vhong sa ilang araw na pananatili sa bahay, pumayag na siyang sumali dahil wala naman itong bayad, at professor na niya mismo ang nagsubmit ng application entry niya para don kaya wala na siyang po-problemahin.

Pinagmamasdan ni Vhong mabuti ang tatlong painting na nagawa niya, sinimulan niya ito nung isang araw pa at finishing touches nalang ang nilalagay niya ngayon dahil ito rin ang araw ng exhibit.

Simula nung nagumpisa siyang magpinta, bata pa siya non.. nasa elementary palang siya nung nahiligan niya ito. Pero simula nun ay pinagarap na niyang mapasali sa isang malakihang art exhibit. At kung papalarin ay pangarap rin ni Vhong ang magkaroon ng solo art exhibit. Ito ang unang pagkakataon na mas maraming makakakita ng gawa niya. Nagpopost siya ng mga ilang artworks sa social media pero hindi rin ganon kadalas.

Napatigil si Vhong sa pagmumuni-muni nang biglang may kumatok. Dali dali siyang nagsuot ng shorts dahil naka boxer lang ito.

"Ang tagal mo naman buksan yung pinto!" pagbukas niya ay bumungad sakanya si Anne na may dala-dalang paperbag sa magkabilang kamay.

"Babe.. ang aga mo?" agad niyang kinuha ang bitbit ng girlfriend tapos ay hinalikan niya ito sa pisngi.

"Why it took you so long to open the door? Natutulog ka pa ba?" pagpasok ni Anne ay bumungad sa kanya ang tatlong medyo may kalakihang canvas, medyo makalat pa ang unit ni Vhong.. halatang hindi pa ito nakakapaglinis ng ilang araw.

"Eh kasi naka boxers lang ako" napakamot ng ulo si Vhong habang sinusundan ang kasintahan sa kusina.

"Asus, nahiya pa!" inaayos ni Anne ang mga dala niyang pagkain. Nagluto kasi si Nanay Bing ng mga lutong ulam para kay Vhong, nalaman kasi ng matanda na may ref na si Vhong kaya agad itong nagpadala ng mga pagkain na aabot hanggang isang linggo.

"Malay ko ba na ikaw yung kakatok. Ang dami naman nito babe" inuusisa ni Vhong ang mga dala ni Anne, may dala pa itong mga prutas at ilang bottled beverages, maging gatas at yogurt.

"Padala ni Nanay yung mga ulam, naisipan ko lang dagdagan ng fruits, milk, yogurt at cereals.. para kapag nagmamadali ka sa umaga, pwedeng ito nalang ang breakfast mo" napangiti si Vhong sa sobrang caring ng kanyang girlfriend. Kung ganito ba naman ang umaga araw-araw.. mas nakaka inspire magtrabaho sa isip-isip niya.

"Ang thoughtful at sweet naman ng Annieka ko, kaya love na love ko to eh!" Vhong gave Annieka a tight backhug, he leaned his chin on her shoulder at bahagyang inamoy ang buhok nito.

"So pag di ako sweet di mo na ako love?" hinarap ni Anne si Vhong

"Syempre love pa rin!" sagot niya pero biglang kumunot ang noo ni Anne

"Umagang-umaga ang dusing dusing mo! ano bang pinag gagawa mo?" pinunasan ni Anne ang nakitang pintura sa noo ng boyfriend tapos ay naglakad papunta sa sala.