The Buddy Project FF

Flash Back to Camping trip

RV: nahi Panchi.. pata hai mujhe Aisa lag raha tha jaise zindagi mein kuch baaki hi nahi hai. Tune meri jaan bachane ke liye apni jaan dav par laga di thi Panchi... Agar uss din tuzhe kuch ho jata to... Panchi... that thought scares me yaar!! Aur jab mai daldal mein fas gaya tha tab tu muzhe bachane ke chakkar mein uss daldal ke itne paas aa gayi thi... Tu gir sakti thi Moti par tune tab bhi apne baare mein nahi socha aur phir... Phir maine kya kiya? Tere saath maine jo behave kiya tuzhe itnaaa hurt kiya.. Main... Main... I don't know yaar Motii... Main tuzhe kisi bhi halat mein khona nahi chahta Panchi... Tu... Tu mere liye sab kuch hai... Mai... (starts crying hard)

Panchi: Nonu... I am really sorry uss baat ko mention karne ke liye... Tum please apne aapko blame mat karo. Aur muzhe batao agar uss vaqt tumhari jagah mai hoti aur meri jagah tum hote to kya tab tum wahi nahi karte jo maine kiya tha? Ranveer tumhe khone ka thought mere liye bhi utna hi scaring hai aur tumhari jaan maine tumhare liye nahi bachai balki apne liye bachai... Kyuki agar tumhe kuch ho jata to tumhare bina kya mai jee paati Nonu? Wo bhi uss guilt ke saath ki mere saamne tum jaa rahe the aur maine kuch kiya bhi nahi... Tell me?

KD: guys guys!! Ek min... Ye sab kya ho raha hai? Accident ke baare mein to hum jaante hai par ye daldal ka kya chakkar hai?

Kiya: Haa guys... Kya bol rahe ho tum log?

Piddi: Wo KD bhai... Camping trip yaad hai? Uss vaqt Ranveer daldal mein gir gaya tha. Usi ki baat kar rahe hai dono

KD: Haa aur hum log trip se jaldi vapas aa gaye the lekin reason kisiko pata nahi tha... Ranveer Panchi Rukmini sab disturbed the and we had no idea about it. Bass badme itna pata chala ki Panchi Aur Ranveer ke bich ek kiss hui thi

Kiya: Right... Guys hame bhi batao uss din hua kya tha?

Panchi: Nonu... Come here (hugs him) Are you ok?

RV: Ya Panchi.. I am ok!

Samar: Janab hume to kuch bhi samaj nahi aa raha hai baat kya ho rahi hai... Kaunsi camping trip aur kya baat kar rahe ho?

Panchi: Wo guys! Jab hum log camping trip ke liye gaye the tab yaad hai hum kho gaye the wo bhoot wale incident ke baad? Uss raat hume ek aunty ne rehne ko ghar diya and wo shayad astrologer thi. Uss raat unhone mera aur Ranveer ka future predict kiya tha and being so called best friends humne aunty ka kaafi mazak banaya lekin jab hamne unhone diya hua sharbat piya tab mai apna hosh kho baithi aur najane kya kya bol gayi lekin Ranveer ne us sharbat ka asar resist kar liya tha so wo hosh mein tha. Subah jab hum uthe tab Nonu apne khayalo mein bohot khoya hua tha lekin muzhe kuch pata nahi tha kyuki sharbat ke asar ke saath raat mein maine kahi har baat mai bhool gayi thi. Jab maine janane ki koshish ki to Nonu ne muzhe apne se duur dhakel diya aur mai gir gayi. Muzhe jab chot aayi tab Ranveer ko realise hua ki wo kya kar raha hai and He apologised. Phir jab sab normal hua to masti ke mood mein wo ulta chalne laga aur keechad mein gir gaya.

RV: To be specific.. Wo keechad nahi Daldal tha aur mai usme buri tarah fas gaya tha aur andar dhaste ja raha tha. Uss vaqt Panchi ne muzhe bachane ke liye bohot koshish ki par kuch kaam nahi kar raha tha lekin finally Panchi ne dimaag lagakar ek daali ki madad se muzhe badi mushkil se bahar kheecha aur bacha liya. Uss din pehli baar muzhe Panchi ke liye kuch mehsoos hua. Bahar aate hi Panchi ne muzhe hug kiya aur...

FLASHBACK

Panchi: Ranveer... Ran!! pagal ho kya? (hugs) Nonu tum pagal ho kya? Kitni baar samjhaya tumhe apna khayal rakho... Kyu nahi rakhte ho apna khayal? (Cries and hits him) Bachpan se lekar aaj tak samjhati aayi hu... Nonu kyu nahi rakhte ho apna dhyaan? Kyu Nonu? Why are you so careless Nonu? Why... aree... you... so... careless?? (Hitting him on chest) You are so important... You are really (Ranveer suddenly kisses Panchi and all the emotions were involved in it)

FLASHBACK END

RV: Actually nahi Uss din usne muzhe realise karvaya ki mai kisike liye kitna important ho sakta hu aur koi mere liye kitna important ho sakta hai. Mai kuch soch to nahi pa raha tha but in the heat of moment maine Panchi ko kiss kar diya aur hum ek dusre mein itne kho gaye ki Piddi aur Rukmini ki presence sense nahi kar paye aur Rukmini ne hame kiss karte hue pakad liya.

Kiya: Ohh aur phir Ranveer ka break up Rukmini se hua

KD: aur phir Panchi Aur Ranveer...

RV: Nahi Kiya KD... Bich me aur bhi bohot kuch hua jo tum logo ko pata nahi hai!

Panchi: humne Rukmini ko bohot samjhane ki koshish kee ki wo ek galti thi lekin Rukmini ne Ranveer ko hum dono me se ek ko choose karne ke liye keh diya and humne aapas mein baat karke faisla kiya ki Ranveer Rukmini ko choose karega kyuki after all humne galti ki thi aur uski saza hume milni hi thi.. maine decide kiya ki mai Ranveer ki life se hamesh hamesh ke liye duur chali jaungi. Jitna socha tha usase bohot jyada difficult tha wo sab aur kuch din baad jab mai himmat harne lagi tab maine decide kiya ki mai college chhodke chali jaungi. Jab mai transfer certificate ke liye Dean sir se baat kar rahi thi tab Piddi ne sab sun liya aur Ranveer ko jaake bata diya.

Piddi: Jab tak mai Ranveer ko le aata tab tak Panchi ghar chali gayi thi aur Rukmini ki kadvi baato se Ranveer gusse mein aa gaya aur muzhe aur Rukmini ko saath lekar Panchi ke ghar jaane ke liye nikal gaya.